პირველადი დახმარების სასიცოცხლო მნიშვნელობა – ქართველი სტუდენტის სტარტაპი Your Safety

access_time2017-10-07 16:50:24

პირველადი დახმარების მნიშვნელობა, ქვეყნის დონეზე, განიხილება, როგორც უსაფრთხო სასიცოცხლო გარემოს შექმნის ერთ-ერთი აუცილებელი ინსტრუმენტი. ყველა ადამიანი ასრულებს მთავარ როლს იმისათვის, რომ EMS (Emergency Medical Service) სისტემამ იმუშაოს ეფექტურად. პირველადი დახმარების შესახებ ინფორმაციის ქონის, კრიტიკულ სიტუაციაში საკუთარი როლის განსაზღვრისა და შესაბამისი მოქმედების პარალელურად, საჭიროა სათანადოდ აღჭურვილი პირველადი დახმარების სათავსო, რომლის ფლობაც ჩვენს ყოველდღიურ ცხოვრებაში, უბედური შემთხვევების სიკვდილით დასრულების ალბათობას ამცირებს.

 

კომპანია Your Safety – სტუდენტ მარიამ ივანიშვილის ხელმძღვანელობით, ახორციელებს უსაფრთხოებისა და პირველი დახმარების ყუთების იმპორტს თურქეთიდან საქართველოში: „ჩვენი მიზანია, ხელი შევუწყოთ ცნობიერების დონის ზრდას, შრომის უსაფრთხოებისა და პირველადი დახმარების შესახებ, ასევე აღვჭურვოთ ინდივიდუალური მომხმარებლები თუ მსხვილი კომპანიები შესაბამისი ხარისხიანი ინვენტარით“, – მარიამ ივანიშვილი კომპანია Your Safety-ის დამფუძნებელი და დირექტორი.
 

 

- რამ გამოიწვია თქვენი ამ სფეროთი დაინტერესება და რა პრობლემას ჭრის Your Safety-ს არსებობა?

 


–ყოველდღიურობაში ხშირია იმის ინციდენტი, რომ საზოგადოებრივი თავშეყრის ადგილებში,  სასწრაფოს მოსვლამდე, ვერ ხერხდება, თუნდაც,  მინიმალური პირველადი დახმარების გაწევა დაზარალებულთათვის, შესაბამისი აღჭურვილობის არ ქონის გამო, გარდა ამისა, არსებობს უამრავი უცხოური მაგალითი იმისა, თუ როგორი უნდა იყოს, რეალურად, კარგად გამართული უსაფრთხო სასიცოცხლო გარემო. ჩვენი პროდუქტი ხელს უწყობს მომხმარებელს, დროულად აღმოუჩინოს პირველადი  დახმარება დაზარალებულს და შესაბამისად, ბიძგი მივცეთ ჩვენს ქვეყანაში უსაფრთხო სასიცოცხლო გარემოს შექმნას.

 

- რა ღონისძიებების გატარებას აპირებთ საზოგადოებაში პირველადი დახმარების შესახებ ცნობიერების გაზდრის პროცესში?


ჩვენი კომპანია თანამშრომლობს “Safety academia-სთან“, რომელიც უშუალოდ შრომის უსაფრთხოების დაცვაზე მუშაობს, ასევე ატარებს სერტიფიცირებულ ტრენინგებს პირველადი დახმარების შესახებ. გარდა ამისა, ჩვენც ვაწვდით ინფორმაციას მომხმარებელს.

 


- რა სტანდარტებს უნდა აკმაყოფილებდეს პირველადი დახმარების სათავსო და რის მიხედვით ხდება კომპლექტაცია?


ყუთებს გააჩნია საერთაშორისო სტანდარტული კომპლექტაცია:


OSHA – Occupational Safety and Health Administration;


ISO- International Organization for Standardization;


ILO- International Labour Organization.


