“გაზრდილი ინფრასტრუქტურული ხარჯები მომავალ წელს ეკონომიკური ზრდის ერთ-ერთი მნიშვნელოვანი ფაქტორი იქნება”

access_time2017-10-12 11:50:42

საქართველოს მთავრობას, ეროვნულ ბანკსა და საერთაშორისო სავალუტო ფონდს შორის მჭიდრო კოორდინაცია ერთ-ერთი განმაპირობებელი ფაქტორია, რომ საქართველოში ხორციელდება რეფორმები, რომელიც იმსახურებს დადებით შეფასებას , - ამის შესახებ ეკონომიკის ექსპერტმა ანდრია გვიდიანმა საერთაშორისო სავალუტო ფონდის მისიის მიერ საქართველოში გატარებული რეფორმებისა და მთავრობის 4-პუნქტიანი გეგმის დადებითად შეფასების შესახებ საუბრისას განაცხადა.

როგორც გვიდიანმა  განაცხადა, ასეთი დასკვნები ჩვენთვის ძალიან მნიშვნელოვანია, რადგან ასეთ დასკვნებს ისმენენ ინვესტორები და ცხადია, ეს მნიშვნელოვანია საგარეო ურთიერთობების თვალსაზრისით.

„სსფ-ის დადებითი შეფასება არის მისასალმებელი იმდენად, რამდენადაც საქართველომ მოახერხა იმ რეფორმების შესრულება და იმ პოზიტიური სიგნალების გაშვება, რომელმაც ეკონომიკურ ზრდასთან მიგვიყვანა. ასევე გამოვყოფდი ბიუჯეტის დეფიციტთან დაკავშირებით პოზიტიურ სიგნალებს. გავიხსენოთ სსფ-ის წინა წლის პროგნოზები საქართველოსთან მიმართებაში, რომ ეკონომიკური ზრდა 3%-ზე მეტი არ იქნებოდა. თუმცა ვიცით, რომ წელს გვაქვს 4%-ზე მეტი ზრდა. რასაკვირველია, ეს არის მთავრობის ეფექტური მუშაობის ხარჯზე მიღწეული შედეგები და ამდენად, ველოდი კიდეც სსფ-ის დადებით დასკვნას“, - აღნიშნა ანდრია გვიდიანმა.


რაც შეეხება ბიუჯეტის პროექტს, ეკონომიკის ექსპერტი მიიჩნევს, რომ პროექტში არის უარყოფითი მხარეებიც, მაგრამ მისასალმებელია ინფრასტრუქტურაში ხარჯების მობილიზაცია.

 
 
მისი თქმით, ინფრასტრუქტურა სწორედ ის მიმართულებაა, რომელიც ხელს უწყობს ეკონომიკურ ზრდას.
 
 
„რასაკვირველია, გაზრდილი ინფრასტრუქტურული ხარჯები იქნება ერთ-ერთი მნიშვნელოვანი ფაქტორი მომავალ წელს ეკონომიკური ზრდის მიმართულებით. გარდა ამისა, გაზრდილია სოციალური და ჯანდაცვაზე მიმართული ხარჯები, სუბსიდირება. თუმცა, პირადად მე სუბსიდირების მომხრე არ ვარ. ასევე მნიშვნელოვანია, სამთავრობო ხარჯების შემცირება და მიმაჩნია, რომ გაზრდილი ბიუროკრატია უნდა შემცირდეს. თუმცა, მთლიანობაში წინა წლის ბიუჯეტისგან განსხვავებით, ახალ ბიუჯეტში ბევრი ცვლილება არ არის“, - აღნიშნავს ანდრია გვიდიანი.

 
მისივე თქმით, ზოგადად საერთაშორისო სავალუტო ფონდი აფასებს ბიუჯეტის პოლიტიკას და არ შლის მას დეტალურად.

 
„ამიტომ შეიძლება ითქვას, რომ ის პოლიტიკა, რომელიც ბიუჯეტში აისახა და რა პოლიტიკაც აქვს მთავრობას, ფონდის მისიამ დადებითად შეაფასა“, - აღნიშნავს ანდრია გვიდიანი.

 
ეკონომიკის ექსპერტის განცხადებით, გარკვეული ეკონომისტებისა და ექსპერტების მხრიდან ბიუჯეტის პროექტით გათვალისწინებული საგარეო ვალი უარყოფითად შეფასდა, თუმცა, მისი აზრით, საგანგაშო ვალში არაფერია. ანდრია გვიდიანის თქმით, მთავარია, რამდენად ეფექტურად და მიზნობრივად დაიხარჯება ეს თანხები.
 
 
 
bpn.ge



ძველ იპოდრომთან ესტაკადის მოწყობაზე ტენდერი გამოცხადდა — პროექტის ღირებულება 2,9 მლნ ლარია

person access_time2018-01-21 10:00:39
თბილისის მერიამ ძველ იპოდრომთან, ცინცაძე-კარტოზიას ქუჩების კვეთაზე ესტაკადის მოწყობაზე ტენდერი გამოცხადდა. სატენდერო დოკუმენტაციის მიხედვით, სამუშაოს სავარაუდო ღირებულება 2,9 მილიონი ლარია. დოკუმენტაციის მიხედვით, ცინცაძე-კარტოზიას ქუჩების გადაკვეთაზე სატრანსპორტო კვანძის მოწყობას გულისხმობს. შედეგად, ცინცაძის (ყოფილი საბურთალოს) ქუჩიდან თამარაშვილის მიმართულებით გადაადგილება ესტაკადით იქნება შესაძლებელი. შეფერხების გარეშე განხორციელდება მოძრაობა ყაზბეგის გამზირიდან...

ირაკლი კოვზანაძე: ბურთი დღეს ეროვნული ბანკის მოედანზეა

person access_time2018-01-20 17:00:13
კომერციული ბანკებისგან ე.წ. საბანკო ჰოლდინგების გამიჯვნა საკანონმდებლო დონეზე მოხდა. საქართველოს ეროვნულ ბანკს მიეცა უფლებამოსილება და პასუხისმგებლობა დაეკისრება, ზედამხედველობა განახორციელოს არა მხოლოდ ცალკე აღებულ საბანკო დაწესებულებაზე, არამედ მთლიანად იმ "ჰოლდინგზე" თუ ფინანსურ ჯგუფზე, რომელთანაც დაკავშირებულია, აფილირებულია ესა თუ ის კომერციული ბანკი, - თემის დეტალებით "საქმიან დილასთან" პარლამენტის...

869,7 მილიონი ლარი ერთ წელიწადში - კომერციული ბანკების წმინდა მოგება რეკოდრულად გაიზარდა

person access_time2018-01-19 12:00:45
დეკემბერში კომერციული ბანკების წმინდა მოგება 152 563 000 ლარით გაიზარდა. შესაბამისად, 2017 წლის იანვარ-დეკემბერში ბანკების წმინდა მოგებამ 869 798 000 ლარი შეადგინა, რაც 28%-ით, 190,6 მილიონი ლარით მეტია წინა წლის ანალოგიურ პერიოდთან შედარებით. 2016 წლის იანვარ-დეკემბერში კომერციულმა ბანკებმა 679 101 000 ლარის წმინდა მოგება მიიღეს.     რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა დეკემბერში ბიუჯეტში...

„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...


მსგავსი სიახლეები