გიორგი სამანიშვილი: „2017 წლის იანვარ-სექტემბერში ექსპორტზე 50 მილიონ ბოთლზე მეტი ღვინო გავიდა“

access_time2017-10-21 10:00:05

„ღვინის ექსპორტის ზრდა ფიქსირდება, როგორც ტრადიციულ, ასევე, ახალ საექსპორტო ბაზრებზე“, - ამის შესახებ ღვინის ეროვნული სააგენტოს თავმჯდომარე გიორგი სამანიშვილმა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა.

 

რამდენიმე დღის წინ, სოფლის მეურნეობის მინისტრმა ლევან დავითაშვილმა განაცხადა, რომ დამოუკიდებლობის მოპოვების შემდეგ, საქართველოს ამდენი ღვინო არ გაუყიდია, არც თანხობრივად და არც რაოდენობრივად. ამასთან, მინისტრმა ხაზი გაუსვა იმასაც, რომ მიმდინარე რთველზე სახელმწიფოს მხრიდან მინიმალური ჩარევა მოხდა. სამანიშვილის თქმით, სახელმწიფომ მცირე რაოდენობის ყურძენი ჩაიბარა, ისიც დაზიანებული.

 

„ჩვენ ბევრი რამ გავაკეთეთ იმისთვის, რომ აქამდე მოვსულიყავით. ეს მხოლოდ ჩვენ ან სოფლის მეურნობის სამინისტრომ კი არა, მთლიანად სექტორმა გააკეთა. შეთანხმებულად მოვედით აქამდე, რომ რთველზე სახელმწიფოს მხრიდან მინიმალური ჩარევა ყოფილიყო და გაყიდვებს ხელი მეტად შეწყობოდა. კერძო სექტორიდან ყურძენზე მოთხოვნა წელს საკმაოდ მაღალი იყო. სახელმწიფომ მხოლოდ მცირე რაოდენობის ყურძენი ჩაიბარა, მაგალითად, სეტყვისგან დაზიანებული. ზოგადად კი, მთლიანად მოსავალი კერძო სექტორმა აითვისა“, - აღნიშნავს სამანიშვილი.

 

სოფლის მეურნეობის მინისტრმა ისიც განაცხადა, რომ წლის ბოლომდე საქართველოდან ღვინის ექსპორტი 70 მილიონ ბოთლს გადააჭარბებს. სამანიშვილის თქმით, ამ ეტაპზე ქვეყნიდან 50 მილიონ ბოთლზე მეტი ღვინოა გასული: „ექსპორტი გაზრდილია ტრადიციულ ბაზრებზე. ახალ ბაზრებზე, მათ შორის ჩინეთზეც არის ზრდა, სადაც ხუთი წლის წინ ღვინო საერთოდ არ გადიოდა. დღეს კი ჩამონათვალში მეოთხე ადგილზეა. ტრადიციული და ახალი ბაზრები ერთმანეთს ენაცვლებიან. სექტემბრის ბოლოს გაკეთებული ანალიზებით, ქვეყნიდან უკვე 50 მილიონ ბოთლზე მეტი ღვინოა გასული.“


 

მისივე თქმით, ექსპორტის ზრდასთან ერთად, ღვინის ხარისხი ნარჩუნდება: „ბოლო წლებში  ხარისხის კონტროლის საკმაოდ კარგი სისტემა შევქმენით. ფაქტობრივად, ექსპორტზე ვერ გადის ღვინო, რომელიც მკაცრ და ამასთანავე, მარტივი სერტიფიცირების პროცედურას არ გაივლის. ჩვენ კერძო კომპანიებთან ერთად მოვახერხეთ, რომ ექსპორტის ზრდის პარალელურად ხარისხი არ შემცირებულა.“

 

ამასთან, გიორგი სამანიშვილი აღნიშნავს, რომ ქართული ღვინო საექსპორტო ბაზრებზე საშუალო და საშუალოზე მაღალ სეგმენტშია წარმოდგენილი.

 

„ქართული ღვინის ფასები საკმაოდ მაღალია იქიდან გამომდინარე, რომ ქვეყანაში ყურძნის ფასია მაღალი. ამას სხვადასხვა მიზეზი აქვს, მათ შორის შეიძლება იყოს ის, რომ ქვეყანას მთაგორიანი რელიეფი აქვს და დიდი მასივები ნაკლებად გვაქვს. ყურძნის მოყვანა ძვირი ჯდება. საშუალო და ხშირად საშუალოზე ოდნავ მაღალ სექტორში ვართ. ეს მარკეტინგულად ჩვენი სამიზნე სეგმენტია და კარგი იქნება თუ აქ დავრჩებით“, - აცხადებს გიორგი სამანიშვილი.

