„მთავრობამ შემოიტანა ბიუჯეტი, რომელიც გამორიცხავს სწრაფ ეკონომიკურ ზრდას“ – რატომ აკრიტიკებს საპარლამენტო უმცირესობა 2018 წლის ბიუჯეტს?

access_time2017-10-06 16:30:59

მთავრობამ პარლამენტს 2018 წლის სახელმწიფო ბიუჯეტის პროექტი უკვე წარუდგინა.

 


მიუხედავად იმისა, რომ ეს სამუშაო ვერსიაა, პროექტმა უკვე გამოიწვია აზრთა სხვადასხვაობა. მომავალი წლის ბიუჯეტის მოცულობა 12 მილიარდ 298 მლნ ლარია. ბიუჯეტის პროექტის პირველადი ვერსიით, შემოსავლები 10 120.0 მლნ ლარი იქნება. მათ შორის, საშემოსავლო გადასახადის საპროგნოზო მაჩვენებელი 2 780.0 მლნ ლარით განისაზღვრა, რაც მშპ-ის 6.9 პროცენტს შეადგენს. მოგების გადასახადის საპროგნოზო მაჩვენებელი - 630.0 მლნ ლარია, რაც მშპ-ის 1.6 პროცენტია. დამატებული ღირებულების გადასახადის საპროგნოზო მაჩვენებელი 4390.0 მლნ ლარს უტოლდება, რაც მშპ-ის 10.9 პროცენტს შეადგენს. რაც შეეხება აქციზის საპროგნოზო მაჩვენებელს, იგი 1 450.0 მლნ ლარით განისაზღვრა. უმრავლესობის წარმომადგენლები ამტკიცებენ, რომ მომავალ წელს 760 მილიონი ლარის ოდენობით ვალის დაფარვა იგეგმება და ეს არის ყველაზე დიდი მოცულობის ვალი, რაც ჩვენს ქვეყანას ბოლო წლებში გადაუხდია. რაც შეეხება მთლიან შიდა პროდუქტს, გაისად ის 40 მილიარდ ლარს გადააჭარბებს. დაგეგმილია, მნიშვნელოვანი ინვესტიციების განხორციელება ინფრასტრუქტურის მიმართულებით. ჯანდაცვის სამინისტროს დაფინანსება 2017 წლის გეგმასთან შედარებით იზრდება 111.2 მლნ ლარით და შეადგენს 3527.0 მლნ ლარს. სოციალური დაცვისა და საპენსიო უზრუნველყოფისთვის - 2463.2 მლნ ლარია გამოყოფილი. ჯანმრთელობის დაცვის პროგრამებისთვის - 982.8 მლნ ლარი. შსს-ს დაფინანსება იზრდება და 605 მლნ ლარს შეადგენს, მათ შორის 20 მლნ ლარი გათვალისიწინებულია სახანძრო-სამაშველო ტექნიკის შესყიდვისთვის. საგზაო ინფრასტრუქტურის გაუმჯობესებისთვის - 1283.2 მლნ ლარი.

 

„ბიზნესპრესნიუსი“ ესაუბრა დარგობრივი ეკონომიკისა და ეკონომიკური პოლიტიკის კომიტეტის წევრს - რომან გოცირიძეს, რომელიც 2018 წლის ბიუჯეტის პროექტს მწვავედ აკრიტიკებს.

 

“ქვეყნის ბიუჯეტი 950 მლნ ლარით ანუ თითქმის 1 მილიარდით იზრდება, მაგრამ ეს თანხა უამრავ სხვადასხვა მუხლშია მიმოფანტული და რომელ სფეროზე აისახება, არ ჩანს. ბიუჯეტის პროექტში პრიორიტეტები არ არის გამოკვეთილი. როგორც ჩანს, 2018 წლის ბიუჯეტში 1 თეთრიც ვერ მოიძებნა პენსიების გასაზრდელად. არადა, პენსია დღეს იმაზე ნაკლებია, რაც 5 წლის წინ იყო, ოღონდ რეალურ გამოხატულებაში. გეკითხებით - როდემდე უნდა იყოს ეს ხალხი გაუფასურებული ლარის და ინფლაციის გამო მათხოვრულ მდგომარეობაში?”, - აცხადებს რომან გოცირიძე.

