„ქართულ დავოსად“ წოდებული ბაკურიანი ზამთრის სეზონს მოუწესრიგებელი ინფრასტრუქტურით და ანტისანიტარიით ხვდება

access_time2017-10-12 15:30:34

ზამთრის სეზონს ბაკურიანი ძველი პრობლემებით ხვდება, კურორტზე ინფრასტრუქტურა კვლავ მოუწესრიგებელია. სერიოზულ პრობლემას წარმოადგენს ანტისანიტარიაც. კურორტზე გასართობი დაწესებულებების სიმცირეა. როგორც ბაკურიანში მდებარე სასტუმროების წარმომადგენლები „კომერსანტთან“ საუბარისას აცხადებენ, რეგიონი ვითარდება, თუმცა ამისთვის სწრაფი ტემპებია საჭირო.

 

„კომერსანტთან“ საუბრისას, Hotel Mgzavrebi Bakuriani-ს ქსელის გენერალური მენეჯერი ნიკო ლორთქიფანიძე აცხადებს, რომ სასტუმროში ნომრები ახალი წლისთვის უკვე დაჯავშნილია, ხოლო ამჟამად სასტუმროს ნომრების 50%-ზეა ჯავშანი. რაც შეეხება რეგიონში არსებულ პრობლემებს, ლორთქიფანიძის აზრით განსაკუთრებით მწვავედ ინფრასტრუქტურული პრობლემები დგას.

 

„ჩვენ სასტუმროში ნომრები ახალი წლისთვის 50%–ით არის დაჯავშნილი. მიუხედავად იმისა, რომ ბაკურიანში როგორც ქართველი, ასევე უცხოელი ტურისტების რაოდენობა ყოველწლიურად იზრდება, რეგიონი ძალიან ბევრი პრობლემის წინაშე დგას – მოუწესრიგებელია ინფრასტრუქტურა, ინტერნეტიზაციის პრობლემებია და გასართობი ადგილები თითქმის არ არის.  თუმცა ამჟამად ჩვენთან კოხტაგორის მთისკენ მიმავალი გზის დაგება ხდება. რა თქმა უნდა, ბაკურიანი ვითარდება, თუმცა გზასთან დაკავშირებული პრობლემები მაინც არსებობს. ხშირია ქვეითთა გადასასვლელების არ არსებობა.

 

რაც შეეხება გასართობ ადგილებს ბაკურიანში ამის პრობლემა ნამდვილად დგას, თუმცა სასტუმრო ცდილობს, რომ ეს სერვისი დამსვენებლებს თავად შესთავაზოს“, - აღნიშნა ლორთქიფანიძემ.

 

რეგიონში მოუწესრიგებელ ინფრასტრუქტურაზე და გასართობი ადგილების ნაკლებობაზე საუბრობს სასტუმრო Snow Plaza-ს მენეჯერი ნანა ომანიძეც. გარდა ამ პრობლემებისა მენეჯერი ბაკურიანში არსებულ ანტისანიტარიასაც უსვამს ხაზს.

 

„ამ ეტაპზე ჯავშნების საკითხთან დაკავშირებით მოლაპარაკებები უკვე მიმდინარეობს.

 

რაც შეეხება რეგიონში არსებულ პრობლემებს, გზების მოწესრიგება პირველ ადგილზე უნდა დავაყენოთ. ასევე ანტისანიტარიასთან დაკავშირებული პრობლერმებია. ტურისტისთვის მტვრიან გარემოში დასვენება გაუსაძლისია, რაც სასტუმროზეც აისახება. რეგიონში ასევე გაზიფიკაციის და ელექტროენერგიის პრობლემა დგას.  ამ პრობლემების მოგვარებასთან დაკავშირებით მთავრობის მხრიდან ახალი არაფერი მომისმენია.

 

ასევე მეტი გასართობი ადგილი უნდა არსებობდეს, რომელიც მთელი წლის განმავლობაში იმუშავებს და ამას მხოლოდ სეზონური სახე არ ექნება“, - განმარტა ომანიძემ.

 

ბაკურიანში არსებულ პრობლემებზე საუბრობს, Hotel Crystal-ის დამფუძნებელი ქეთევან ხარაძეც. ხარაძეს მიაჩნია, რომ ბაკურიანს ამ ეტაპზე კურორტის სახე არ აქვს. 

 

„ინფრასტრუქტურის პრობლემა როგორც სხვა სასტუმროებს რა თქმა უნდა, ჩვენც გვაწუხებს. ასევე ბაკურიანში არ არის გასართობი ადგილები. აღნიშნული პრობლემების გამოსწორებასთან დაკავშირებით რაღაც კეთდება, თუმცა სამომავლოდ რა იქნება, არ ვიცით. პრობლემების მოსაგვარებლად საჭიროა დაბის განვითარება და სასურველია, რომ ამ მიმართულებით სწრაფი ნაბიჯები გადაიდგას. ბაკურიანი უნდა დაემსგავსოს ნამვილ კურორტს და არ უნდა ჰგავდეს სოფელს.

