პროექტ ART FROM GEORGIA–ს ფარგლებში ამბროლაურის აეროპორტში გამოფენა გაიხსნა

access_time2017-10-13 16:33:50

საქართველოს პრემიერ მინისტრის ინიციატივით, ქვეყნის აეროპორტებში პერიოდულად მოეწყობა ნიჭიერი ადამიანების ნამუშევრების გამოფენა, რათა საქართველოს ყველა სტუმარს, ქვეყანაში ჩამოსვლის პირველივე წუთებიდან მიეცეს შესაძლებლობა, გაიცნოს საქართველოს კულტურა და იქ მცხოვრები ნიჭიერი ადამიანების შემოქმედება. ეს იდეა გიორგი კვირიკაშვილმა 26 სექტემბერს თბილისის საერთაშორისო აეროპორტის ახალი ტერმინალის გახსნის ღონისძიებაზე გააჟღერა.

 

როგორც "კომერსანტს" ეკონომიკის სამინისტროდან აცნობეს, პირველი ასეთი გამოფენის ადგილად ამბროლაურის ახალი აეროპორტი შეირჩა, სადაც 13 ოქტომბერს ონში მცხოვრები 18 წლის ახალგაზრდის - ზაურ გამყრელიძის ქანდაკებების გამოფენა გაიხსნა. ღონისძიებას საქართველოს ეკონომიკისა და მდგრადი განვითარების მინისტრი გიორგი გახარია, საქართველოს კულტურისა და ძეგლთა დაცვის მინისტრის პირველი მოადგილე კახა კანდელაკი და მხარის გუბერნატორი არჩილ ჯაფარიძე დაესწრნენ.

 

„პრემიერ მინისტრის მიერ გაჟღერებული იდეა მართლაც შესანიშნავია. ის  საშუალებას აძლევს საქართველოს რეგიონებში მცხოვრებ ახალგაზრდებს თავიანთი ნამუშევრები წარმოუდგინონ საქართველოს სტუმრებს, რომლებიც ჩვენთან ჩამოდიან და ძალიან მნიშვნელოვანია, რომ პირველი გაცნობა ამ კუთხის, ამ რეგიონის და მთლიანად  საქართველოსი მოხდება ამ ახალგაზრდა ადამიანების ნამუშევრებით. მინდა ზაურ გამყრელიძეს ვუსურვო წარმატებები, ჩვენი მას და ყველა ნიჭიერ ახალგაზრდას, რა თქმა უნდა, ყველანაირად მხარს დავუჭერთ. ეს არის პირველი მაგალითი, უახლოეს მომავალში მსგავსი გამოფენები მოეწყობა საქართველოს სხვა აეროპორტებშიც. მინდა, ბატონ პრემიერ მინისტრს მადლობა გადავუხადო ამ მნიშვნელოვანი პროექტის ინიცირებისთვის“ – განუცხადა მედიის წარმომადგენლებს გიორგი გახარიამ.

 

რეგიონის გუბერნატორის, არჩილ ჯაფარიძის შეფასებით, მნიშვნელოვანია, რომ რაჭაში ასეთი  მიდგომები   გაგრძელდეს. „ჩვენს მხარეს  აქვს გამორჩეული ტრადიცია ხელოვანი ხალხის მიმართ, გასახარია,  რომ  ზაურ გამყრელიძე გამოირჩევა განსაკუთრებით ნიჭიერებით  და ხელისუფლების პოლიტიკაც  სწორედ ასეთი  ახალგაზრდების წახალისებისკენ, სტიმულის მიცემისკენ არის მიმართული“ – აღნიშნა ჯაფარიძემ.

 

„ ეს მართლაც ძალიან კარგი  პლატფორმაა,  რომ აღმოვაჩინოთ ახალი სახეები და სახელები და მათი ნამუშევრებიც პოპულარული გახდეს როგორც  ქართულ საზოგადოებაში,   ისე  ჩამოსული ტურისტებისთვის. ნამუშევრებით აღფრთოვანებული ვარ, მართლაც საინტერესოა, ძალიან დიდ პერსპექტივას ვხედავ ამ ადამიანში“ – განაცხადა კახა კანდელაკმა.

 

 

ზაურ გამყრელიძემ პლასტილინით ქანდაკებების ძერწვა 14 წლის ასაკში დაიწყო, თუმცა ჯერ კიდევ საბავშვო ბაღში ძერწავდა ათასგვარ ფიგურებს − იმ დღემდე, ვიდრე ყველა ძველ ნამუშევარს პლასტილინის ერთ დიდ გუნდად აქცევდა. ძველს რომ შეელია, ზაურის შემოქმედებაში ახალი ეტაპი დაიწყო: პირველი ქანდაკება 2013 წელს შექმნა და დღემდე აქტიურად მუშაობს. მისი პირველი პერსონალური გამოფენა მიმდინარე წლის ზაფხულში ამბროლაურის სახვითი ხელოვნების მუზეუმში გაიმართა.

 

 

„ჯერ კიდევ ბაღის ასაკში დავიწყე პლასტილინით მუშაობა, თავიდან ეს იყო ბავშვური გართობა, 14 წლის ასაკიდან კი უფრო სერიოზული სახე მიეცა და კონცეპტუალური სკულპტურების გაკეთება დავიწყე.  დღევანდელ გამოფენაზე  20 ნამუშევარია წარმოდგენილი და პროექტART FROM GEORGIA –ს ფარგლებში უკვე მეორე პერსონალური გამოფენა იხსნება. ძალიან დიდი მადლობა მინდა გადავუხადო პროექტის ყველა ორგანიზატორს და ავტორს.  ახალგაზრდა არტისტებისთვის მართლაც ძალიან დიდი შესაძლებლობაა, რომ თავიანთი შემოქმედება გამოფინონ ასეთ სივრცეებში,  სადაც ბევრი ადამიანი მოძრაობს, მათ შორის ბევრი უცხოელიც“, – განაცხადა ზაურ გამყრელიძემ.

 

ამბროლაურის აეროპორტში ზაურ გამყრელიძის ნამუშევრები ერთი თვის განმავლობაში იქნება წარმოდგენილი. აღსანიშნავია, რომ პრემიერ მინისტრის ინიცირებული პროექტი სახელწოდებით ART FROM GEORGIA მომავალი წლის იანვარში კიდევ უფრო ფართოდ ქუთაისის აეროპორტში გაიშლება, სადაც წარმოდგენილი იქნება იმერეთის რეგიონში მცხოვრები ნიჭიერი ადამიანების შემოქმედება.

 

 

 

 

 



პარლამენტის წევრები ყოველთვიურად ხელფასზე მეტი ოდენობის დანამატს იღებენ

person access_time2017-12-18 11:00:16
მიმდინარე წლის იანვრიდან ნოემბრის ჩათვლით, საქართველოს პარლამენტის წევრებისთვის დარიცხულმა ანაზღაურებამ (თანამდებობრივი სარგო და დანამატი) 8 344 661 ლარი შეადგინა. აღნიშნული თანხიდან თანამდებობრივი სარგო 3 279 119 ლარია, დანამატი კი − 5 065 541 ლარი. აღსანიშნავია, რომ ყველა დეპუტატის თანამდებობრივი სარგო 2 000 ლარს შეადგენს, თუმცა პარლამენტის წევრები ასევე ყოველთვიურად იღებენ დანამატს თანამდებობრივ სარგოზე მეტი ოდენობით. დანამატის ოდენობა პარლამენტის წევრებისთვის...

მომავალი წლის ფინანსური პრიორიტეტები და მთავარი პროექტები - ინტერვიუ ფინანსთა მინისტრთან

person access_time2017-12-17 11:51:15
13 დეკემბერს პარლამენტმა 2018 წლის სახელმწიფო ბიუჯეტის პროექტი დაამტკიცა. გაირკვა, რომ მომავალ წელს მთავრობა 12...

სივრცის გაფართოება აივნის ხარჯზე - „თანამედროვე არქიტექტურა“ (ფოტო)

person access_time2017-12-17 11:00:32
დიდ მეგაპოლისებში მცხოვრებმა ადამიანებმა იციან, რომ ბინებში ადგილი არასაკმარისია და ყველა საშუალებას იყენებენ სივრცის გაფართოებისთვის. დიდ ქალაქებში კვადრატული მეტრის ღირებულება საკმაოდ ძვირია, ამიტომ ადამიანები ყიდულობენ მცირე ზომის ფართს.  პატარა ბინების მეპატრონეები ყველა ვარიანტს იყენებენ გაფართოებისთვის. ყველაზე პოპულარულია გაფართოება აივნის ხარჯზე. საბოლოო ჯამში, ასეთი „არქიტექტურული შედევრი“ შესაძლოა, ხელს უშლიდეს მეზობლებს და ასევე, ის საფრთხის შემცველი იყოს...

1 ლარად ნაჩუქარი ოფშორი საქართველოში ბიტკოინის მოპოვებისთვის

person access_time2017-12-17 13:00:39
...

ჯანდაცვის სამინისტრომ საყოველთაო ჯანდაცვის პროგრამის გადასარჩენად 40 მლნ გამოყო

person access_time2017-12-16 12:49:29
საყოველთაო ჯანდაცვის პროგრამის 660-მილიონიანი ბიუჯეტი ამოიწურა, რის გამოც სახელმწიფომ პროგრამის შეუფერხებელი ოპერირებისთვის დამატებითი ფინანსური რესურსი გამოყო. ფინანსთა სამინისტროს ხაზინის...


მსგავსი სიახლეები