ხელისუფლება თუ ეროვნული ბანკი - ვის კომპეტენციაში შედის ბანკის აქციონერებისთვის არაპროფილური საქმიანობის შეზღუდვა?

access_time2017-10-09 09:00:52

საქართველოს ეროვნული ბანკის ვიცე-პრეზიდენტის მურთაზ კიკორიას განცხადებას, რომ „ბანკების აქციონერებისთვის არაპროფილური საქმიანობის შეზღუდვა სებ-ის კომპეტენციას სცილდება“, დეპუტატები და ფინანსისტები არასწორს უწოდებენ. საპარლამენტო უმრავლესობის წევრი დავით ჭიჭინაძე „კომერსანტთან“ საუბრისას აცხადებს, რომ ეროვნულ ბანკს ამის სრული უფლებაც და ძალაუფლებაც გააჩნია.

 

პარლამენტი საქართველოს ეროვნული ბანკის შესახებ კანონპროექტს განიხილავს. კანონპროექტის ერთ-ერთი ნაწილი კომერციული ბანკებიდან არაპროფილური აქტივების იურიდიულად გამიჯვნას და საბანკო ჯგუფების ზედამხედველობას ეხება. დეპუტატების ნაწილს მიაჩნია, რომ ეს საკმარისი არ არის და აუცილებელია, რომ არაპროფილური საქმიანობა კომერციული ბანკების აქციონერებსაც შეეზღუდოთ. მათი პოზიციით, ამის ზედამხედველობა ეროვნულმა ბანკმა უნდა უზრუნველყოს.

 

ეროვნული ბანკის ვიცე-პრეზიდენტი მურთაზ კიკორია კი აცხადებს, რომ ეს სებ-ის კომპეტენციას სცილდება. 

 

„ადამიანების გარკვეულ ჯგუფს მიაჩნია, რომ ბანკის აქციონერებისთვის არაპროფილური აქტივების ფლობა უნდა აიკრძალოს. ეროვნული ბანკის პოზიცია კი არის ის, რომ ეს  სცილდება ეროვნული ბანკის კომპეტენციას, ეს არის მთავრობის, პარლამენტის და დაინტერესებული პირების ერთობლივი გადაწყვეტილება, თუ რამდენად გვჭირდება განვითარების ამ ეტაპზე ასეთი აკრძალვა. ასეთი აკრძალვები უნდა განხორციელდეს ეტაპობრივად და ასეც ხდება. პირველი  იყო - მითითება კომერციული ბანკების მიმართ, რომ არაპროფილური ბიზნესიდან გასულიყვნენ და გაემიჯნათ არაპროფილური აქტივები, მეორე - ახლა საკანონმდებლო დონეზე ხდება ამის ასახვა და საბანკო ჯგუფის ცნების შემოღება. მესამე ეტაპია იქნება ამგვარი გადაწყვეტილების მიღება, ანუ აქციონერებისთვის აკრძალვა. მაგრამ ეს არ არის მარტივი საკითხი, ძალიან რთულია და საჭიროა, თუ რა ფორმით მოხდეს ეს ყველაფერი. ამიტომაც  ახლა მივდივართ ამ დაბალანსებული გზით“, - განაცხადა რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ მურთაზ კიკორიამ.

 

საპარლამენტო უმრავლესობის წევრის დავით ჭიჭინაძის განცხადებით ბანკების აქციონერებისთვის არაპროფილური საქმიანობის შეზღუდვა არის ეროვნული ბანკის კომპეტენცია და ზედამხედველობაც სწორედ მან უნდა განახორციელოს.

 

„კომერციულ ბანკებს ფულის შოვნის სპეციფიური მექანიზმი აქვთ, რომელიც სხვა არც ერთ ბიზნესს არ გააჩნია. ისინი ფულს აბსოლუტურად სხვა გზით შოულობენ, ვიდრე სხვა ბიზნესი. ამიტომ შემდგომ, როდესაც ბანკები ან ბანკის აქციონერები სხვა ბიზნესში შედიან, ბიზნესისთვის ძალიან რთულია გაუწიოს მათ კონკურენცია.  ბანკის აქციონერს შეზღუდული უნდა ჰქონდეს არაპროფილური აქტივების ფლობა, შესაძლოა, დაწესდეს ზღვარი და 5%-მდე აქციის მფლობელებს მიეცეთ სხვა ბიზნესში საქმიანობის უფლება, მაგრამ ამაზე მეტი წილის მქონე აქციონერებზე  მკაცრი შეზღუდვა უნდა ვრელდებოდეს. ამ ყველაფერს კი ეროვნული ბანკი უნდა არეგულირებდეს.  მესმის, რომ ეროვნულ ბანკს არ სურს ზედმეტი თავის ტკივილი, მაგრამ მას გააჩნია დამოუკიდებლობის ის სტატუსი და ხარისხი, რომელიც უნდა გამოიყენოს და დაარეგულიროს ფინანსური სფერო ყველა მიმართულებით“, - განაცხადა „კომერსანტთან“ საუბრისას დავით ჭიჭინაძემ.

