„საქართველოს ფინანსური სექტორი ლომბარდული სესხების ეტაპზე იმყოფება“ - ბიზნესი ფასიანი ქაღალდების ბაზარზე

access_time2017-10-30 09:00:00

ეროვნულმა ბანკმა კორპორაციულ ობლიგაციებში ინვესტირების მსურველები ბოლო პერიოდში რამდენჯერმე გააფრთხილა და აღნიშნა, რომ ობლიგაციები არც სახელმწიფოსა და არც ეროვნული ბანკის გარანტიით უზრუნველყოფილი არ არის. აღნიშნულ განცხადებას სფეროს ექსპერტების კრიტიკული შეფასებები მოჰყვა, მითუმეტეს იმ პირობებში, როდესაც  კომპანიებმა მსგავსი სახის ფასიანი ქაღალდები უკვე გამოუშვეს.


„კომერსანტი“ აღნიშნულ საკითხზე უკვე წერდა. ამჯერად ჩვენ კიდევ ერთხელ დავინტერესდით, ეროვნული ბანკის მიერ მსგავსი გაფრთხილება როგორ აისახება ფასიანი ქაღალდების ბაზრის განვითარებაზე და ხომ არ გახდება ეს იმის საფუძველი, რომ დაინტერესებული მხარეები გადაიფიქრებენ კოპორატიული ობლიგაციების შესყიდვას?


ეროვნული ბანკის ვიცე-პრეზიდენტმა არჩილ მესტვირიშვილმა „კომერსანტს“ განუცხადა, რომ ეროვნული ბანკი მოსახლეობას კორპორაციულ ობლიგაციებში ინვესტირების შესახებ იქამდე გააფრთხილებს, სანამ არ ჩათვლის, რომ მათ ეს თემა ესმით.


მსხვილი ბიზსნემენების ნაწილი ეროვნული ბანკის გაფრთიხლებას იწონებს და აცხადებს, რომ მარეგულირებელის ეს განცხადება საჭირო და აუცილებელია.


„კოკა-კოლა ბოთლერს ჯორჯიას“ პრეზიდენტი თემურ ჭყონია აცხადებს, რომ ეროვნული ბანკის ეს განცხადება აბსოლუტურად კორექტული და სწორია.


„ეროვნული ბანკის ეს გაცხადება ბუნებრივია. ბუნებრივი იქნება ისიც, თუნდაც ეს სიფრთხილე „კოკა-კოლას“ მიმართაც რომ გამოიჩინონ. ჩვენ როდესაც ფასიან ქაღალდებს გამოვუშვებთ, შევთავაზებთ წინადადებას და თუ კონკრეტული პირისთვის ეს მისაღები იქნება,იყიდის. ძალადობა ხომ არ არის?“-აცხადებს ჭყონია. მისი შეფასებით, სიტყვა გაფრთხილება არ ნიშნავს აკრძალვას.


ჭყონიას შეფასებით, ეროვნულ ბანკს სახელმწიფოში თავისი ფუნქცია აქვს, ის არის ყველაზე დიდი ორგანო, რომელიც არეგულირებს ფინანსებს, მათ შორის, იცავს აქციონერს. როგორც ჭყონია აცხადებს, ქვეყანაში ფასიანი ქაღალდების ბაზრის ჩამოყალიბებას დიდი დრო სჭირდება.


ამასთან, ბიზნესმენის განცხადებით, საქართველოში ფასიანი ქაღალდების ბაზარს განვითარების პერსპექტივა აქვს. კითხვაზე, რატომ ვერ ვითარდება ქვეყანაში კაპიტალის ბაზარი და ხომ არ უშლის მის განვითრებას ხელს კომერციული ბანკები, ჭყონია განმარატვს, რომ თუ იქნება მოთხოვნა, ფასიანი ქაღალდების ბაზრის განვითარებით კომერციული ბანკებიც კი იქნებიან დაინტერესებული.

მისი თქმით, აღნიშნული საკითხიდან მოგება ყველა მხარემ უნდა ნახოს. საუბარია, საზოგადოებაზე, სახელმწიფოზე და კერძო ბიზნესზე.


„ისთ გეით ჯგუფის“ სამეთვალყურეო საბჭოს თავმჯდომარე, ირაკლი იაშვილის განცხადებით, საქართველოს მოსახლეობა გაუთვიცნობიერებულობის გამო ყიდულობს სხვადასხვა ე. წ შარლატანური ორგანიზაციების აქციებს, საბოლოოდ კი ზარალდებიან. მისი თქმით, ამ შემთხვევაში ეროვნულმა ბანკმა აბსოლურად სწორი განმარტება გააკეთა. იაშვილის შეფასებით, ეროვნული ბანკი, როგორც მარეგულირებელი, ვალდებულია საზოგადოება გააფრთხილოს.


