„თბილისს როგორც ტურისტულ მიმართულებას, მეტი სიმბოლიკა სჭირდება“- რჩევა თბილისის მომავალ მერს

access_time2017-10-10 09:00:00

ბიზნესმენები თბილისის მომავალ მერს რჩევებს აძლევენ. „კომერსანტი“ თემას აგრძელებს.  აღნიშნულ რუბრიკაში ამჯერად ავიაკომპანია „ატლასგლობალის“ კომერციული დირექტორ  თამარ თანდაშვილს დავუკავშირდით. თანდაშვილი  ჩვენთან საუბრისას რამდენიმე მიმართულებას ასახელებს, რაზეც დედაქალაქის მომავალმა მერმა ყურადღება უნდა გაამახვილოს.

 

თამარ თანდაშვილი თბილისის მომავალ მერს დასუფთავების პრობლემების მოგვარებას და სარეკრეაციო ზონების მოწყობას ურჩევს. მისივე აზრით, მნიშვნელოვანია შეიქმნას თბილისის სიმბოლიკაც.

 

თანდაშვილი როგორც ავიაკომპანიის წარმომადგენელი, აცხადებს, რომ თბილისს, როგორც ტურისტულ მიმართულებას მეტი სიმბოლიკა ესაჭიროება. „თუ ვამბობთ, რომ ჩვენი პრიორიტეტია ტურიზმის განვითარება, ბოლო კვლევების მიხედვით, შეგვიძლია ვთქვათ, რომ ტურისტები მხოლოდ რამოდენიმე დღეს ატარებენ თბილისში. მათთვის რეგიონები უფრო მიმზიდველია“-აცხადებს თანდაშვილი.

 

მისივე თქმით, მოსაფიქრებელია, თუ რა შინაარსი უნდა ჰქონდეს ქალაქის არამარტო ცენტრალურ,  არამედ გარეუბნებსაც, შეიქმნას უფრო მეტი ღირსშესანიშნაობა და თუნდაც ისეთი სიმბოლოები, რომლებთანაც ტურისტებს ფოტოს გადაღება შეეძლებათ. თანდაშვილი მომავალ მერს მეტი გასართობი ადგილის შექმნასაც ურჩევს. „ჩამოსული მილიონობით ტურისტისთვის საკმარისი აღარ არის არც სასტუმროები და არც გასართობი ადგილები“.

 

„ატლაგლობალის“ კომერციული დირექტორი ტურისტების კიდევ უფრო მოსაზიდად თბილისის მომავალ მერს ქალაქის გარეუბნების უფრო მეტად განვითარებას ურჩევს. თანდაშვილი აცხადებს, რომ აუცილებელია შეიქმნას ისეთი ღირსშესანიშნაობები, რომლის გამოც ტურისტები გარეუბნებში წავლენ.

  

თანდაშვილი  თბილისის მომავალ მერს თბილისის კონცეფციის შემუშავებას ურჩევს.

  

„ქალაქში უნდა შეიქმნას ღირსშესანიშნაობები. თბილისში სამუზეუმო ინფრასტრუქტურა ძალიან მცირეა. თბილისი ასოცირდება ძველ თბილისთან, თანამედროვე ხელოვნების მუზეუმი კი არ გვაქვს და ეს აუცილებელია“-აცხადებს თანდაშვილი. მისი განცხადებით, გარდა იმისა, რომ თბილისი ძველი ქალაქია, ახალი თბილისიც შეიძლება იყოს საინტერესო.

 

თამარ თანდაშვილი  თბილისის მომავალ მერს სატრანსპორტო პრობლემის მოგვარებას და ეკოლოგიაზეც ყურადღების გამახვილებსაც ურჩევს.

 

 

ავტორი: სოფო ქსოვრელი 

 

 

 



„დამატებითი ტვირთის მოსაზიდად აუცილებელია „ტრანზიტის ხელშეწყობის“ კანონის მიღება“

person access_time2017-12-14 11:00:37
საქართველოს რკინიგზის სატარიფო ცვლილებები დამატებითი ტვირთის მოსაზიდად არასაკმარისია, - ამის შესახებ „სატრანსპორტო დერეფნის კვლევის ცენტრში“ აცხადებენ. ორგანიზაციაში მიაჩნიათ, რომ აუცილებელია სახელმწიფოს მხრიდან დამატებითი ღონისძიებების გატარება, თუნდაც საკანონმდებლო დონეზე „ტრანზიტის ხელშეწყობის“ კანონის შემოღება. ორგანიზაციის ცნობით, 2017 წლის განმავლობაში მეზობელი ქვეყნების ტვირთების მიმართ საქართველოს რკინიგზის მიერ განხორციელებული იქნა, სატარიფო პოლიტიკაში 14...

