„ბანკების აქციონერებისთვის არაპროფილური საქმიანობის შეზღუდვა ეროვნული ბანკის კომპეტენციას სცილდება“

access_time2017-10-06 09:40:22

„ჩვენ ვართ ეროვნული ბანკი და რასაც ვითხოვთ პარლამენტისგან, ჩვენ საკმარის უფლებამოსილებას ვიღებთ, რომ საბანკო და საფინანსო სექტორში რისკებს შევხედოთ და უზრუნველყოთ საფინანსო სექტორის მდგრადობა“, - ამის შესახებ საქართველოს ეროვნული ბანკის ვიცე-პრეზიდენტმა მურთაზ კიკორიამ რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ განაცხადა.

 

პარლამენტი საქართველოს ეროვნული ბანკის შესახებ კანონპროექტს განიხილავს. კანონპროექტის ერთ-ერთი ნაწილი კომერციული ბანკებიდან არაპროფილური აქტივების გამიჯვნას და საბანკო ჯგუფების ზედამხედველობას ეხება. მურთაზ კიკორიას განცხადებით, კანონპროექტით ბანკების ზედამხედველობა საერთაშორისო პრაქტიკას უახლოვდება.

 

„კანონპროექტის ერთი ნაწილი, როგორც იცით, ეხება საბანკო ჯგუფების ზედამხედველობას, ე.წ. ჰოლდინგებს. ამ კანონის მიღების შემდეგ კომერციულ ბანკებს იურიდიულად აეკრძალებათ არაპროფილური აქტივების ფლობა. ეროვნული ბანკი კი განახორციელებს ზედამხედველობას არა მხოლოდ კონკრეტულად ბანკზე, არამედ მასთან დაკავშირებულ სხვა საფინანსო ინსტიტუტზე. ეს არის ე. წ. კონსოლიდირებული ზედამხედველობა, რომელსაც ვნერგავთ და რომელიც მიმართულია იქითკენ, რომ საბანკო და საფინანსო სექტორში რისკები იყოს შესწავლილი და შემცირებული“, - განაცხადა მურთაზ კიკორიამ.


რაც შეეხება კომერციული ბანკების აქციონერებისთვის არაპროფილურ აქტივების ფლობას, მურთაზ კიკორიას განცხადებით, ეს ეროვნული ბანკის კომპეტენციას სცილდება.


„ჩვენ ვართ ეროვნული ბანკი და რასაც ვითხოვთ პარლამენტისგან, ჩვენ საკმარის უფლებამოსილებას ვიღებთ, რომ საბანკო და საფინანსო სექტორში არსებულ რისკებს შევხედოთ და უზრუნველყოთ საფინანსო სექტორის უსაფრთხოება.


ადამიანების გარკვეულ ჯგუფს მიაჩნია, რომ ბანკის აქციონერებისთვის არაპროფილური აქტივების ფლობა უნდა აიკრძალოს. ეროვნული ბანკის პოზიცია კი არის ის, რომ ეს სცილდება ეროვნული ბანკის კომპეტენციას, ეს არის მთავრობის, პარლამენტის და დაინტერესებული პირების ერთობლივი გადაწყვეტილების შედეგად მისაღები. იმაზე უნდა იმსჯელოს ყველამ, თუ რამდენად გვჭირდება განვითარების ამ ეტაპზე ასეთი აკრძალვა. ასეთი აკრძალვები უნდა განხორციელდეს ეტაპობრივად და ასეც ხდება. პირველი იყო - მითითება კომერციული ბანკების მიმართ, რომ არაპროფილური ბიზნესიდან გასულიყვნენ და გაემიჯნათ არაპროფილური აქტივები, მეორე - ახლა საკანონმდებლო დონეზე ხდება ამის ასახვა და საბანკო ჯგუფის ცნების შემოღება. მესამე ეტაპი იქნება ამგვარი გადაწყვეტილების მიღება, ანუ აქციონერებისთვის აკრძალვა. მაგრამ ეს არ არის მარტივი საკითხი, ძალიან რთულია და საჭიროა, იმაზე მსჯელობა, თუ იურიდიულად რა ფორმით შეიძლება მოხდეს ეს ყველაფერი. ამიტომაც ახლა მივდივართ ამ დაბალანსებული გზით“, - განაცხადა მურთაზ კიკორიამ.



„ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს“

person access_time2017-12-15 15:30:48
საქართველოს ბიზნესომბუდსმენის აპარატს მიაჩნია, რომ ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს. „ანალიტიკასთან" ინტერვიუში ზურა ძნელაშვილი აცხადებს, რომ 2016 წლის ბოლოსაც, როცა ამ სისტემის დანერგვის შესახებ ბიზნესმა მოულოდნელად გაიგო, ბიზნესომბუდსმენის აპარატმა, საქართველოს ბიზნეს ასოციაციის მიმართვის საფუძველზე, პარლამენტს და აღმასრულებელ შტოებს ავანსის დღგ-ით დაბეგვრის სისტემის მინიმუმ 1 წლით გადავადების თხოვნით მიმართა, მაგრამ...

ნოემბერში ფულადი გზავნილები 24,8%-ით გაიზარდა

person access_time2017-12-15 14:42:40
2017 წლის ნოემბერში ქვეყანაში შემოსული ფულადი გზავნილების ნაკადების მოცულობამ 122.1 მლნ აშშ დოლარი, ანუ 326.3 მლნ ლარი შეადგინა, რაც 24.8 პროცენტით (24.3 მლნ აშშ დოლარით) მეტია 2016 წლის ნოემბრის ანალოგიურ მაჩვენებელზე. საქართველოს ეროვნული ბანკის ინფორმაციით, უცხოეთიდან საქართველოში ფულადი გზავნილების 92.3 პროცენტი იმ 14 უმსხვილეს დონორ...

„ბილაინი“ მომხმარებელს საახალწლოდ, ყველაზე მოთხოვნად მომსახურებას - ულიმიტო ინტერნეტს სთავაზობს

person access_time2017-12-15 13:40:32
კომუნიკაციებისა და ტექნოლოგიების კომპანია ბილაინი მომხმარებელს საახალწლოდ, ყველაზე მოთხოვნად მომსახურებას, ულიმიტო ინტერნეტს სთავაზობს.  16 - 24 დეკემბრის ჩათვლით ბილაინის მომხმარებლებს, შესაძლებლობა ექნება, მხოლოდ 15 ლარად გაიააქტიუროს ულიმიტო, უსწრაფესი ინტერნეტი. მომსახურების ჩართვა შესაძლებელია როგორც ბილაინის მობილური აპლიკაციის „My beeline Georgia “ ს ასევე ვებ გვერდის Beeline.ge და VEON აპლიკაციის საშუალებით....

TI: სსმ-ს სარეკლამო ბაზარზე შემოსვლა მნიშვნელოვნად დააზარალებს კერძო ტელევიზიებს

person access_time2017-12-15 13:50:59
„საერთაშორისო გამჭვირვალობა-საქართველო” საზოგადოებრივი მაუწყებლის საქმიანობის კვლევის შედეგებს აქვეყნებს. კვლევის მიზანია, ახალი მენეჯმენტის პირობებში მაუწყებელში მიმდინარე პროცესების შესწავლა და არსებული გამოწვევების დადგენა. კვლევის ფარგლებში გამოიკვეთა მთელი რიგი პრობლემური საკითები: „მაუწყებლობის შესახებ” კანონში მეორე მოსმენით დამტკიცებული ცვლილებები მედიაგარემოზე უარყოფითად აისახება;...

კომერციული ბანკების მიმართ საჩივრები გაიზარდა

person access_time2017-12-15 11:40:13
„საჭიროა, მომხმარებელმა მანამ მიმართოს მარეგულირებელს, სანამ კრედიტს აიღებს, მერე უკვე ძნელდება მისი დაცვა“ საფინანსო ორგანიზაციების მიერ დაზარალებულ მსესხებელთა რაოდენობა საკმაოდ მაღალია. როგორც გაზეთი „რეზონანსი“ წერს,  ამის მიზეზი ხშირ შემთხვევაში მოსახლეობისთვის არასაკმარისი ინფორმაციის მიწოდება და ბანკებისა თუ მიკროსაფინანსოების მიერ თავიანთ სასარგებლოდ მიღებული გადაწყვეტილებებია. სპეციალისტების ნაწილი მიიჩნევს,...


მსგავსი სიახლეები