თუმცა კომპანია იძლევა საშუალებას, თითოეული მათგანი დაკომპლექტდეს კლიენტის მოთხოვნისა და საწარმოს სპეციფიკის გათვალისწინებით.ჩვენი პროვაიდერი კომპანიაა first plus, რომელიც თურქეთში XX საუკუნიდან მოღვაწეობს და აწარმოებს პირველადი დახმარების ინვენტარს. ყუთები უკვე დაკომპლექტებულია first plus -ის მიერ, პროდუქცია მრავალფეროვანია და გამოიყენება როგორც სამუშაო ადგილის (ფაბრიკა-ქარხნები, სამშენებლო ობიექტები, ბენზინგასამართი სადგურები, სასტუმროები თუ ოფისები) სკოლებისქ თუ უნივერსიტეტებისთვის, ისე სამოგზაუროდ, ველოსიპედებისა ავტომობილებისთვის.

 

ასევე, გვაქვს სპეციალური დამწვრობის ყუთი, რომელიც აღჭურვილია ყველა იმ საშუალებით, რომელიც დამწვრობის გავრცელების პრევენციას ახდენს და ხსნის უსიამოვნო შეგრძნებას.

 

- სად ხდება თქვენი პროდუქტის რეალიზება, მომხმარებელთან საკომუნიკაციოდ რა არხებს იყენებთ?


ოფისი ვაჟა-ფშაველას გამზირზე N71-ში მდებარეობს, თუმცა გვაქვს მიტანის სერვისიც. ჩვენი პროდუქციის სარგებლობის შესახებ, როგორც უკვე აღვნიშნე, იმართება ტრენინგები, ამასთანავე, პროდუქტსაც თან ახლავს ანოტაცია. კომუნიკაცია ხდება ფეისბუკგვერდისა და ელექტრონული ფოსტის საშუალებით.

 

MARKETER



30 ათას ლარიანი ჯარიმა უსაფრთხოების ნორმების დარღვევაზე - დეველოპერების შეფასებები

person access_time2018-02-19 18:45:18
ქვეყანაში  უსაფრთხოების ინჟინრების დეფიციტი და მათი მომზადებისთვის საჭირო ხარჯი -ეს ის პრობლემაა, რომელიც  მშენებლობასთან დაკავშირებით დაგეგმილმა რეგულაციამ შეიძლება გამოიწვიოს.  ამის შესახებ „კომერსანტთან“ დეველოპერების ნაწილი საუბრობს და დედაქალაქში მშენებლობასთან დაკავშირებით მოსალოდნელ რეგულაციებს  აფასებს.    „პროდუქტის უსაფრთხოებისა და...

ქართული ღვინის პრეზენტაცია ტოკიოში - ტოჩინოშინის სიურპრიზი ორგანიზატორებს

person access_time2018-02-19 19:45:37
ქართული ღვინის მასშტაბური პრეზენტაცია იაპონიის დედაქალაქ ტოკიოსა და ქალაქ ოსაკაში გაიმართა. ღონისძიებას საქართველოს სრულუფლებიანი და საგანგებო ელჩი იაპონიაში ლევან ცინცაძე და ჰაცუ ბაშუს ტურნირის ქართველი გამარჯვებული, სუმოისტი ლევან გორგოძე, იგივე ტოჩინოშინი ესტუმრნენ.   ტოკიოსა და ოსაკაში გამართულ ღონისძიებებში ჯამში 35 ქართული ღვინის მწარმოებელი კომპანიის 100-მდე დასახელების ღვინო იყო წარდგენლი. ქართული ღვინის პრეზენტაცია-სემინარს ტოკიოში 350, ხოლო ოსაკაში 300-მდე ღვინის...

გზების დეპარტამენტის თავმჯდომარე ჩინურ „სინოჰიდროსთან“ დაკავშირებულ კითხვებს „კომერსანტთან“ პასუხობს

person access_time2018-02-20 09:00:11
გზების  დეპარტამენტის თავმჯდომარე გიორგი სეთურიძე  ბოლო პერიოდში, ჩინურ „სინოჰიდროსთან“  დაკავშირებით კითხვებს „კომერსანტთან“  პასუხობს. როგორც ცნობილია, 2018 წლის 29 იანვარს გიორგი სეთურიძემ „კომერსანტთან“ საუბარში განაცხადა, რომ „სინოჰიდროს“ საქმიანობის თაობაზე დასკვნას 1 კვირაში გამოაქვეყნებდა. საკითხი ეხება რამდენიმე კვირის  წინ,  ...

ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...


მსგავსი სიახლეები