პარლამენტმა 2018 წლის სახელმწიფო ბიუჯეტი დაამტკიცა

person access_time2017-12-13 20:31:10
პარლამენტმა 2018 წლის სახელმწიფო ბიუჯეტი დაამტკიცა. მომავალი წლის მთავარი საფინანსო დოკუმენტი, რომელის საბოლოო ვარიანტი საკანონმდებლო ორგანოს ფინანსთა ახალმა მინისტრმა მამუკა ბახტაძემ წარუდგინა, დეპუტატებმა 111 ხმით ერთხმად მიიღეს.   კენჭისყრას წინ უძღვოდა ხანგრძლივი განხილვა და დებატები, რომელიც მთელი დღის განმავლობაში მიმდინარეობდა.     სახელმწიფო ბიუჯეტის შემოსულობების მთლიანი მოცულობა, 2017 წელთან შედარებით იზრდება 943,8 მლნ ლარით...

შესყიდვების სააგენტოს განცხადებით "სიტროენ ჯორჯია" 4–ჯერ იყო რეგისტრირებული შავ სიაში

person access_time2017-12-13 19:13:57
„სახელმწიფო შესყიდვების სააგენტო, მაღალი საზოგადოებრივი ინტერესიდან გამომდინარე, მოქალაქე გიორგი გაჩეჩილაძის მიერ მასობრივი ინფორმაციის საშუალებებით გავრცელებულ განცხადებებთან დაკავშირებით, რომლებიც შეეხებოდა ცალკეული შემსყიდველი ორგანიზაციების მიერ კომპანია „სიტროენ ჯორჯიის" მიმართ, მისი მოსაზრებით, განხორციელებულ არამართლზომიერ და დაუსაბუთებელ ქმედებებს, აღნიშნავს: 2017 წლის 7 აპრილს საქართველოს შრომის, ჯანმრთელობისა და სოციალური დაცვის სამინისტრომ გამოაცხადა...

აიეტ კუკავა: „საქართველოს მასშტაბური ღონისძიებების მასპინძლობისთვის რესურსი არ გააჩნია“

person access_time2017-12-14 10:20:32
„საქართველოს მასშტაბური ღონისძიებების მასპინძლობისთვის რესურსი არ გააჩნია. ჩვენთან საერთაშორისო კონფერენციები როდესაც იმართება, წარმოუდგენელია იპოვო ნორმალური სასტუმრო, სადაც 1000 დელეგატი დაეტევა“, - ამის შესახებ „ალიანს ჯგუფი ჰოლდინგის“ აღმასრულებელმა დირექტორმა აიეტი კუკავამ რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა. რაც შეეხება მიმდინარე წლის შეფასებას, მისი თქმით, წელი წარმატებულად მაშინ ჩაითვლება, როდესაც სოციალური პრობლემები...

King David-ში საახალწლო აქცია „არაჩვეულებრივი 2018“ დაიწყო

person access_time2017-12-13 17:00:31
King David-ში სასიამოვნო სიახლეა! საახალწლო აქცია ,,არაჩვეულებრივი 2018“დაიწყო. მსურველებს საშუალება აქვთ საახალწლო აქციის ფარგლებში სასურველი რეზიდენცია 20 თვიანი უპროცენტო შიდა განვადებით შეიძინონ, გადახდა კი ღირებულების მხოლოდ 1%-ით დაიწყონ და დამატებით 8%-იანი ფასდაკლებითაც ისარგებლონ. რეზიდენციის შეძენისთანავე შესაძლებლობა ეძლევათ დაიწყონ სარემონტო სამუშაოები და თანხის არასრულად დაფარვის შემთხვევაშიც კი გადმოვიდნენ საცხოვრებლად. აღსანიშნავია რომ King David...


მსგავსი სიახლეები