„ქართულ  ბაზარს სათანადო დაცვა და შესაბამისი კანონების შემოღება სჭირდება“ - მწარმოებლები ანტიდემპინგურ კანონდებლობაზე

„ქართულ ბაზარს სათანადო დაცვა და შესაბამისი კანონების შემოღება სჭირდება“ - მწარმოებლები ანტიდემპინგურ კანონდებლობაზე

access_time2017-10-13 09:00:35

ქართველი მწარმოებლები ქვეყანაში ანტიდემპინგური კანონმდებლობის არსებობას მნიშვნელოვნად თვლიან. მათი განცხადებით, თუ იმპორტისგან ქართული პროდუქციის დაცვა არ მოხდა, ეს ადგილობრივ ბიზნესს სერიოზულად დააზარალებს.

 

ეკონომიკის მინისტრის განცხადებით, ანტიდემპინგური კანონმდებლობა საქართველოს მსგავსი ეკონომიკის მქონე ქვეყნისთვის მთლად სასარგებლო არ არის.  „ანტიდემპინგური კანონმდებლობა პარლამენტში კონკრეტულად რომ განიხილებოდეს, არ მსმენია. ამ კანონმდებლობაზე საუბარი ოთხი წელია მიდის. ეს გულისხმობს ფასების კონტროლს, რაც ჩვენს მსგავს, პატარა და ღია ეკონომიკაში, რომ გითხრათ, მთლად სასარგებლო იყოს, ალბათ, არა“, - განაცხადა გახარიამ.

 

კვერცხის მწარმოებელი კომპანიაპატარძეულის“ დირექტორი ოთარ მუჩიაშვილი „კომერსანტთან“ საუბრისას განმარტავს, რომ ქვეყანაში ანტიდეპინგური კანონმდებლობის მიღება სასიცოცხლოდ აუცილებელი და მნიშვნელოვანია. კერძოდ, როგორც მუჩიაშვილი აცხადებს, დღეს ბაზარი გაჯერებულია უკრაინიდან იმპორტირებული, იაფფასიანი კვერცხით, ეს კი ქართულ წარმოებას კლავს.

 

მისი განცხადებით, იმპორტირებული კვერცხი ბაზარზე 3-5 თეთრად შემოდის, ადგილობრივის თვითღირებულება კი 22-24 თეთრის ფარგლებშია.

 

მუჩიაშვილის განცხადებით, აუცილებელია ქვეყანაში დაცული  იქნას ადგილობრივი წარმოება, წინააღმდეგ შემთხვევაში, ქართული წარმოება თანდათან  დაიხურება.


 

პოლიეთილენის მილების მწარმოებელი კომპანიაპოლიმერი 1“-ის დამფუძნებელი ამირან ადეიშვილიკომერსანტთან განმარტავს, რომ ქართული ბაზარი იმპორტირებული პროდუქციისგან დაცული უნდა იყოს. მისი განცხადებით, საქართველოში ძალიან მაღალი ხარისხის პროდუქცია იწარმოება, რაც ბევრად განსხვავდება სხვადასხვა ქვეყნებისგან შემოტანილი ფალსიფიცირებული პროდუქციისგან.

 

ადეიშვილის განმარტებით, ქვეყანაში არ არსებობს შესაბამისი ლაბორატორია, რომელიც პროდუქციის ხარისხს შეამოწმებს. „ამიტომ, ყველა ტენდერს დაბალი ფასებით იგებენ. ამ შემთხვევაში, ხარისხს არავინ არ კითხულობს. ადგილობრივ ბაზარს კვალიფიცირებული დაცვა სჭირდება. ქართული წარმოება ისეც ვერ დგას ფეხზე და საერთოდ  წაიქცევა.“ - აცხადებს ადეიშვილი.

 

მისი განცხადებით, მთავრობის წევრებთან გამართულ თითქმის ყველა შეხვედრაზე სვამს ამ საკითხს და დებს ფაქტებს - თუ რა გვაქვს ჩვენ, რა შემოდის და როგორი ხარისხის. ადეიშვილი განმარტავს, რომ დღემდე სათანადო ყურადღება ამ საკითხს არ ექცევა.  

 

„მე პირადად ვამზადებ მილებს, რომელიც გამოიყენება სასმელი წყლისთვის, გაზისთვის. მასალა, რომლითაც მე ვამზადებ პროდუქციას, შემომაქვს. ეს მასალა  1 ტონა დაახლოებით 1600-1700 დოლარამდე ღირებულებისაა. იმპორტიროებს კი 1 ტონა მზა პროდუქცია 1 200 დოლარად შემოაქვთ. დაფიქრებაც არ უნდა, თუ რა მასალისგან მზადდება ეს პროდუქცია. თუ ჩვენ ჩვენი ადგილი ვერ დავიმკვიდრეთ, არ შეიზღუდა იმპორტირებული პროდუქცია, დაბალი ფასის გამო მოხდება მათი გაყიდვების ზრდა, ქართული წარმოება კი თავისთავად დაიხურება“ - აცხადებს ადეიშვილი.

 

მისი თქმით, ქართულ ბაზარს სათანადო დაცვა და შესაბამისი კანონების შემოღება სჭირდება.  

 

შეგახსენებთ, რომ მთავრობამ ანტიდემპინგურ კანონპროექტზე მუშაობა 2015 წელს დაასრულა. დაანონსებული იყო, რომ მისი ამოქმედება ამავე წლის ბოლოს უნდა დაწყებულიყო, თუმცა დღემდე მისი მიღება არ მომხდარა. 

