„ბაზარზე კონტრაბანდული სიგარეტის წილი იზრდება“ - რას უკავშირებენ თამბაქოს იმპორტიორები მოხმარების 25%-იან შემცირებას?

access_time2017-10-13 10:20:29

საქართველოში თამბაქოს მოხმარება შემცირდა. ფინანსთა მინისტრის მონაცემებით, კლება დაახლოებით 25%–ს შეადგენს. მოხმარების და შესაბამისად, გაყიდვების შემცირებას ადასტურებენ იმპორტიორ კომპანიებშიც, თუმცა აცხადებენ, რომ კლება ძირითადად იმის ხარჯზე მოხდა, რომ მომხმარებლები მაღალფასიანი სეგმენტიდან დაბალფასიან სეგმენტებზე გადავიდნენ. იმპორტიორები  კიდევ ერთ პრობლემად ბაზარზე კონტრაბანდული სიგარეტის წილის ზრდას ასახელებენ.

 

 „საქართველოში 2013 წლიდან აქციზის განაკვეთები თამბაქოს ნაწარმზე ზრდადია და ბოლო 4 წლის განმავლობაში მან 5-ჯერ მოიმატა. შედეგად, ოფიციალური სტატისტიკით, საქართველოში თამბაქოს მოხმარება 25 პროცენტით შემცირდა, თქვენი პოზიცია გვაინტერესებს ამ საკითხთან დაკავშირებით, როგორია კომპანიაში გაყიდვები, რამდენად რეალურია აღნიშნული ციფრი? საბიუჯეტო შემოსავალი თამბაქოს აქციზით დაბეგვრიდან 150 პროცენტით გაიზარდა“,-განაცხადა ფინანსთა მინისტრმა დიმიტრი ქუმსიშვილმა.

 

მინისტრს არ დაუკონკრეტებია და საზოგადოებისთვის უცნობია, რომელ ოფიციალურ სტატისტიკას ეყრდნობა ფინანსთა მინისტრი, რადგან ექსპერტები დიდი ხანია მთავრობას მწეველთა რაოდენობის აღრიცხვის წარმოებას ურჩევენ, რაც მათი ინფორმაციით ქვეყანაში ამ დრომდე არ არსებობს.

 

„მე არ ვიცი რა სტატისტიკაზე ისაუბრა ფინანსთა მინისტრმა, მაგრამ ჩვენ ქვეყანაში საერთოდ არ გაგვაჩნია და არ მიმდინარეობს მწეველთა რაოდენობის აღრიცხვა. ერთადერთი ორიენტირი, რითაც მწეველთა რაოდენობაზე შეგვიძლია ვიმსჯევლოთ, ეს არის თამბაქოს იმპორტი ქვეყანაში, რამდენია ახლა და რამდენი იყო წინა წელს. ამით შეგვიძლია გარკვეული დასკვნა გამოვიტანოთ მწეველთა რაოდენობაზე, რაც რა თქმა უნდა, ზუსტ მონაცემს ვერ იძლევა. ამაზე დაყრდნობით ჩვენ წლების განმავლობაში ვიღებდით დაახლოებით სურათს მწეველთა რაოდენობაზე, რაც სახარბიელო არ იყო, ანუ ფასის ზრდა რაოდენობის შემცირებას ვერ განაპირობებდა“,-აცხადებს „კომერსანტთან“ საუბრისას ახალგაზრდა ფინანსისტთა და ბიზნესმენთა ასოციაციის ანალიტიკოსი პაატა ბაირახტარი.

 

საქართველოს სტატისტიკის ეროვნული სამსახურის ინფორმაციით, 2016 წელს 2015 წელთან შედარებით  საქართველოში თამბაქოს და მთლიანად თამბაქოს ნედლეულის იმპორტი (მათ შორის სიგარები და ა.შ.) შემცირებულია 1.6%, კერძოდ საქსტატის მონაცემებით, 2015 წელს საქართველოში იმპორტირებულ იქნა 109,159.0 ათასი დოლარის თამბაქო და თამბაქოს ნედლეული, 2016 წელს კი ეს მაჩვენებელი 107,326,5 ათასი დოლარი იყო. რაც შეეხბა 2017 წელს იანვარ-აგვისტოში თამბაქოს და თამბაქოს ნედლეულის იმპორტმა 53,978.2 ათასი დოლარი შეადგინა.

