ერთ ლარად დამტკიცებულ მიწაზე ინვესტიციის პირობის დარღვევისთვის ჯარიმა 100 ლარია

ერთ ლარად დამტკიცებულ მიწაზე ინვესტიციის პირობის დარღვევისთვის ჯარიმა 100 ლარია

access_time2017-10-11 17:30:11

საქართველოს უმდიდრესმა მოქალაქემ ბიძინა ივანიშვილმა თბილისის ცენტრში 1900 კვადრატული მეტრის მიწის ნაკვეთი სიმბოლურ ფასად, 1 ლარად დაიკანონა. აღნიშნულ ტერიტორიაზე ბიძინა ივანიშვილის კომპანია "თბილისი სითიმ" მილიონიანი ინვესტიცია უნდა ჩადოს და არანაკლებ 30-ადგილიანი ავტოსადგომი უნდა მოაწყოს.

 
 

ტაბულას მიერ მოპოვებული საინვესტიციო შეთანხმების მიხედვით, იმ შემთხვევაში თუ "თბილისი სითი" ტერიტორიაზე 30-ადგილზე მცირე ავტოსადგომს მოაწყობს, ის 100 ლარით დაჯარიმდება.

 

თავისუფლების მოედანზე მდებარე მიწის საბაზრო ფასი რამდენიმე მილიონ ლარს აღემატება.

 

ბიძინა ივანიშვილისთვის გაფორმებული კონტრაქტის ზუსტი პირობები ასე გამოიყურება:

 

მუხლი 3.1

"არანაკლებ 1 000 000 (ერთი მილიონი) ლარის ინვესტიციის განხორციელების გზით, პრივატიზებული ტერიტორიის მიწისქვეშ არანაკლებ 30 (ოცდაათ) ერთეულ ავტომანქანაზე გათვლილი ავტოსადგომის მშენებლობა, შესაბამისი მშენებლობის ნებართვის გაცემიდან 12 თვის ვადაში."

 

მუხლი 3.2

"პრივატიზების საგნის მიწისზედა ტერიტორიის კეთილმოწყობა."

 

რა სახის ჯარიმებს ითვალისწინებს შეთანხმება:

 

ბიძინა ივანიშვილის კომპანიასთან გაფორმებული ხელშეკრულება რამდენიმე სახის საჯარიმო სანქციას ითვალისწინებს. მაგალითად, თუ "თბილისი სითიმ" 1 მილიონის ინვესტიცია განახორციელა, მაგრამ დაარღვია პირობა, რომ მინიმუმ 30-ადგილიან ავტოსადგომს მოაწყობს, 100 ლარით დაჯარიმდება. ხელშეკრულება სხვა ჯარიმებსაც ითვალისწინებს, მაგალითად, თუ ტერიტორიაზე 1 წლის განმავლობაში მიწისქვეშა ავტოსადგომი არ აშენდა, ივანიშვილს ყოველდღიური პირგასამტეხლოს სახით დღეში 50 ლარი დაერიცხება. პრივატიზაციის საფასურის - 1 ლარის გადაუხდელობის შემთხვევაში კი, ივანიშვილი ყოველ ვადაგადაცილებულ დღეზე 5 ლარით დაჯარიმდება.

 

მუხლი 6.1

 

"საპრივატიზაციო საფასურის გადახდის ვალდებულების შეუსრულებლობის (1 ლარის არგადახდის შემთხვევაში) ან შესრულების ვადის დარღვევის შემთხვევაში, ქონების შემძენს ეკისრება პირგასამტეხლო. პირგასამტეხლო განისაზღვრება გადაუხდელი თანხის 0.1%-ის ოდენობით (ამ შემთხვევაში 10 თეთრი) დარღვევის დღიდან ყოველ დღეზე, მაგრამ არანაკლებ 5 ლარისა. პირგასამტეხლოს დარიცხვა გაგრძელდება თანხის სრულ დარიცხვამდე."

 


მუხლი 6.2

 

"ხელშეკრულების 3.1 პუნქტით გათვალისწინებული საპრივატიზებო პირობის (მიწისქვეშა ავტოსადგომის მშენებლობა) დადგენილ ვადაში შეუსრულებლობის ან შესრულების ვადის დარღვევის შემთხვევაში პირგასამტეხლო განისაზღვრება 50 ლარის ოდენობით ყოველ გადაცილებულ დღეზე."

