აკაკი ჩარგეიშვილი: ეროვნული ბანკი უნდა დაისაჯოს

access_time2017-09-28 14:00:26

ეროვნული ბანკი  მოსახლეობას აფრთხილებს და აცხადებს, რომ  კორპორატიული ობლიგაციები არ არის უზრუნველყოფილი არც სახელმწიფოს და არც ეროვნული ბანკის გარანტიით. იმ პირობებში, როდესაც კორპორაციული ობლიგაციების გამოშვება 2014 წლიდან დაიწყო და ქვეყანაში არის კომპანიები, რომლებმაც მსგავსი სახის ფასიანი ქაღალდები უკვე გამოუშვეს, ასეთი განცხადება სპეციალისტებში სერიოზულ კრიტიკას იწვევს.

 

დღეს კორპორაციული ობლიგაციები გამოშვებული აქვს  „m², სს „ნიკორა“ , „სილქნეტი“ და ასე შემდეგ.

 

„კომერსანტი“ დაინტერესდა, ვისი პასუხისმგებლობის ქვეშაა და რა გარანტიით ყიდულობს ადამიანი კონკრეტული კომპანიის ობლიგაციებს და რამდენად დაცულია მომხმარებელი?

 

ეკონომიკის ექსპერტი აკაკი ჩარგეიშვილი ჩვენთან საუბრისას აცხადებს, რომ ეროვნული ბანკის ეს განცხადება მიმართულია იმისკენ, რომ ქვეყანაში ფასიანი ქაღალდების ბაზარი არ განვითარდეს, ამაზე კი პარლამენტის საფინანსო-საბიუჯეტო კომიტეტის თავმჯდომარეს რეაგირება უნდა ჰქონოდა.

 

მისი განცხადებით, ეროვნული ბანკის მიერ გავრცელებულ განცხადებაში ორი უზუსტობა იყო.  პირველი – როდესაც ეროვნული ბანკი საუბრობს  იმაზე, რომ კორპორატიული ობლიგაციები სახელმწიფოს  მიერ არ არის გამყარებული და მეორე - რომ ეს არც ეროვნული ბანკის გარანტიით არ არის გამყარებული.

 

ჩარგეიშვილის თქმით, ასეთი განმარტება არის შეცდომაში შეყვანა, რაც ემსახურება კომერციული ბანკების ფულადი წყაროების არსებობის ინტერესებს თავისუფალ  ბაზარზე.

 

„რეალურად, საბაზრო  პირობებში, თავისუფალ ეკონომიკაში, როდესაც კერძო კომპანიების მიერ თავისუფალი საბაზრო ინტრუმენტებიდან იყენებენ რომელიმეს, იქნება ეს პრივილეგირებული აქცია თუ ობლიგაცია, ნიშნავს იმას, რომ ყველაფერი კომპანიის  პირადი ვალდებულების ხარჯზე ხდება. არასწორია ის, როდესაც მარეგულირებელი მომხმარებელს წინასწარ ეუბნება, რომ ეს გამაგრებული არ არის არც სახელმწიფოს და არც ეროვნული ბანკის გარანტიით. ეს იმას ნიშნავს, რომ დაინტერესებულმა პირებმა საერთოდ არ იყიდონ მსგავსი ობლიგაციები და რომ ფასიანი ქაღალდების ბაზარი არ განვითარდეს“-აცხადებს ჩარგეიშვილი.

 

მისი თქმით, ამ განცხადების გამო ეროვნულმა ბანკმა პასუხი  უნდა აგოს. როგორც ჩარგეიშვილი აცხადებს, დღეს საბანკო მონოპოლიას ოკუპირებული აქვს ხელისუფლება და არც საპარლამენტო კონტროლი არსებობს.

 

„განცხადებაც კი არ მოჰყოლია თუნდაც პარლამენტის საფინანსო-საბიუჯეტო კომიტეტიდან. აღნიშნულმა კომიტეტმა პასუხი აუცილებლად უნდა მოსთხოვოს, რადგან ის არის მარეგულირებლის მაკონტროლებელი. რეაგირება არ ყოფილა არც სხვა სახელმწიფო უწყებიდან იმაზე, თუ რა უფლება ჰქონდა ეროვნულ ბანკს, როდესაც პირდაპირ მინიშნება მისცა მოსახლეობას. “-აცხადებს ჩარგეიშვილი.

 

ჩარგეიშვილის განცხადებით, ზოგადად, ფასიანი ქაღლადების ბაზარი თავისთავად რეგულირებადია. ეს ნიშნავს იმას, რომ ფინანსური ინფრასტრუქტურა გარანტირებულად რეგულირებული უნდა იყოს იმ ზედახმედველი ორგანოს მიერ, რომელსაც ეს კანონმდებლობით ევალება. ამ შემთხვევაში კი, ეროვნულ ბანკს.

 

მისი თქმით, ეროვნულმა ბანკმა პირველ რიგში, უნდა უზრუნველყოს ფასიანი ქაღალდების ბაზრისთვის საჭირო მოთხოვნები. მეორეს მხრივ, უნდა იყოს რეგულატორი, გამოსცემდეს მარეგულირებელ ნორმებს და ზედამხედველობას ახორციელებდეს.  ჩარგეიშვილის განცხადებით, ეროვნული ბანკი ამას არ აკეთებს.

 

„ამ შემთხვევაში ეროვნულ ბანკს უნდა ეცნობინებინა, რომ ეს არის კერძო კომპანიის კორპორატიული ობლიგაციები, რეგულირდება კანონით და რისკის გაწევა წარმოადგენს რეგულირების ჩარჩოს“ - აცხადებს ჩარგეიშვილი.

  

მისი თქმით, ფასიანი ქარალდების ბაზარს რისკი მუდმივდ ახლავს.  თუმცა, ეს რისკი ჩვენთან  საკმაოდ მაღალია. ჩარგეიშვილის განცხადებით, საქართველოს ეროვნული ბანკი არ მოქმედებს ინსტრუმენტალურად ისე, რომ ქვეყანაში ფასიანი ქაღალდების ბაზარი განვითარდეს. როგორც ჩარგეიშვილი აცხადებს, ამ შემთხვევაში მარეგულირებელი  ისეთ გაფრთხილებებს ახორცილებს, რომ ნეგატიურ კლიმატს უქმნის იმათ, ვინც მსგავსი ობლიგაციების შეძენითაა დაინტერესებული.

  

 „ეროვნულმა ბანკმა უნდა თქვას, რომ მან იზრუნა, შექმნა ინსტრუმენტები, საბაზრო პირობებიც უზრუნველყო, თავისი რეგულაციებით მოახდინა თაღლითობის მინიმიზაცია. ამას ეროვნული ბანკი არ ამბობს. ის ამბობს, რომ გამყარებული არ არის გარანტიით, რაც თავისთვად ნეგატივს ქმნის“-აცხადებს ჩარგეიშვილი.

 

კითხვაზე, რამდენად დაცულია ასეთ დროს კორპორატიული ობლიგაციების შესყიდვით დაინტერესებული პირი, ჩარგეიშვილი განმარატვს, რომ ასეთ დროს მომხმარებელს იცავს მოქმედი კანონმდებლობა. მისივე მტკიცებით, ნებისმიერი მოქმდება ბაზარზე რისკია.

 

„ზოგადად, ვინც რისკავს, ის შამპანურსაც სვამს.  ეს ცნობილი გამონათქვამია. შესაბამისად, ნებისმიერი ბიზნესი, რომელიც იწყება ფიზიკური პირის მიერ თუ დაინტერსებული პირების მიერ,  რისკის შემცველია. შეიძლება ადამიანმა ფული დააბანდოს და კომპანია გაკოტრდეს. ზოგადად, ეკონომიკურ ურთიერთობებს რისკი მუდმივად თან სდევს. ასევე მნიშვნელოვანია, თუ ასეთი რისკის შემთხვევაში როგორ გადაფარვას სთავაზობს ეროვნული ბანკი მომხმარებლებს და როგორ მინიმიზაციას უკეთებს  თავისი რეგულაციებით. ესაა მთავარი“ - აცხადებს ჩარგეიშვილი. 

 

 პირველი კორპორაციული ობლიგაციების გამოშვება 2014 წლიდან დაიწყო.

 

 P.S. კომერსანტი აგრძელებს თემაზე მუშაობას და პარლამენტის საფინანსო-საბიუჯეტო კომიტეტის პოზიციას მოგვიანებით შემოგთავაზებთ. 

 

ავტორი: სოფო ქსოვრელი 

 

 



კახა კალაძე - 53%, ზაალ უდუმაშვილი და ალექსანდრე ელისაშვილი - 14–14% - „გორბის“ ეგზიტპოლის შედეგი

person access_time2017-10-21 22:52:20
ტელეკომპანია ”იმედის” დაკვეთით ჩატარებული ეგზიტპოლის თანახმად, ”ქართული ოცნება - დემოკრატიული საქართველოს” თბილისის მერობის კანდიდატმა კახა კალაძემ ამომრჩეველთა 53%-ის მხარდაჭერა მიიღო.  თანაბარი, 14–14% ერგოთ ზაალ უდუმაშვილსა და ალექსანდრე ელისაშვილს, 5% კი ელენე ხოშტარიას.  ტელეკომპანია „იმედის“ დაკვეთით თვითმმართველობის არჩევნებზე ეგზიტპოლი შპს „გორბიმ“...

ცესკოს ინფორმაციით, ყველა საოლქო საარჩევნო კომისიაში ჯამში 204 საჩივარი შევიდა

person access_time2017-10-21 22:23:18
საერთო ჯამში, ყველა საოლქო საარჩევნო კომისიაში შეტანილია 204 საჩივარი, - ამის შესახებ ცესკო-ს სპიკერმა ანა მიქელაძემ კენჭისყრის პროცედურის დასრულების შემდეგ შემაჯამებელ ბრიფინგზე განაცხადა.  მისი განცხადებით, ყველაზე მეტი საჩივარი შევიდა მარნეულში, ვაკეში, ნაძალადევსა და ქუთაისში.  „საჩივრები დაიწერა ადგილობრივი სადამკვირვებლო ორგანიზაციებისა და საარჩევნო სუბიექტების წარმომადგენელთა მიერ. საჩივრები ძირითადად, ეხება პროცედურულ ხარვეზებს და...

54% - კახი კალაძე, 16% - ზაალ უდუმაშვილი - ედისონ რისერჩის ეგზიტპოლის საბოლოო შედეგი

person access_time2017-10-21 23:20:38
ორგანიზაცია ”ედისონ რისერჩის” მიერ ჩატარებული ეგზიტპოლის საბოლოო შედეგების თანახმად, ”ქართული ოცნება - დემოკრატიული საქართველოს” თბილისის მერობის კანდიდატმა კახა კალაძემ ამომრჩეველთა 54%-ის მხარდაჭერა მიიღო, ხოლო მეორე ადგილი ”ნაციონალური მოძრაობის” თბილისის მერობის კანდიდატმა ზაალ უდუმაშვილმა 16%-ით დაიკავა. რაც შეეხება დამოუკიდებელ კანდიდატ ალეკო ელისაშვილს, ეგზიტპოლების თანახმად, მან ამომრჩეველთა 15%-ის მხარდაჭერა...

საია - 18:00 საათისთვის არჩევნებზე ძირითადად პროცედურული დარღვევები ფიქსირდება

person access_time2017-10-21 18:43:31
საქართველოს ახალგაზრდა იურისტთა ასოციაციის ინფორმაციით, დღის 18:00 საათისთვის, კენჭისყრის მიმდინარეობისას ძირითადად პროცედურული დარღვევები ფიქსირდება.   საიას ცნობით, ამ დროისათვის საარჩევნო დარღვევებზე ორგანიზაციის დამკვირვებლებმა წარადგინეს სულ 52 საჩივარი უბანზე, 35 - ოლქში და 105 შენიშვნა.   გადასატანი ყუთით ხმის მიცემასთან დაკავშირებული პრობლემები: - თერჯოლის #16 უბანზე ამომრჩეველმა...

„მე ხმა მივეცი კიდევ უფრო უკეთეს თბილისს და დარწმუნებული ვარ, რომ თბილისი ნამდვილად ასეთი იქნება“

person access_time2017-10-21 10:40:59
მე ხმა მივეცი კიდევ უფრო უკეთეს თბილისს და დარწმუნებული ვარ, რომ თბილისი ნამდვილად ასეთი იქნება, - ამის შესახებ საქართველოს პრემიერ-მინისტრმა გიორგი კვირიკაშვილმა განაცხადა, რომელმაც ადგილობრივი თვითმმართველობის არჩევნებში საკუთარ არჩევანი საბურთალოზე, მე-4 ოლქის 24-ე საარჩევნო უბანზე დააფიქსირა. ის უბანზე მეუღლესთან და შვილებთან ერთად მივიდა. „ხმა მივეცი თბილისს, რომელშიც ყველას ეხალისება ცხოვრება, სადაც ურბანული ტრანსპორტი მოწესრიგებულია, სადაც მწვანე ზონებია...

CNNMoney: კატალონიის კრიზისმა ბარსელონაში ტურისტების რაოდენობა შეამცირა

person access_time2017-10-20 19:00:11
კატალონიაში წარმოქმნილი პოლიტიკური კრიზისის გამო ესპანეთის ეკონომიკურად ყველაზე აქტიურ რეგიონს უფრო ნაკლები ტურისტი სტუმრობს. CNNMoney-ის ინფორმაციით, გასულ წელთან შედარებით, კატალონიის მიმართულებით თვითმფრინავის ბილეთების ჯავშნები 17%-ით არის შემცირებული.   დამოუკიდებლობასთან დაკავშირებით 1-ელ ოქტომბერს კატალონიაში რეფერენდუმი ჩატარდა. რეგიონის სეპარატისტულ მთავრობას დამოუკიდებლობის მოპოვება სურს, რასაც მადრიდი ძალის გამოყენებით დაუპირისპირდა. შედეგად, მსოფლიოშ ერთ-ერთ...

CNBC: ბიტკოინის ფასი $10,000-ს გადაცდება

person access_time2017-10-21 16:00:22
ამერიკული მედიასაშუალების, CNBC-ის გამოკითხვის შედეგებით, გამოკითხულთა ნახევარი მიიჩნევს, რომ ბიტკოინის ფასი $10,000-ს გადააჭარბებს. გამოკითხვა ერთი კვირის განმავლობაში CNBC-ის საიტზე მიმდინარეობდა, რომელშიც 23,118-მა ადამიანმა მიიღო მონაწილეობა.   ანალოგიური მოსაზრება აქვს ჰეჯ ფონდის ყოფილ მენეჯერს, მაიკლ ნოვოგრაცს, რომელმაც ინტერვიუში ბიტკოინთან დაკავშირებით კომენატარი გააკეთა. ნოვოგრაცის აზრით, მსოფლიოში ყველაზე გავრცელებული კრიპტოვალუტის ღირებულება მომდევნო 10 თვის...

2018 წლიდან რეგულაციების გამკაცრება აირბალონზე მომუშავე ავტომობილებისთვისაც იგეგმება

person access_time2017-10-20 18:00:52
საქართველოში ე.წ. ტექდათვალიერება რომ უნდა აღდგეს, ამაზე აღარავინ კამათობს. ჩვენს ქუჩებში ათასობით შეუმოწმებელი ავტომობილი მოძრაობს, რომელიც უსაფრთხოების მინიმალურ სტანდარტებსაც ვერ აკმაყოფილებს. პირველ რიგში ეს გაზზე მომუშავე ავტომობილებს ეხება. ამ კატეგორიის ავტომობილების ინსპექტირება რამდენიმე თვის წინ უნდა დაწყებულიყო, მაგრამ შემოწმების პროცესი ერთ წერტილზე გაიყინა, ეს მაშინ, როცა ინსპექტირების დასრულების ბოლო ვადად თავიდან 2018 წლის 1-ლი იანვარი სახელდებოდა.   ჩვენ...

,,ავზებში სადაც ინახება საწვავი, არ ხდება მათი რეცხვა, შესაბამისად, ჩვენ ვასხამთ დაბინძურებულ ბენზინს’’

person access_time2017-10-21 14:00:52
,,მნიშვნელოვანია თუ რამდენად კვალიფიციური იქნება პერსონალი, ვინც შეამოწმებს ავტომობილებს’’   მსოფლიო ჯანდაცვის ორგანიზაციის კვლევის მიხედვით, საქართველო პირველ ადგილზეა მსოფლიოს იმ ქვეყნების ჩამონათვალში, სადაც ჰაერის დაბინძურების გამო ყველაზე მეტი ადამიანის გარდაცვალება ხდება. 100 ათას ადამიანზე 300 გარდაცვალება. ძირითადი მიზეზი გაუმართავი და მოძველებული სატრანსპორტო საშუალებებია. ჰაერის დაბინძურების 75 პროცენტი ავტომობილების გამონაბოლქვზე...

გიორგი სამანიშვილი: „2017 წლის იანვარ-სექტემბერში ექსპორტზე 50 მილიონ ბოთლზე მეტი ღვინო გავიდა“

person access_time2017-10-21 10:00:05
„ღვინის ექსპორტის ზრდა ფიქსირდება, როგორც ტრადიციულ, ასევე, ახალ საექსპორტო ბაზრებზე“, - ამის შესახებ ღვინის ეროვნული სააგენტოს თავმჯდომარე გიორგი სამანიშვილმა რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ ისაუბრა.   რამდენიმე დღის წინ, სოფლის მეურნეობის მინისტრმა ლევან დავითაშვილმა განაცხადა, რომ დამოუკიდებლობის მოპოვების შემდეგ, საქართველოს ამდენი ღვინო არ გაუყიდია, არც თანხობრივად და არც...


მსგავსი სიახლეები