„საბანკო საქმიანობიდან მიღებული შემოსავალი არაპროფილურ ბიზნესში არ უნდა ხვდებოდეს“

access_time2017-10-05 10:20:28

„როგორც კი საბანკო სექტორი არაპროფილურ საქმიანობას იწყებს, ეს მაშინვე აფერხებს ეკონომიკას. ეს არ არის ჩვენი მოგონილი“, – ამის შესახებ პარლამენტის დარგობრივი ეკონომიკის და ეკონომიკური პოლიტიკის კომიტეტის წევრმა ლევან კობერიძემ რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ განაცხადა.

 

დეპუტატის განცხადებით, როდესაც ჩვენ ვსაუბრობთ ბანკებთან დაკავშირებით, აუცილებლად უნდა აღვნიშნოთ, რომ ქვეყნის  ფინანსური მდგრადობისთვის ძალიან დიდი მნიშვნელობა აქვს ბანკების მდგრადობას. „ქართულმა ბანკებმა წლების განმავლობაში დაადასტურეს, რომ განვითარების მაღალ ხარისხზე არიან და დიდი წვლილი შეაქვთ ფინანსურ სტაბილურობაში. თუმცა ამავე დროს, უნდა გვახსოვდეს, რომ როგორც კი საბანკო სექტორი არაპროფილურ საქმიანობას იწყებს, ეს მაშინვე აფერხებს ეკონომიკას. ეს არ არის ჩვენი მოგონილი. საბანკო სფერო არის გამორჩეული, რომელსაც აქვს ბიზნესის კეთების გამორჩეული სტილი. როცა ბანკები იწყებენ არაპროფილური აქტივების ფლობას, რაც არ უნდა კეთილსინდისიერი მიზნები ჰქონდეთ, საბოლოო ჯამში მივდივართ კონკურენციის შეზღუდვასთან.

 

ერთ-ერთი მთავარი, რაც ბიზნესის განვითარებისთვის მნიშვნელოვანია, ანუ ფინანსური რესურსი, აკუმულირებულია სწორედ საბანკო სექტორში და შესაბამისად, ნებისმიერი ფორმით, იქნება ეს ჰოლდინგური თუ ჯგუფების მიერ ფლობა, ქმნის არაკონკურენტუნარიანი გარემოს. ჩვენ ვითხოვთ ეროვნული ბანკისგან, რომ მათი კონტროლი იყოს ძალიან მკაცრი და არ აღმოჩნდეს ე.წ. შავი ლაქები. ჩვენ ბევრი ვისჯელეთ ახალ კანონპროექტზეც და ასეთი საერთო დასკვნა გამოვიტანეთ, რომ როდესაც ეროვნული ბანკი საინვესტიციო ფონდების ზედამხედველობაზე უარს ამბობს, ჩვენთვის ეს არის კანონის ნაკლი. ეს ყველაფერი თავის მოტყუებას ემსგავსება და ვფიქრობთ, რომ ამ სახით არ უნდა დარჩეს ეს კანონი, მითუმეტეს, რომ ერთ-ერთმა ბანკმა უკვე დააანონსა საინვესტიციო ფონდად და საბანკო ჯგუფად გაყოფა.

 

ჩვენ უნდა ვისაუბროთ რეალურ ფაქტებზე, გვაქვს ეკონომიკური ზრდა, მაგრამ სად მიდის ეს შემოსავალი, როდის აისახება თითოეულ ჩვენგანზე? თუ ჩვენ არ განვავითარეთ მცირე და საშუალო ბიზნესი, ძალიან რთული იქნება მოქალაქეებმა შეიგრძნონ ეს დოვლათი. რა თქმა უნდა, იმის მიზეზი, რომ ბევრი ინვესტორი თავს იკავებს ამა თუ იმ ბიზნესში თანხის ჩადებისგან, არის ბანკების მხრიდან არაპროფილური ბიზნესების ფლობა. თუ ჩვენ გვინდა რომ კონკურენცია გაძლიერდეს, მაშინ ყველა თანაბარ პირობებში უნდა ჩავაყენოთ. თუკი ინვესტორი ხედავს, რომ ბანკს თავისუფლად შეუძლია არაპროფილურ ბიზნესში შესვლა და მარეგულირებელი, ამ შემთხვევაში ეროვნული ბანკი ვერაფერს აკეთებს, ვერ ან არ აკონტროლებს, ინვესტიციას არ ჩადებს. ეროვნულ ბანკს ამისთვის  საკმარისი რესურსი აქვს და შეუძლია უფრო ეფექტიანად მისი გამოყენება. მაგრამ თუკი საჭიროა დამატებითი ბერკეტები, ჩვენ მზად ვართ მივცეთ და ჩავდოთ ეს საკანონმდებლო ცვლილებებში, თუმცა ეს უნდა აღსრულდეს.