 

რაც შეეხება ჯავშნებს, ძირითადად მას ყოფილი საბჭოთა კავშირის ქვეყნებიდან ვიღებთ“, - აღნიშნა ქეთევან ხარაძემ. 

 

„კომერსანტთან“  საუბრისას, ბაკურიანის ტურიზმის საინფორმაციო ცენტრის ხელმძღვანელი მარიკა მანკიევი აცხადებს, რომ ამ ეტაპზე რეგიონში ძირითად პრობლემას სველი წერტილების არარსებობა წარმოადგენს.

 

 

ავტორი: ლიკა გურაბანიძე

 

 



“ყოჩაღ მთავრობა და ეროვნული ბანკი: კვლავ შემოაგდო ლარის გაუფასურების ცრუ ვერსია და თუთიყუშებივით ერთ ხმაში აიყოლია ყველა”

person access_time2017-11-19 15:29:31
...

“პირველი იანვრიდან ხელფასს დაერქმევა ხელფასი, პრემიას - პრემია"- ირაკლი ხმალაძე

person access_time2017-11-19 12:56:41
პირველი იანვრიდან ძალაში შედის სახელფასო რეფორმა, რომლითაც წლის განმავლობაში პრემიის ოდენობა ჯამურად 10%–ს უნდა შეადგენდეს. ამის შესახებ ტელეკომპანია „იმედის“ პირდაპირ ეთერში თბილისის ვიცე–მერმა ირაკლი ხმალაძემ განაცხადა. მისივე თქმით, პირველი...

Bloomberg-მა 2017 წლის საუკეთესო ბიზნეს სკოლები დაასახელა

person access_time2017-11-18 12:30:40
Bloomberg ამერიკის საუკეთესო ბიზნეს სკოლების ყოველწლიურ რეიტინგს აქვეყნებს. ზედიზედ მესამე წელია სიის სათავეში Harvard ხვდება. მიმდინარე წელს რეიტინგში პოზიციები გაიუმჯობესეს პენსილვანიის უნივერსიტეტმა და MIT -მა. რეიტინგის შედეგენისას შემდეგი კრიტერიუმები გამოიყენეს: კურსდამთავრებულების და სტუდენტების სამეცნიერო მიღწევები; კურსდამთავრებულების დასაქმების მაჩვენებელი და მათი საშუალო ანაზღაურება. Columbia Business School-ის კურსდამთავრებულები სწავლის...

სად არის თქვენს მიერ დაანონსებული გაზრდილი ინვესტიციები ბატონო გიორგი?

person access_time2017-11-18 11:00:18
„2017 წლიდან ლარი ისე გამყარდება, რომ ეროვნულ ბანკს მიჯნის დადება მოუწევს“, — ამის შესახებ საპარლამენტო უმრავლესობის დეპუტატმა, გიორგი გაჩეჩილაძემ 2016 წლის ნოემბერში მთავრობის ახალი შემადგენლობის პარლამენტში მოსმენისას განაცხადა . ამასთან, გიორგი გაჩეჩილაძემ მთავრობის ახალ შემადგენლობას კითხვაც დაუსვა, თუ როგორ შეძლებენ მომავალში გამყარებულ ლარზე ზღვარის დაწესებას. მაშინ „მწვანეთა პარტიის” ლიდერმა, გიორგი გაჩეჩილაძე ისიც განაცხადა, რომ მომავალ წელს...

თბილისის საკრებულომ დედაქალაქის მთავრობა დაამტკიცა

person access_time2017-11-17 18:46:40
თბილისის საკრებულოში რიგგარეშე სხდომა გაიმართა, რომელსაც წარმომადგენლობითი ორგანოს თავმჯდომარე გიორგი ტყემალაძე უძღვებოდა. სხდომაზე ვიცე - მერობის კანდიდატმა, ირაკლი ხმალაძემ საკრებულოს წევრებს მერის მოადგილეების, საქალაქოს სამსახურების ხელმძღვანელებისა და გამგებლების ახალი შემადგენლობა წარმოუდგინა.   დეპუტატების უმრავლესობამ ვიცე-მერს ირაკლი ხმალაძეს, მერის მოადგილეებს: მაია ბითაძეს, ირაკლი ბენდელიანს და გიგა ნიკოლეიშვილს, ასევე დედაქალაქის მთავრობას...


მსგავსი სიახლეები