 

მისივე თქმით, თუ გვსურს მივიღოთ რეალური კანონი, რომელიც იმუშავებს, არაპროფილური საქმიანობა აუცილებლად უნდა აიკრძალოს: „თუ ჩვენ ვთანხმდებით იმაზე, რომ  კომერციული ბანკების არაპროფილური საქმიანობა ანგრევს ბაზარს და კონკურენტუნარიანობას სპობს, მაშინ ჩვენ ისეთი კანონი უნდა მივიღოთ, რომელიც რეალურად  ბაზარს დაიცავს. კანონმა უნდა დაიცვას სხვა ბიზნესი და არ უნდა იყოს იქ ისეთი „ხვრელები“, რომლითაც ეროვნული ბანკი შემოვიდა პარლამენტში და რომლითაც თავს ითავისუფლებს იმ პასუხისმგებლობისგან , რომელიც მას უნდა ჰქონდეს საკუთარ თავზე აღებული და იყოს პასუხისმგებელი“, - დასძინა უმრავლესობის წევრმა.

 

ბიზნეს-სამართლის სპეციალისტის აკაკი ჩარგეიშვილის განცხადებით, ეროვნულ ბანკს კონსტიტუციით გააჩნია ის ძალაუფლება, რომ საფინანსო ბაზარზე მიმდინარე პროცესებში პირველი სიტყვა მან თქვას, დააწესოს რეგულაციები და ზედამხედველობა.

 

„ყველამ ვიცით, კანონის მიღება ვისი კომპეტენციაა, მაგრამ ეროვნულმა ბანკმა უნდა დააკმაყოფილოს მოლოდინი და საზოგადოებას უთხრას, თუ თავად რას ფიქრობს ამა თუ იმ საკითხზე. მთავრობა და პარლამენტი არც ერთ კანონს ისე არ მიიღებს, ვიდრე არ ჰკითხავს ისეთ ორგანიზაციებს, რომლებიც ამა თუ იმ მიმართულებაზე მუშაობენ. საფინანსო სექტორში ერთადერთია ეროვნული ბანკი, ვისაც ყველაზე მაღალი კომპეტენცია გააჩნია და შესაბამისად, სებ-მა პოზიციაც უნდა დააფიქსიროს.

 

რაც შეეხება ზოგადად  ბანკის აქციონერებისთვის არაპროფილური საქმიანობის აკრძალვას, ვიდრე არაპროფილური აქტივების ფლობის საკითხი სისტემურად არ მოგვარდება, ამაზე საუბარი მეორეხარისხოვნად  მიმაჩნია. აქციონრები შეიძლება რაღაც დოზით დაშვებულები იყვნენ სხვა ბიზნესში, მაგრამ ეს არ უნდა მოხდეს დამოკიდებული შვილობილი კომპანიის ხარჯზე“, - განუცხადა „კომერსანტს“ აკაკი ჩარგეიშვილმა.

 

 

 „კომერსანტი“

 



კახა კალაძე - 53%, ზაალ უდუმაშვილი და ალექსანდრე ელისაშვილი - 14–14% - „გორბის“ ეგზიტპოლის შედეგი

person access_time2017-10-21 22:52:20
ტელეკომპანია ”იმედის” დაკვეთით ჩატარებული ეგზიტპოლის თანახმად, ”ქართული ოცნება - დემოკრატიული საქართველოს” თბილისის მერობის კანდიდატმა კახა კალაძემ ამომრჩეველთა 53%-ის მხარდაჭერა მიიღო.  თანაბარი, 14–14% ერგოთ ზაალ უდუმაშვილსა და ალექსანდრე ელისაშვილს, 5% კი ელენე ხოშტარიას.  ტელეკომპანია „იმედის“ დაკვეთით თვითმმართველობის არჩევნებზე ეგზიტპოლი შპს „გორბიმ“...

ცესკოს ინფორმაციით, ყველა საოლქო საარჩევნო კომისიაში ჯამში 204 საჩივარი შევიდა

person access_time2017-10-21 22:23:18
საერთო ჯამში, ყველა საოლქო საარჩევნო კომისიაში შეტანილია 204 საჩივარი, - ამის შესახებ ცესკო-ს სპიკერმა ანა მიქელაძემ კენჭისყრის პროცედურის დასრულების შემდეგ შემაჯამებელ ბრიფინგზე განაცხადა.  მისი განცხადებით, ყველაზე მეტი საჩივარი შევიდა მარნეულში, ვაკეში, ნაძალადევსა და ქუთაისში.  „საჩივრები დაიწერა ადგილობრივი სადამკვირვებლო ორგანიზაციებისა და საარჩევნო სუბიექტების წარმომადგენელთა მიერ. საჩივრები ძირითადად, ეხება პროცედურულ ხარვეზებს და...

54% კახი კალაძე, 16% - ზაალ უდუმაშვილი - ედისონ რისერჩის ეგზიტპოლის საბოლოო შედეგი

person access_time2017-10-21 23:20:38
ორგანიზაცია ”ედისონ რისერჩის” მიერ ჩატარებული ეგზიტპოლის საბოლოო შედეგების თანახმად, ”ქართული ოცნება - დემოკრატიული საქართველოს” თბილისის მერობის კანდიდატმა კახა კალაძემ ამომრჩეველთა 54%-ის მხარდაჭერა მიიღო, ხოლო მეორე ადგილი ”ნაციონალური მოძრაობის” თბილისის მერობის კანდიდატმა ზაალ უდუმაშვილმა 16%-ით დაიკავა. რაც შეეხება დამოუკიდებელ კანდიდატ ალეკო ელისაშვილს, ეგზიტპოლების თანახმად, მან ამომრჩეველთა 15%-ის მხარდაჭერა...

საია - 18:00 საათისთვის არჩევნებზე ძირითადად პროცედურული დარღვევები ფიქსირდება

person access_time2017-10-21 18:43:31
საქართველოს ახალგაზრდა იურისტთა ასოციაციის ინფორმაციით, დღის 18:00 საათისთვის, კენჭისყრის მიმდინარეობისას ძირითადად პროცედურული დარღვევები ფიქსირდება.   საიას ცნობით, ამ დროისათვის საარჩევნო დარღვევებზე ორგანიზაციის დამკვირვებლებმა წარადგინეს სულ 52 საჩივარი უბანზე, 35 - ოლქში და 105 შენიშვნა.   გადასატანი ყუთით ხმის მიცემასთან დაკავშირებული პრობლემები: - თერჯოლის #16 უბანზე ამომრჩეველმა...

„მე ხმა მივეცი კიდევ უფრო უკეთეს თბილისს და დარწმუნებული ვარ, რომ თბილისი ნამდვილად ასეთი იქნება“

person access_time2017-10-21 10:40:59
მე ხმა მივეცი კიდევ უფრო უკეთეს თბილისს და დარწმუნებული ვარ, რომ თბილისი ნამდვილად ასეთი იქნება, - ამის შესახებ საქართველოს პრემიერ-მინისტრმა გიორგი კვირიკაშვილმა განაცხადა, რომელმაც ადგილობრივი თვითმმართველობის არჩევნებში საკუთარ არჩევანი საბურთალოზე, მე-4 ოლქის 24-ე საარჩევნო უბანზე დააფიქსირა. ის უბანზე მეუღლესთან და შვილებთან ერთად მივიდა. „ხმა მივეცი თბილისს, რომელშიც ყველას ეხალისება ცხოვრება, სადაც ურბანული ტრანსპორტი მოწესრიგებულია, სადაც მწვანე ზონებია...

