„ინვესტორს სწორი კონკურენციის პირობები სჭირდება“, - უნდა ჰქონდეს თუ არა ქვეყანას ანტიდემპინგური კანონი?

access_time2017-10-12 09:00:29

სჭირდება თუ არა ქვეყანას ანტიდემპინგური კანონი, ამის შესახებ რამდენიმე დღეა აქტიურად მსჯელობენ. შესაბამისი კანონპროექტი  კომიტეტში ჯერ კიდევ წინა მოწვევის პარლამენტში შევიდა. აღნიშნულ საკითხზე პარლამენტის დარგობრივი ეკონომიკისა და ეკონომიკური პოლიტიკის კომიტეტში სამუშაო შეხვედრაც გაიმართა, სადაც ანტიდემპინგური კანონმდებლობის შესახებ იმსჯელეს.

 

კანონის არსი იმაში მდგომარეობს, რომ იმპორტიორ კომპანიებს ეკრძალებათ, პროდუქციაზე შიდა ბაზრის ფასებთან შედარებით მკვეთრად დაბალი ფასების დაწესება, რაც ბაზარზე მონოპოლისტის გაჩენის საშიშროებას ქმნის.

 

დარგობრივი ეკონომიკისა და ეკონომიკური პოლიტიკის კომიტეტის თავმჯდომარის, რომან კაკულიას განცხადებით, კანონპროექტთან დაკავშირებით მუშაობის გაგრძელება განპირობებულია იმ მოცემულობით, რომ კანონის მიმართ არსებობს მაღალი საზოგადოებრივი ინტერესი, თუმცა მისივე თქმით, ჯერ უნდა მოხდეს კანონის რეგულირების ზეგავლენის შეფასება და ამის შემდეგ გადაწყდეს დაიწეროს თუ არა კანონპროექტი.

 

ეკონომიკის მინისტრის გიორგი გახარიას თქმით კი, ანტიდემპინგური კანონმდებლობა საქართველოს მსგავსი ეკონომიკის მქონე ქვეყნისთვის მთლად სასარგებლო არ არის.

 

„კომერსანტთან“ საუბრისას რომან კაკულია განმარტავს, რომ გიორგი გახარიას კომენტარი სავარაუდოდ, იმ ტრადიციულმა გაუგებრობამ გამოიწვია, რომელიც როგორც წესი ხშირად არსებობს. მისი განცხადებით, სხვადასხვა რამ არის პარლამენტში საკითხის განხილვა და პარლამენტის შენობაში რაიმე საკითხის ირგვლივ მუშაობა. კაკულიას განცხადებით, ეს ერთმანეთისგან განსხვავებული ორი მოცემულობაა.

 

როგორც მწარმოებელთა ფედერაციის ერთ-ერთი დამფუძნებელი ლევან სილაგავა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ აღნიშნავს, ადგილობრივი წარმოებისთვის დამცავი მექანიზმი უნდა არსებობდეს.

 

„ეს არ არის ფასების კონტროლის მექანიზმი. ეს არის სწორი კონკურენციის პირობების შესაქმნელი მექანიზმი. დიდი ხანია ამ თემაზე ვმსჯელობთ და საბოლოოდ უნდა ჩამოვყალიბდეთ, რომელი მექანიზმი იქნება სწორი. ანტიდემპინგურს დავარქმევთ თუ რას, უბრალოდ უნდა იყოს დამცავი მექანიზმი, რომელიც ადგილობრივი მწარმოებლებისთვის ხარისხობრივი წარმოების პირობებში სწორ და კონკურენტულ პირობებს შექმნის. კონკურენციის სააგენტო ძირითადად  ქვეყნის შიდა კონკურენციის პირობების შესახებ მუშაობს. ამიტომაც ცალკე რეგულირება, რომელიც ქვეყნის გარედან შემოტანილ პროდუქციაზეც გავრცელდება, საჭიროა“, - განმარტავს სილაგავა.  

 

მისივე თქმით, ქართული ადგილობრივი წარმოება ხშირ შემთხვევაში კონკურენციას ვერ უწევს იმპორტირებულ დაბალხარისხიან პროდუქციას იმის გამო, რომ ფასები მას უფრო დაბალი აქვს.

 

„თურქეთში ნაწარმოები კვერცხი საქართველოში უფრო დაბალ ფასად იყიდება, რადგან აღნიშნული ქვეყანა სუბსიდირებას აკეთებს ამ და კიდევ ბევრი სხვა მიმართულებაზე, რომ მისი პროდუქცია ექსპორტზე გავიდეს. ეს არათანაბარ პირობებში აყენებს ქართულ წარმოებას, რომელიც იმპორტირებულ პროდუქციას კონკურენციას ვერ უწევს. ეს ძალიან ცუდად მოქმედებს ხარისხობრივ მაჩვენებელზე. დაბალხარისხიანი სუბსიდირებული პროდუქცია, რომელიც ქვეყანაში შემოდის, ადგილობრივი წარმოების განვითარებას ამუხრუჭებს. შესაბამისად, მოსახლეობაც შედარებით დაბალი ხარისხის პროდუქციაზე ორიენტირებას იწყებს“, - აღნიშნავს ლევან სილაგავა.

 

რაც შეეხება იმ მოსაზრებას, რომ აღნიშნული კანონი შესაძლოა, უცხოელი ინვესტორებისთვის მეტ-ნაკლებად შემზღუდავ ღონისძიებად აღიქმებოდეს, სილაგავას თქმით, „პირიქით, ინვესტორებს სწორი კონკურენციის პირობები სჭირდებათ“.

 

განსხვავებული პოზიცია აქვს ბიზნესასოციაციის იურიდიულ ანალიტიკოსს ნიკა ნანუაშვილს და მიიჩნევს, რომ სანამ ანტიდემპინგური კანონის მიღება მოხდება, ბაზარზე სიტუაცია უნდა იყოს შესწავლილი.

 

„ჯერ შესასწავლია ქვეყანაში რეალურად დემპინგი გვაქვს თუ არა  და შემდეგ უნდა ვისაუბროთ იმაზე, გვჭირდება თუ არა ანტიდემპინგური კანონი. მე მსგავსი ფაქტების შესახებ არ მსმენია. გარდა ამისა, ამ კანონმდებლობის აღსრულება საკმაოდ რთული იქნება და თუ სწორად არ აღვასრულეთ, ამით ადგილობრივ წარმოებას ძალიან დავაზარალებთ. თუ ჩვენ ამა თუ იმ საქონლის თვითღირებულებას დავუდგენთ იმ ქვეყანას, საიდანაც ეს საქონელი შემოდის, ეს ადვილი არ იქნება. საბოლოოდ მივალთ იქამდე, რომ ადგილობრივ წარმოებას სასათბურე პირობებს შევუქმნით“, - განაცხადა ნანუაშვილმა.

 

რაც შეეხება უცხოელი ინვესტორების საკითხს, ნანუაშვილის თქმით, აღნიშნული კანონის მიღება ინვესტორებისთვის ბაზარზე შემოსვლა საფრთხილო იქნება: „ბოლოს მომხმარებელი დაზარალდება. თუ ჩვენ ფასების კონტროლს დავიწყებთ, ბევრად უხარისხო პროდუქციას ძვირად ვიყიდით, ამას მივიღებთ.“

 

შეგახსენებთ, რომ მთავრობამ ანტიდემპინგურ კანონპროექტზე მუშაობა 2015 წელს დაასრულა. დაანონსებული იყო, რომ მისი ამოქმედება ამავე წლის ბოლოს უნდა დაწყებულიყო, თუმცა დღემდე მისი მიღება არ მომხდარა.

 

 

კომერსანტი



პერსონალურ მონაცემთა დაცვის ინსპექტორი: Airbnb-ს მომხმარებლებმა ბინებში სათვალთვალო კამერები აღმოაჩინეს

person access_time2017-12-15 19:30:26
შვებულება ახლოვდება და რამდენიმე დღის საზღვარგარეთ გატარებას გეგმავთ: ირჩევთ თქვენთვის სასურველ მიმართულებას, ყიდულობთ ბილეთს და ბინას ინტერნეტის საშუალებით ჯავშნით. შუა შვებულებისას კი აღმოაჩენთ, რომ თქვენ მიერ ნაქირავები ბინის საძინებელში ან სააბაზანოში ბინის მეპატრონეს ვიდეოკამერა აქვს დამონტაჟებული. ამ არასასურველ მდგომარეობაში Airbnb-ს რამდენიმე მომხმარებელი აღმოჩნდა. მათი გამოცდილების შესახებ კი ინფორმაცია სოციალური ქსელის მეშვეობით მალევე გახდა ცნობილი. რა...