 

–როგორ ხედავთ ეროვნული ბანკის როლს, რა რეფორმაა საჭირო?

 

–პირველ რიგში, არაპროფილური საქმიანობის კონტროლი, მეორე ეს არის კანონმდებლობასთან დაკავშირებით ის ცვლილება, რომელიც ახლა არის შემოსული და რომლის მიხედვითაც საინვესტიციო ფონდების ზედამხედველობა არ უნდა დაეკისროს ეროვნულ ბანკს, რაც ჩვენი აზრით, არის არასწორი.

 

–ანუ თქვენ ამ დოკუმენტს მხარს არ დაუჭერთ?

 

–ჩვენ უკვე გვქონდა ამ საკითხზე საუბარი და იქვე დავაფიქსირეთ, რომ თუ ამ დოკუმენტში არ შევა ცვლილებები, მას მხარს არ დავუჭერთ. ადამიანებმა კარგად უნდა იცოდნენ, რომ თუ ისინი საბანკო სექტორში დაიწყებენ საქმიანობას, შემდეგში აკრძალული ექნებათ სხვა ბიზნესში განათავსონ საკუთარი ფინანსური რესურსი. აქ შეიძლება იყოს საუბარი, რომ დაწესდეს ზღვარი თანხაზე, მაგრამ მკაფიოდ უნდა იყოს ნათქვამი, რომ საბანკო საქმიანობიდან მიღებული შემოსავალი არ უნდა ხვდებოდეს არაპროფილურ ბიზნესში. ზღვარზე შეიძლება კიდევ ვიმსჯელოთ, მაგრამ მნიშვნელოვანია, რომ რეალობას არ გავექცეთ.

 

–როგორ ფიქრობთ, ამით ხომ არ მივიღებთ რაიმე რყევებს, რადგან ბაზარზე უკვე არის რამდენიმე ბანკი ჰოლდინგის სახით წარმოდგენილი...

 

–თუ საბანკო ჯგუფს არ ექნება სამშენებლო სექტორში საქმიანობის უფლება, ეს ვერანაირად ვერ დააზიანებს ფინანსურ მდგრადობას იმ ბანკის, იმიტომ, რომ მათ აქვთ თანხების მოზიდვის სხვადასხვანაირი ხერხები.

 

– ბაზარზე გაქვთ სიტუაცია შესწავლილი, ამ პრობლემით მოგმართავენ მცირე და საშუალო ბიზნესის წარმომადგენლები?

 

–დიახ, ეკონომიკის კომიტეტში თავს იყრის ძალიან ბევრი საჩივარი და მათ შორის, განხილვებზე მწვავედ დგას ეს თემაც. ჩვენ ვსაუბრობთ, რომ ეკონომიკა იზრდება 5%-ით, მაგრამ კიდევ უფრო მეტად როგორ შეიძლება ადამიანებმა მიიღონ კონკრეტული სარგებელი. მცირე და საშუალო ბიზნესის წილი მშპ-ში 21%-ია, რაც არ არის დამაკმაყოფილებელი და ეს არის ჩვენი ერთ-ერთი მთავარი პრიორიტეტი.  

