ბიზნესმენ რომან ფიფიას ცნობით, აზოტის ქარხნის რუსი ინვესტორებისთვის გადაცემა კანონიერი ვერ იქნება

access_time2017-09-23 16:12:06

რუსთავის აზოტის ქარხნის ყოფილი მფლობელი რომან ფიფია ქარხნის რუს ინვესტორებზე გასხვისების შესახებ გავრცელებულ ინფორმაციაზე კომენტარს აკეთებს და აცხადებს რომ თუ ეს სიმართლეს შეესაბამება მაშინ გარიგება უკანონო იქნება.

 

„პირველის“ კითხვაზე რა სახის ინფორმაციას ფლობს გავრცელებულ ინფორმაციაზე, იმის შესახებ რომ საქართველოს ბანკსა და რუსს ინვესტორებს შორის ქარხნის გადაფორმების პროცესი უკვე მიმდინარეობს? _ რომან ფიფიამ განაცხადა, რომ ინფორმაციას არ ფლობს, თუმცა რუსთავის აზოტის ქარხანასთან დაკავშირებით, საქართველოს და ლუქსემბურგის იურისდიქციებში სასამართლო დავები მიმდინარეობს და ქარხნის გასხვისების შესახებ, საქართველოს ბანკის მიერ გაფორმებული ნებისმიერი ხელშეკრულება კანონიერი ვერ იქნება.

 

„ამ ეტაპზე მე ვაწარმოებ დავას ლუქსემბურგში რუსული კომპანია “SISTEMA” და ლუქსემბურგში მის შვილობილ კომერციულ ბანკ “EAST WEST UNITED BANK”-ის წინააღმდეგ. “SISTEMA”-მ კორპორატიული რეიდერობით სცადა რუსთავის აზოტის ხელში ჩაგდება და ხელოვნურად ჩაშლა უპრეცენდენტო მასშტაბის EBRD-ს ფინანსირება, რაც მოიცავდა არსებული სესხების რეფინანსირებას და რუსთავის აზოტის საწარმოო სიმძლავრეების გაორმაგებას. ამ პროექტით რუსთავის აზოტის საექსპორტო პოტენციალი იზრდებოდა ორჯერ და რუსთავში დამატებით იქმნებოდა 300 სამუშაო ადგილი. ამ გარემოების გათვალისწინებით ინფორმაცია იმის შესახებ რომ რუსთვის აზოტი დღეს იყიდება არ მგონია რომ სიმართლეს შეესაბამოდეს, ვინაიდან არცერთი ინვესტორი არ შეიძენს აქტივს რომელიც არის მრავალმხრივი დავის საგანი. ხოლო თუ ეს სიმართლეა, მაშინ ჩემი აზრით საქმე გვაქვს უკანონო გარიგებასთან“-აღნიშნავს რომან ფიფია

 

ფიფიას განმარტებით, საზოგადოებისთვის ასევე ცნობილია „SISTEMA” - სა და BGEO -ს შორის არსებული დავა. დავის საგანი, ს.ს. “საქართველოს ბანკის” ინიციატივით მოწყობილი აუქციონის შედეგებია , რომლის მიხედვით რუსთვის აზოტის ქარხნის აქტივები შეიძინა გაურკვეველი წარმომავლობის კომპანია ს.ს. “EU Investments”-მა, რომელმაც დაახლოვებით 100 მილიონი დოლარის ფინანსირება მიიღო ს.ს. “საქართველოს ბანკი”-ს ძირითად აქციონერისაგან “ BGEO GROUP”-საგან.

 


„მე ასევე განვიხილავ დავის დაწყებას სხვა იურისდიქციებში და არ გამოვრიცხავ რომ დავაში ჩაერთვებიან, ამ უდიდესი მაქინაციის სხვა, ახალი ფიგურანტები.
ნებისმიერ შემთხვევაში ამგვარი ინვესტორი ვერ ჩაითვლება კეთილსინდისიერ შემძენად და მე მოვუწოდებ ყველა შესაძლო მხარეს დარჩნენ სამართლებრივ სივრცეში და არ გახდნენ უკანონო გარიგების მონაწილეები“-აღნიშნავს აზოტის ქარხნის ყოფილი მფლობელი.

 

საგენტოს კთხვაზე ასეთ რეზონანსულ საქმეზე, რატომ აქამდე არ გააკეთა მან განცხადება?, _ ფიფიამ განმარტა, რომ მან სასამრთლოს გზით ბრძოლა აირჩია და თავის სიმართლეს სასამრთლოში დაამტკიცებს

 

„მე ჩემი სიმართლე სასამართლოში უნდა დავამტკიცო რაშიც დარწმუნებული ვარ. დროდა დრო სასამართლო პროცესების მიმდინარეობის და შედეგებიდან გამომდინარე საზოგადოებას ამომწურავ პასუხებს მივაწვდი“, - აცხადებს რომან ფიფია

 

აზოტის ქარხნის საქმეში ჩართული პირების განმარტებით, საქართველოს უმსხვილესი ქიმიური საწარმო აზოტის ქარხანა ერთი წლის წინ EBRD 155 მილიონი დოლარით დაფინანსების გადაწყვეტილება მიიღო. EBRD-ის აღნიშნულ გადაწყვეტილებას საქართველოს მთავრობის პირველი პირების დადებითი შეფასებები მოჰყვა.   პრემიერ-მინისტრმა გიორგი კვირიკაშვილმა აზოტის ქარხნის დაფინანსება, საერთაშორისო საფინანსო სექტორის ჩართულობის ძალიან მნიშვნელოვან მაჩვენებელად შეაფასა. პროექტის ფარგლებში რუსთავის აზოტის ქარხნის სრული მოდერნიზაცია და შავი ზღვის სანაპიროზე ამიაკის საექსპორტო გადატვირთვის ტერმინალის აშენება იგეგმებოდა. დაფინანსების შესახებ შეთანხმებას 2016 წლის 20 ივლისს მოეწერა ხელი.

 

NS

 



869,7 მილიონი ლარი ერთ წელიწადში - კომერციული ბანკების წმინდა მოგება რეკოდრულად გაიზარდა

person access_time2018-01-19 12:00:45
დეკემბერში კომერციული ბანკების წმინდა მოგება 152 563 000 ლარით გაიზარდა. შესაბამისად, 2017 წლის იანვარ-დეკემბერში ბანკების წმინდა მოგებამ 869 798 000 ლარი შეადგინა, რაც 28%-ით, 190,6 მილიონი ლარით მეტია წინა წლის ანალოგიურ პერიოდთან შედარებით. 2016 წლის იანვარ-დეკემბერში კომერციულმა ბანკებმა 679 101 000 ლარის წმინდა მოგება მიიღეს.     რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა დეკემბერში ბიუჯეტში...

„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

ფინელი მეცნიერები ლუდომანიის სამკურნალო სპრეის შექმნაზე მუშაობენ

person access_time2018-01-19 13:00:22
ფინეთის ჯანმრთელობის და კეთილდღეობის ინსტიტუტის მეცნიერები მუშაობენ წამალზე, რომელიც ლუდომანებს, ანუ აზარტულ თამაშებზე დამოკიდებულ ადამიანებს მავნე ჩვევისგან განკურნავს. ეს იქნება ცხვირის სპრეი, რომლის აპრობირება 30-მა მოხალისემ უკვე გაიარა.   ეს არ არის ფინელი მეცნიერების პირველი მცდელობა - ადრე ისინი ცდილობდნენ ლუდომანიის მკურნალობას აბებით, თუმცა ამ იდეამ წამლის ნელი მოქმედების გამო არ გაამართლა.   „მოთამაშეები ძალიან აზარტულები არიან. სურვილი...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...


მსგავსი სიახლეები