მცხეთის განვითარების გეგმაზე ისევ დაწუნებული პროექტის ავტორი კომპანია მუშაობს

access_time2017-10-11 11:30:34

მცხეთის ქალაქის განვითარების გეგმაზე ისევ დაწუნებული პროექტის ავტორი კომპანია „სალი 2011“ მუშაობს, - ამის შესახებ „კომერსანტს“ მცხეთის საკრებულოს სივრცით ტერიტორიული დაგეგმარების და ინფრასტრუქტურის კომისიის წევრმა  თამარ მაისურაძემ განუცხადა.

 

როგორც ცნობილია „სალი 2011“-ის მიერ წარმოდგენილი გეგმა მცხეთის საკრებულოსთან ერთად იუნესკომაც დაიწუნა და შესაბამისი რეკომენდაციები გასცა. „კომერსანტის“ ინფორმაციით, ახალ გეგმაზე მუშაობა იუნესკოს დამოუკიდებელ არბიტრთან ერთად სპეციალურ კომისიას უნდა დაეწყო და 2017 წლის 12 ოქტომბერს ახალი გეგმა უნდა წარმოედგინა, თუმცა საკრებულოს წევრებს იუნესკოდან ჩამოსული დელეგაციის წევრები არ შეხვედრიან და ძველი გეგმის განახლებაზეც დაწუნებული გეგმის ავტორები აგრძელებენ მუშაობას.

 

თამარ მაისურაძის განცხადებით,  ხელისუფლებამ სპეციალური კომისიის შექმნას, ამჯობინა, რომ პროექტი ძველი გეგმის ავტორი კომპანიას დაესრულებინა.  

 

„სალი 2011“ აგრძელებს გეგმაზე მუშაობას, მან უნდა შეიტანოს ის ცვლილებები, რომლებიც მცხეთის საკრებულომ და იუნესკომ რეკომენდაციის სახით მისცეს. ჩვენ გვქონდა შეთავაზება, რომ მოგვეწვია ექსპერტები და მათ დაესრულებინათ ეს გეგმა, მაგრამ ხელისუფლებამ ჩათვალა, რომ უკეთესი იქნება მან დაასრულოს გეგმაზე მუშაობა, ვინც დაიწყო“,-ამბობს თამარ მაისურაძე.

 


აღსანიშნავია, რომ მთავრობამ აღნიშნული გეგმის შემუშავებაში შპს „სალი 2011“-ს სარეზერვო ფონდიდან 160 ათასი ლარი გადაუხადა, თავის დროზე გეგმის ავტორები საკრებულოსა და იუნესკოს შენიშვნებს არ იზიარებდნენ, მაგრამ აღმოჩნდა, რომ ისინი მცხეთის ქალაქის განვითარების გეგმას დამატებითი სახსრების გარეშე მაინც განაახლებენ. როგორც თამარ მაისურაძემ „კომერსანტს“ უთხრა გეგმა ოქტომბრის ბოლოსთვის მზად უნდა იყოს, რათა მისი განხილვა და შემდეგ დამტკიცება წლის ბოლომდე მოესწროს.

 

„ახალ გეგმაზე მუშაობისთვის „სალი 2011“-სთვის ბიუჯეტიდან თანხა აღარ გამოყოფილა. ეს დოკუმენტი დეკემბრამდე უნდა იყოს დასრულებული, თუმცა რა ეტაპზეა ეს პროცესი ახლა არ ვიცი, მომუშავე კომპანიასთან პირადად მე კომუნიკაცია არ მაქვს“,-განმარტავს მაისურაძე.

 

როგორც ცნობილია, იმის გამო, რომ მცხეთის გენერალური გეგმა ვერ დამტკიცდა, რამდენიმე თვის წინ მთავრობამ მცხეთაში მიწების გასხვისებასა და მშენებლობებზე მორატორიუმი 2 წლით გაახანგრძლივა, როგორც მაშინ „კომერსანტს კულტურული მემკვიდრეობის დაცვის ეროვნული სააგენტოს იურიდიული სამსახურის უფროსმა თეო ონიანმა განუცხადა, თუ საკრებულო მორატორიუმის ვადის ამოწურვამდე შეძლებს აღნიშნული დოკუმეტაციის მიღებას, მორატორიუმიც ვადაზე ადრე შეწყდება.

 

როდის დაასრულებს კომპანია „სალი 2011“ ქალაქის ახალ  გეგმაზე მუშაობას, „კომერსანტი“ აღნიშნულ თემაზე მუშაობას აგრძელებს და კომპანიის პოზიციას მოგვიანებით შემოგთავაზებთ.

 

 

ავტორი: ნათია სოსიაშვილი 



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები