„ავანსის დღგ-თი დაბეგვრა აფერხებს ინვესტიციებს“ - ინფრასტრუქტურული კომპანიები ავანსის დღგ-თი დაბეგვრის 10-თვიან შედეგებზე

access_time2017-11-01 09:00:12

ავანსის დღგ-თი დაბეგვრის წესის ამოქმედებიდან  10 თვის თავზე მსხვილი ინფრასტრუქტურული პროექტების განმახორციელები კომპანიების ნაწილი მის შეცვლას ისევ ითხოვს და მთავრობასთან შუამდგომლობისთვის  „ინფრასტრუქტურის მშენებელთა ასოციაციასაც“ მიმართავს. შედარებით კარგ სიტუაციაში არიან წვრილი კომპანიები და აცხადებენ, რომ ავანსის დღგ-თი დაბეგვრა მათთვის „ტვირთი არ არის“.


ინფრასტრუქტურული კომპანიებისთვის ავანსის დღგ-თი დაბეგვრის ვალდებულება 2017 წლის 1-ლი იანვრიდან ამოქმედდა. აღნიშნული პერიოდიდან დღგ-ით დასაბეგრი ოპერაციის დროდ ავანსის გადახდის მომენტი განისაზღვრა და თანხის გადახდა საქონლის მიწოდებამდე ხორციელდება.


„კომერსანტი“ დაინტერესდა, როგორ აისახა აღნიშნული ცვლილება მსხვილ ინფრასტრუქტურულ კომპანიებზე და გამართლდა თუ არა ის პროგნოზი და მოლოდინი, რაც ცვლილების ამოქმედებამდე მათი მხრიდან არსებობდა.


ინფრასტრუქტურული პროექტების განხორციელებელი უმსხვილესი სამშენებლო კომპანია „კავკაზუს როუდ პროჯექტის“ ფინანსური მენეჯერი ნათია წიფურია განმარტავს, რომ 2017 წლის იანვრიდან ამოქმედებული ცვლილება, რომელიც ავანსის დღგ-თი დაბეგვრას გულისხმობს, დღემდე პრობლემურად რჩება. მისი ინფორმაციით, კომპანიამ ამის მოგვარების თხოვნით „ინფრასტრუქტურის მშენებელთა ასოციაციასაც“ მიმართა, მათ მთავრობასთან შუამდგომლობა და დამხრება სთხოვა.


როგორც წიფურია აცხადებს, ასოციაცია აღნიშნულ თემაზე დღესაც მუშაობს.


„ავანსი 20 პროცენტია, რომელსაც სახელმწიფოსგან ვიღებთ, გამოდის, რომ რეალურად არ ვიღებთ, რადგან შემდეგ 18 პროცენტს ბიუჯეტში ვიხდით. არანაირი შეღავათები არ გაკეთებულა, რეალურად კი გამოდის, რომ ბიუჯეტში თანხას ვიხდით კრედიტის საფუძველზე“-აცხადებს წიფურია.



მისი თქმით, კომპანია თავისუფალ თანხებს, როგორც საბრუნავ საშუალებებს, ისე იყენებდა, ახლა კი ეს შეუძლებელია. შესაბამისად, კომპანიას საბრუნავი საშუალებებისთვის და განვითარებისთვის ნაკლები კაპიტალი რჩება.


„როდესაც სახელმწიფო ან კერძო ტენდერებში ვმონაწილობთ, ეს ავანსი გათვალისწინებულია საბურნავი საშუალებების შესაძენად. ამ თანხას ვეღარ ვხმარობთ, გვიწევს დამატებით კრედიტის აღება და ასე შემდეგ. გამოდის, რომ ერთი და იგივე თანხაზე ორმაგად ვიხდით“-აცხადებს წიფურია.


მისი თქმით, ასეთ ვითარებაში კომპანიას ბევრად უფრო ნაკლები მოგება რჩება, ვიდრე აქამდე. „როდესაც კაპიტალია საჭირო, ბანკს უნდა მიმართო. ბანკში კი ყველამ კარგად იცის, რა პროცენტებია“-აცხადებს წიფურია.


მისი განცხადებით, ავანსის დღგ-თი დაბეგვრა აფერხებს ინვესტიციებსაც. როგორც წიფურია განმარტავს, რეინვეტირებისთვის კომპანიას თავისუფალი ფინანსური სახსრები სჭირდება, დღეს არსებული შემოსავლით კი მხოლოდ მიმდინარე ხარჯებს და ვალდებულებებს ისტუმრებს.


წიფურია აცხადებს, რომ მცირე ზომის კომპნიებს მსგავსი პრობლემები ნაკლებად აქვთ. „გამომდინარე იქიდან, რომ მათ არ აქვთ დიდი მოცულობის ბრუნვა, შესაბამისად, დიდ ავანსებს ვერ იღებენ. მსხვილ ტენდერებში ვერ მონაწილეობენ, სადაც ეს თანხა შეიძლება გადამწყვეტი იყოს. ამიტომ, მცირე კომპანიებისთვის მგონია, რომ ეს ნაკლები პრობლემა იქნება“-აცხადებს წიფურია.


სამშენებლო-ინფრასტრუქტურული კომპანია, შპს „ანაგის“ ფინანსური დირექტორი გიორგი ჩიტაშვილი აცხადებს, რომ გადასვლის პროცესი მეტნაკლებად დისკომფორტული და ხანდახან მტკივნეულია, თუმცა „ანაგმა“ ეს პროცესი წარმატებით გადალახა და არც ნეგატიური შედეგების წინაშე დამდგარა.