 

 

 

კომერსანტი



„ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს“

person access_time2017-12-15 15:30:48
საქართველოს ბიზნესომბუდსმენის აპარატს მიაჩნია, რომ ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს. „ანალიტიკასთან" ინტერვიუში ზურა ძნელაშვილი აცხადებს, რომ 2016 წლის ბოლოსაც, როცა ამ სისტემის დანერგვის შესახებ ბიზნესმა მოულოდნელად გაიგო, ბიზნესომბუდსმენის აპარატმა, საქართველოს ბიზნეს ასოციაციის მიმართვის საფუძველზე, პარლამენტს და აღმასრულებელ შტოებს ავანსის დღგ-ით დაბეგვრის სისტემის მინიმუმ 1 წლით გადავადების თხოვნით მიმართა, მაგრამ...

ნოემბერში ფულადი გზავნილები 24,8%-ით გაიზარდა

person access_time2017-12-15 14:42:40
2017 წლის ნოემბერში ქვეყანაში შემოსული ფულადი გზავნილების ნაკადების მოცულობამ 122.1 მლნ აშშ დოლარი, ანუ 326.3 მლნ ლარი შეადგინა, რაც 24.8 პროცენტით (24.3 მლნ აშშ დოლარით) მეტია 2016 წლის ნოემბრის ანალოგიურ მაჩვენებელზე. საქართველოს ეროვნული ბანკის ინფორმაციით, უცხოეთიდან საქართველოში ფულადი გზავნილების 92.3 პროცენტი იმ 14 უმსხვილეს დონორ...

„ბილაინი“ მომხმარებელს საახალწლოდ, ყველაზე მოთხოვნად მომსახურებას - ულიმიტო ინტერნეტს სთავაზობს

person access_time2017-12-15 13:40:32
კომუნიკაციებისა და ტექნოლოგიების კომპანია ბილაინი მომხმარებელს საახალწლოდ, ყველაზე მოთხოვნად მომსახურებას, ულიმიტო ინტერნეტს სთავაზობს.  16 - 24 დეკემბრის ჩათვლით ბილაინის მომხმარებლებს, შესაძლებლობა ექნება, მხოლოდ 15 ლარად გაიააქტიუროს ულიმიტო, უსწრაფესი ინტერნეტი. მომსახურების ჩართვა შესაძლებელია როგორც ბილაინის მობილური აპლიკაციის „My beeline Georgia “ ს ასევე ვებ გვერდის Beeline.ge და VEON აპლიკაციის საშუალებით....

TI: სსმ-ს სარეკლამო ბაზარზე შემოსვლა მნიშვნელოვნად დააზარალებს კერძო ტელევიზიებს

person access_time2017-12-15 13:50:59
„საერთაშორისო გამჭვირვალობა-საქართველო” საზოგადოებრივი მაუწყებლის საქმიანობის კვლევის შედეგებს აქვეყნებს. კვლევის მიზანია, ახალი მენეჯმენტის პირობებში მაუწყებელში მიმდინარე პროცესების შესწავლა და არსებული გამოწვევების დადგენა. კვლევის ფარგლებში გამოიკვეთა მთელი რიგი პრობლემური საკითები: „მაუწყებლობის შესახებ” კანონში მეორე მოსმენით დამტკიცებული ცვლილებები მედიაგარემოზე უარყოფითად აისახება;...

კომერციული ბანკების მიმართ საჩივრები გაიზარდა

person access_time2017-12-15 11:40:13
„საჭიროა, მომხმარებელმა მანამ მიმართოს მარეგულირებელს, სანამ კრედიტს აიღებს, მერე უკვე ძნელდება მისი დაცვა“ საფინანსო ორგანიზაციების მიერ დაზარალებულ მსესხებელთა რაოდენობა საკმაოდ მაღალია. როგორც გაზეთი „რეზონანსი“ წერს,  ამის მიზეზი ხშირ შემთხვევაში მოსახლეობისთვის არასაკმარისი ინფორმაციის მიწოდება და ბანკებისა თუ მიკროსაფინანსოების მიერ თავიანთ სასარგებლოდ მიღებული გადაწყვეტილებებია. სპეციალისტების ნაწილი მიიჩნევს,...


მსგავსი სიახლეები