მომგებიანი ინვესტიცია – საუკეთესო ბიზნეს-სკოლები Forbes-ის რეიტინგში

access_time2017-10-08 20:00:05

Forbes–მა უცხოელებისთვის მსოფლიოში საუკეთესო ბიზნეს სასწავლებლების სია გამოაქვეყნა. გამოცემამ რეიტინგის შესადგენად 2012 წლის კურსდამთავრებულთა შესახებ მონაცემები შეაგროვა, იმის დასადგენად დაუბრუნდათ თუ არა უნივერსიტეტის დამთავრებიდან 5 წელში, სტუდენტებს სწავლაში ჩადებული ინვესტიცია. რეიტინგი 2 წელიწადში ერთხელ დგება.

 

Forbes–ის გამოკითხვაში მონაწილეობა მიიღო 100–ზე მეტი ბიზნეს–სკოლის 17 500 –მა კურსდამთავრებულმა. საგულისხმოა, რომ რეიტინგში ვერ მოხვდა ვერც ერთი ამერიკული სასწავლებელი. რეიტინგში ძირითადად ის სასწავლებლები მოხვდნენ, სადაც უფრო მეტად უცხოელები სწავლობენ.

 

 

1. IMD – ლოზანა, შვეიცარია

 

სწავლის ღირებულება - 88 642 დოლარი

საშუალო ხელფასი  - 115 399 დოლარი

 

IMD-ს ბიზნეს სკოლას, რომელიც ჟენევის ტბის სანაპიროზე მდებარეობს, Forbes-ის აზრით ასაუკეთესო 1-წლიანი პროგრამა MBA აქვს.  წლის განმავლობაში სტუდენტები სწავლობენ 3 მიმართულებას - კორპორატიულ მუშაობას, მეწარმეობას და საერთაშორისო ბიზნესს. სწავლების პროცესში ისინი მონაწილეობენ სხვადასხვა საკონსალტინგო პროექტებში შვეიცარიაში, მუშაობენ სტარტაპებთან და საერთაშორისო კომპანიებთან. IMD-ს ბიზნეს სკოლაში სტუდენტები 44 ქვეყნიდან სწავლობენ და ყოველი მათგანი საშუალოდ ფლობს 4 ენას. სასწავლებელში ჩარიცხვის მსურველებისთვის აუცილებელია ინგლისურის გარდა კიდეც ერთი რომელიმე უცხო ენის ცოდნა.

 

 

2. Insead, ფონტენბლო, საფრანგეთი

 

სწავლის ღირებულება – 85 905 დოლარი

საშუალო ხელფასი - 102 500 დოლარი

 

Insead  კამპუსები არის საფრანგეთში, სინგაპურში და აბუ-დაბიში, რის გამოც ის მსოფლიო ბიზნეს-სკოლად ითვლება. სასწავლებლის სტუდენტთა 39% არის ევროპიდან, 30% აზიიდან, 13% - ჩრდილოეთ ამერიკიდან. ამასთან, სასწავლებელში მუშაობს 146 პედაგოგი 34 ქვეყნიდან. Insead არის რეიტინგის ყველაზე მსხვილი ბიზნეს-სკოლა, მისი კურსდამთავრებულების ნახევარი მალევე იწყებს მუშაობას მსოფლოს ყველაზე ცნობილ კონსალტინგურ სააგენტოებში.

 

 

3. IE University – მადრიდი, ესპანეთი

 

სწავლის ღირებულება - 82 279 დოლარი

საშუალო ხელფასი  - 92 279 დოლარი

 

მადრიდის ბიზნეს-სკოლა  IE-ს სპეციალიზაციაა  საერთაშორისო ბიზნესი და ის იზიდავს სტუდენტებს მთელი მსოფლიოდან. სასწავლებლის სტუდენტთა მხოლოდ 8%-ია ესპანეთის მოქალაქე. მადრიდის ბიზნეს-სკოლაში სასწალებლად ჩადიან ძირითადად ევროპიდან (25%), სამხრეთ ამერიკიდან (21%), ჩრდილოეთ ამერიკიდან - 20% და აზიიდან - 16%.

 

IE-ში სწავლის  ღირებულება არის 82 276 დოლარი წელიწადში და კურსდამთავრებულთა 89% სულ რაღაც 3 თვის შემდეგ უკვე იღებს დასაქმების შემოთავაზებებს. 2016 წელს ამ ბიზნეს-სკოლის სტუდენტებზე ყველაზე დიდი მოთხოვნა იყო ისეთ გრანდებში როგორც  Microsoft, Credit Suisse, Hilti, Amazon.com და McKinsey.

 


 

4. University of Cambridge – კემბრიჯი, ინგლისი

 

სწავლის ღირებულება - 64 435 დოლარი

საშუალო ხელფასი  - 88 634 დოლარი

 

საყოველთაოდ  განთქმული ბრიტანული უნივერსიტეტი დაარსდა მე-18 საუკუნეში, ხოლო ბიზნეს-სკოლა შეიქმნა 1990 წელს. ამ სასწავლებლის ცენტრალური შენობა დედოფალმა ელისაბედ II-მ 1995 წელს გახსნა. ბიზნეს-სკოლა მდებარეობს ლონდონთან ახლოს, სილიკონის ველის მსგავს ტექნოლოგიურ ჰაბში, რომელშიც ფუნქციონირებს რამდენიმე კომპანია ელექტრონიკის და ბიოტექნოლოგიების დარგებში.

 

 

5. SDA Bocconi – მილანი, იტალია

 

სწავლის ღირებულება უცხოელებისთვის  - 57 073 დოლარი

საშუალო ხელფასი  - 84 555 დოლარი

 

SDA Bocconi  არის ერთად-ერთი იტალიური ბიზნეს-სკოლა რეიტინგში. სწავლების ერთწლიანი კურსი მიმდინარეობს ინგლისურ ენაზე, თუმცა პირველი თვეების განმავლობაში სტუდენტებს  იტალიურსაც ასწავლიან. სტუდენტთა 46% არის მსოფლიოს სხვადასხვა ქვეყნებიდან, ამასთან, SDA Bocconi-ს  აქვს სტუდენტთა გაცვლითი პროგრამები მსოფლიოში 30 უმაღლეს სასწავლებელთან. მილანის ბიზნეს-სკოლა გამოირჩევა იმით, რომ ის ძირითადად ორიენტირებულია Luxury-სფეროში მუსაობაზე და აქტიურად თანამშრომლობს ფუფუნების ინდუსრტიის ლიდერ-კომპანია  LVMH-თან.

 

 

6. University of London –  ლონდონი, ინგლისი

 

სწავლის ღირებულება - 93 527 დოლარი

საშუალო ხელფასი  - 108 269 დოლარი

ლონდონის ბიზნეს-სკოლის 2-წლიანი პროგრამა საუკეთესოა ევროპაში. სასწავლებელი მდებარეობს ლონდონის ცენტრში, თუმცა სტუდენტთა 90% - უცხოელია. სტუდენტებს შეუძლიათ აირჩიონ 15, 18 და 21-თვიანი სწავლების პროგრამა. სასწავლებლის ყოველი მე-6 კურსდამთავრებული მუშაობს ისეთ მსხვილ კორპორაციებში, როგორც McKinsey ,  Boston Consulting Group, Amazon, Bain და Google.

 

 

7. IESE –  ბარსელონა, ესპანეთი

 

სწავლის ღირებულება - 77 900 დოლარი

საშუალო ხელფასი - 125 737 დოლარი

საერთაშორისო ბიზნეს-სკოლა IESE  მდებარეობს ბარსელონაში, თუმცა აქვს ფილიალები მადრიდში,  ნიუ-იორკში, სან-პაულოში და მიუნხენში. IESE  არის მსოფლიოში პირველი ბიზნეს-სკოლა, რომელიც სთავაზობს სტუდენტებს ორენოვან MBA-ს ხარისხს. უნივერსიტეტში მოქმედებს მეწარმეობის ხელშეწყობის პროგრამა FINAVES, რომელიც ეხმარება სტუდენტებს ბიზნეს-იდეების რეალიზებაში.

 

 

8. CEIBS –  შანჰაი, ჩინეთი

 

სწავლის ღირებულება - 60 435

საშუალო ხელფასი -  56 838 დოლარი

 

CEIBS  1994 წელს ევროკავშირს და ჩინეთის მთავრობას შორის დადებული შეთანხმების საფუძველზე შეიქმნა. მთავარი კამპუსი შანხაიში მდებარეობს, თუმცა სასწავლებელს გააჩნია ფილიალები შენჩჟენში, პეკინსა და ციურიხში. უნივერსიტეტი ძირითადად გათვლილია უცხოელებზე, მათ შორის 88% არის აზიიდან და მხოლოდ 3% - ევროპიდან. CEIBS-ს  აქვს სწავლების 3 მიმართულება - დიპლომატია, ჯანდაცვა და სასტუმრო ინდუსტრია.

 

 

9. HEC Paris – პარიზი, საფრანგეთი

 

სწავლის ღირებულება  - 66 584 დოლარი

საშუალო ხელფასი - 120 425 დოლარი

მსოფლიოს ერთ-ერთი უძველესი ბიზნეს-სკოლა დაარსდა 1881 წელს, მისი ძირითადი კამპუსი მდებარეობს პარიზის ერთ-ერთი გარეუბანში და იკავებს 120 ჰექტარზე. 2012 წელს უნივერსიტეტმა აიშენა ახალი, მაღალტექნოლოგიური შენობა. სწავლება იყოფა ფუნდამენტალურ და ინდივიდუალურ ფაზებზე. პირველის ფარგლებში სტუდენტები სწავლობენ ძირითად პროგრამას და მუშაობენ კარიერულ ტრენერებთან. მეორე ფაზა გულისხმობს  ფაკულტატივებს და საერთაშორისო გაცვლას.

 

 

10. Ramon Llull University – ბარსელონა, ესპანეთი

 

სწავლის ღირებულება   - 70 028 დოლარი

საშუალო ხელფასი - 67 039 დოლარი

 

უნივერსიტეტი მდებარეობს ბარსელონაში და იზიდავს სტუდენტებს მთელი მსოფლიოდან. სასწავლებლის 4 ძირითადი მიმართულებაა ინოვაციები, სტრატეგია, მეწარმეობა და ლიდერობა. სტუდენტებს შეუძლიათ აირჩიონ ორენოვანი პროგრამა - ინგლისურ-ესპანური ან კატალონიურ-ინგლისური, ან მხოლოდ ინგლისურ ენა. სასწავლო პროგრამის ფარგლებში მუშაობს „საოჯახო ბიზნეს-ლაბორატრია“, რომელიც ასწავლის სტუდენტებს  საკუთარი საოჯახო ბიზნესის დაწყებას.

 

 

forbes.ru



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები