„კომპანიებისთვის ეს ხელმშემწყობი ფაქტორი იქნება“ – ბიზნესმენები ტენდერებში მცირე და საშუალო ბიზნესისთვის კვოტის დაწესებაზე

access_time2017-10-11 14:00:03

ბიზნესმენების ნაწილი „კომერსანტთან“ დეპუტატ ლევან კობერიძის იმ ინიციატივას აფასებს, რომელიც სახელმწიფო შესყიდვებში მცირე და საშუალო ბიზნესისთვის კვოტის დაწესებას გულისხმობს. 

 

ბიზნესმენ ნაზი ალასანიას განცხადებით, ინიციატივა კარგია, თუმცა დღეს მცირე და საშუალო ბიზნესი  თითქმის აღარ არსებობს.  მისი თქმით, ეს ხელს შეუწყობს მცირე ბიზნესს, რათა კიდევ უფრო განვითარდეს და საშუალო მასშტაბზე  გავიდეს, საშუალო კი - მსხვილი გახდეს.

 

„ჩემით არ ვსაზღვრავ, რადგან ჩემს ბიზნესს მე კარგად ვუვლი და სხვისი დახმარება არ მჭირდება, მათ შორის, არც კვოტა. სხვებისთვის აუცილებელია“-აცხადებს ალასანია.

 

სს „საქკაბელის“ სასმეთვალყურეო საბჭოს თავმჯდომარე ედიშერ მამალაძის განცხადებით, აღნიშნულ საკითხზე დიდი ხანია ეკონომიკის სამინისტრო მუშაობს, ეს ჯდება ევროკავშირთან ასოცირების ხელშეკრულების ფარგლებში და ეს არ შეეხება დიდ ტენდერებს და მნიშვნელოვან თანხებს. როგორც მამალაძე განმარტავს, ეს ეხება მცირე და საშუალო ბიზნესს იმისთვის, რომ თანაბარი ხარისხის პირობებში ადგილობრივ ბაზარზე უფრო მყარად მოიკიდონ ფეხი.

 

„ეს შეეხება დაახლოებით 500 000 ლარის ღირებულების ტენდერებს. არ შეეხება საერთაშორისო, მსოფლიო  ბანკის დაფინანსების ფარგლებში გამოცხადებულ ტენდერებს. მე როგორც ვიცი, ეს ასეა. ბიზნესისთვის და ზოგადად კომპანიებისთვის ეს გარკვეულწილად  ხელმშემწყობი ფაქტორი იქნება. სულ არაფერს, ჯობს. უცხოური კომპანიებისთვის კი შეშფოთების საფუძველი არ იქნება, რადგან ეს მსხვილ ტენდერებს არ შეეხება“-აცხადებს მამალაძე.

 

შეგახსენებთ, საპარლამენტო უმრავლესობის წევრმა დეპუტატმა, დარგობრივი ეკონომიკის კომიტეტის წევრმა ლევან კობერიძემ რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ექსკლუზიურად  განაცხადა, რომ  პარლამენტში  უახლოეს მომავალში შევა საკანონმდებლო ინიციატივა, რომლის მიხედვითაც მცირე და საშუალო ბიზნესს სახელმწიფო შესყიდვებში გარკვეული კვოტა ექნებათ.

 

მისი თქმით, ამერიკის შეერთებულ შტატებში 20% ფედერალური ბიუჯეტის შესყიდვებიდან ცხადდება მხოლოდ საშუალო და მცირე ბიზნესისათვის და ჩვენ ვაპირებთ მსგავსი ტიპის ინიციატივით შევიდეთ.

 

 „ამ საკითხთან დაკავშირებით ბუნებრივია კონსულტაციები გვაქვს მთავრობასთან, მცირე და საშუალო ბიზნესთანაც და ა.შ. იქ არის მოსაზრება ეს პროტექციონიზმი ხომ არ იწვევს არაკონკურენტული გარემოს შექმნას, მაგრამ ეს უნდა იყოს სახელმწიფო პოლიტიკა. შეიძლება დასაწყისში 5% იყოს, მაგრამ რაღაც პროცენტი ტენდერების უნდა გამოცხადდეს მხოლოდ და მხოლოდ მცირე და საშუალო ბიზნესისთვის. რატომ? ბუნებრივია, რომ მსხვილ ბიზნესს აქვს გაცილებით დიდი ფინანსური რესურსი და მას შეუძლია ყოველთვის დემპინგურ ფასზეც კი წავიდეს. მცირე ბიზნესი უბრალოდ ვერ შეძლებს ასეთ ტენდერებში მონაწილეობას. ეს კარგი საშუალება იქნება სახელმწიფოს მხრიდან შექმნას კარგი საფუძველი, რომელიც შემდეგ უკვე თვითონ უნდა განავითაროს და იმუშაოს. ეს იქნება სისტემური მიდგომა. დარგებიც შეზღუდული უნდა იყოს.  ეს იქნება ერთ-ერთი მთავარი გადაწყვეტილება, რომელსაც პარლამენტი სავარაუდოდ, მალე მიიღებს.

