მადრიდი VS ბარსელონა - რას დაკარგავს კატალონია ესპანეთის შემადგენლობიდან გასვლით?

access_time2017-09-24 12:00:00

კატალონიის მთავრობა საკუთარ გეგმებზე უარს არ ამბობს და კვლავ დამოუკიდებლობაზე აცხადებს პრეტენზიაც. მეტიც, მიუხედავად ოფიციალური მადრიდის მკაცრი პოზიციისა, კატალონია 1–ელ ოქტომბერს დამოუკიდებლობასთან დაკავშირებით რეფერენდუმის ჩატარებას გეგემავს. მანამდე კი, 20 სექტემბერს ესპანეთის პოლიციამ დააპატიმრა 14 კატალონიელი მაღალჩინოსანი - მათ შორის რეგიონის ფინანსთა მინისტრი ჯოსე მარია ჟოვე. მათ უკანონი რეფერენდუმის ორგანიზებაში მონაწილეობა ედებათ ბრალად - ესპანეთის კონსტიტუციის თანახმად, რეფერენდუმების ჩატარების უფლება მხოლოდ ცენტრალურ ხელისუფლებას აქვს, ხოლო  თვითგამორკვევის საკითხებზე რეფერენდუმები საერთოდ არაა გათვალისწინებული.

 

ასევე 20 სექტემბერს მადრიდმა დააყადაღა საწყობი, სადაც 10 მლნ. ბიულეტენი ინახებოდა. ხოლო ესპანეთის საკონსტიტუციო სასამართლომ გააუქმა კატალონიის პარლამენტის გადაწყვეტილება რეფერენდუმის ჩატარების შესახებ. უფრო ადრე ესპანეთის ხელისუფლებამ ზედამხედველობა გაამკაცრა კატალონიის ბიუჯეტზე, რათა სახელმწიფო თანხები „არაკანონიერ მიზნებს“ არ მოხმარდეს.

 

ამის გარდა, ცენტრალურმა მთავრობამ კატალონიაში 3000 პოლიციელი გაგზავნა, თუმცა რეგიონულმა ხელისუფლებამ ისინი ბარსელონაში არ შეუშვა. ოფიციალური მადრიდის ქმედებების საპასუხოდ, კატალონიის ქალაქებში მასობრივი საპროტესტო აქციები ჩატარდა. ყველაზე მასშტაბური - ბარსელონაში, სადაც 40 000 ადამიანი შეიკრიბა.

 

გამოკითხვების თანახმად, კატალონიელთა 80% რეფერენდუმში  მონაწილეობის მიღებას აპირებს,  თუმცა მათ შორის მხოლოდ 40%-ია ესპანეთიდან გამოყოფის მომხრე - იუწყება Reuters.

 

ესპანეთის პრემიერ-მინისტრი მარიანო რახოი კატალონიის დამოუკიდებლობის მოწინაამღდეგეა, თუმცა მისი ხისტი ქმედებები ხელს უწყობს განწყობების რადიკალიზაციას.

 

კატალონიის ხელისუფლებას დამოუკიდებლობასთან დაკავშირებით რეფერენდუმის ჩატარების მცდელობა 2014 წელსაც ჰქონდა, თუმცა მაშინ გამოკითხვის ჩატარება ცენტრალური ხელისუფლების წინააღმდეგობის გამო გადაწყდა. ამის ერთადერთი რეალური შედეგი იმდოინდელი კატალონიის პრეზიდენტის არტურო მასის სასამართლოს წინაშე წარდგომა იყო, 2 წლის ვადით მისთვის სახელმწიფო პოსტების დაკავების აკრძალვა და 36 000 ევროს ოდენობის ჯარიმა. ამჟამად ადგილობრივი ხელისუფლება მზადაა ბოლომდე იბრძოლოს და რეფერენდუმი ჩაატაროს, რასაც ოფიციალური მადრიდის მხრიდან კიდევ უფრო მკაცრი ზომები მოყვება.

 

კატალონიამ ავტონომიური სტატუსი 1979 წელს მიიღო, 2006 წელს კი მისი უფლებები გაფართოვდა. ამ დროისთვის კატალონია ესპანეთის ყველაზე მდიდარი რეგიონია. იქ ესპანეთის სამეფოს მოსახლეობის 16% ცხოვრობს, რეგიონის მშპ 223,6 მლრდ. ევროს შეადგენს  - რაც ესპანეთის მშპ-ს 20%-ია.


 

ყველაზე დიდი მოგება კატალონიის ეკონომიკისთვის მრეწველობას და ტურიზმს მოაქვს, 2016 წელს კატალონიას 18 მლნ. უცხოელი ტურისტი ეწვია - ეს კი ესპანეთში მთელი ტურისტული ნაკადის 22%-ია.

 

2016 წელს კატალონიური ექსპორტი 2015 წელთან შედარებით  2% -ით გაიზარდა და 65 მლრდ. ევრო შეადგინა. ამავე წელს რეგიონში 5 მლრდ. ევროს ინვესტიციები ჩაიდო - ეს ესპანეთში განხორციელებული ინვესტიციების 20%-ია.

