„ტურისტები იზოლაციაში იქნებიან და მცირე ბიზნესს ხელი შეეშლება“ – მაია სიდამონიძე უცხოელი გიდების საქმიანობის აკრძალვაზე

access_time2017-10-09 12:10:15

„უცხოური ტურისტული კომპანიებისთვის ლიცენზიების შემოღება სადამსჯელო ნაბიჯი იქნება, რომელიც  შედეგს არ გამოიღებს“, - ამის შესახებ ტურიზმის ეროვნული ადმინისტრაციის ყოფილმა ხელმძღვანელმა მაია სიდამონიძემ „კომერსანტს“ განუცხადა.

 

უცხოური ტურისტული კომპანიებისთვის გარკვეული შეზღუდვები  დაწესდება და ისინი ტურისტს ქართველი გიდის გარეშე ვეღარ შემოიყვანენ. გიდების ასოციაციის ხელმძღვანელის ქეთევან მელაძის განმარტებით, ტურიზმის ეროვნულ სააგენტოსთან ერთად, საპილოტე პროგრამას ამზადებენ, რომელიც მომავალი წლიდან ამოქმედდება.

 

უცხოელ ტურისტს გიდი საკუთარი ქვეყნიდან რომ მოჰყვება და უცხოური ტურისტული კომპანიები ქართულ ტურისტულ კომპანიების გვერდის ავლით საქმიანობენ, ამის შესახებ ტურ-ოპერატორები და სფეროს ექსპერტები ხშირად საუბრობენ. მელაძის თქმით, აღნიშნული რეგულაცია პრობლემას მოაგვარებს.

 

თუმცა განსხვავებული პოზიცია აქვს მაია სიდამონიძეს. მისი თქმით, უცხოელი ტურისტი ქართველ გიდს იმიტომ არ ირჩევს, რომ ხშირ შემთხვევაში შესაბამის მომსახურების ხარისხს ვერ იღებს.  

 

„უცხოელ ტურისტს გიდი მოჰყვება იმიტომ, რომ ჩვენთან შესაბამისი მომსახურება არ ხვდება. ბევრი უცხოური ტურისტული კომპანია ვიცი, რომელმაც ქართულ ტურისტულ კომპანიასთან ურთიერთობა გაწყვიტა იმის გამო, რომ ხარისხიანი მომსახურება ვერ მიიღო. ასეთი რეგულაცია გამოიწვევს იმას, რომ უცხოურ კომპანიებს აეკრძალებათ ქართველი გიდების გარეშე საქმიანობა, თუმცა ამ ეტაპზე ქართველი გიდების იმედი არ მაქვს. ყოველ ფეხის ნაბიჯზე ტურისტული კომპანიაა გახსნილი, მაგრამ დიდ ნაწილს რესურსი არ აქვს, რომ მომხმარებელს მაღალი ხარიხსის მომსახურება მიაწოდოს“, - განაცხადა სიდამონიძემ.

 

მისივე თქმით, მსგავსი რეგულაცია საბჭოთა სისტემის აკრძალვას ჰგავს, რომელიც საბოლოოდ შედეგს ვერ გამოიღებს.

 

„ეს არის ერთგვარი სადამსჯელო ნაბიჯი, რომელიც თავისუფალი საბაზრო ეკონომიკის პრინციპს ეწინააღმდეგება და საბჭოთა სისტემის აკრძალვას უფრო ჰგავს. რეგულაცია თუნდაც გაკეთდეს, შეიცვლება ის, რომ უამრავი კომპანია დაიხურება. მცირე ბიზნესის განვითარებას ხელი შეეშლება და ტურისტები დიდ იზოლაციაში იქნებიან. ე.წ. შავი ბაზარი და კორუფციის წყაროები გაჩნდება. ეს პრობლემას ნამდვილად ვერ გადაწყვეტს იმიტომ, რომ პრობლემა დღესდღეობით არის განათლების დაბალი დონე და არაკვალიფიციური კადრების ყოლა“, - აღნიშნა მაია სიდამონიძემ.

 

ექსკურსიამძღოლების არაკვალიფიციურობაზე, ინფრასტრუქტურაზე, მომსახურების სფეროზე, ტრანსპორტზე, როგორც ქართული ტურიზმის ხარვეზებზე პრემიერ-მინისტრმა გიორგი კვირიკაშვილმაც ისაუბრა და აღნიშნა, რომ მომავალი სეზონისთვის აღნიშნული ხარვეზები უნდა გამოსწორდეს.

 

„პრემიერს ვეთანხმები, რომ ინფრასტრუქტურის, მომსახურების მხრივ ტურიზმში პრობლემებია, რაც უნდა მოგვარდეს. თუმცა ეს არის გამოწვევა და კომპლექსური მიდგომაა საჭირო შესაბამისი სტრუქტურების ჩართვით. ამის გარეშე ეს ყველაფერი ფუჭ საუბრად დარჩება. სეზონის წინ გადამზადების კურსებისა და ტრენინგების ჩატარება საქმეს არ უშველის. სერიოზული საგანმანათლებლო რეფორმების გატარება საჭირო. არსებული კადრების კვალიფიკაცია უნდა ამაღლდეს. ეს მცირე ბიზნესსაც წაადგება და წინააღმდეგი არ იქნებიან, რომ გადამზადდნენ“, - განმარტა სიდამონიძემ.

 

მისივე თქმით, სერიოზული პრობლემაა ისიც, რომ ტაქსის მძღოლები ტურისტებს შესაბამის სერვისს ვერ აწვდიან და ხელისუფლებამ  სერტიფიცირების გარკვეული პროგრამა უნდა აამოქმედოს.