 

დეპუტატის თქმით, ქვეყანა ვალებში იძირება და მთავრობამ შემოიტანა ბიუჯეტი, რომელიც გამორიცხავს სწრაფ ეკონომიკურ ზრდას. 

 

„მარტო შიდა ვალი იზრდება 400 მილიონი ლარით, არანაკლები სისწრაფით იზრდება საგარეო ვალიც. ამ ქვეყანაში ბოლო წლებში რაც კეთდება, ყველაფერი ვალით კეთდება. მთავრობამ ბოლო 6 წელიწადში (თუ 2018 წლის 400 მილიონსაც დავუმატებთ) მარტო შიდა ვალი 3 მილიარდი ლარის ოდენობით აიღო. ეს 3 მილიარდი სხვადასხვა სფეროში იხარჯება, მათ შორის, ჯანდაცვაში, რომელმაც უკვე მილიარდი ლარი „შეჭამა“, მაგრამ რეალური შედეგი არ ჩანს. ვალმა უკვე კრიტიკულ ზღვარს მიაღწია, სამაგიეროდ, ჩვენი მშპ-ი ძალიან ნელი ტემპით იზრდება, ის სასაცილო მოცულობისაა: 35-40 მილიარდი ლარი, თუ დოლარში ვიანგარიშებთ, კაპიკებია. ქვეყნის ვალმა მშპ-ის 50%-ს მიაღწია, წინა ხელისუფლების დროს მხოლოდ 34% იყო. რასაც ხედავთ, ყველაფერი წინა ხელისუფლების დროს აშენდა - გაიხედეთ მარჯვნივ, მარცხნივ, ან ცაში აიხედეთ, ან მიწაზე დაიხედეთ - რასაც კი დაინახავთ, ყველაფერი იმ წლებშია აშენებული, ან დაწყებული. ახლა კი, ყველაფერი ვალებით კეთდება, რაც ძალიან ცუდად მოქმედებს ქვეყნის მაკროეკონომიკურ სტაბილურობაზე. ავიღოთ თუნდაც ანაკლიის პორტი, რომელიც უკვე დასრულებული უნდა იყოს და ნორმალურად არც კი დაწყებულა, მსგავსი პროექტების ჩამოთვლა კიდევ შემიძლია“, - აღნიშნავს რომან გოცირიძე.



პარლამენტარის შეფასებით, ჩვენი ვალი სახიფათო არ არის იმ მეთოდიკით, რომლითაც მთავრობა ანგარიშობს, რადგან მთავრობა სახელმწიფო საწარმოების ვალს არ ითვლის.
„მარტო რკინიგზას 1 მილიარდზე მეტი ვალი აქვს, თუ სხვა საწარმოების ვალებსაც დავაჯამებთ, საქართველოს სახელმწიფო ვალი კრიტიკულ ნიშნულს უკვე დიდი ხანია გადასცდა. ასე რომ, მთავრობას შეუძლია უსასრულოდ აიღოს ვალები და მერე სხვა მთავრობას გადაულოცოს მათი გასტუმრება. ვალებით საქმის კეთება ზომიერ ფარგლებში შეიძლება, მაგრამ რასაც ესენი აკეთებენ, უკვე ყველანაირ ზღვარს სცილდება. რაც შეეხება 4,5%-იან ზრდას, პირდაპირ სასაცილოა - თუ ასეთი ტემპით ვივლით, 15-20 წლის შემდეგაც საქართველო ევროპაში ყველაზე მაჩანჩალა ქვეყანა იქნება“ - აცხადებს საპარლამენტო უმცირესობის წარმომადგენელი.

 

უმრავლესობა ოპონენტების ბრალდებებს არ ეთანხმება, მათ შორისაა დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილე - რეზო არველაძე.

 

„ბიუჯეტის პროექტი პარლამენტში რამდენიმე დღის წინ შემოიტანეს. ეს სამუშაო ვერსიაა, მაგრამ ოპოზიცია მას უკვე აკრიტიკებს. პროექტის განხილვა პარლამენტში 11 ოქტომბრიდან დაიწყება. თუ რაიმე დასახვეწია, უნდა დაიხვეწოს, რაც შესაცვლელია, უნდა შეიცვალოს. რა თქმა უნდა, ინფრასტრუქტურულ პროექტებს მომავალი წლის ბიუჯეტშიც დიდი ადგილი აქვს დათმობილი. ძალზე მნიშვნელოვანია ისეთი პროექტები, როგორიცაა ჩქაროსნული ავტომაგისტრალების მშენებლობა. მე ეს პროექტი ყველაზე მნიშვნელოვნად მიმაჩნია საქართველოს ეკონომიკური განვითარებისთვის. რა თქმა უნდა, ანაკლიის პორტის დასრულებაც საჭირო და აუცილებელია. ის 2018 წელს ვერ დასრულდება, მაგრამ მომავალი წლიდან უკვე პორტის მოწყობაზე უნდა დაიწყოს სერიოზული მუშაობა. ასევე დიდი ყურადღება უნდა დაეთმოს ენერგეტიკულ პროექტებს, რადგან ჩვენთვის ენერგეტიკის განვითარება უმნიშვნელოვანესი გზაა: ელექტროენერგიის მოხმარება ყოველწლიურად იზრდება და იმპორტიც მატულობს, რაც ჩვენს ენერგეტიკულ დამოუკიდებლობას დაბლა სწევს“, - აცხადებს რევაზ არველაძე.

 

დეპუტატის თქმით, მსოფლიოში არ არსებობს ქვეყანა, რომელიც ვალს არ იღებდეს და საქართველოც ვერ იქნება გამონაკლისი.

 

„მსოფლიო ფინანსური ორგანიზაციები ზოგჯერ შეღავათიან, 1,5-2%-იან ვალებს გამოყოფენ და როგორ შეიძლება ამაზე უარი ვთქვათ? ეს თანხა ხომ ეკონომიკის განვითარებას უნდა მოხმარდეს? ვინმემ რომ გადახედოს, რამდენია აშშ-ის და სხვა მოწინავე ქვეყნების ვალი, საქართველოს ვალი აღარ გაუკვირდება. მით უმეტეს, ის ვალები, რომლებიც ინფრასტრუქტურული პროექტების განსახორციელებლად არის მოზიდული, გრძელვადიანია - 15, 20 წლის და უფრო მეტი ხნის შემდეგ უნდა დავფაროთ. თუ გვინდა ეკონომიკა განვითარდეს, ვალი კიდეც უნდა ავიღოთ და კიდეც დავფაროთ. კრიტიკოსებს შევახსენებ, რომ 2018 წლის ბიუჯეტის მთლიანი მოცულობა 12 მილიარდს აჭარბებს, აქედან ხარჯვითი ნაწილი 9,5 მილიარდია, ასე რომ, ვალში გასაცემი 760 მილიონი ლარი არ არის ის თანხა, რომელსაც ბიუჯეტი ვერ გაწვდება“, - აღნიშნავს რევაზ არველაძე.
დეპუტატის აზრით, 4,5%-იანი ზრდაც რეალურია: „მე ვისურვებდი, რომ საქართველოს ეკონომიკა უფრო სწრაფი ტემპით იზრდებოდეს, თუმცა ეკონომიკის ზრდის ტემპები მთელ მსოფლიოშია დაცემული. ჩემი ვარაუდით, რამდენიმე წელიწადში ჩვენი ქვეყნის ეკონომიკური ზრდის მაჩვენებელი 6-7% გახდება, რაც საქართველოსთვის სავსებით მისაღები იქნება“, - აცხადებს რეზო არველაძე.

 

 

bpn.ge

 



„მე ხმა მივეცი კიდევ უფრო უკეთეს თბილისს და დარწმუნებული ვარ, რომ თბილისი ნამდვილად ასეთი იქნება“

person access_time2017-10-21 10:40:59
მე ხმა მივეცი კიდევ უფრო უკეთეს თბილისს და დარწმუნებული ვარ, რომ თბილისი ნამდვილად ასეთი იქნება, - ამის შესახებ საქართველოს პრემიერ-მინისტრმა გიორგი კვირიკაშვილმა განაცხადა, რომელმაც ადგილობრივი თვითმმართველობის არჩევნებში საკუთარ არჩევანი საბურთალოზე, მე-4 ოლქის 24-ე საარჩევნო უბანზე დააფიქსირა. ის უბანზე მეუღლესთან და შვილებთან ერთად მივიდა. „ხმა მივეცი თბილისს, რომელშიც ყველას ეხალისება ცხოვრება, სადაც ურბანული ტრანსპორტი მოწესრიგებულია, სადაც მწვანე ზონებია...

