თანაინვესტირების ფონდი თაბორის პროექტზე: მიწის ნაკვეთის დამატების საჭიროება გაჩნდა

access_time2017-10-07 19:44:15

საკრებულოს სხდომაზე თაბორის მთის ზონის სტატუსის ცვლილების საკითხის განხილვას ხმაური მოჰყვა. ოპოზიციონრები ფიქრობენ, რომ სტატუსის შეცვლა ამ ტერიტორიაზე მშენებლობის დაწყებას გამოიწვევს, - თემაზე გადაცემაში ’’საქმის კურსი“ საქართველოს თანაინვესტირების ფონდის სამეთვალყურეო საბჭოს თავმჯდომარე ირაკლი ქარსელაძე საუბრობს. 

-ბატონო ირაკლი, უპირველეს ყოვლისა, პროექტებზე გვიამბეთ, რომლებიც მიმდინარეობს და ასობით მილიონის ინვესტიცია იდება, რატომ ითხოვეთ დამატებითი ტერიტორიის გადაცემა, საფრთხე ექმნებოდა თუ არა მიმდინარე პროექტებს? 

-უპირველეს ყოვლისა, არანაირ გადმოცემაზე არ არის საუბარი. სამი კონკრეტული პროექტია, რომლებთან დაკავშირებითაც ბოლო დღეებია საქმიანი თვალსაზრისით აბსოლუტურად გაუგებარი აჟიოტაჟია ატეხილი. ყველა ის ფაქტი თუ არგუმენტი, რასაც ჩვენი ოპონენტები ბრძანებენ ტყუილია, ან უბრალოდ საზოგადოების შეცდომაში შეყვანის მცდელობაა. შევეცდები, საქმის ვითარება მოკლედ აგიხსნათ და თაბორის პროექტით დავიწყებ. ერთი წლის ჩვენ საჯარო აუქციონის მეშვეობით 30 ჰექტარი მიწის ნაკვეთი შევიძინეთ, რომელსაც ჩვენი დამფუძნებლის მიერ 10 ჰექტარი მიწის ნაკვეთი დაემატა, რომელიც მან 2007 წელს სწორედ იმ მიზნით შეიძინა, რომ იქაური ბუნება ხელშეუხებლად შეენარჩუნებინა და იმისთვის, რომ დედაქალაქს უპრეცედენტოდ კეთილმოწყობილი და სხვადასხვა სარეკრეაციო ფუნქციით დახუნძლული სივრცე ჰქონოდა. იმ პერიოდში ყველგან ყველაფერი შენდებოდა და არავინ არაფერს უყურებდა გამწვანება, ხე, ბუჩქი, თუ მინდორი იყო. ეს იქნებოდა ადგილი, სადაც დედაქალაქის მკვიდრნი და სტუმრები ელემენტარულად დასვენებას შეძლებდნენ. სპორტულ ღონისძიებებს ჩაატარებდნენ და ა.შ. პროექტირება მიმდინარეობდა და შესაბამისი ვალდებულებით დაგეგმილი იყო ის, რომ აღნიშნულ 400 ათას კვადრატულ მეტრზე რეკრეაციული სივრცის მოწყობა მოხდებოდა და აბსოლუტურად გამწვანდებოდა. 

-დამატებით 5 ათას კვადრატული მეტრის, შეძენასაც კომპანია გეგმავს, - მისი საჭიროება რაში მდგომარეობს? 

-სამწუხაროდ თემა ის არის, რომ საკითხები სწორედ იმ დეტალებამდე მიდის, რასაც მე გიზიარებთ. გვაქვს 40 ჰექტარი მიწის ნაკვეთი, რომელიც რელიეფურად განლაგებულია დიდი ვარდნების გათვალისწინებით. დაახლოებით 740 მეტრია ზღვის დონიდან ერთი ნაწილი და მეორე ნაწილი თუ სწორად მახსოვს 670-645 მეტრია. შესაბამისად იმისათვის, რომ მთელი ტერიტორიის ირიგაცია და დრენაჟი მოხდეს აუცილებელია შესაბამისი წყლის მიწოდება. ამას ჩვენ მტკვრიდან წამოღებული წყლით ვახორციელებთ, რომელიც ბოტანიკური ბაღის ამჟამინდელ წყლის მომარაგებას გაივლის, რომელიც თავის მხრივ, ფონდი ’’ქართუს“ მიერ იქნა დაფინანსებული და დღესაც იგი უზრუნველყოფს ამ სისტემის მოვლა-პატრონობას. იგი განვითარდება, ჩვენ ავზებს, მილგაყვანილობას დავამატებთ, რომ მთლიანად ბოტანიკურ ბაღს ქონდეს ტერიტორია და ისიც მოირწყას. შემდეგ კი მოხდეს უმაღლეს მწვერვალზე, სადაც ხელოვნური ტბა გვაქვს მოწყობილი. იქიდან უკვე შესაბამისად ხდება ამ წყლის განაწილება საირიგაციო სისტემით, რომელიც პროექტის სხვა ნაწილებთან მიმართებაში ძალიან დაწინაურებულია. მაგალითად, დრენაჟის მილები უკვე ჩადებული და მოწყობილია და დანარჩენი სამუშაოები გრძელდება. სადრენაჟო-საერიგაციო მწვანე საფარის მოვლის პროექტი, რომელიც ამერიკულმა კომპანიამ დაგვიმზადა, მის შესაბამისად ბუნებრივია, რომ ირიგაცია მთლიან ტერიტორიას უნდა მოიცავდეს და ობიექტურად მოითხოვა რაც ჭირდება, რომ ორივე სისტემამ გამართულად იმუშაოს ამ ნაკვეთის ბოლოს აღმოჩენილიყო. აქედან გამომდინარე, საჭიროება გაჩნდა იმის, რომ მიწის ნაკვეთი კიდევ დაგვემატებინა, რის შეძენასაც მერიას ვთხოვთ საბაზრო ფასად. ტერიტორიაზე ერთსართულიანი შენობები განთავსდება მწვანე საფარის მოსავლელი ტექნიკისთვის. ძალიან პრინციპულია ის, რომ საჯაროა და გოლფ კლუბის და სასტუმროს ტექნიკური ნაგებობაც რომ იყოს პრობლემას ამაშიც ვერ ვხედავ, მაგრამ აღვნიშნავ, რომ ესეც კი არ არის, ანუ საუბარია ყველაზე ეფექტურ სისტემაზე. ირიგაცია და დრენაჟი ეს არის პირველი გადაუდებელი, ყველაზე მწვავე ღონისძიება, რომელიც დაუყონებლივ უნდა გაკეთდეს. 

-რას გვეტყვით პუშკინის სკვერის მიმდებარე ტერიტორიაზე ერთ ლარად გადასაცემ ქონებაზე, რატომ ერთ ლარად და არის თუ არა გეოლოგიური დასკვნა გაცემული აღნიშნული ტერიტორიის მოსაწყობად? 

-უპირველესად, აღვნიშნავ, რომ ეს არ არის ერთ ლარად გადმოცემა, არამედ საინვესტიციო ვალდებულებით გადმოცემული მიწის ნაკვეთია. საინვესტიციო ვალდებულება კი მოიცავს მინიმუმ ერთი მილიონი ლარის დახარჯვის ვალდებულებას და მხოლოდ და მხოლოდ მიწისქვეშა ავტოსადგომების მოწყობას ამ ტერიტორიაზე და ტერიტორიის ზედაპირის კეთილმოწყობას. ეს არის ის პირობა რა პირობითაც ჩვენ დედაქალაქის მერიას მივმართეთ და უფრო მეტიც: აღნიშნული ინიციატივა არ არის გუშინდელი, დღევანდელი, ან ახალი მომწიფებული. 2015 წელს, როდესაც ჩვენ შესაბამისი სამშენებლო ნებართვა მივიღეთ, მთლიანად თავისუფლების მოედანთან მდებარე კომპლექსის განვითარებაზე, იქ შესაბამისი ვალდებულება გვქონდა აღებული, რომ შესაბამისი მიწისქვეშა ავტოსადგომები მოგვეწყო გამომდინარე იქიდან, რომ დედაქალაქს მწვავე პრობლემა აქვს ავტოსადგომების და მითუმეტეს მიწისქვეშა ავტოსადგომების. ეს კი ამ პრობლემის შემსუბუქებას გარკვეულწილად დაეხმარება უშუალოდ იმ ადგილას, რასაც თავისუფლების მოედანი და მისი მიმდებარე ტერიტორია ქვია. ეს ინიციატივა ძველი ვალდებულებაა, რომლის ფარგლებშიც ჩვენ იმ პროცედურას ვიცავთ და შესაბამისი გადმოცემა უნდა მოხდეს, რომ აღნიშნულის განხორციელების შესაძლებლობა გქონდეს. საკრებულოში ზონის შეცვლის საკითხს განიხილავდნენ - სატრანსპორტო ზონა 1-ის სატრანსპორტო ზონა 2-ზე. აქ წმინდა სამართლებრივი განსხვავებაა ამ ორ ზონას შორის იმისათვის, რომ რამე სატრანსპორტო ინფრასტრუქტურა მათ შორის, მიწისქვეშა ავტოსადგომები რომ მოეწყოს, აუცილებელია ეს მინიმუმ სატრანსპორტო ზონა იყოს. ვერანაირი სხვა მშენებლობა იქ ვერ განხორციელდება. გეოლოგიურ დასკვნას რაც შეეხება, 2015 წლის სამშენებლო ნებართვის ფარგლებში ჩვენ გვქონდა პროგრამა გეოლოგიური დასკვნის, თვითონ გეოლოგიური დასკვნა და შესაბამისი ექსპერტიზა ამასთან დაკავშირებით. დასკვნა, რომელიც ჩვენ მოპოვებული გვქონდა მომიჯნავე ტერიტორიასთან დაკავშირებით, სავსებით საკმარისი იყო იმისათვის, რომ ჩვენ ეს ინიციატივა გაგვეჟღერებინა და ზონის ცვლილება მოგვეთხოვა. ყველაფერს თავისი პროცედურა და თანმიმდევრობა აქვს. ზონის ცვლილების დროს არც კანონი მოითხოვდა და არც ამის პრეცედენტი არსებობს, რომ რამე გეოლოგიური დასკვნა იყოს მოთხოვნილი. ჩვენ არა მარტო გეოლოგიური დასკვნა გვაქვს და მისი საექსპერტო დასკვნა გაგვაჩნია, რომელიც საჯაროა და ეკონომიკის სამინისტროში დევს 2015 წლიდან. მაშინ არავის მოუკითხავს იგი და არავინ შეწუხებულა ამ საკითხით. ახლა აბსოლუტურად გაუგებარია რატომ ატყდა ეს აჟიოტაჟი. მეტიც, დღეს უშუალოდ ადგილზე, ჩვენი წითელი ხაზის ფარგლებში მიწისქვეშა ავტოსადგომი, რომელიც განკუთვნილია საჯარო დანიშნულებისთვის უკვე აშენებულია. გეოლოგიური დასკვნა კი არა რკინა-ბეტონია აშენებული უკვე. ავტოსადგომის მენეჯმენტის საკითხს ჩვენ გადავწყვეტთ. 

