ადამიანი, რომელიც პარიზში ტურებს ქართულად ატარებს!

access_time2017-10-07 12:00:27

გარი საფარიანი – საფრანგეთის რესპუბლიკის ლიცენზირებული ეროვნული გიდი, თარჯიმანი და კონფერანსიე, არის ერთადერთი ქართულენოვანი გიდი საფრანგეთში. საუბრობს 7 ენაზე და ატარებს ვიზიტებს ლუვრის, ორსეს, მარმოტანის და სხვა სახელმწიფო თუ კერძო მუზეუმებში, პარიზის ოპერასა და საფრანგეთის სამეფო სასახლეებსა და ციხე-სიმაგრეებში. პარიზში საცხოვრებლად, დაახლოებით, 10 წლის წინ გადავიდა, ჯერ კიდევ ძველი პროფესიის უკეთ შესასწავლად. წარმატების მიუხედავად, საქმიანობის შეცვლა მოუხდა:

 

„დღევანდელ პროფესიაში მოხვედრა, ერთი მხრივ, შემთხვევითი გამოდგა, მეორე მხრივ კი, ალბათ, ლოგიკურიც. „ორსეს” მუზეუმში  ტურისტული ჯგუფების დახვედრის განყოფილებაში რამოდენიმე უცხო ენაზე (7 ენაზე ვლაპარაკობ)  მოლაპარაკე პერსონალს ეძებდნენ. ზოგადად, ტურიზმის სფერო ჩემში ყოველთვის დიდ ინტერესს იწვევდა და არ  დაგიმალავთ, რომ პირველი პროფესიიდან წასვლის შემდეგ, სწორედ გიდობის  შესწავლაზე ვოცნებობდი. ასეც მოხდა. მუზეუმში ეტაპობრივად ვითარდებოდა ჩემი პროფესიული ხაზი. დღეს გიდის პროფესიასთან ერთად, ვითავსებ „ორსეს” მუზეუმის საინფორმაციო დახლის დამხვედრი – გზამკვლევის ფუნქციას. გამოგიტყდებით, წინასწარ რომ მცოდნოდა, რაოდენ რთული და შრომატევადია ამ პროფესიაში თავის დამკვიდრება, ალბათ, ვერც გავბედავდი. თუმცა, ერთი  წუთითაც არ მინანია ჩემი გადაწყვეტილება.”

 

- თქვენ ხართ საფრანგეთის სრულუფლებიანი ეროვნული გიდიუფროკონკრეტულად რომ გვიამბოთ რას საქმიანობთ?

 

–დიახ. გახლავართ საფრანგეთის ეროვნული გიდი, რაც გულისხმობს იმას, რომ მაქვს მიღებული პროფესიული განათლება პარიზის მეათე უნივერსიტეტში. კერძოდ,  გიდების მომზადების ფაკულტეტზე. გიდის პროფესიის დასაუფლებლად მარტო ენების ცოდნა როდი კმარა. რთული პროგრამა სწორედ ამ ენების ჭკვიანურად გამოყენებას გულისხმობს. ურთულესი პროგრამა იყო. იყო ბედნიერების, წარმატების, ამავდროულად,  პასუხისმგებლობის გრძნობა, სტრესი. დღემდე ასეა. გამოსაშვები გამოცდის შედეგების საფუძველზე (ჩემ დროს 7 სავალდებულო გამოცდა იყო ჩასაბარებელი) მივიღე დიპლომი და ამ დიპლომის საფუძველზე პროფესიული ბარათი, რომელსაც მხოლოდ საფრანგეთის ტურიზმისა და კულტურის სამინისტროები გასცემენ. ამ ბარათში სრული ინფორმაციაა გიდის შესახებ. ვიზიტებს ვატარებ ლუვრის, ორსეს, მარმოტანის, პომპიდუს და კლუნის, ჟაკემარ ანდრეზ და სხვა სახელმწიფო თუ კერძო მუზეუმებში. აგრეთვე, პარიზის ოპერაში და საფრანგეთის სამეფო სასახლეებსა და ციხე-სიმაგრეებში.

 

- საფრანგეთში ერთადერთი ქართულენოვანი გიდი ხართ . . .

 

–ეს ფაქტი ჩემთვის ორმაგად საამაყოა და ამით ძალიან ვამაყობ. ჩემს თანამემამულეებს მშობლიურ ენაზე ვუწევ გიდობას. ამაზე დიდი სიამაყე, ჩემთვის, როგორც პროფესიონალისთვის, არ არსებობს. ხოლო ტურისტისთვის კი ეს მომენტი ერთობ სასიამოვნო რეაქციებს იწვევს. უცხო ქვეყნაში მას იმ ქვეყნის კულტურულ და ისტორიულ შინაარსს ქართულად ვაცნობ.

