ინვესტორები და ანალიტიკოსები ევროს კურსის ვარდნის შესაძლო მიზეზებს ასახელებენ

access_time2017-10-07 14:00:00

კატალონიაში გამართული რეფერენდუმის შემდეგ, დოლართან მიმართებაში ევროს ფასი იმაზე ნაკლებად შემცირდა, ვიდრე მოსალოდნელი იყო. თუმცა ეს შესაძლოა იმ ახალი ტრენდის მხოლოდ დასაწყისი იყოს, რომელსაც სავალუტო ბაზარზე მომუშავე ინვესტორები დიდი ხანია ელიან.


ევროს ფასი დოლართან მიმართებაში ამ ეტაპზე 1.1770-ის სიახლოვეს იმყოფება. კატალონიურმა რეფერენდუმმა წყვილის ფასი დაახლოებით 60 პუნქტით შეამცირა, რაც თითქმის არაფერია. მაგრამ ანალიტიკოსები ელიან, რომ მალე უფრო მკვეთრი კლების დაწყებაა მოსალოდნელი. დაღმასვლის დაწყების შემთხვევაში, პირველი რეალური ბარიერი (ფსიქოლოგური) შეიძლება 1.15 დოლარი გახდეს, რომლის გადალახვის შემთხვევაშიც, წყვილის ფასი 1.13-სკენ და შესაძლოა უფრო შორს, 1.1-1.2 დოლარისკენაც წავა

.
ამასთან, ანალიტიკოსები და ინვესტორები მიიჩნევენ, რომ წყვილის ფასის კლება ერთი-ორი (ან მეტი) თვე გაგრძელდება, რის შემდეგაც, ევროს გაცილებით ხელსაყრელ ფასში შეძენა იქნება შესაძლებელი.



ანალიტიკოსები იმ 6 ძირითად მიზეზს ასახელებენ, თუ რატომ არის მოსალოდნელი დოლართან წყვილში ევროს კურსის კლება:



კატალონიის რეფერენდუმი და გერმანიის არჩევნები



ესპანეთის ეკონომიკურად ყველაზე განვითარებულ რეგიონში ჩატარებულ, ცენტრალური მთავრობის მიერ არასანქცირებულ რეფერენდუმში, ამომრჩეველთა საერთო სიის 43%-მა მიიღო მონაწილეობა, რომელთა 90%-მა ხმა დამოუკიდებლობას მისცა. ცენტრალურმა მთავრობამ განაცხადა, რომ სეპარატისტებთან ვაჭრობას არ აპირებს. ამასობაში კი ხალხი მასობრივ გაფიცვებს ატარებს, რაც ესპანეთის ისედაც კრიზისის ზღვარზე მყოფ ეკონომიკას ძლიერ აზარალებს.



რაც შეეხება გერმანიას, ანგელა მერკელის ქრისტიან დემოკრატების პარტიამ ბუნდესტაგის არჩევნებში გამარჯვება კი მოიპოვა, მაგრამ მმართველ ძალად ჯერ ვერ ჩამოყალიბდა. იმავდროულად, არჩევნებში მესამე ადგილი გაერთიანებამ „ალტერნატივა გერმანიისთვის“ დაიკავა, რომელიც ევროკავშირისადმი სკეპტიკურად არის განწყობილი.
ამ ორ გარემოებას, გამწვავების შემთხვევაში, ინვესტორთა ევროსადმი განწყობის შეცვლა შეუძლია. ამ შემთხვევაში ისინი ევროს გაყიდვას დაიწყებენ და საკუთარი აქტივების დოლარში დაბანდებას დაიწყებენ;



მაკროეკონომიკა და  განსხვავებული პროგნოზები




მაგალითად, ევროპაში სამომხმარებლო ფასები აგვისტოსა და სექტემბერში 1.5 პროცენტით გაიზარდა. პროგნოზი 1.6%-ით ზრდა იყო. იმავდროულად, ევროზონაში უმუშევრობის დონე უცვლელად, 9.1 პროცენტის დონეზე დარჩა. პროგნოზი კი 9.0%-მდე შემცირებას ვარაუდობდა. ეს გარემოება ინვესტორებს ევროს გაყიდვისთვის დამატებით საბაბს აძლევს;



ევროპის ცენტრალური ბანკის (ECB) უცვლელი პოლიტიკა



თუ ესპანეთში სიტუაცია გამწვავდა, ამან შესაძლოა ევროზონაში უმუშევრობის დონე გაზარდოს, ინფლაციის ზრდა კი შეანელოს. ამ შემთხვევაში, ECB თავის ოქტომბრის შეკრებაზე, მონეტარულ პოლიტიკას უცვლელად დატოვებს. ევროზე საპროცენტო განაკვეთი ნული პროცენტის დონეზე დარჩება. ასეთ შემთხვევაში ევროკავშირში 

 

მოქმედმა ბევრმა საინვესტიციო და საპენსიო ფონდმა შესაძლოა ევროს ზურგი აქციოს და ისინი თავიანთ აქტივებს აღმოსავლეთ ევროპის ქვეყნების (უნგრეთი, პოლონეთი, ჩეხეთი) ვალუტებში დააბანდებენ;


დოლარზე საპროცენტო განაკვეთის აწევა



ჩამოთვლილ სამ გარემოებაზე ძლიერი ფაქტორი არის იმის გაზრდილი მოლოდინი, რომ აშშ-ის ფედერალური სარეზევო სისტემა დოლარზე საპროცენტო განაკვეთს წელს მესამედაც ასწევს. ამის მოლოდინი პარასკევს კიდევ უფრო გაიზარდა მას შემდეგ, რაც ფილადელფიის სარეზერვო ბანკის თავმჯდომარე პატრიკ ჰარკერმა განაცხადა, რომ დოლარზე განაკვეთის აწევისთვის ყველაზე შესაფერისი მომენტი დეკემბერში იქნება. უფრო მეტიც, მან არ გამორიცხა ისიც, რომ ეს უფრო ადრეც მოხდეს;



დოლარის გამყარება



საპროცენტო განკვეთის აწევის გარდა, აშშ-ის ფედ-ი იმისთვისაც ემზადება, რომ მის ხელთ დაგროვილი აქტივების უზარმაზარი მასის (რამდენიმე ტრილიონი დოლარის საფასურის) გაყიდვა დაიწყოს. ეს გარემოება დოლარის წისქვილზე დაასხამს წყალს, რაც ამერიკული ვალუტის გამყარებას გამოიწვევს;



პრეზიდენტ ტრამპის საგადასახადო რეფორმა



ამ რეფორმის პროექტი ამჟამად განხილვის პროცესშია. მთავრობა მას ამომრჩევლებს აცნობს და არწმუნებს, რომ ისინი ამ რეფორმით მოგებულები დარჩებიან, რადგან რეფორმა გადასახადებს არა მხოლოდ მდიდრებს და მსხვილ კორპორაციებს, არამედ საშუალო და მცირე ბიზნესსაც შეუმცირებს. გარდა ამისა, მსხვილი კორპორაციებისთვის გადასახადების შემცირების პარალელურად, მათთვის მოქმედი შეღავათების სისტემაც გაუქმდება. რეფორმის გატარებას, დოლარის გამყარება შეუძლია.

 

ბიზნესპრესნიუსი



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები