„საქართველოში პროფესიონალი ოქრომჭედლების ნაკლებობაა“

access_time2017-10-08 14:30:05

„ბიზნესი 2003 წელს დავიწყე და ძველი ქართული ხელოვნების ნიმუშების აღდგენა გადავწყვიტე. იმ პერიოდში მხოლოდ ტიხრულ მინანქარზე ვმუშაობდი და ჩემ გაკვირვებას იწვევდა ის, რომ ხალხმა არ იცოდა ამ პროდუქციის შესახებ“, - ამის შესახებ სამჭედლო „ლეგენდას“ დამფუძნებელმა მამუკა ჭოხონელიძემ „კომერსანტს“ განუცხადა.

 

როგორც ბიზნესმენი ჩვენთან საუბრისას განმარტავს, მისი ძირითადი პროდუქცია მაღალშემოსავლიან სეგმენტზეა გათვლილი. „ლეგენდა“ მომხმარებელს ძველი ტექნოლოგიით დამზადებულ სხვადასხვა აქსესუარებს და არქეოლოგიური გათხრების დროს ნაპოვნი ნივთების მსგავს ნამუშევრებს სთავაზობს.

 

„ვცდილობთ, ყველა სეგმენტის წარმომადგენლისთვის ხელმისაწვდომი საფასო პოლიტიკა გვქონდეს. თუმცა ტიხრულ მინანქარში არის ნივთები, რომლებიც მხოლოდ მაღალშემოსავლიან სეგმენტზეა გათვლილი. რაც შეეხება მინაბაძებს, ის ძირითადად დაბალშემოსავლიან სეგმენტზეა გათვლილი.

 

პროდუქცია ქართველებთან ერთად, უცხოელების მხრიდანაც მოთხოვნადია და დიდ მოწონებას იმსახურებს. ახლა მინანქარზე დიდი მოთხოვნაა და ბაზარიც გაჯერებულია. მინანქარს რომ სწორი პოლიტიკა შეურჩიო, ბიზნესი თავიდანვე კარგად აეწყობა.

 

ჩემი პროდუქცია ამჟამად სავაჭრო ცენტრ „მერანში“ და „თბილისი მოლშია“ წარმოდგენილი“, - განაცხადა  ჭოხონელიძემ.

 width=699


 

„ლეგენდას“ დამფუძნებელი ბაზარზე არსებულ კონკურენციასა და ქვეყანაში არსებული პროფესიონალი კადრების ნაკლებობაზე საუბრობს.

 

„ჩემი პროდუქცია და ბაზარზე არსებული სხვა ნამუშევრები, ერთმანეთისგან ხარისხის თვალსაზრისით განსხვავდება. რა თქმა უნდა, კონკურენცია არის ბაზარზე, თუმცა ეს სფერო ქვეყანაში ჯერ ამ დონეზე განვითარებული არ არის.  

 

ქვეყანაში პროფესიონალი ოქრომჭედლის ნაკლებობაა, რასაც მინანქრის პროფესიონალ კადრებზე ვერ ვიტყოდი. ეს ალბათ, იმანაც გამოიწვია, რომ ოქრომჭედლობის სრულად შესწავლა ძალიან ძვირი ღირს“, - აღნიშნა  მამუკა ჭოხონელიძემ.

 

 width=710

რაც შეეხება სამომავლო გეგმებს, ჭოხონელიძე ჩვენთან საუბრისას განმარტავს, რომ: „დაახლოებით ორ კვირაში თბილისში კიდევ ერთი საამქროს გახსნას ვგეგმავთ და გვინდა პროდუქციის დამზადებაზე, მის შეფუთვასა და გაფორმებაზეც თავადვე ვიზრუნოთ.

 

ამჟამად მოლაპარაკება თავისუფლების მოედანზე მდებარე „გალერეა თბილისთან“ მიმდინარეობს და მისი გახნის შემდგომ ჩვემი ნამუშევრების იქ ხილვა და შეძენაც შესაძლებელი გახდება.“

 

width=573

ავტორი: ლიკა გურაბანიძე



30 ათას ლარიანი ჯარიმა უსაფრთხოების ნორმების დარღვევაზე - დეველოპერების შეფასებები

person access_time2018-02-19 18:45:18
ქვეყანაში  უსაფრთხოების ინჟინრების დეფიციტი და მათი მომზადებისთვის საჭირო ხარჯი -ეს ის პრობლემაა, რომელიც  მშენებლობასთან დაკავშირებით დაგეგმილმა რეგულაციამ შეიძლება გამოიწვიოს.  ამის შესახებ „კომერსანტთან“ დეველოპერების ნაწილი საუბრობს და დედაქალაქში მშენებლობასთან დაკავშირებით მოსალოდნელ რეგულაციებს  აფასებს.    „პროდუქტის უსაფრთხოებისა და...

ქართული ღვინის პრეზენტაცია ტოკიოში - ტოჩინოშინის სიურპრიზი ორგანიზატორებს

person access_time2018-02-19 19:45:37
ქართული ღვინის მასშტაბური პრეზენტაცია იაპონიის დედაქალაქ ტოკიოსა და ქალაქ ოსაკაში გაიმართა. ღონისძიებას საქართველოს სრულუფლებიანი და საგანგებო ელჩი იაპონიაში ლევან ცინცაძე და ჰაცუ ბაშუს ტურნირის ქართველი გამარჯვებული, სუმოისტი ლევან გორგოძე, იგივე ტოჩინოშინი ესტუმრნენ.   ტოკიოსა და ოსაკაში გამართულ ღონისძიებებში ჯამში 35 ქართული ღვინის მწარმოებელი კომპანიის 100-მდე დასახელების ღვინო იყო წარდგენლი. ქართული ღვინის პრეზენტაცია-სემინარს ტოკიოში 350, ხოლო ოსაკაში 300-მდე ღვინის...

გზების დეპარტამენტის თავმჯდომარე ჩინურ „სინოჰიდროსთან“ დაკავშირებულ კითხვებს „კომერსანტთან“ პასუხობს

person access_time2018-02-20 09:00:11
გზების  დეპარტამენტის თავმჯდომარე გიორგი სეთურიძე  ბოლო პერიოდში, ჩინურ „სინოჰიდროსთან“  დაკავშირებით კითხვებს „კომერსანტთან“  პასუხობს. როგორც ცნობილია, 2018 წლის 29 იანვარს გიორგი სეთურიძემ „კომერსანტთან“ საუბარში განაცხადა, რომ „სინოჰიდროს“ საქმიანობის თაობაზე დასკვნას 1 კვირაში გამოაქვეყნებდა. საკითხი ეხება რამდენიმე კვირის  წინ,  ...

ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...


მსგავსი სიახლეები