„ეროვნული ბანკი ვალდებულია თქვას - თქვენ შეაფასეთ რისკი, თუ მიგაჩნიათ, რომ ეს მიმზიდველია და მომგებიანია, განათავსეთ ფული, იყიდეთ აქცია და დაელოდეთ მისგან სარგებელს. თუმცა, თუ იზარალებთ ჩვენ გაგაფრთხილეთ. ეს ორ სუბიექტს შორის ურთიერთობაა და მოტყუების შემთხვევაში სახელმწიფოს ნუ მიმართავთ. ეროვნულმა ბანკმა ეს ბევრჯერ უნდა გაიმეოროს და რაც შეიძლება დიდმა რაოდენობამ უნდა გაიგოს “-აცხადებს იაშვილი.


მისი თქმით, გასაგებია სპეციალისტების აზრი, რომ ისედაც ცუდადაა ქვეყანაში ფასიანი ქაღალდების ბაზარი განვითარებული და ამ განცხადებამ შეიძლება მისი განვითარება კიდევ უფრო შეაფერხოს. თუმცა, ის კატეგორია, რომელიც ე.წ. მაღალმომგებიან აქციებს ყიდულობს და 5 თვემდე სარგებელს იღებს,  მერე კი კარგავს, არ არის ის კატეგორია,რომელიც მეორად ბაზარზე მიდის და რეალურ აქციებს ყიდულობს.


„ეს სხვადასხვა ხალხია. ეს უნდა გავმიჯნოთ. ამიტომ სახელმწიფო ვალდებულია გააფრთხილოს. ამ განცხადების მიმართ აბსოლუტურად სოლიდარული ვარ“-აცხადებს იაშვილი.


კითხვაზე, თუ რატომ არ არის ქვეყანაში განვითარებული ფასიანი ქაღალდების ბაზარი, იაშვილი პასუხობს, რომ ამის მიზეზი ქართული  ეკონომიკის მდგომარეობაა.


„ჩვენთან რამოდენიმე კომპანიაა, რომელიც აკმაყოფილებს მოთხოვნებს მოხვდეს ლისტინგში და აქციების ემისია მოახდინოს. ჩვენი ეკონომიკა 80 პროცენტით იმპორტზეა დამოკიდებული. ჩვეულებრივი იმპორტიორი, რომელიც სხვის საქონელს ყიდულობს და აქ ყიდის, არ არის ის კატეგორია, რომელმაც აქციები უნდა გამოუშვას. ჩვენი ეკონომიკა არ იმყოფება განვითარების იმ დონეზე, რომ აქციებით ვაჭრობა მოხდეს. ამისთვის არც მოსახლეობაა მზად.“-აცხადებს იაშვილი.


მისი განცხადებით, დღეს ფასიან ქაღალდებზე მოთხოვნა არ არის, ეს თუ იქნება, მაშინ მოწოდებაც გაჩნდება.


„ბანკები ყიდულობენ სახელმწიფოს ფასიან ქაღალდებს და მართლებიც არიან. ამით რეგულირდება მიმოქცევაში არსებული ნაღდი ფულის რაოდენობა. ფასიანი ქაღალდები რეალურად ინფლაციის მართვის ერთ-ერთი კარგი საშუალებაა. რაც შეეეხება იმას, თითქოს ბანკები უშლიან ხელს კაპიტალის ბაზრის განვითარებას - შეიძლება უშლიან, მაგრამ ეკონომიკაში აქციებზე მოთხოვნა რომ იყოს, აუცილებლად გამოიცემა და მიეწოდება“-აცხადებს იაშვილი.


მისი თქმით, „საქართველოს ფინანსური სექტორი ლომბარდული სესხების ეტაპზე იმყოფება“.


შეგახსენებთ, რომ ბოლო პერიოდში ეროვნულმა ბანკმა კორპორაციულ ობლიგაციებში ინვესტირების მსურველები რამდენჯერმა გააფრთხილა.


„ეროვნული ბანკი აფრთხილებს კორპორატიულ ობლიგაციებში ინვესტირების მსურველებს, გადაწყვეტილების მიღებისას განახორციელონ შემდეგი ნაბიჯები:


1. მოითხოვონ პროსპექტის ასლი (არ მოახდინოთ ინვესტირება, თუ არ მიგიღიათ პროსპექტის ასლი);


2. დეტალურად განიხილონ ინვესტიციასთან დაკავშირებული რისკი; (თუ კარგად არ გესმით რისკის ფაქტორები, გაიარეთ კონსულტაცია პროფესიონალთან, უმჯობესია ნეიტრალურ   მესამე   პირთან);


3. უარი თქვან ინვესტიციის განხორციელებაზე თუ ვერ მოხერხდა რისკების ადეკვატურად შეფასება“, - აღნიშნულია შესაბამის განცხადებაში.