 

მთავრობისთვისაც მცირე და საშუალო ბიზნესი არის ის პრიორიტეტი და ძალიან მნიშვნელოვანი, ამ შემთხვევაში აბსოლუტურად უნისონშია პარლამენტის და მთავრობის მოსაზრებები. არ ვფიქრობ, რომ ეს დროებითი ღონისძიება იქნება, სანამ მშპ–ში მცირე და საშუალო ბიზნესის მაჩვენებელი  60-70%-მდე არ გაიზრდება, მანამდე ეს პროგრამა საჭირო იქნება“-აცხადებს ლევან კობერიძე. 

 

 

ავტორი: სოფო ქსოვრელი

 



„დამატებითი ტვირთის მოსაზიდად აუცილებელია „ტრანზიტის ხელშეწყობის“ კანონის მიღება“

person access_time2017-12-14 11:00:37
საქართველოს რკინიგზის სატარიფო ცვლილებები დამატებითი ტვირთის მოსაზიდად არასაკმარისია, - ამის შესახებ „სატრანსპორტო დერეფნის კვლევის ცენტრში“ აცხადებენ. ორგანიზაციაში მიაჩნიათ, რომ აუცილებელია სახელმწიფოს მხრიდან დამატებითი ღონისძიებების გატარება, თუნდაც საკანონმდებლო დონეზე „ტრანზიტის ხელშეწყობის“ კანონის შემოღება. ორგანიზაციის ცნობით, 2017 წლის განმავლობაში მეზობელი ქვეყნების ტვირთების მიმართ საქართველოს რკინიგზის მიერ განხორციელებული იქნა, სატარიფო პოლიტიკაში 14...

პარლამენტმა 2018 წლის სახელმწიფო ბიუჯეტი დაამტკიცა

person access_time2017-12-13 20:31:10
პარლამენტმა 2018 წლის სახელმწიფო ბიუჯეტი დაამტკიცა. მომავალი წლის მთავარი საფინანსო დოკუმენტი, რომელის საბოლოო ვარიანტი საკანონმდებლო ორგანოს ფინანსთა ახალმა მინისტრმა მამუკა ბახტაძემ წარუდგინა, დეპუტატებმა 111 ხმით ერთხმად მიიღეს.   კენჭისყრას წინ უძღვოდა ხანგრძლივი განხილვა და დებატები, რომელიც მთელი დღის განმავლობაში მიმდინარეობდა.     სახელმწიფო ბიუჯეტის შემოსულობების მთლიანი მოცულობა, 2017 წელთან შედარებით იზრდება 943,8 მლნ ლარით...

შესყიდვების სააგენტოს განცხადებით "სიტროენ ჯორჯია" 4–ჯერ იყო რეგისტრირებული შავ სიაში

person access_time2017-12-13 19:13:57
„სახელმწიფო შესყიდვების სააგენტო, მაღალი საზოგადოებრივი ინტერესიდან გამომდინარე, მოქალაქე გიორგი გაჩეჩილაძის მიერ მასობრივი ინფორმაციის საშუალებებით გავრცელებულ განცხადებებთან დაკავშირებით, რომლებიც შეეხებოდა ცალკეული შემსყიდველი ორგანიზაციების მიერ კომპანია „სიტროენ ჯორჯიის" მიმართ, მისი მოსაზრებით, განხორციელებულ არამართლზომიერ და დაუსაბუთებელ ქმედებებს, აღნიშნავს: 2017 წლის 7 აპრილს საქართველოს შრომის, ჯანმრთელობისა და სოციალური დაცვის სამინისტრომ გამოაცხადა...

აიეტ კუკავა: „საქართველოს მასშტაბური ღონისძიებების მასპინძლობისთვის რესურსი არ გააჩნია“

person access_time2017-12-14 10:20:32
„საქართველოს მასშტაბური ღონისძიებების მასპინძლობისთვის რესურსი არ გააჩნია. ჩვენთან საერთაშორისო კონფერენციები როდესაც იმართება, წარმოუდგენელია იპოვო ნორმალური სასტუმრო, სადაც 1000 დელეგატი დაეტევა“, - ამის შესახებ „ალიანს ჯგუფი ჰოლდინგის“ აღმასრულებელმა დირექტორმა აიეტი კუკავამ რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა. რაც შეეხება მიმდინარე წლის შეფასებას, მისი თქმით, წელი წარმატებულად მაშინ ჩაითვლება, როდესაც სოციალური პრობლემები...

King David-ში საახალწლო აქცია „არაჩვეულებრივი 2018“ დაიწყო

person access_time2017-12-13 17:00:31
King David-ში სასიამოვნო სიახლეა! საახალწლო აქცია ,,არაჩვეულებრივი 2018“დაიწყო. მსურველებს საშუალება აქვთ საახალწლო აქციის ფარგლებში სასურველი რეზიდენცია 20 თვიანი უპროცენტო შიდა განვადებით შეიძინონ, გადახდა კი ღირებულების მხოლოდ 1%-ით დაიწყონ და დამატებით 8%-იანი ფასდაკლებითაც ისარგებლონ. რეზიდენციის შეძენისთანავე შესაძლებლობა ეძლევათ დაიწყონ სარემონტო სამუშაოები და თანხის არასრულად დაფარვის შემთხვევაშიც კი გადმოვიდნენ საცხოვრებლად. აღსანიშნავია რომ King David...


მსგავსი სიახლეები