"ტექდათვალიერება, პირველ რიგში, საზოგადოებრივ ტრანსპორტს უნდა ჩაუტარდეს"

access_time2017-10-13 11:10:02

 

2018 წლის იანვრიდან ავტომობილების სავალდებულო ტექდათვალიერება ძალაში შევა.

 


უკვე ცნობილია მთავრობის გადაწყვეტილება, რომ ინსპექტირებას გაივლის საქართველოს მთელი ავტოპარკი და ეს პროცესი 2019 წლის ბოლომდე ეტაპობრივად განხორციელდება. შინაგან საქმეთა სამინისტროს ანგარიშით, ქვეყანაში რეგისტრირებულია 1.19 მილიონი ავტომობილი. მათი 90 პროცენტი ანუ 1,08 მილიონი ავტომობილი 10 წელზე დიდი ხნისაა, აქედან 46.1 პროცენტი ანუ 550 ათასი ავტომობილი - 20 წელზე ძველია. ძველი ავტომობილების მფლობელები შიშობენ, რომ მათი მანქანა ტექნიკურ ინსპექტირებას ვერ გაივლის, თუმცა დარგის სპეციალისტები აცხადებენ, რომ ავტომანქანის ასაკი ინსპექტირების დროს გადამწყვეტი სულაც არ იქნება. ამის თაობაზე

 

„ბიზნესპრესნიუსი“ შპს „ეკოტრანსპორტცენტრის“ დირექტორს ვასილ ურუშაძეს ესაუბრა:

 

„ტექნიკურ ინსპექტირებას ყველანაირი ავტომობილი გაივლის, რომელიც მოწესრიგებული და გამართულია. ავტომობილის ასაკი აქ არაფერ შუაშია: შეიძლება მანქანა 30 წლის და უფრო მეტი ხნისა იყოს, მაგრამ ტექნიკურადაც გამართული იყოს და ტექდათვალიერებაც თავისუფლად გაიაროს. ამავე დროს, შეიძლება ავტომობილი 2-3 წლისა იყოს, ვიზუალურადაც კარგად გამოიყურებოდეს, მაგრამ ტექნიკური თვალსაზრისით ძალიან ცუდ მდგომარეობაში იყოს. პირველ რიგში ეს უნდა ითქვას თბილისში მოძრავ მიკროავტობუსებზე, მათი უმეტესობა გარეგნულად კარგად გამოიყურება, მაგრამ მათი ტექნიკური მდგომარეობა სავალალოა: ყვითელი მიკროავტობუსების ძრავის, სამუხრუჭე სისტემის და სხვა ნაწილების მდგომარეობა ვერანაირ კრიტიკას ვერ უძლებს. მიუხედავად იმისა, რომ მათთვის ტექნიკური ინსპექტირების გავლა სავალდებულოა, უმეტესობა შემოწმებას თავს არიდებს და კანონს არ ასრულებს. ამიტომ, ტექდათვალიერება პირველ რიგში ჩვენს საზოგადოებრივ ტრანსპორტს დასჭირდება“, - ამბობს ვასილ ურუშაძე.


 

მისი თქმით, რეფორმის მიმდინარეობა დაინტერესებულ პირებს შორის ბევრ კითხვას ბადებს.

 

„რა თქმა უნდა, ტექდათვალიერების შემოღება საჭიროა, რადგან მისი მიზანი საგზაო მოძრაობის უსაფრთხოებაა, თუმცა ამ ყველაფერში სერიოზული არაპროფესიონალიზმი იგრძნობა. ამიტომ, არა მგონია საქართველოში ამ რეფორმამ იგივე შედეგი მოგვცეს, რაც განვითარებულ ქვეყნებში მიიღეს. რეფორმას არ ჰყავს კონკრეტული პირი, ან უწყება, რომელიც მის მიმდინარეობაზე პასუხისმგებელი იქნება. პროცესი მიმდინარეობს გაუმჭვირვალედ, თანაც, რეფორმას მოსამზადებელი პერიოდი არ ჰქონია. ბევრს უჩნდება განცდა, რომ ეს წარსულში არსებული მანკიერი პრაქტიკის განმეორება იქნება, ბევრი მძღოლი ხარჯის გაწევას თავს არიდებს და ტექნიკური შემოწმების წინააღმდეგია, ამიტომ, მოსახლეობაში აქტიური საინფორმაციო კამპანიის წარმოება აუცილებელია“,- აღნიშნავს ვასილ ურუშაძე.


საქართველოს ტრანსპორტისა და გზების ასოციაციის ხელმძღვანელი დავით მესხიშვილიც აცხადებს, რომ ჩვენი ავტოპარკის ტექნიკური ინსპექტირება რაც შეიძლება დროულად უნდა დაიწყოს.

 

„შედეგი, რომელსაც მოუწესრიგიებელი ავტომობილების გამო ვიმკით, გაცილებით მძიმეა იმ დანახარჯთან შედარებით, რასაც ავტომობილების ტენიკური ინსპექტირება მოითხოვს. მძღოლები ამ ხარჯს მოერევიან, დაზიანებული ჯანმრთელობის აღდგენა კი - ხშირად შეუძლებელია. სასწორის ერთ მხარესაა პრობლემები, რასაც მავნე გამონაბოლქვი იწვევს, მეორე მხარეს კი - დანახარჯები, რომელიც ავტომობილის მფლობელმა უნდა გაიღოს. თითოეული ჩვენთაგანი და სახელმწიფო ჯანმრთელობაზე უფრო მეტს ხარჯავს, ვიდრე ავტომობილების გამართვაზე დაიხარჯება. როდესაც მძღოლი დადის ავტომანქანით, რომელიც შავად ბოლავს, ის პირდაპირი მნიშვნელობით დამნაშავეა, რადგან იცის, რომ წამლავს გარემოს, ბავშვებსაც და მოზრდილებსაც. შეუძლებელია, ჩვენი მძღოლებისგან დღესვე მოვითხოვოთ გერმანული სტანდარტი, რომელიც უმაღლესია - ეს ყველამ კარგად ვიცით, ამიტომ ეს პროცესი ეტაპობრივი უნდა იყოს: უნდა დაიწყოს დაბალი სტანდარტებით და თანდათან ავიდეს მაღალ სტანდარტამდე, მავნე გამონაბოლქვის პრობლემა კი, საქართველოში სასწრაფოდ უნდა გადაიჭრას“, - მიიჩნევს დავით მესხიშვილი.
მისი აზრით, ამ სფეროში უამრავი პრობლემაა და მათ შორის ერთ-ერთი უპირველესი საწვავის ხარისხია.

 

„თუ მანქანაში უხარისხო, დაბინძურებულ ბენზინს ასხამთ, ის მოუწესრიგებელ ავტომობილზე არანაკლებ ზიანს მიაყენებს ადამიანებს, ამიტომ საწვავის ხარისხს ისეთივე ყურადღება უნდა მივაქციოთ, როგორც ავტომანქანის გამართულობას. ჩემი მანქანაც ძველია - 17 წლისაა, მაგრამ მაქსიმალურად ვცდილობ მოვაწესრიგო და ნორმალური საწვავი ჩავასხა, რომ ჩემი მიზეზით ვინმე კიბოთი არ დაავადდეს. კარგია, თუ ყველა მძღოლი ამაზე იფიქრებს“, - აღნიშნავს დავით მესხიშვილი.

 

 

bpn.ge



ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...

„ბეკო“ საფეხბურთო კლუბ „ბარსელონასთან“ სასპონსორო შეთანხმებას აგრძელებს და აფართოებს

person access_time2018-02-19 12:11:06
ბარსელონა, 15 თებერვალი, 2018. ევროპაში საყოფაცხოვრებო ტექნიკის წამყვანმა ბრენდმა „ბეკომ“ დღეს გამოაცხადა საფეხბურთო კლუბ „ბარსელონას“ სპონსორობის გაგრძელების შესახებ, რაც მომდევნო სამი სპორტული სეზონის განმავლობაში რამდენიმე საინტერესო ერთობლივ ინიციატივაში გამოიხატება. ახალი შეთანხმება, რომლის შესახებ საფეხბურთო კლუბ „ბარსელონას“ სტადიონ „კამპ ნოუზე“ მდებარე „Auditori 1899“-ში გამართულ პრესკონფერენციაზე გახდა ცნობილი, ანიჭებს „ბეკოს“ მთავარი პარტნიორისა და საფეხბურთო...

მშენებლობაზე პირველივე დარღვევის აღმოჩენის შემთხვევაში, ჯარიმა 30 ათასი ლარი იქნება

person access_time2018-02-19 13:38:26
„მივესალმებით მშენებლობის მაღალ ტემპს, თუმცა, რა თქმა უნდა, ეს არ უნდა ხდებოდეს ადამიანის მსხვერპლისა და სხვა პრობლემების, მათ შორის, ურბანული დამახინჯების ხარჯზე,- ამის შესახებ საქართველოს პარლამენტის თავმჯდომარე ირაკლი კობახიძემ დღეს, თბილისის მერთან, კახა კალაძესთან შეხვედრის შემდეგ განაცხადა.   შეხვედრაზე სამშენებლო სფეროში შრომის უსაფრთხოებისა და ამასთან დაკავშირებით, პროდუქტის უსაფრთხოებისა და თავისუფალი მიმოქცევის კოდექსში შესატანი ცვლილებების შესახებ იმსჯელეს....

„აფბა“: „საგზაო დეპარტამენტი „სინოჰიდროს“ თაობაზე დასკვნას არ ასაჯაროვებს“

person access_time2018-02-19 12:40:07
ჩინურ „სინოჰიდროსთან“  დაკავშირებით, „ახალგაზრდა ფინანსისტთა და ბიზნესმენთა ასოციაცია“  განცხადებას აქვეყნებს, რომელსაც „კომერსანტი“  უცვლელად გთავაზობთ:  „ჩინური „სინოჰიდროს“  დარღვევებზე და გზების უხარისხო მშენებლობაზე საგზაო დეპარტამენტის თავმჯდომარე გიორგი სეთურიძე საზოგადოებას ამა წლის 29 იანვარს შეპირდა, რომ სინოჰიდროს საქმიანობის თაობაზე დასკვნას 1 კვირაში გამოაქვყნებდა. თუმცა, უკვე...


მსგავსი სიახლეები