CNNMoney: კატალონიის კრიზისმა ბარსელონაში ტურისტების რაოდენობა შეამცირა

person access_time2017-10-20 19:00:11
კატალონიაში წარმოქმნილი პოლიტიკური კრიზისის გამო ესპანეთის ეკონომიკურად ყველაზე აქტიურ რეგიონს უფრო ნაკლები ტურისტი სტუმრობს. CNNMoney-ის ინფორმაციით, გასულ წელთან შედარებით, კატალონიის მიმართულებით თვითმფრინავის ბილეთების ჯავშნები 17%-ით არის შემცირებული.   დამოუკიდებლობასთან დაკავშირებით 1-ელ ოქტომბერს კატალონიაში რეფერენდუმი ჩატარდა. რეგიონის სეპარატისტულ მთავრობას დამოუკიდებლობის მოპოვება სურს, რასაც მადრიდი ძალის გამოყენებით დაუპირისპირდა. შედეგად, მსოფლიოშ ერთ-ერთ...

CNBC: ბიტკოინის ფასი $10,000-ს გადაცდება

person access_time2017-10-21 16:00:22
ამერიკული მედიასაშუალების, CNBC-ის გამოკითხვის შედეგებით, გამოკითხულთა ნახევარი მიიჩნევს, რომ ბიტკოინის ფასი $10,000-ს გადააჭარბებს. გამოკითხვა ერთი კვირის განმავლობაში CNBC-ის საიტზე მიმდინარეობდა, რომელშიც 23,118-მა ადამიანმა მიიღო მონაწილეობა.   ანალოგიური მოსაზრება აქვს ჰეჯ ფონდის ყოფილ მენეჯერს, მაიკლ ნოვოგრაცს, რომელმაც ინტერვიუში ბიტკოინთან დაკავშირებით კომენატარი გააკეთა. ნოვოგრაცის აზრით, მსოფლიოში ყველაზე გავრცელებული კრიპტოვალუტის ღირებულება მომდევნო 10 თვის...

2018 წლიდან რეგულაციების გამკაცრება აირბალონზე მომუშავე ავტომობილებისთვისაც იგეგმება

person access_time2017-10-20 18:00:52
საქართველოში ე.წ. ტექდათვალიერება რომ უნდა აღდგეს, ამაზე აღარავინ კამათობს. ჩვენს ქუჩებში ათასობით შეუმოწმებელი ავტომობილი მოძრაობს, რომელიც უსაფრთხოების მინიმალურ სტანდარტებსაც ვერ აკმაყოფილებს. პირველ რიგში ეს გაზზე მომუშავე ავტომობილებს ეხება. ამ კატეგორიის ავტომობილების ინსპექტირება რამდენიმე თვის წინ უნდა დაწყებულიყო, მაგრამ შემოწმების პროცესი ერთ წერტილზე გაიყინა, ეს მაშინ, როცა ინსპექტირების დასრულების ბოლო ვადად თავიდან 2018 წლის 1-ლი იანვარი სახელდებოდა.   ჩვენ...

,,ავზებში სადაც ინახება საწვავი, არ ხდება მათი რეცხვა, შესაბამისად, ჩვენ ვასხამთ დაბინძურებულ ბენზინს’’

person access_time2017-10-21 14:00:52
,,მნიშვნელოვანია თუ რამდენად კვალიფიციური იქნება პერსონალი, ვინც შეამოწმებს ავტომობილებს’’   მსოფლიო ჯანდაცვის ორგანიზაციის კვლევის მიხედვით, საქართველო პირველ ადგილზეა მსოფლიოს იმ ქვეყნების ჩამონათვალში, სადაც ჰაერის დაბინძურების გამო ყველაზე მეტი ადამიანის გარდაცვალება ხდება. 100 ათას ადამიანზე 300 გარდაცვალება. ძირითადი მიზეზი გაუმართავი და მოძველებული სატრანსპორტო საშუალებებია. ჰაერის დაბინძურების 75 პროცენტი ავტომობილების გამონაბოლქვზე...

გიორგი სამანიშვილი: „2017 წლის იანვარ-სექტემბერში ექსპორტზე 50 მილიონ ბოთლზე მეტი ღვინო გავიდა“

person access_time2017-10-21 10:00:05
„ღვინის ექსპორტის ზრდა ფიქსირდება, როგორც ტრადიციულ, ასევე, ახალ საექსპორტო ბაზრებზე“, - ამის შესახებ ღვინის ეროვნული სააგენტოს თავმჯდომარე გიორგი სამანიშვილმა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა.   რამდენიმე დღის წინ, სოფლის მეურნეობის მინისტრმა ლევან დავითაშვილმა განაცხადა, რომ დამოუკიდებლობის მოპოვების შემდეგ, საქართველოს ამდენი ღვინო არ გაუყიდია, არც თანხობრივად და არც...


მსგავსი სიახლეები