CNNMoney: კატალონიის კრიზისმა ბარსელონაში ტურისტების რაოდენობა შეამცირა

person access_time2017-10-20 19:00:11
კატალონიაში წარმოქმნილი პოლიტიკური კრიზისის გამო ესპანეთის ეკონომიკურად ყველაზე აქტიურ რეგიონს უფრო ნაკლები ტურისტი სტუმრობს. CNNMoney-ის ინფორმაციით, გასულ წელთან შედარებით, კატალონიის მიმართულებით თვითმფრინავის ბილეთების ჯავშნები 17%-ით არის შემცირებული.   დამოუკიდებლობასთან დაკავშირებით 1-ელ ოქტომბერს კატალონიაში რეფერენდუმი ჩატარდა. რეგიონის სეპარატისტულ მთავრობას დამოუკიდებლობის მოპოვება სურს, რასაც მადრიდი ძალის გამოყენებით დაუპირისპირდა. შედეგად, მსოფლიოშ ერთ-ერთ...

2018 წლიდან რეგულაციების გამკაცრება აირბალონზე მომუშავე ავტომობილებისთვისაც იგეგმება

person access_time2017-10-20 18:00:52
საქართველოში ე.წ. ტექდათვალიერება რომ უნდა აღდგეს, ამაზე აღარავინ კამათობს. ჩვენს ქუჩებში ათასობით შეუმოწმებელი ავტომობილი მოძრაობს, რომელიც უსაფრთხოების მინიმალურ სტანდარტებსაც ვერ აკმაყოფილებს. პირველ რიგში ეს გაზზე მომუშავე ავტომობილებს ეხება. ამ კატეგორიის ავტომობილების ინსპექტირება რამდენიმე თვის წინ უნდა დაწყებულიყო, მაგრამ შემოწმების პროცესი ერთ წერტილზე გაიყინა, ეს მაშინ, როცა ინსპექტირების დასრულების ბოლო ვადად თავიდან 2018 წლის 1-ლი იანვარი სახელდებოდა.   ჩვენ...

,,ავზებში სადაც ინახება საწვავი, არ ხდება მათი რეცხვა, შესაბამისად, ჩვენ ვასხამთ დაბინძურებულ ბენზინს’’

person access_time2017-10-21 14:00:52
,,მნიშვნელოვანია თუ რამდენად კვალიფიციური იქნება პერსონალი, ვინც შეამოწმებს ავტომობილებს’’   მსოფლიო ჯანდაცვის ორგანიზაციის კვლევის მიხედვით, საქართველო პირველ ადგილზეა მსოფლიოს იმ ქვეყნების ჩამონათვალში, სადაც ჰაერის დაბინძურების გამო ყველაზე მეტი ადამიანის გარდაცვალება ხდება. 100 ათას ადამიანზე 300 გარდაცვალება. ძირითადი მიზეზი გაუმართავი და მოძველებული სატრანსპორტო საშუალებებია. ჰაერის დაბინძურების 75 პროცენტი ავტომობილების გამონაბოლქვზე...

გიორგი სამანიშვილი: „2017 წლის იანვარ-სექტემბერში ექსპორტზე 50 მილიონ ბოთლზე მეტი ღვინო გავიდა“

person access_time2017-10-21 10:00:05
„ღვინის ექსპორტის ზრდა ფიქსირდება, როგორც ტრადიციულ, ასევე, ახალ საექსპორტო ბაზრებზე“, - ამის შესახებ ღვინის ეროვნული სააგენტოს თავმჯდომარე გიორგი სამანიშვილმა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა.   რამდენიმე დღის წინ, სოფლის მეურნეობის მინისტრმა ლევან დავითაშვილმა განაცხადა, რომ დამოუკიდებლობის მოპოვების შემდეგ, საქართველოს ამდენი ღვინო არ გაუყიდია, არც თანხობრივად და არც...