 

- მხოლოდ მუზეუმებში უძღვებით ტურისტებს თუ ქალაქშიც მართავთ ექსკურსიებს?

 

–გიდის პროფესია, განსაკუთრებით  საფრანგეთში, სრულყოფილ მომზადებას გულისხმობს. რაც იმას ნიშნავს, რომ გიდს ისევე უნდა შეეძლოს მუზეუმში ორსაათიანი ვიზიტის ჩატარება და კითხვებზე პასუხის გაცემა, როგორც პარიზის და საფრანგეთის ნებისმიერ ქალაქში საფეხმავლო ექსკურსიის უზრუნველყოფა და ტურის საინტერესოდ  აწყობა. აწყობა – ეს არის ზუსტი სიტყვა, რადგანაც არ არსებობს ორი ერთნაირი ექსკურსია. თითოეული ტური უნიკალურია. გიდის განათლება ასევე ვიწრო სპეციალურ განათლებასაც გულისხმობს. მაგალითად, არიან გიდები, რომლებიც მხოლოდ მუზეუმის დარბაზებში ან სამეფო სასახლეებში ატარებენ ვიზიტებს. პირადად მე, მრავალწახნაგოვანი განათლების მიღება მსურდა და ესეც სირთულეებთან გამკლავების სურვილით.

 

- რის ნახვას ურჩევთ ტურისტებს ქალაქში?

 

–ნებისმიერი ტურისტი, რომელიც მსოფლიოს სხვადასხვა ქალაქში სამოგზაუროდ ეშურება, თავისთავად, ოდესმე გაგონილ ან სურათებზე ნანახ ცნობად ღირსშესანიშნაობის ნახვას ანიჭებს უპირატესობას, რაც ძალიან კარგია და მე არ ვეწინააღმდეგები, მაგრამ, უპრიანი იქნებოდა, უცხო ქალაქში მოგზაურობისას, მის ქუჩებში სეირნობით დაწყება. ეს საშუალებას იძლევა ქალაქის სპეციფიკას გაეცნოთ. დააკვირდეთ იქაურ მცხოვრებლებს, დასხდეთ კაფეში (პარიზის შემთხვევაში ეს გარდაუვალია) და მხოლოდ შემდეგ – „კლიშეების” დალაშქვრა. თუ მხოლოდ რამდენიმე დღით ხართ, ნუ ეცდებით ყველაფერს შესწვდეთ. ეს შეუძლებელია. მე ათ წელზე მეტია, რაც პარიზში ვცხოვრობ და დღემდე აღმოვაჩენ ხოლმე ახალ-ახალ ადგილებს.

 

- ხშირად გვსმენია: „ტურისტების პარიზი” და „ნამდვილი პარიზი”. რა სხვაობაა ამორ ცნებას შორის?

 

–რა თქმა უნდა, არსებობს ასეთი რამ. ეს იგივეა, რომ თბილისში ყველამ მხოლოდ ნარიყალაზე იაროს ან ერეკლეს ქუჩაზე. თბილისს, ისევე როგორც პარიზს, სხვა უბნები და კულტურული მემკვიდრეობის  ძეგლები აქვს, რომლებიც თვალის ერთი შეხედვით, არ ჩანს. ასევეა პარიზშიც. შეიძლება „ტურისტული “ და ნამდვილი პარიზი,  სულ რაღაც,  ერთი ქუჩის დაშორებით თანაარსებობდნენ და რიგითი ტურისტისთვის უნახავი დარჩეს. ამისთვის არსებობენ გიდები.

 

- საქართველოსთან თუ გაქვთ პროფესიული კავშირი ან სხვა ქვეყნებში ხომ არაპირებთ საქმიანობის გაგრძელებას?

 

–სხვა ქვეყნებში ამ მხრივ ძალიან კარგადაა საქმე. მე მხოლოდ საფრანგეთის ფარგლებში გიდობით შემოვიფარგლები. მიწევს გამყოლის ფუნქციის შესრულებაც, მაგრამ იშვიათად. მთლიანად საქართველოზე მაქვს გეზი აღებული. ჩემი გეგმების შესახებ მოგახსენებთ: წელს, პირველად ჩამოვიყვანე ფრანგი ტურისტები საქართველოს დასათვალიერებლად. უდიდესი დაინტერესება და ქება დაიმსახურა საქართველომ. მე გახლდით მათი გიდი და ვეცადე საუკეთესო კუთხით მეჩვენებინა სამშობლო. გადაჭარბების გარეშე შემიძლია ვთქვა, რომ საქართველოს აქვს უმდიდრესი კულტურული მემკვიდრეობის რესურსები, რომლის გონივრული  გამოყენება დიდ წარმატებას და ცნობადობას მოუტანს ჩვენს ქვეყანას.  ამიტომ, მომავალ წელს ახალი ჯგუფებით ვესტუმრები საქართველოს  და ამით მსურს ჩემი ქვეყნის ეკონომიკის განვითარებასა თუ პოპულარიზაციაში ჩემი მწირი წვლილიც შევიტანო.