მისი განცხადებით, წელს ამოქმედებული მოგების გადასახადის ესტონური მოდელი და ავანსის დღგ-თი დაბეგვრის თემებმა ერთმანეთი დააბალანსეს. „ეს ორი ცვლილება ერთმანეთს აკომპენსირებს, ზოგ კომპანიაში ერთი მხარე წონის, ზოგში - მეორე. ჩვენს შემთხვევაში  ეს რეგულაცია ტვირთი არ არის“-აცხადებს ჩიტაშვილი.


შეგახსენებთ, საგადასახადო კოდექსში შესულ ცვლილებებს, რომელიც ავანსის დღგ-თი დაბეგვრას ითვალისწინებს ,აპროტესტებნენ როგორც დეველოპერული, ისე ინფრასტრუქტურული პროექტების განმახორციელებლი კომპანიებიც.


ავტორი: სოფო ქსოვრელი 




დავით მესხიშვილი: მთაწმინდაზე მთლიანად ქედის დემონტაჟია დაგეგმილი

person access_time2018-02-23 19:20:53
თბილისში, ნინო ჟვანიას ქუჩაზე კლდეზე მიმდინარე სამუშაოების ამსახველ კადრებს არასამთავრობო ორგანიზაცია საქართველოს ტრანსპორტისა და გზების ასოციაცია ავრცელებს და განმარტავს, რომ მიმდინარე სამუშაოები საფრთხის შემცველია. ასოციაციის თავმჯდომარის, დავით მესხიშვილის განმარტებით, მთაწმინდის ქედის ნგრევის აქტიური სამუშაოები დაახლოებით 1 თვის წინ დაიწყო. ჩვენ გუშინ ადგილზე ვნახეთ ეს პროცესი და უკიდურესად მძიმე სიტუაცია, რადგან მეწყერსაშიში ზონებია და აქ...

მამუკა ხაზარაძე : „ანაკლია სითის“ განაშენიანების პრიორიტეტი საწარმოო, ლოჯისტიკური და სატრანსპორტო ინფრასტრუქტურის განვითარება იქნება

person access_time2018-02-23 18:30:51
 „ანაკლია სითიმ“ ანაკლიის ქალაქგეგმარებითი კონცეფციის კვლევის საერთაშორისო ტენდერში გამარჯვებული კომპანია BuroHappold Engineering-ი წარადგინა. კომპანიას დაევალება მოამზადოს ქალაქ ანაკლიის ეკონომიკური ანალიზი, პროექტის განხორციელებადობის კვლევა და გენერალური გეგმა. ღონისძიება, რომელსაც მთავრობის, დიპლომატიური კორპუსის და ბიზნესის წარმომადგენლები დაესწრნნენ, „ანაკლია სითის" დამფუძნებელმა, მამუკა ხაზარაძემ გახსნა.   როგორც "ანაკლია სითის" დამფუძნებელმა მამუკა...

აშშ რუსეთის სამხედრო-სამრეწველო კომპლექსის კომპანიებს ზღუდავს

person access_time2018-02-23 20:00:58
შეერთებული შტატები ყველანაირად ცდილობს, რომ „ამერიკის მტრების წინააღმდეგ სანქციებით ზემოქმედების“ კანონი (CAATSA) ეფექტური იყოს.  ამისათვის ქვეყნის მთავრობა მთელი მსოფლიოს მასშტაბით ცდილობს, ყველა დაარწმუნოს, რომ არ აწარმოონ ბიზნესი რუსეთის სამხედრო-სამრეწველო კომპლექსის და მასთან დაკავშირებულ კომპანიებთან. „მთელი მსოფლიოს მასშტაბით, ჩვენს ყველა მისიას დავუგზავნეთ შეტყობინებები. მათ უკვე ჩაუტარდათ ინსტრუქციები იმასთან დაკავშირებით, თუ როგორ უნდა...

დასანგრევია თუ არა ახალი შენობები - დეველოპერები სეისმოლოგებს და გეოლოგებს პასუხობენ

person access_time2018-02-23 17:12:52
სამშენებლო ბუმი, რომელმაც დედაქალაქი მთლიანად მოიცვა, შესაძლოა, დამანგრეველი აღმოჩნდეს.  გეოლოგები და სეისმოლოგები იმ საფრთხეებზე საუბრობენ, რომელიც შესაძლოა, ძლიერ მიწისძვრას მოჰყვეს. პრობლემა ქაოტური და უკონტროლო მშენებლობებია. სპეციალისტები ამბობენ, რომ ახლადაშენებული კორპუსების დიდი ნაწილი საშუალო დონის მიწისძვრასაც კი ვერ გაუძლებს. პრობლემა გეოლოგიური დასკვნაა, რომლეიც კორპუსის მშენებლობამდე გაიცემა. გეოლოგიური რევიზია აჩვენებს გრუნტის სახეობას,...

სარესტორნო ბიზნესის მთავარი გამოწვევა მომსახურების ხარისხია

person access_time2018-02-23 16:00:34
დღეს სარესტორნო  ბიზნესი საქართველოში სწრაფად განვითარებადი სფეროა, თუმცა მიუხედავად ასეთი მზარდი ტრენდისა, მომსახურების პრობლემა მაინც მთავარ გამოწვევად რჩება.  რატომ დგას ისევ კითხვის ნიშნის ქვეშ  სერვისი და ხარისხი? რა შეიძლება რესტორნის დახურვის მიზეზი გახდეს და რა უნდა გააკეთოს რესტორატორმა საკუთარი ნიშის მოპოვებისთვის, „კომერსანტი“ დეტალების გასარკვევად თავად რესტორატორებს დაუკავშირდა. როგორც გამოკითხულთა უმრავლესობამ ჩვენთან საუბარში აღნიშნა, ყოველწიურად იზრდება...


მსგავსი სიახლეები