„დღეს ძირითადი თანხები საბანკო სექტორშია მოქცეული, რაც ქვეყნისთვის ძალიან დიდი რისკია“ - აიეტ კუკავა კაპიტალის ბაზრის განვითარებაზე

access_time2017-11-02 17:40:40

ვინაიდან დღეს საზოგადოებას არ აქვს ინვესტირების არჩევანი, დანაზოგები მიიმართება ან საბანკო დეპოზიტებზე, ან უძრავ ქონებაში. შესაბამისად საბანკო სექტორში ჭარბი ლიკვიდურობაა, ვინაიდან განვითარებული კაპიტალური ბაზრის არ არსებობის გამო, ეკონომიკის რიგი დარგები არ არის განვითარებული. ამის გარეშე სწრაფი ზრდა და რეგიონში კონკურენტუნარიან ეკონომიკად ჩამოყალიბება შეუძლებელია. „დღეს ძირითადი თანხები საბანკო სექტორშია მოქცეული, რაც ქვეყნისთვის დიდი რისკია, მითუმეტეს, გვაქვს სამი ბანკი, რომელსაც ბაზრის 90% უჭირავს. მაკროეკონომიკური რყევების დროს ბანკები ჩაიყოლებს მთელ ეკონომიკას, ეს არის ჰიმან მინსკის მოდელი“, - ამის შესახებ რადიო „კომერსანტს“ „ალიანს ჯგუფი ჰოლდინგის“ აღმასრულებელმა დირექტორმა აიეტ კუკავამ განუცხადა. ამიტომ, მისივე თქვით, ქვეყანაში აუცილებლად უნდა განვითარდეს კაპიტალის ბაზარი.


რაც შეეხება საპენსიო რეფორმას, კუკავას განცხადებით, ის აუცილებლად უნდა განხორციელდეს.


„ჩვენ ბევრჯერ გვითქვამს, რომ აუცილებელია კაპიტალის ბაზრის განვითარება. დღეს ის ეროვნული ბანკის ზედამხედველობის ქვეშ არის, რომლის ძირითადი ფუნქციაა კომერციული ბანკების კონტროლი. ვინაიდან, ეროვნული ბანკი არის უფრო კონსერვატიული, ისეთი რისკიანი სექტორი, როგორიც არის კაპიტალური ბაზრის ზედამხედველობა, არ უნდა იყოს ეროვნული ბანკის სტრუქტურაში. ეს ძალიან აფერხებს ეკონომიკას, რადგან ქვეყანაში არ არის განვითარებული კაპიტალის ბაზარი და ბიზნესის დაფინანსების ერთადერთი გზა არის ბანკის სესხი. მეორეს მხრივ არის ათობით მსხვილი ბიზნესი, რომელიც იმსახურებს ნდობას მოსახლეობის მხრიდან და მათ შეუძლიათ ფულის მოზიდვა ფასიანი ქაღალდების გამოშვებით, თუმცა არსებული სტრუქტურის გამო ეს ძალიან რთული გზაა. განვითარებული კაპიტალური ბაზრების პირობებში ინდივიდს შეუძლია 10 000 ლარად 50 სხვადასხვა სანდო კომპანიის აქციების ყიდვა, თუნდაც მიზერული რაოდენობის, რაც შემდგომ 10-20 წლის ვადაში ის შეიძლება გახდეს 100 000-ის ღირებულების-აცხადებს კუკავა. 


მისი განმარტებით, ეროვნულ ბანკს ძალით მოახვიეს თავს ამ დარგის კურირება, ამიტომაც ბუნებრივია, რომ ისინი ყოველთვის იქნებიან წინააღმდეგი ფასიანი ქაღალდების ემისიის უფლება მისცენ თამამი გეგმების მქონე კომპანიებს. მიუხედავად იმისა რა ნდობით სარგებლობენ ეს კომპანიები საზოგადოებაში.