ავტორი: სოფო ქსოვრელი 





ქვეყნისთვის გარკვეული დამსახურების მქონე ადამიანების სოციალური დაცვა ქვეყნის ღირსების საქმეა

person access_time2018-01-17 10:30:05
დონატა პანჩენკო რამდენიმე წელიწადია თემქის ხანდაზმულთა პანსიონატში ცხოვრობს. ერთ დროს, მისი ცხოვრება რადიკალურად განსხვავებული იყო. ის ქართული ანიმაციის ერთ-ერთი პიონერია. “წუნა და წრუწუნას” ანიმატორი ახლა მოხუცთა თავშესაფარში ცხოვრობს და ამბობს, რომ სრულიად მარტოა. ​”რაზე უნდა ვიოცნებო? – ახალგაზრდა რომ ხარ, მაშინ ფიქრობ, სიყვარულზე, გათხოვებაზე და შვილზე. მე არავინ და არაფერი არ მაქვს, ჩემი თავის გარდა”, – ჰყვება დონატა...

თბილისის მერიაში, მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს

person access_time2018-01-17 09:00:00
თბილისის ვიცე-მერი ირაკლი ხმალაძე და მერის მოადგილე მაია ბითაძე სადისტრიბუციო კომპანიების წარმომადგენლებს შეხვდნენ. დედაქალაქის მერიის ცნობით, თბილისის მერიაში გამართულ შეხვედრაზე დედაქალაქში მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს. მაია ბითაძემ იმ ღონისძიებებზე ისაუბრა, რომელიც თბილისის მერიამ ქალაქში ტრანსპორტის სისტემის მოწესრიგებისა და საცობების შემცირების მიზნით უნდა განახორციელოს. მისი თქმით, მერია მზადაა, აქტიურად იმუშაოს...

„კრიპტოვალუტა ციფრული აქტივების ერთიანობაა“ - ქართული კომპანია კრიპტოვალუტაზე, რისკებსა და სამუშაო მექანიზმზე

person access_time2018-01-16 19:30:34
კრიპტოვალუტა ერთ-ერთი ყველაზე ხშირად გამოყენებადი სიტყვაა ფულით დაინტერესებული ადამიანებისთვის, განსაკუთრებით ბოლო თვეების მანძილზე. თემის აქტუალობამ კრიპტოექსპერტებისა და კონსულტანტების აუცილებლობა განაპირობა, ხოლო მაინინგი აქტიურად მოექცა საზოგადოების ინტერესის არეალში. ამ ყველაფრის პარალელურად, კრიპტოვალუტის გარშემო არის უამრავი კითხვა, რომელთაგან ხშირად დასმულ კითხვებს Bitforx-ის მარკეტინგისა და გაყიდვების დირექტორი, ნიკა ცოტნიაშვილი პასუხობს. — რა მექანიზმით...

ავტოიმპორტიორები VS „სიტროენ ჯორჯია“ - კომპანიები სარჩელის დაუშვებლად ცნობას ითხოვენ

person access_time2018-01-16 18:30:22
6  ბრენდული ავტომწარმოებლის ოფიციალური წარმომადგენლები საქართველოში კონკურენციის სააგენტოს განცხადებით მიმართავენ და „სიტროენ ჯორჯიას“ სარჩელის დაუშვებლად ცნობას თხოვენ. განცხადებას ხელს „ჰიუნდაი ავტო საქართველო“, ჯითი მოტორსი, „სტრადა მოტორსი“, „იბერია ავტო“, „კია მოტორს ჯორჯია“ და „ფრანს ავტო“ აწერს. როგორც განცხადებაშია აღნიშნული, „სიტროენ ჯორჯიას“ მიერ კონკურენციის სააგენტოში შეტანილი სარჩელი იმის შესახებ, რომ ტენდერებს მხოლოდ ხელისუფლების...

„საბანკო სექტორს კლიენტებთან მკაცრი მიდგომა აქვს, მთავრობა კი მას ხელს უწყობს“ - რატომ იზრდება გადახდისუუნარო მოსახლეობის რაოდენობა

person access_time2018-01-17 09:00:39
საქართველოში გადახდისუუნარო მოსახლეობის რაოდენობა ბოლო ორი თვის განმავლობაში მნიშვნელოვნად გაიზარდა. აღსრულების ეროვნული ბიუროს მონაცემებით, თუ 2017 წლის 20 ნოემბრისთვის აღსრულების ეროვნული ბიუროს, მოვალეთა რეესტრში 230 223-ს ჩანაწერი იყო, დღეს ეს მაჩვენებელი 234 958-ს შეადგენს. საქართველოს მოსახლეობის 6,3% რომ გადახდისუუნაროა, თსუ-ს ანალიზისა და პროგნოზირების ცენტრის დირექტორის ვახტანგ ჭარაიას შეფასებით იმაზე მიუთითებს, რომ მოსახლეობის ფინანსური...


მსგავსი სიახლეები