 

თუ თამბაქოს მოხმარება 25%-ით  შემცირდა, ლოგიკურია, რომ თამბაქოს მწარმოებლებსა და იმპორტიორ კომპანიებზე შესაბამისად უნდა ასახულიყო. როგორც „კომერსანტთან“ საუბრისას საქართველოში „ჯეი-თი-აის“ (ჯაპან ტობაკო ინტერნეიშენალის)  კომუნიკაციების სპეციალისტი ივა ხასია აცხადებს, ფინანსთა მინისტრის მიერ წარმოდგენილ სტატისტიკაზე ინფორმაცია არ აქვს, მაგრამ თამბაქოს მომხმარებლები მაღალფასიანი სიგარეტიდან დაბალფასიანზე გადავიდნენ.

 

„აქცისზე ფასის გაზრდის  შემდეგ გაყიდვების კუთხით მნიშვნელოვანი ცვლილებები შეინიშნება სეგმენტებს შორის გადანაწილების კუთხით. უფრო მაღალფასიანი თამბაქოდან მომხმარებლები გადადიან საშუალო და დაბალფასიან სიგარეტზე“,-ამბობს ივა ხასია.

 

 წლევანდელ შედეგებზე ვერ საუბრობენ, თუმცა გაყიდვების შემცირებას ადასტურებენ „ფილიპ მორის საქართველოს“ წარმომადგენლობაში.

 

წელიწადი არ არის დასრულებული, ამიტომ წლევანდელ შედეგებზე ვერ ვისაუბრებ. მაგრამ ზოგადად ახლა რომ ვუყურებ ტენდენციას, შემცირებულია. შემცირება მას შემდეგ დაიწყო, რაც აქციზის გადასახადი გაიზარდა“, - განუცხადა „კომერსანტს“  კომპანიის წარმომადგენელმა ნონა მამულაშვილმა.

 

თუმცა შესაძლოა, ძველი პრაქტიკა იმპორტის დათვლის შედეგად მწეველთა რაოდენობის დაახლოებითი სურათის შექმნაზე აღარ გამოდგეს, რადგან თამბაქოს იმპორტიორები კონტრაბანდული თამბაქოს შემოდინების გაზრდილ რაოდენობაზე ამახვილებენ ყურადღებას. უაქციზო თამბაქოს შეძენა მომხმარებელს გაცილებით იაფი უჯდებათ, შესაბამისად, შესაძლოა, კომპანიებისთვის გაყიდვების რაოდენობის შემცირება თამბაქოს მოხმარების შემცირების პროპორციული არ იყოს.  

 

როგორც „ჯეი-თი-აის“კომუნიკაციების სპეციალისტი ივა ხასია აცხადებს, უკანონოდ შემოდინებულ სიგარეტზე კონკურენციის გაწევა შეუძლებელია.

 

„მეორე პრობლემა არის უკანონოდ უაქციზო თამბაქოს შემოდინება, რისი მაჩვენებელიც ბოლო პერიოდში ძალიან არის გაზრდილი. ამას ადასტურებს საზღვარზე დაკავებულთა სტატისტიკა და ბაზარზე არსებული სიტუაციაც. ბაზარზე კონტრაბანდული სიგარეტის წილი იზრდება, რაც კონკურენციისთვის ძალიან ცუდია. ჩვენ ოფიციალურად შემოვაქვს და ყველა გადასახადს ვიხდით, ისინი კი ყოველგვარი გადასახადის გარეშე ახდენენ რეალიზაციას“,-განაცხადა ხასიამ.

 

 

ავტორი: ნათია სოსიაშვილი



რა გააკეთა და რა ვერ შეძლო თბილისის მოქმედმა მერმა? ინტერვიუ დავით ნარმანიასთან

person access_time2017-10-23 20:00:20
დაახლოებით 10-15 დღეში თბილისის მოქმედ მერს, დავით ნარმანიას უფლებამოსილება შეუწყდება და ამ პოსტს კახა კალაძე გადაიბარებს. პრემიერმინისტრი მოქმედ მერს მადლობას უხდის და აცხადებს, რომ „დავით ნარმანია ჩუმად ბევრ საქმეს აკეთებდა და არაერთი კრიტიკის ქარცეცხლს გაუძლო, ხშირად დაუმსახურებელს“. დავით ნარმანია თბილისის მერი 2014 წლის 12 ივლისს გახდა, როდესაც ადგილობრივი თვითმმართველობის არჩევნების მეორე ტურში, კონკურენტი ნიკა მელია დაამარცხა. იმმედის კვირის წამყვანის ირაკლი...