როგორც კუკავა აცხადებს, ეს უნდა გააკეთოს დამოუკიდებელმა ზედამხედველმა, რომელიც მოსახლეობას ნათლად აუხსნის, როგორც რისკებს, ასევე შესაძლებლობებს და მისი ძალისხმევა იქნება მუდმივად განვითარებაზე ორიენტირებული. ასეთი გამოცდილების მქონე ქართველი პროფესიონალები მოღვაწეობენ ამერიკის, ევროპის აზიის საფონდო ბაზრებზე, მათი მოზიდვა შესაძლებელია.



მისივე თქმით, „დღეს ძირითადი თანხები საბანკო სექტორშია მოქცეული, რაც ქვეყნისთვის ძალიან დიდი რისკია, მითუმეტეს, გვაქვს სამი ბანკი, რომელსაც ბაზრის 90% უჭირავს. არის საშიშროება, რომ მაკროეკონომიკური რყევების დროს ბანკები ჩაიყოლებს მთელ ეკონომიკას, ეს არის ჰიმან მინსკის მოდელი“.


„ჩვენ გვაქვს ნათელი მაგალითი ვარშავის ბირჟა, რომლის წილი ევროპის საფონდო ბირჟების ბაზარზე უმნიშვნელო იყო, მაგრამ პოლონეთის მთავრობის რეფორმების და ძალისხმევის წყალობით მალე ხუთეულში შევიდა. ბირჟის განვითარება პირდაპირი უცხოური ინვესტიციების კუთხით ბევრ დადებით შედეგს მოიტანს. საერთოდ, თუ ბირჟა არის განვითარებული და ინვესტორებს ოპერაციების წარმოება შეუძლიათ დამოუკიდებლად ონლაინ რეჟიმში ან საბროკერო კომპანიების მეშვეობით, პირდაპირი უცხოური ინვესტიციები ძალიან სწრაფად გაიზრდება, რაც გამოიწვევს ძალიან ბევრი კომპანიის დაფინანსებას და ასევე დასაქმდება ათასობით პროფესიონალი მომსახურე ისეთ დარგებში, როგორიც არის აუდიტი, იურიდიული საგადასახადო კონსულტანტები, ბროკერები, კვლევითი კომპანიები, საინვესტიციო ბანკები და ა.შ.


ამასთან საქართველო არის ყველაზე გახსნილი ქვეყანა რეგიონში, მას შეუძლია იყოს ფინანსური და ბიზნეს ცენტრი მთელ რეგიონში, ყაზახეთი, ტაჯიკეთი, თურქმენეთი, უზბეკეთი, ყირგიზეთი, აზერბაიჯანი, სომხეთი - ამ ქვეყნების ბიზნესები შესაძლოა, გახდეს ჩვენი საფონდო ბირჟისა და დაკავშირებული რიგი საინვესტიციო, საკონსულტაციო კომპანიების მომსახურების მომხმარებელი. რითაც საქართველო როგორც მომსახურე ქვეყანა, დიდ შემოსავალს მიიღებს. მეორეს მხრივ ამით ჩვენი პროფესიონალები ძალიან კონკურენტუნარიანები გახდებიან რეგიონში“, - განაცხადა აიეტ კუკავამ რადიო „კომერსანტთან“ საუბრისას.


„კომერსანტი„




ქვეყნისთვის გარკვეული დამსახურების მქონე ადამიანების სოციალური დაცვა ქვეყნის ღირსების საქმეა

person access_time2018-01-17 10:30:05
დონატა პანჩენკო რამდენიმე წელიწადია თემქის ხანდაზმულთა პანსიონატში ცხოვრობს. ერთ დროს, მისი ცხოვრება რადიკალურად განსხვავებული იყო. ის ქართული ანიმაციის ერთ-ერთი პიონერია. “წუნა და წრუწუნას” ანიმატორი ახლა მოხუცთა თავშესაფარში ცხოვრობს და ამბობს, რომ სრულიად მარტოა. ​”რაზე უნდა ვიოცნებო? – ახალგაზრდა რომ ხარ, მაშინ ფიქრობ, სიყვარულზე, გათხოვებაზე და შვილზე. მე არავინ და არაფერი არ მაქვს, ჩემი თავის გარდა”, – ჰყვება დონატა...