 

MARKETER



„ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს“

person access_time2017-12-15 15:30:48
საქართველოს ბიზნესომბუდსმენის აპარატს მიაჩნია, რომ ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს. „ანალიტიკასთან" ინტერვიუში ზურა ძნელაშვილი აცხადებს, რომ 2016 წლის ბოლოსაც, როცა ამ სისტემის დანერგვის შესახებ ბიზნესმა მოულოდნელად გაიგო, ბიზნესომბუდსმენის აპარატმა, საქართველოს ბიზნეს ასოციაციის მიმართვის საფუძველზე, პარლამენტს და აღმასრულებელ შტოებს ავანსის დღგ-ით დაბეგვრის სისტემის მინიმუმ 1 წლით გადავადების თხოვნით მიმართა, მაგრამ...

ნოემბერში ფულადი გზავნილები 24,8%-ით გაიზარდა

person access_time2017-12-15 14:42:40
2017 წლის ნოემბერში ქვეყანაში შემოსული ფულადი გზავნილების ნაკადების მოცულობამ 122.1 მლნ აშშ დოლარი, ანუ 326.3 მლნ ლარი შეადგინა, რაც 24.8 პროცენტით (24.3 მლნ აშშ დოლარით) მეტია 2016 წლის ნოემბრის ანალოგიურ მაჩვენებელზე. საქართველოს ეროვნული ბანკის ინფორმაციით, უცხოეთიდან საქართველოში ფულადი გზავნილების 92.3 პროცენტი იმ 14 უმსხვილეს დონორ...

„ბილაინი“ მომხმარებელს საახალწლოდ, ყველაზე მოთხოვნად მომსახურებას - ულიმიტო ინტერნეტს სთავაზობს

person access_time2017-12-15 13:40:32
კომუნიკაციებისა და ტექნოლოგიების კომპანია ბილაინი მომხმარებელს საახალწლოდ, ყველაზე მოთხოვნად მომსახურებას, ულიმიტო ინტერნეტს სთავაზობს.  16 - 24 დეკემბრის ჩათვლით ბილაინის მომხმარებლებს, შესაძლებლობა ექნება, მხოლოდ 15 ლარად გაიააქტიუროს ულიმიტო, უსწრაფესი ინტერნეტი. მომსახურების ჩართვა შესაძლებელია როგორც ბილაინის მობილური აპლიკაციის „My beeline Georgia “ ს ასევე ვებ გვერდის Beeline.ge და VEON აპლიკაციის საშუალებით....

TI: სსმ-ს სარეკლამო ბაზარზე შემოსვლა მნიშვნელოვნად დააზარალებს კერძო ტელევიზიებს

person access_time2017-12-15 13:50:59
„საერთაშორისო გამჭვირვალობა-საქართველო” საზოგადოებრივი მაუწყებლის საქმიანობის კვლევის შედეგებს აქვეყნებს. კვლევის მიზანია, ახალი მენეჯმენტის პირობებში მაუწყებელში მიმდინარე პროცესების შესწავლა და არსებული გამოწვევების დადგენა. კვლევის ფარგლებში გამოიკვეთა მთელი რიგი პრობლემური საკითები: „მაუწყებლობის შესახებ” კანონში მეორე მოსმენით დამტკიცებული ცვლილებები მედიაგარემოზე უარყოფითად აისახება;...

კომერციული ბანკების მიმართ საჩივრები გაიზარდა

person access_time2017-12-15 11:40:13
„საჭიროა, მომხმარებელმა მანამ მიმართოს მარეგულირებელს, სანამ კრედიტს აიღებს, მერე უკვე ძნელდება მისი დაცვა“ საფინანსო ორგანიზაციების მიერ დაზარალებულ მსესხებელთა რაოდენობა საკმაოდ მაღალია. როგორც გაზეთი „რეზონანსი“ წერს,  ამის მიზეზი ხშირ შემთხვევაში მოსახლეობისთვის არასაკმარისი ინფორმაციის მიწოდება და ბანკებისა თუ მიკროსაფინანსოების მიერ თავიანთ სასარგებლოდ მიღებული გადაწყვეტილებებია. სპეციალისტების ნაწილი მიიჩნევს,...


მსგავსი სიახლეები