 

ავტორი: სოფო ქსოვრელი 



აჭარის ყველაზე მსხვილი ინვესტორი ქვეყნები ნორვეგია, ინდოეთი და თურქეთია

აჭარის ყველაზე მსხვილი ინვესტორი ქვეყნები ნორვეგია, ინდოეთი და თურქეთია
person access_time2018-04-27 09:50:00
 ბოლო ხუთი წლის განმავლობაში განხორციელებული ინვესტიციების რაოდენობით საქართველოს რეგიონებს შორისაჭარა ლიდერობს. საქსტატის მონაცემებით, 2013 წლიდან 2017 წლის ჩათვლით, მხოლოდ ავტონომიურ რესპუბლიკაში, 740 მილიონ  198 ათასი აშშ დოლარის პირდაპირი უცხოური კაპიტალდაბანდება განხორციელდა, რაც საერთო მოცულობის 9,3%–ს შეადგენს. ამ პერიოდში ინვესტიციებმა  ჯამში 7 მილიარდ 955 მილიონ 875 ათას აშშ დოლარს მიაღწია. დედაქალაქის შემდეგ აჭარას ყველაზე მაღალი მაჩვენებლები...

პოზიციურ-ოპოზიციური შეფასებები ბიძინა ივანიშვილის საჯაროდ პოლიტიკაში დაბრუნებაზე

 პოზიციურ-ოპოზიციური შეფასებები ბიძინა ივანიშვილის საჯაროდ პოლიტიკაში დაბრუნებაზე
person access_time2018-04-26 23:40:00
პარლამენტის თავმჯდომარემ ირაკლი კობახიძე   საჭიროა შესაბამისი ზომების მიღება, რათა კიდევ უფრო მეტად გაძლიერდეს ჩვენი პარტია და საბოლოოდ ჩამოყალიბდეს, როგორც ევროპული ტიპის პოლიტიკური გაერთიანება. ამას სჭირდება განსაკუთრებული ძალისხმევა, რესურსი და ამ კუთხით ძალიან მნიშვნელოვანია ის, რომ პარტიას სათავეში ჩაუდგება ბიძინა...

სკანდალი და კორუფციის ეჭვები ევროსაბჭოს საპარლამენტო ასამბლეაში

სკანდალი და კორუფციის ეჭვები ევროსაბჭოს საპარლამენტო ასამბლეაში
person access_time2018-04-26 20:40:56
  ევროსაბჭოს საპარლამენტო ასამბლეის სესიაზე მწვავე დებატები გაიმართა, სადაც დამოუკიდებელ ექსპერტთა ჯგუფის მომზადებულ ანგარიშს განიხილავენ. ანგარიშის მიხედვით, ასამბლეის მოქმედი და ყოფილი წევრები აზერბაიჯანის ლობირების სანაცვლოდ დიდ თანხას იღებდნენ. სკანდალური ანგარიშის გამო თანამდებობა უკვე დატოვა ევროპის სახალხო პარტიის ფრაქციის თავმჯდომარე ცეზარ ფლორინ პრედამ. ევროსაბჭომ უნდა გადაწყვიტოს, როგორი იქნება მისი რეაქცია ამ ანგარიშზე. 220-გვერდიან ანგარიშში,...

BLB კახა ასლანიშვილის განცხადებებზე - გავრცელებული ცნობები არ შეესაბამება სინამდვილეს

BLB კახა ასლანიშვილის განცხადებებზე - გავრცელებული ცნობები არ შეესაბამება სინამდვილეს
person access_time2018-04-26 15:00:46
მედია-საშუალებებში გავრცელებულ ინფორმაციასთან დაკავშირებით, სადაც სს„სარაჯიშვილის“ ადვოკატმა კახა ასლანიშვილმა Microsoft-საქართველო და საადვოკატო ფირმა BLB-ის დამფუძნებელი  კახა შარაბიძე არაუფლებამოსილი ქმედებების განხორციელებაში დაადანაშაულა, კომერსანტმა შარაბიძის მოკლე კომენტარი უკვე გამოაქვეყნა.  დღეს იურიდიულმა ფირმამ „ბიზნეს ლიგალ ბიურომ” კომერსანტს  წერილობით  მიმართა და სთხოვა, საკუთარი პოზიციის უფრო ვრცლად დაფიქსირება ადვოკატ ასლანიშვილის...

ბიზნესისთვის ივანიშვილის დაბრუნება დამატებითი სტაბილურობის გარანტია

ბიზნესისთვის ივანიშვილის დაბრუნება დამატებითი სტაბილურობის გარანტია
person access_time2018-04-27 09:00:00
„ბიზნესმენებისთვის ივანიშვილის დაბრუნება პრობლემების და სირთულეების სწრაფად გადალახვისთვის გადადგმული დადებითი ნაბიჯი იქნება“, - ასე ეხმაურება ბიზნესი ყოფილი პრემიერის ბიძინა ივანიშვილის მმართველ გუნდში დაბრუნდებას.   „კომერსანტთან“ საუბრისას, ბიზნესმენებს ბიძინა ივანიშვილის დაბრუნებასთან დაკავშირებით ერთგავროვანი, პოზიტიური მოსაზრებები აქვთ. ჩვენს მიერ გამოკითხული რესპოდენტები მიიჩნევენ, რომ ეს ნაბიჯი ახალი ინიციატივებისთვის და ბიზნესში არსებული...


მსგავსი სიახლეები