Bloomberg: 2018 წლიდან სინგაპურში ავტომობილებზე ლიმიტი დაწესდება

person access_time2017-10-23 21:00:16
სინგაპური ავტომფლობელებისთვის მსოფლიოში ერთ-ერთ ყველაზე ძვირადღირებულ ადგილად ითვლება, სადაც ავტომობილებისათვის განკუთვნილი გზები ტერიტორიის 12%-ს იკავებს. მსოფლიოში ერთადერთი კუნძულოვანი ქალაქ-სახელმწიფოს ხელმძღვანელობის სურვილია, აღნიშნული რიცხვი აღარ გაიზარდოს და არსებული სივრცე სხვა მიზნებისთვის იქნეს გამოყენებული. მთავრობის განცხადებით, სინგაპურის საავტომობილო ქსელს მომავალი წლიდან არცერთი ავტომობილი არ დაემატება.   უფრო მარტივად რომ გავიგოთ: 1990 წლიდან სინგაპურში...

Financial Times: მსოფლიოში სრულყოფილი საპენსიო სისტემა არცერთ ქვეყანას არ აქვს

person access_time2017-10-23 18:00:42
მსოფლიოში საპენსიო სისტემების ხარვეზებისა და ზოგადი მდგომარეობის შესახებ სტატია Financial Times-მა გამოაქვეყნა. "ჯერ მსოფლიოს არცერთ ქვეყანას არ შეუქმნია სრულყოფილი საპენსიო სისტემა", - წერს გამოცემა და წარმოგვიდგენს Melbourne Mercer Global-ის საპენსიო სისტემის ინდექსის მონაცემებს.   გლობალური საპენსიო ინდექსის თანახმად, არ აქვს მნიშვნელობა რამდენჯერ განახორციელებენ ქვეყნები საპენსიო სისტემის რეფორმას, იმიტომ რომ საპენსიო ასაკს მიღწეულ ათობით მილიონ ადამიანს ხანდაზმულობის...

“გარდენია შევარდნაძე” - “ჩვენი საქმე ბიზნესის მიმართულებით არ უნდა განვითარდეს, ეს ნაბიჯი გაუმართლებელი იქნება”

person access_time2017-10-23 19:00:16
„გარდენია შევარდნაძე“ დეკორატიული მცენარეების სანერგეა, რომელიც ზუსტად ათი წლის წინ ზურა შევარნაძემ შექმნა. როგორც „კომერსანტთან“ საუბრისას ზურაბ შევარდნაძე აცხადებს, სანერგე უკვე დიდ ტერიტორიად იქცა და ამჟამად  ერთ ჰექტარზეა გაშენებული. დამფუძნებლის თქმით, მის წამოწყებას კონცეფცია არ გააჩნია, რადგან „გარდენია შევარდნაძე“ რამდენიმე ადამიანის გემოვნებით შექმნილი პროდუქტია.   -მას შემდგომ,...

ლადო გურგენიძემ „ლიბერთი ბანკი“ დატოვა

person access_time2017-10-23 13:30:38
ლადო გურგენიძემ „ლიბერთი ბანკი“ დატოვა.    საჯარო რეესტრში შესაბამისი ცვლილებები უკვე დარეგისტრირდა. სამეთვალყურეო საბჭოს თავმჯდომარის პოსტიდან გათავისუფლების შესახებ შეტყობინება გურგენიძეს  მალიკ იშმურატოვმა გაუგზავნა.    ცნობილია, რომ  ბანკირი და ექს-პრემიერი შესაბამის კომპენსაციას მიიღებს. მიღებული გადაწყვეტილებით, უნდა მოხდეს ლადო  გურგენიძისთვის ყოველთვიური ძირითადი ხელფასის სამმაგი ოდენობის და...

კახა კალაძე : „მერია უნდა იყოს მოქნილი სტრუქტურა ნაკლები ბიუროკრატიით“

person access_time2017-10-23 12:50:44
თბილისის მერობის კანდიდატის კახა კალაძის განცხადებით, მერია უნდა იყოს მოქნილი სტრუქტურა ნაკლები ბიუროკრატიით. ეს არის ის ერთ–ერთი საკითხი, რის მოგვარებასაც ურჩევდნენ თბილისის მომავალ მერს „კომერსანტის“ პროექტის ფარგლებში გამოკითხული ბიზნესმენები.    „იმედის კვირასთან“ პირდაპირ ეთერში  კახა კალაძემ სამომავლო გეგმებზე ისაუბრა და განაცხადა, რომ მისთვის მთავარია ნაკლები ბიუროკრატია.  მერია უნდა იყოს მოქნილი სტრუქტურა, ჩვენი...

ბანკებმა 9 თვეში 631 მლნ ლარის მოგება მიიღეს - „ასეთი მაჩვენებელი ნებისმიერი განვითარებული ქვეყნისთვის არალოგიკურია“

person access_time2017-10-23 09:00:39
სექტემბერში წინა თვესთან შედარებით კომერციული ბანკების წმინდა მოგება 70,7 მილიონი ლარით გაიზარდა.   2017 წლის იანვარ-სექტემბერში კი ბანკების წმინდა მოგებამ 631 815 000 ლარი შეადგინა, რაც 147 538 000 ლარით მეტია 2016 წლის იანვარ-სექტემბრის მაჩვენებელთან შედარებით. შარშან ამავე პერიოდში კომერციული ბანკების წმინდა მოგება 484 277 000 ლარს შეადგენდა, ანუ მოგება 30%-ით გაიზარდა.     ამასთან, სექტემბრის მდგომარეობით კომერციული ბანკების შემოსავალი 3,1 მილიარდი...

რეგიონების მასშტაბით, 63-ვე საკრებულოში უმრავლესობით „ქართული ოცნება“ შედის

person access_time2017-10-22 09:53:21
რეგიონების მასშტაბით, 63-ვე საკრებულოში უმრავლესობით „ქართული ოცნება“ შედის 09:31 22-10-2017 რეგიონების მასშტაბით, 63-ვე საკრებულოში უმრავლესობით „ქართული ოცნება“ შედის თბილისის გარდა, საქართველოს მასშტაბით 63-ვე ოლქში, პროპორციულ არჩევნებში „ქართული ოცნება“ ლიდერობს.   ცესკოს მიერ 3644 უბნიდან ამ დროისთვის გამოქვეყნებული 2268 უბნის მონაცემებით, თითქმის ყველა ოლქში მმართველი პარტიის მხარდაჭერა 50 %-ზე მაღალია.   უფრო...

ცესკოს წინასწარი შედეგები ცნობილია

person access_time2017-10-22 03:41:06
ცესკოს წინასწარი შედეგების თანახმად, თბილისის მერის არჩევნებში კახა კალაძე ლიდერობს ცესკოს წინასწარი შედეგების თანახმად, თბილისის მერის არჩევნებში კახა კალაძე ლიდერობს.   როგორც ცენტრალური საარჩევნო კომისიის თავმჯდომარემ თამარ ჟვანიამ გვიან ღამით გამართულ პრესკონფერენციაზე განაცხადა, ამ ეტაპზე დედაქალაქის მასშტაბით 737 უბნიდან 165 უბანია დათვლილი და ამ მონაცემების მიხედვით, „ქართული ოცნების“ კანდიდატმა კახა კალაძემ ამომრჩეველთა ხმების 51.4%...

კახა კალაძე - 53%, ზაალ უდუმაშვილი და ალექსანდრე ელისაშვილი - 14–14% - „გორბის“ ეგზიტპოლის შედეგი

person access_time2017-10-21 22:52:20
ტელეკომპანია ”იმედის” დაკვეთით ჩატარებული ეგზიტპოლის თანახმად, ”ქართული ოცნება - დემოკრატიული საქართველოს” თბილისის მერობის კანდიდატმა კახა კალაძემ ამომრჩეველთა 53%-ის მხარდაჭერა მიიღო.  თანაბარი, 14–14% ერგოთ ზაალ უდუმაშვილსა და ალექსანდრე ელისაშვილს, 5% კი ელენე ხოშტარიას.  ტელეკომპანია „იმედის“ დაკვეთით თვითმმართველობის არჩევნებზე ეგზიტპოლი შპს „გორბიმ“...


მსგავსი სიახლეები