 

 

კომერსანტი

 



ქვეყნისთვის გარკვეული დამსახურების მქონე ადამიანების სოციალური დაცვა ქვეყნის ღირსების საქმეა

person access_time2018-01-17 10:30:05
დონატა პანჩენკო რამდენიმე წელიწადია თემქის ხანდაზმულთა პანსიონატში ცხოვრობს. ერთ დროს, მისი ცხოვრება რადიკალურად განსხვავებული იყო. ის ქართული ანიმაციის ერთ-ერთი პიონერია. “წუნა და წრუწუნას” ანიმატორი ახლა მოხუცთა თავშესაფარში ცხოვრობს და ამბობს, რომ სრულიად მარტოა. ​”რაზე უნდა ვიოცნებო? – ახალგაზრდა რომ ხარ, მაშინ ფიქრობ, სიყვარულზე, გათხოვებაზე და შვილზე. მე არავინ და არაფერი არ მაქვს, ჩემი თავის გარდა”, – ჰყვება დონატა...

თბილისის მერიაში, მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს

person access_time2018-01-17 09:00:00
თბილისის ვიცე-მერი ირაკლი ხმალაძე და მერის მოადგილე მაია ბითაძე სადისტრიბუციო კომპანიების წარმომადგენლებს შეხვდნენ. დედაქალაქის მერიის ცნობით, თბილისის მერიაში გამართულ შეხვედრაზე დედაქალაქში მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს. მაია ბითაძემ იმ ღონისძიებებზე ისაუბრა, რომელიც თბილისის მერიამ ქალაქში ტრანსპორტის სისტემის მოწესრიგებისა და საცობების შემცირების მიზნით უნდა განახორციელოს. მისი თქმით, მერია მზადაა, აქტიურად იმუშაოს...

„კრიპტოვალუტა ციფრული აქტივების ერთიანობაა“ - ქართული კომპანია კრიპტოვალუტაზე, რისკებსა და სამუშაო მექანიზმზე

person access_time2018-01-16 19:30:34
კრიპტოვალუტა ერთ-ერთი ყველაზე ხშირად გამოყენებადი სიტყვაა ფულით დაინტერესებული ადამიანებისთვის, განსაკუთრებით ბოლო თვეების მანძილზე. თემის აქტუალობამ კრიპტოექსპერტებისა და კონსულტანტების აუცილებლობა განაპირობა, ხოლო მაინინგი აქტიურად მოექცა საზოგადოების ინტერესის არეალში. ამ ყველაფრის პარალელურად, კრიპტოვალუტის გარშემო არის უამრავი კითხვა, რომელთაგან ხშირად დასმულ კითხვებს Bitforx-ის მარკეტინგისა და გაყიდვების დირექტორი, ნიკა ცოტნიაშვილი პასუხობს. — რა მექანიზმით...

ავტოიმპორტიორები VS „სიტროენ ჯორჯია“ - კომპანიები სარჩელის დაუშვებლად ცნობას ითხოვენ

person access_time2018-01-16 18:30:22
6  ბრენდული ავტომწარმოებლის ოფიციალური წარმომადგენლები საქართველოში კონკურენციის სააგენტოს განცხადებით მიმართავენ და „სიტროენ ჯორჯიას“ სარჩელის დაუშვებლად ცნობას თხოვენ. განცხადებას ხელს „ჰიუნდაი ავტო საქართველო“, ჯითი მოტორსი, „სტრადა მოტორსი“, „იბერია ავტო“, „კია მოტორს ჯორჯია“ და „ფრანს ავტო“ აწერს. როგორც განცხადებაშია აღნიშნული, „სიტროენ ჯორჯიას“ მიერ კონკურენციის სააგენტოში შეტანილი სარჩელი იმის შესახებ, რომ ტენდერებს მხოლოდ ხელისუფლების...

„საბანკო სექტორს კლიენტებთან მკაცრი მიდგომა აქვს, მთავრობა კი მას ხელს უწყობს“ - რატომ იზრდება გადახდისუუნარო მოსახლეობის რაოდენობა

person access_time2018-01-17 09:00:39
საქართველოში გადახდისუუნარო მოსახლეობის რაოდენობა ბოლო ორი თვის განმავლობაში მნიშვნელოვნად გაიზარდა. აღსრულების ეროვნული ბიუროს მონაცემებით, თუ 2017 წლის 20 ნოემბრისთვის აღსრულების ეროვნული ბიუროს, მოვალეთა რეესტრში 230 223-ს ჩანაწერი იყო, დღეს ეს მაჩვენებელი 234 958-ს შეადგენს. საქართველოს მოსახლეობის 6,3% რომ გადახდისუუნაროა, თსუ-ს ანალიზისა და პროგნოზირების ცენტრის დირექტორის ვახტანგ ჭარაიას შეფასებით იმაზე მიუთითებს, რომ მოსახლეობის ფინანსური...


მსგავსი სიახლეები