არჩევნები დაიწყო - დღეს საქართველოს მოქალაქეები 64 საკრებულოს 2058 წევრს და 64 მერს აირჩევენ

person access_time2017-10-21 08:15:54
დღეს არჩევნებია - საქართველოს მოქალაქეები, ადგილბრივი თვითმმართველობის ორგანოებში საკუთარ წარმომადგენლებს აირჩევენ.   მთელი ქვეყნის მასშტაბით, 73 საარჩვნო ოლქში, დილის 8 საათზე 3634 უბანი გაიხსნა, ასევე 10 სპეცუბანი მუშაობს სასჯელაღსრულების დაწესებულებებში.   არჩევნებზე დარეგისტრირებულია 3 მილიონ 440 ათას 123 ამომრჩეველი.   არჩევნებში მონაწილეობს 22 პოლიტიკური პარტია, 5 საარჩევნო ბლოკი და 1 საინიციატივო...

რა თანხით დააფინანსა ბიზნესმა ადგილობრივი არჩევნები და ვინ არიან მსხვილი შემწირველები

person access_time2017-10-20 15:00:54
ადგილობრივი  არჩევნების დასაფინანსებლად  კომპანიებმა 2 044 143 ლარი გაიღეს, -ამის შესახებ ნათქვამია საერთაშორისო გამჭვირვალობა – საქართველოს კვლევაში.    ორგანიზაციის ცნობით, 32-მა იურიდიულმა პირმა განახორციელა შეწირულობა, ყველაზე მსხვილმა 7 შემომწირველმა  კომპანიამ „ქართულ ოცნებას“ 120 000 ლარი შესწირა.   ეს კომპანიებია: შპს „ჯი-ემ-პი”, შპს „კახური ტრადიციული...

„ვისოლ ჯგუფის“ „კარფურის“ მორიგი პროექტი

person access_time2017-10-20 13:00:01
„ვისოლ ჯგუფს“ და „კარფურს“ შორის მიმდინარე წელს გაფორმებული სტრატეგიული პარტნიორობის ფარგლებში “ვისოლ ჯგუფის“ შვილობილ კომპანია „ემ პე დეველოპმენტის“ ვაზისუბნის სავაჭრო ცენტრში „კარფურის“ კიდევ ერთი სუპერმარკეტი გაიხსნა. სავაჭრო ცენტრში „კარფურის“ გარდა სხვა რამოდენიმე საცალო ვაჭრობის ობიექტია განთავსებული.   „კომერციული უძრავი ქონების განვითარება ჩვენი ჯგუფისთვის ერთ-ერთი ყველაზე პრიორიტეტული...

ბიზნესმენების რჩევები თბილისის მომავალ მერს - „კომერსანტის“ პროექტის შეჯამება

person access_time2017-10-20 20:00:27
„კომერსანტმა“ დაასრულა წინასაარჩევნოდ დაწყებული პროექტი - რჩევები თბილისის მომავალ მერს, რომლის ფარგლებშიც მსხვილი ბიზნსმენების ნაწილი გამოიკითხა. ჩვენთან საუბრისას რამდენიმე მიმართულება დასახელდა, რაზეც დედაქალაქის მომავალმა მერმა ყურადღება უნდა გაამახვილოს.   შეჯამებისთვის შეგვიძლია ვთქვათ, რომ ბიზნესმენების ძირითადი ნაწილი თბილისის მომავალ მერს გადაწყვეტილებების სწრაფად მიღებას და ბიუროკრატიის შემცირებას...

„გალთ & თაგარტის“ გაუფასურებული შესაძლებლობები -კომპანიის კონსოლიდირებული ზარალი 27 მილიონ ლარს აღწევს

person access_time2017-10-20 13:15:00
„სს გალთ & თაგარტი“ საქართველოში უმსხვილესი ბიზნეს ჯგუფის BGEO-ს წევრია, რომელიც ქვეყანში ყველაზე დიდ საფინანსო საინვესტიციო ჯგუფს წარმოადგენს. BGEO საქართველოს საფინანსო ბაზრის ლიდერის  „საქართველოს ბანკის“ მფლობელია.     ,,გალთ & თაგარტი“  - ბაზარზე წარმოდგენილია შემდეგი მიმართულებებით - საინვესტიციო საბანკო მომსახურება;  აქტივების მართვა; დაგროვილი ქონების მართვა; საბროკერო მომსახურება....


მსგავსი სიახლეები