აფხაზებისთვის უსასყიდლოდ მიწოდებულმა დენმა შესაძლოა, „ენგურჰესის“ მიერ გამომუშავებული ელექტროენერგია გააძვიროს

person access_time2017-12-15 16:30:38
2017 წლის ნოემბერში „ენგურჰესის“ და „ვარდნილჰესის“ მიერ გამომუშავებული ელექტროენერგიის 54,4% აფხაზეთმა წაიღო, 11 თვეში კი 43,9%. სწორედ ეს დაასახელა „ენგურჰესის“ ფინანსურმა დირექტორმა ვალერი კანკიამ ჰესის მიერ გამომუშავებული ელექტროენერგიის ტარიფის შესაძლო გაზრდის ერთ-ერთ მთავარ მიზეზად. მართალია, დღეს  „ვარდნილჰესების კასკადისა და „ენგურჰესისთვის წარმოების ტარიფის დადგენის გადაწყვეტილება გადაიდო, თუმცა  საკითხი დღის წესრიგიდან არ მოხსნილა. დღეს საქართველოს...

ერთ პარტიაზე მორგებული კანონი - „ის რასაც წარსულში ფონდი „ქართუ“ აფინანსებდა, ახლა ქართული სახელმწიფო აფინანსებს“

person access_time2017-12-15 18:00:13
სახელმწიფომ, შესაძლოა ის პოლიტიკური გაერთიანებაც (პარტია) დააფინანსოს 300 ათასი ლარით, რომელიც საარჩევნო ბარიერს ვერ გადალახავს, მაგრამ პარლამენტში ერთ მაჟორიტარს მაინც შეიყვანს და რომელიც ფრაქციასაც შექმნის. როგორც ოპოზიცაიში, ისე სახელისუფლებო გუნდშიც აცხადებენ, რომ არ შეიძლება პარტია იქნება თუ პიროვნება, მას კანონებს არგებდნენ. საპარლამენტო უმრავლესობაში ამგვარი დამოკიდებულების მიუხედავად, „ქართული ოცნების“ წევრის გია ჟორჟოლიანისა და...

„ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს“

person access_time2017-12-15 15:30:48
საქართველოს ბიზნესომბუდსმენის აპარატს მიაჩნია, რომ ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს. „ანალიტიკასთან" ინტერვიუში ზურა ძნელაშვილი აცხადებს, რომ 2016 წლის ბოლოსაც, როცა ამ სისტემის დანერგვის შესახებ ბიზნესმა მოულოდნელად გაიგო, ბიზნესომბუდსმენის აპარატმა, საქართველოს ბიზნეს ასოციაციის მიმართვის საფუძველზე, პარლამენტს და აღმასრულებელ შტოებს ავანსის დღგ-ით დაბეგვრის სისტემის მინიმუმ 1 წლით გადავადების თხოვნით მიმართა, მაგრამ...

ნოემბერში ფულადი გზავნილები 24,8%-ით გაიზარდა

person access_time2017-12-15 14:42:40
2017 წლის ნოემბერში ქვეყანაში შემოსული ფულადი გზავნილების ნაკადების მოცულობამ 122.1 მლნ აშშ დოლარი, ანუ 326.3 მლნ ლარი შეადგინა, რაც 24.8 პროცენტით (24.3 მლნ აშშ დოლარით) მეტია 2016 წლის ნოემბრის ანალოგიურ მაჩვენებელზე. საქართველოს ეროვნული ბანკის ინფორმაციით, უცხოეთიდან საქართველოში ფულადი გზავნილების 92.3 პროცენტი იმ 14 უმსხვილეს დონორ...


მსგავსი სიახლეები