-2016 წლის მაისში თქვენ მზად იყავით, რომ ყოველგვარი კომერციული ინტერესის გარეშე საინვესტიციო პროექტები დაინტერესებული ინვესტორისთვის გადაგეცათ, არავინ გამოეხმაურა ამ ინიციატივას? 

-ჯერჯერობით არავინ არ გამოხმაურებია აღნიშნულ ინიციატივას. ჩვენ, რა თქმა უნდა, ამ ინიციატივის იმედად არ ვყოფილვართ და შესაბამისად, ჩვენი შემუშავებული გეგმა-გრაფიკი და სამუშაოების მიმდინარეობა გაგვაჩნია, რომელსაც მივყვებით და დღევანდელი თავისუფლების მოედანთან მდებარე კომპლექსი ამის ნათელი დადასტურებაა, რომ რკინა-ბეტონის სამუშაოები მორჩენილია. ოქტომბერში შენობის ფასადით შემოსვა დაიწყება. შეთავაზებებთან დაკავშირებით რომ არავინ გამოთქვა ინტერესი, მიზეზი ვფიქრობ პროექტების მასშტაბურობაა, პროექტების შინაარსია, რომელიც არ არის მხოლოდ პროექტი. ეს არის ბევრად უფრო მეტი, ვიდრე ერთ-ერთი პროექტი. იგი მნიშვნელოვანია დედაქალაქისთვის და ძალიან დიდი სახსრების მობილიზებას მოითხოვს და საბოლოო ჯამში, მოკლევადიან პერიოდში უპირველესად, დედაქალაქი და მისი მკვიდრები იღებენ მთავარ სიკეთეებს. 

-გამოდის, რომ პროექტების მასშტაბურობა აშინებთ ინვესტორებს? 

-არ ვიტყოდი, რომ აშინებთ, უბრალოდ სხვადასხვა ინვესტორს სხვადასხვა მოტივაცია გააჩნია. ჩვენს დამფუძნებელს გააჩნია იმის მოტივაცია, რომ ასეთი და მსგავსი პროექტებით წაახალისოს და პირიქით მოიზიდოს სხვა ინვესტორები. უჩვენოს, რომ ასეთი მასშტაბური პროექტები წარმატებულად განხორციელდეს ქვეყანაში. თითოეული ჩვენი პროექტი ამ სულისკვეთებით არის გაჟღენთილი. 