 

„ტაქსის მძღოლები ტურისტებს მგზავრობის ღირებულებას ორმაგად და სამმაგად ახდევინებენ. არ იციან ქუჩები, სასტუმროების დასახელებები და ტურისტები შეცდმომით სხვა ადგილებზე მიჰყავთ. სოციალურ მედიაში და ბლოგებში უცხოელი ტურისტები ამის შესახებ აქტიურად წერენ და სამომავლოდ ეს ცუდი ტენდენციაა. მესმის, რომ ტაქსების სერტიფიცირება მტკივნეული გადაწყვეტილება იქნება. ვერცერთმა მთავრობამ ეს ნაბიჯი ვერ გადადგა, მაგრამ, როდესაც სახელმწიფო ინტერესზე, კონკრეტული სფეროს განვითარებაზე და მომხმარებლის უფლებების დაცვაზეა საუბარი, სიტუაციის დარეგულირებისკენ ნაბიჯები უნდა გადაიდგას. არ შეიძლება უცხოელ ტურისტს ემსახურებოდეს ტაქსი, რომელმაც ქუჩები არ იცის“, - განაცხადა მაია სიდამონიძემ.

 

ავტორი: თეონა კენჭიაშვილი

 



„ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს“

person access_time2017-12-15 15:30:48
საქართველოს ბიზნესომბუდსმენის აპარატს მიაჩნია, რომ ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს. „ანალიტიკასთან" ინტერვიუში ზურა ძნელაშვილი აცხადებს, რომ 2016 წლის ბოლოსაც, როცა ამ სისტემის დანერგვის შესახებ ბიზნესმა მოულოდნელად გაიგო, ბიზნესომბუდსმენის აპარატმა, საქართველოს ბიზნეს ასოციაციის მიმართვის საფუძველზე, პარლამენტს და აღმასრულებელ შტოებს ავანსის დღგ-ით დაბეგვრის სისტემის მინიმუმ 1 წლით გადავადების თხოვნით მიმართა, მაგრამ...

ნოემბერში ფულადი გზავნილები 24,8%-ით გაიზარდა

person access_time2017-12-15 14:42:40
2017 წლის ნოემბერში ქვეყანაში შემოსული ფულადი გზავნილების ნაკადების მოცულობამ 122.1 მლნ აშშ დოლარი, ანუ 326.3 მლნ ლარი შეადგინა, რაც 24.8 პროცენტით (24.3 მლნ აშშ დოლარით) მეტია 2016 წლის ნოემბრის ანალოგიურ მაჩვენებელზე. საქართველოს ეროვნული ბანკის ინფორმაციით, უცხოეთიდან საქართველოში ფულადი გზავნილების 92.3 პროცენტი იმ 14 უმსხვილეს დონორ...

„ბილაინი“ მომხმარებელს საახალწლოდ, ყველაზე მოთხოვნად მომსახურებას - ულიმიტო ინტერნეტს სთავაზობს

person access_time2017-12-15 13:40:32
კომუნიკაციებისა და ტექნოლოგიების კომპანია ბილაინი მომხმარებელს საახალწლოდ, ყველაზე მოთხოვნად მომსახურებას, ულიმიტო ინტერნეტს სთავაზობს.  16 - 24 დეკემბრის ჩათვლით ბილაინის მომხმარებლებს, შესაძლებლობა ექნება, მხოლოდ 15 ლარად გაიააქტიუროს ულიმიტო, უსწრაფესი ინტერნეტი. მომსახურების ჩართვა შესაძლებელია როგორც ბილაინის მობილური აპლიკაციის „My beeline Georgia “ ს ასევე ვებ გვერდის Beeline.ge და VEON აპლიკაციის საშუალებით....

TI: სსმ-ს სარეკლამო ბაზარზე შემოსვლა მნიშვნელოვნად დააზარალებს კერძო ტელევიზიებს

person access_time2017-12-15 13:50:59
„საერთაშორისო გამჭვირვალობა-საქართველო” საზოგადოებრივი მაუწყებლის საქმიანობის კვლევის შედეგებს აქვეყნებს. კვლევის მიზანია, ახალი მენეჯმენტის პირობებში მაუწყებელში მიმდინარე პროცესების შესწავლა და არსებული გამოწვევების დადგენა. კვლევის ფარგლებში გამოიკვეთა მთელი რიგი პრობლემური საკითები: „მაუწყებლობის შესახებ” კანონში მეორე მოსმენით დამტკიცებული ცვლილებები მედიაგარემოზე უარყოფითად აისახება;...

კომერციული ბანკების მიმართ საჩივრები გაიზარდა

person access_time2017-12-15 11:40:13
„საჭიროა, მომხმარებელმა მანამ მიმართოს მარეგულირებელს, სანამ კრედიტს აიღებს, მერე უკვე ძნელდება მისი დაცვა“ საფინანსო ორგანიზაციების მიერ დაზარალებულ მსესხებელთა რაოდენობა საკმაოდ მაღალია. როგორც გაზეთი „რეზონანსი“ წერს,  ამის მიზეზი ხშირ შემთხვევაში მოსახლეობისთვის არასაკმარისი ინფორმაციის მიწოდება და ბანკებისა თუ მიკროსაფინანსოების მიერ თავიანთ სასარგებლოდ მიღებული გადაწყვეტილებებია. სპეციალისტების ნაწილი მიიჩნევს,...


მსგავსი სიახლეები