 

მუხლი 6.3

 

"ხელშეკრულების 3.1 პუნქტით გათვალისწინებული საინვესტიციო ვალდებულების (ინვესტიციის განხორციელება მითითებული ოდენობით) დარღვევის შემთხვევაში ქონების შემძენს დაერიცხება პირგასამტეხლო დარჩენილი განსახორციელებელი ინვესტიციის 0.1%-იდ ოდენობით დარღვევის დღიდან ყოველ დღეზე"

 

მუხლი 6.4

 

"ხელშეკრულების 3.1 პუნქტით გათვალისწინებულ საპრივატიზაციო პირობაში მითითებული ავტოსადგომების რაოდენობის (30 ერთეული) დარღვევის შემთხვევაში, ქონების შემძენს დაერიცხება პირგასამტეხლო 100 ლარის ოდენობით."

 

მუხლი 6.5

 

"ხელშეკრულების 3.2 პუნქტით გათვალისწინებული საპრივატიზაციო პირობის (ავტოსადგომის ზედა ტერიტორიის კეთილმოწყობა) დარღვევის გამოვლენის შემთხვევაში, ქონების შემძენს დაეკისრება პირგასამტეხლო 50 ლარით, ყოველ ვადაგადაცილებულ დღეზე.

 

რა შენდება თავისუფლების მოედანზე:

ბიძინა ივანიშვილის მიერ დაფუძნებული თანაინვესტირების ფონდი თავისუფლების მოედანზე, ყოფილი ცეკავშირის შენობის ადგილზე აშენებს 7-ვარსკვლავიან სასტუმროს, რომელიც Marriott-ის კუთვნილი Autograph Collection-ის ბრენდის იქნება. 1 ლარად გადაცემული ქონებაც სწორედ აღნიშნული სასტუმროს პარკინგი იქნება. თავისუფლებაზე მდებარე სასტუმრო "პანორამა თბილისის" სხვა ნაწილებს სპეციალური საბაგიროთი უნდა დაუკავშირდეს, რომელსაც ფონდი ქალაქის ისტორიული ნაწილის თავზე გაჭიმავს. 

 

კიდევ ერთი ტერიტორია, რომელიც საკრებულომ ბიძინა ივანიშვილს გადასცა, თაბორის მთაზე არსებული 0.4 ჰექტარია. ბოტანიკური ბაღის მიმდებარედ არსებულ ტერიტორიას სარეკრეაციო სტატუსი ივანიშვილის მოთხოვნით საკრებულომ რამდენიმე კვირის წინ მოუხსნა. აღნიშნულ ტერიტორიაზე "პანორამა თბილისის" კიდევ ერთი სასტუმროს, "თაბორი რიზორტსის" ტექნიკური ნაგებობები უნდა განთავსდეს. 

 

თაბორის მთაზე 29.7 ჰექტარი მიწის ნაკვეთი ივანიშვილმა 2016 წელს 6.3 მილიონ ლარად იყიდა. ადგილზე გოლფ კლუბის და სასტუმროს მშენებლობაა დაგეგმილი.

 

თაბორის მთაზე 0.4 ჰექტარში ივანიშვილმა 102 ათასი ლარი გადაიხადა. ოპოზიციისინფორმაციით, ტერიტორიაზე მაღალი ძაბვის ქვესადგური მოეწყობა.

 

 

tabula.ge



აჭარის ყველაზე მსხვილი ინვესტორი ქვეყნები ნორვეგია, ინდოეთი და თურქეთია

აჭარის ყველაზე მსხვილი ინვესტორი ქვეყნები ნორვეგია, ინდოეთი და თურქეთია
person access_time2018-04-27 09:50:00
 ბოლო ხუთი წლის განმავლობაში განხორციელებული ინვესტიციების რაოდენობით საქართველოს რეგიონებს შორისაჭარა ლიდერობს. საქსტატის მონაცემებით, 2013 წლიდან 2017 წლის ჩათვლით, მხოლოდ ავტონომიურ რესპუბლიკაში, 740 მილიონ  198 ათასი აშშ დოლარის პირდაპირი უცხოური კაპიტალდაბანდება განხორციელდა, რაც საერთო მოცულობის 9,3%–ს შეადგენს. ამ პერიოდში ინვესტიციებმა  ჯამში 7 მილიარდ 955 მილიონ 875 ათას აშშ დოლარს მიაღწია. დედაქალაქის შემდეგ აჭარას ყველაზე მაღალი მაჩვენებლები...

პოზიციურ-ოპოზიციური შეფასებები ბიძინა ივანიშვილის საჯაროდ პოლიტიკაში დაბრუნებაზე

 პოზიციურ-ოპოზიციური შეფასებები ბიძინა ივანიშვილის საჯაროდ პოლიტიკაში დაბრუნებაზე
person access_time2018-04-26 23:40:00
პარლამენტის თავმჯდომარემ ირაკლი კობახიძე   საჭიროა შესაბამისი ზომების მიღება, რათა კიდევ უფრო მეტად გაძლიერდეს ჩვენი პარტია და საბოლოოდ ჩამოყალიბდეს, როგორც ევროპული ტიპის პოლიტიკური გაერთიანება. ამას სჭირდება განსაკუთრებული ძალისხმევა, რესურსი და ამ კუთხით ძალიან მნიშვნელოვანია ის, რომ პარტიას სათავეში ჩაუდგება ბიძინა...

სკანდალი და კორუფციის ეჭვები ევროსაბჭოს საპარლამენტო ასამბლეაში

სკანდალი და კორუფციის ეჭვები ევროსაბჭოს საპარლამენტო ასამბლეაში
person access_time2018-04-26 20:40:56
  ევროსაბჭოს საპარლამენტო ასამბლეის სესიაზე მწვავე დებატები გაიმართა, სადაც დამოუკიდებელ ექსპერტთა ჯგუფის მომზადებულ ანგარიშს განიხილავენ. ანგარიშის მიხედვით, ასამბლეის მოქმედი და ყოფილი წევრები აზერბაიჯანის ლობირების სანაცვლოდ დიდ თანხას იღებდნენ. სკანდალური ანგარიშის გამო თანამდებობა უკვე დატოვა ევროპის სახალხო პარტიის ფრაქციის თავმჯდომარე ცეზარ ფლორინ პრედამ. ევროსაბჭომ უნდა გადაწყვიტოს, როგორი იქნება მისი რეაქცია ამ ანგარიშზე. 220-გვერდიან ანგარიშში,...

BLB კახა ასლანიშვილის განცხადებებზე - გავრცელებული ცნობები არ შეესაბამება სინამდვილეს

BLB კახა ასლანიშვილის განცხადებებზე - გავრცელებული ცნობები არ შეესაბამება სინამდვილეს
person access_time2018-04-26 15:00:46
მედია-საშუალებებში გავრცელებულ ინფორმაციასთან დაკავშირებით, სადაც სს„სარაჯიშვილის“ ადვოკატმა კახა ასლანიშვილმა Microsoft-საქართველო და საადვოკატო ფირმა BLB-ის დამფუძნებელი  კახა შარაბიძე არაუფლებამოსილი ქმედებების განხორციელებაში დაადანაშაულა, კომერსანტმა შარაბიძის მოკლე კომენტარი უკვე გამოაქვეყნა.  დღეს იურიდიულმა ფირმამ „ბიზნეს ლიგალ ბიურომ” კომერსანტს  წერილობით  მიმართა და სთხოვა, საკუთარი პოზიციის უფრო ვრცლად დაფიქსირება ადვოკატ ასლანიშვილის...

ბიზნესისთვის ივანიშვილის დაბრუნება დამატებითი სტაბილურობის გარანტია

ბიზნესისთვის ივანიშვილის დაბრუნება დამატებითი სტაბილურობის გარანტია
person access_time2018-04-27 09:00:00
„ბიზნესმენებისთვის ივანიშვილის დაბრუნება პრობლემების და სირთულეების სწრაფად გადალახვისთვის გადადგმული დადებითი ნაბიჯი იქნება“, - ასე ეხმაურება ბიზნესი ყოფილი პრემიერის ბიძინა ივანიშვილის მმართველ გუნდში დაბრუნდებას.   „კომერსანტთან“ საუბრისას, ბიზნესმენებს ბიძინა ივანიშვილის დაბრუნებასთან დაკავშირებით ერთგავროვანი, პოზიტიური მოსაზრებები აქვთ. ჩვენს მიერ გამოკითხული რესპოდენტები მიიჩნევენ, რომ ეს ნაბიჯი ახალი ინიციატივებისთვის და ბიზნესში არსებული...


მსგავსი სიახლეები