ავარიული სახლების უცნობი სტატისტიკა – „თბილისში ავარიული სახლების ზუსტი რაოდენობა დღემდე დათვლილი არ არის“

access_time2017-10-12 09:40:15

დედაქალაქში ავარიული სახლების რეაბილიტაციის შესახებ დაპირებას თბილისის მერობის ყველა კანდიდატი გასცემს. ამ დროს კი ოფიციალური მონაცემი, თუ რამდენი სახლია თბილისში ავარიული და ნგრევის პირას მისული, დედაქალაქის მერიაში არ მოიპოვება. ცნობილია მხოლოდ კულტურული მემკვიდრეობის სტატუსის მქონე იმ შენობების რაოდენობა, რომლებიც ინგრევა და აღდგენას საჭიროებს.

 

თბილისში ავარიული შენობები არა მარტო ძველ უბნებში, არამედ გარეუბნებშიც არის, თუმცა რამდენი, უცნობია. „კომერსანტს“ დედაქალაქის მერიაში განუცხადეს, რომ ავარიული სახლების ზუსტი მონაცემი არ აქვთ. „ახლა არ გვაქვს ზუსტი მონაცემი, თუ რამდენი სახლია ავარიული დედაქალაქში“, – განუცხადეს „კომერსანტს“ თბილისის მერიაში.

 

არადა, თბილისის მერიას ეს ინფორმაცია როგორც წესი, უნდა ჰქონდეს, მითუმეტეს, რომ აქ საქმე ეხება არა მხოლოდ ავარიული სახლების, არამედ იქ მცხოვრები ადამიანების სიცოცხლეს.

 

„კომერსანტისთვის“ მხოლოდ კულტურული მემკვიდრეობის სტატუსის მქონე ავარიული შენობების შესახებ არსებული მონაცემი გახდა ცნობილი. თბილისის განვითარების ფონდის ინფორმაციით, თბილისში 1800-მდე კულტურული მემკვიდრეობის ძეგლია, აქედან დაახლოებით 300 რეაბილიტირებული, ხოლო 1500 სარეაბილიტაციო. ასევე ისტორიულ ქალაქში არის სხვა ღირებული შენობები, რომელთაც ძეგლის სტატუსი არ გააჩნიათ და არის ავარიული, ასეთი შენობების რაოდენობა 5000– მდეა.

 

„თბილისში ავარიული სახლების უმრავლესობა ნგრევის პირასაა მისული“,– აცხადებს საკრებულოს დეპუტატი მანუჩარ მაჩაიძე. დეპუტატის აზრით, ყველაზე მეტად დაზიანებული სახლები, რომელიც გამაგრება-აღდგენას არ ექვემდებარება თბილისის ძველ უბნებშია. მაჩაიძე აღნიშნავს, რომ „თბილისის მასშტაბით ავარიული სახლების ზუსტი რაოდენობა დღემდე დათვლილი არ არის“.


 

„ყველაზე ავარიულ მდგომარეობაში ძველი თბილისია, სახლები ნგრევის პირასაა მისული. მაგალითად, ამ კუთხით ძალიან პრობლემურია: მთაწმინდა, ვერა და ავლაბარი. ეს პრობლემა წლების განმავლობაში არსებობს. სამწუხაროდ, მსგავსი სახლების შესახებ ზუსტ რიცხობრივ მონაცემს ვერავინ გვეტყვის, რადგან მისი დათვლა არ ხდება და ეს მერიის პრეროგატივაა. საკითხი ძალიან რთულია და მასზე ბევრი მუშაობაა საჭირო“, - განმარტა მაჩაიძემ.  

 

აღნიშნულ პრობლემაზე საუბრობს ურბანისტი ლადო ვარდოსანიძეც და აღნიშნავს, რომ ავარიული შენობების უმრავლესობა წლებია ხელშეუხებელია და მას სასწრაფოდ რესტავრაცია სჭირდება.

 

„ავარიული შენობების უმრავლესობას უკვე რამდენიმე წელია რესტავრაცია სჭირდება. გასათვალისწინებელია ის ფაქტორიც, რომ ავარიულ სახლებს წლების განმავლობაში გაუმართავი ინფრასტრუქტურული პრობლემები ემატება.

 

ძირითადად, ავარიული სახლები ძველ თბილისშია. გამოვყოფდი სოლოლაკსა და კლდისუბანს, თუმცა ბოლო პერიოდში იქ რამდენიმე მნიშვნელოვანი პროექტი განხორციელდა. ქვეყანას ყველაფრის ერთბაშად აღდგენის რესურსი არ აქვს“, - აღნიშნა ვარდოსანიძემ.

 

 

ავტორი: ლიკა გურაბანიძე

 



ძველ იპოდრომთან ესტაკადის მოწყობაზე ტენდერი გამოცხადდა — პროექტის ღირებულება 2,9 მლნ ლარია

person access_time2018-01-21 10:00:39
თბილისის მერიამ ძველ იპოდრომთან, ცინცაძე-კარტოზიას ქუჩების კვეთაზე ესტაკადის მოწყობაზე ტენდერი გამოცხადდა. სატენდერო დოკუმენტაციის მიხედვით, სამუშაოს სავარაუდო ღირებულება 2,9 მილიონი ლარია. დოკუმენტაციის მიხედვით, ცინცაძე-კარტოზიას ქუჩების გადაკვეთაზე სატრანსპორტო კვანძის მოწყობას გულისხმობს. შედეგად, ცინცაძის (ყოფილი საბურთალოს) ქუჩიდან თამარაშვილის მიმართულებით გადაადგილება ესტაკადით იქნება შესაძლებელი. შეფერხების გარეშე განხორციელდება მოძრაობა ყაზბეგის გამზირიდან...

ირაკლი კოვზანაძე: ბურთი დღეს ეროვნული ბანკის მოედანზეა

person access_time2018-01-20 17:00:13
კომერციული ბანკებისგან ე.წ. საბანკო ჰოლდინგების გამიჯვნა საკანონმდებლო დონეზე მოხდა. საქართველოს ეროვნულ ბანკს მიეცა უფლებამოსილება და პასუხისმგებლობა დაეკისრება, ზედამხედველობა განახორციელოს არა მხოლოდ ცალკე აღებულ საბანკო დაწესებულებაზე, არამედ მთლიანად იმ "ჰოლდინგზე" თუ ფინანსურ ჯგუფზე, რომელთანაც დაკავშირებულია, აფილირებულია ესა თუ ის კომერციული ბანკი, - თემის დეტალებით "საქმიან დილასთან" პარლამენტის...

869,7 მილიონი ლარი ერთ წელიწადში - კომერციული ბანკების წმინდა მოგება რეკოდრულად გაიზარდა

person access_time2018-01-19 12:00:45
დეკემბერში კომერციული ბანკების წმინდა მოგება 152 563 000 ლარით გაიზარდა. შესაბამისად, 2017 წლის იანვარ-დეკემბერში ბანკების წმინდა მოგებამ 869 798 000 ლარი შეადგინა, რაც 28%-ით, 190,6 მილიონი ლარით მეტია წინა წლის ანალოგიურ პერიოდთან შედარებით. 2016 წლის იანვარ-დეკემბერში კომერციულმა ბანკებმა 679 101 000 ლარის წმინდა მოგება მიიღეს.     რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა დეკემბერში ბიუჯეტში...

„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...


მსგავსი სიახლეები