თბილისის მერიაში, მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს

person access_time2018-01-17 09:00:00
თბილისის ვიცე-მერი ირაკლი ხმალაძე და მერის მოადგილე მაია ბითაძე სადისტრიბუციო კომპანიების წარმომადგენლებს შეხვდნენ. დედაქალაქის მერიის ცნობით, თბილისის მერიაში გამართულ შეხვედრაზე დედაქალაქში მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს. მაია ბითაძემ იმ ღონისძიებებზე ისაუბრა, რომელიც თბილისის მერიამ ქალაქში ტრანსპორტის სისტემის მოწესრიგებისა და საცობების შემცირების მიზნით უნდა განახორციელოს. მისი თქმით, მერია მზადაა, აქტიურად იმუშაოს...

„კრიპტოვალუტა ციფრული აქტივების ერთიანობაა“ - ქართული კომპანია კრიპტოვალუტაზე, რისკებსა და სამუშაო მექანიზმზე

person access_time2018-01-16 19:30:34
კრიპტოვალუტა ერთ-ერთი ყველაზე ხშირად გამოყენებადი სიტყვაა ფულით დაინტერესებული ადამიანებისთვის, განსაკუთრებით ბოლო თვეების მანძილზე. თემის აქტუალობამ კრიპტოექსპერტებისა და კონსულტანტების აუცილებლობა განაპირობა, ხოლო მაინინგი აქტიურად მოექცა საზოგადოების ინტერესის არეალში. ამ ყველაფრის პარალელურად, კრიპტოვალუტის გარშემო არის უამრავი კითხვა, რომელთაგან ხშირად დასმულ კითხვებს Bitforx-ის მარკეტინგისა და გაყიდვების დირექტორი, ნიკა ცოტნიაშვილი პასუხობს. — რა მექანიზმით...

ავტოიმპორტიორები VS „სიტროენ ჯორჯია“ - კომპანიები სარჩელის დაუშვებლად ცნობას ითხოვენ

person access_time2018-01-16 18:30:22
6  ბრენდული ავტომწარმოებლის ოფიციალური წარმომადგენლები საქართველოში კონკურენციის სააგენტოს განცხადებით მიმართავენ და „სიტროენ ჯორჯიას“ სარჩელის დაუშვებლად ცნობას თხოვენ. განცხადებას ხელს „ჰიუნდაი ავტო საქართველო“, ჯითი მოტორსი, „სტრადა მოტორსი“, „იბერია ავტო“, „კია მოტორს ჯორჯია“ და „ფრანს ავტო“ აწერს. როგორც განცხადებაშია აღნიშნული, „სიტროენ ჯორჯიას“ მიერ კონკურენციის სააგენტოში შეტანილი სარჩელი იმის შესახებ, რომ ტენდერებს მხოლოდ ხელისუფლების...

„საბანკო სექტორს კლიენტებთან მკაცრი მიდგომა აქვს, მთავრობა კი მას ხელს უწყობს“ - რატომ იზრდება გადახდისუუნარო მოსახლეობის რაოდენობა

person access_time2018-01-17 09:00:39
საქართველოში გადახდისუუნარო მოსახლეობის რაოდენობა ბოლო ორი თვის განმავლობაში მნიშვნელოვნად გაიზარდა. აღსრულების ეროვნული ბიუროს მონაცემებით, თუ 2017 წლის 20 ნოემბრისთვის აღსრულების ეროვნული ბიუროს, მოვალეთა რეესტრში 230 223-ს ჩანაწერი იყო, დღეს ეს მაჩვენებელი 234 958-ს შეადგენს. საქართველოს მოსახლეობის 6,3% რომ გადახდისუუნაროა, თსუ-ს ანალიზისა და პროგნოზირების ცენტრის დირექტორის ვახტანგ ჭარაიას შეფასებით იმაზე მიუთითებს, რომ მოსახლეობის ფინანსური...


მსგავსი სიახლეები