 

 

BM.GE

 

 

 

 



„დამატებითი ტვირთის მოსაზიდად აუცილებელია „ტრანზიტის ხელშეწყობის“ კანონის მიღება“

person access_time2017-12-14 11:00:37
საქართველოს რკინიგზის სატარიფო ცვლილებები დამატებითი ტვირთის მოსაზიდად არასაკმარისია, - ამის შესახებ „სატრანსპორტო დერეფნის კვლევის ცენტრში“ აცხადებენ. ორგანიზაციაში მიაჩნიათ, რომ აუცილებელია სახელმწიფოს მხრიდან დამატებითი ღონისძიებების გატარება, თუნდაც საკანონმდებლო დონეზე „ტრანზიტის ხელშეწყობის“ კანონის შემოღება. ორგანიზაციის ცნობით, 2017 წლის განმავლობაში მეზობელი ქვეყნების ტვირთების მიმართ საქართველოს რკინიგზის მიერ განხორციელებული იქნა, სატარიფო პოლიტიკაში 14...

პარლამენტმა 2018 წლის სახელმწიფო ბიუჯეტი დაამტკიცა

person access_time2017-12-13 20:31:10
პარლამენტმა 2018 წლის სახელმწიფო ბიუჯეტი დაამტკიცა. მომავალი წლის მთავარი საფინანსო დოკუმენტი, რომელის საბოლოო ვარიანტი საკანონმდებლო ორგანოს ფინანსთა ახალმა მინისტრმა მამუკა ბახტაძემ წარუდგინა, დეპუტატებმა 111 ხმით ერთხმად მიიღეს.   კენჭისყრას წინ უძღვოდა ხანგრძლივი განხილვა და დებატები, რომელიც მთელი დღის განმავლობაში მიმდინარეობდა.     სახელმწიფო ბიუჯეტის შემოსულობების მთლიანი მოცულობა, 2017 წელთან შედარებით იზრდება 943,8 მლნ ლარით...

შესყიდვების სააგენტოს განცხადებით "სიტროენ ჯორჯია" 4–ჯერ იყო რეგისტრირებული შავ სიაში

person access_time2017-12-13 19:13:57
„სახელმწიფო შესყიდვების სააგენტო, მაღალი საზოგადოებრივი ინტერესიდან გამომდინარე, მოქალაქე გიორგი გაჩეჩილაძის მიერ მასობრივი ინფორმაციის საშუალებებით გავრცელებულ განცხადებებთან დაკავშირებით, რომლებიც შეეხებოდა ცალკეული შემსყიდველი ორგანიზაციების მიერ კომპანია „სიტროენ ჯორჯიის" მიმართ, მისი მოსაზრებით, განხორციელებულ არამართლზომიერ და დაუსაბუთებელ ქმედებებს, აღნიშნავს: 2017 წლის 7 აპრილს საქართველოს შრომის, ჯანმრთელობისა და სოციალური დაცვის სამინისტრომ გამოაცხადა...

აიეტ კუკავა: „საქართველოს მასშტაბური ღონისძიებების მასპინძლობისთვის რესურსი არ გააჩნია“

person access_time2017-12-14 10:20:32
„საქართველოს მასშტაბური ღონისძიებების მასპინძლობისთვის რესურსი არ გააჩნია. ჩვენთან საერთაშორისო კონფერენციები როდესაც იმართება, წარმოუდგენელია იპოვო ნორმალური სასტუმრო, სადაც 1000 დელეგატი დაეტევა“, - ამის შესახებ „ალიანს ჯგუფი ჰოლდინგის“ აღმასრულებელმა დირექტორმა აიეტი კუკავამ რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა. რაც შეეხება მიმდინარე წლის შეფასებას, მისი თქმით, წელი წარმატებულად მაშინ ჩაითვლება, როდესაც სოციალური პრობლემები...

King David-ში საახალწლო აქცია „არაჩვეულებრივი 2018“ დაიწყო

person access_time2017-12-13 17:00:31
King David-ში სასიამოვნო სიახლეა! საახალწლო აქცია ,,არაჩვეულებრივი 2018“დაიწყო. მსურველებს საშუალება აქვთ საახალწლო აქციის ფარგლებში სასურველი რეზიდენცია 20 თვიანი უპროცენტო შიდა განვადებით შეიძინონ, გადახდა კი ღირებულების მხოლოდ 1%-ით დაიწყონ და დამატებით 8%-იანი ფასდაკლებითაც ისარგებლონ. რეზიდენციის შეძენისთანავე შესაძლებლობა ეძლევათ დაიწყონ სარემონტო სამუშაოები და თანხის არასრულად დაფარვის შემთხვევაშიც კი გადმოვიდნენ საცხოვრებლად. აღსანიშნავია რომ King David...


მსგავსი სიახლეები