 

კატალონიის მთავრობა მიიჩნევს, რომ დამოუკიდებლობის მიღების შემთხვევაში, რეგიონის შემოსავლები გაიზრდება, რადგანაც ამჟამად კატალონია წლიურად ესპანეთის ბიუჯეტში 16 მლრდ. ევროს რიცხავს - ბევრად მეტს, ვიდრე სამეფოს რომელიმე სხვა რეგიონი.

 

თუმცა, ამავე დროს, ავტონომიის საგარეო დავალიანება 75 მლრდ. ევროს შეადგენს და ესპანეთიდან გამოყოფის შემთხვევაში მას ამ პრობლემასთან გამკლავება მხოლოდ საკუთარი ძალებით მოუწევს.

 

ესპანეთის ეკონომიკის მინისტრის ლუის ხურადოს თქმით, ესპანეთის შემადგენლობიდან გასვლა გულისხმობს კატალონიის ავტომატური გასვლას ევროკავშირიდან და ევროზონიდან.

 

„ამ შემთხვევაში კატალონიის ჰიპოტეტური ეროვნული ვალუტა იქნება ევროზე 30-50%-ით სუსტი, ხოლო რეგიონში წარმოებული საექსპორტო პროდუქციის 75%  დაიბეგრება მაღალი საბაჟო ტარიფებით, ანუ კატალონია დაკარგავს შეღავათებს,  რომლებიც დღეს მას გააჩნია ევროკავშირში წევრობის შედეგად“, - განაცხადა მინისტრმა.

 

ევროკომისიის თავმჯდომარემ ჟან-კლოდ იუნკერმა კატალონიელებ შეახსენა, რომ ყველა ქვეყანას შეუძლია დააყენოს საკითხი ევროკავშირში გაწევრიანების შესახებ, თუმცა  სხვა სახელმწიფოებისგან გამოყოფილ ქვეყნებს აქვთ ერთი შეზღუდვა - გამოყოფა უნდა მოხდეს კონსტიცუციის თანახმად.

 

კატალონია არის მდიდარი და მაღალგანვითერებული მხარე, თუმცა დამოუკიდებლობა შეუქმნის სერიოზულ პრობლემებს, რადგანაც მისი მაღალი ცხოვრების დონე და ეკონომიკური წარმატება ბევრადაა დამოკიდებული შეღავათებზე,  რომლებსაც ის იღებს როგორც ევროკავშირში მყოფი ესპანეთის ნაწილი. ესპანეთიდან გამოყოფის შემთხვევაში, ბარსელონა დაკარგავს ყველა ამ შეღავათს და არავინ  არ იცის, როგორ აისახება ეს კატალონიაში ცხოვრების დონეზე.

 

შეძლებს თუ არა დამოუკიდებელი კატალონია ევროკავშირში შესვლას? სავარაუდოდ, ეს იქნება ძალიან დიდი პრობლემა, რადგანაც ევროკაშირში ახალი სახელმწიფოების მიღება ხდება მხოლოდ სრული კონსენსუსის პირობებში. ალბათ, არავის არ გაუკვირდება, თუ ამ გაერთიანების  ერთ-ერთი სრულფასოვანი  წევრი ქვეყანა - ესპანეთი - გააკეთებს ყველაფერს იმისთვის, რომ კატალონია ვერასდროს ვერ მოხვდეს ევროკავშირში.

 

 

 

 rbc.ru



869,7 მილიონი ლარი ერთ წელიწადში - კომერციული ბანკების წმინდა მოგება რეკოდრულად გაიზარდა

person access_time2018-01-19 12:00:45
დეკემბერში კომერციული ბანკების წმინდა მოგება 152 563 000 ლარით გაიზარდა. შესაბამისად, 2017 წლის იანვარ-დეკემბერში ბანკების წმინდა მოგებამ 869 798 000 ლარი შეადგინა, რაც 28%-ით, 190,6 მილიონი ლარით მეტია წინა წლის ანალოგიურ პერიოდთან შედარებით. 2016 წლის იანვარ-დეკემბერში კომერციულმა ბანკებმა 679 101 000 ლარის წმინდა მოგება მიიღეს.     რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა დეკემბერში ბიუჯეტში...

„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

ფინელი მეცნიერები ლუდომანიის სამკურნალო სპრეის შექმნაზე მუშაობენ

person access_time2018-01-19 13:00:22
ფინეთის ჯანმრთელობის და კეთილდღეობის ინსტიტუტის მეცნიერები მუშაობენ წამალზე, რომელიც ლუდომანებს, ანუ აზარტულ თამაშებზე დამოკიდებულ ადამიანებს მავნე ჩვევისგან განკურნავს. ეს იქნება ცხვირის სპრეი, რომლის აპრობირება 30-მა მოხალისემ უკვე გაიარა.   ეს არ არის ფინელი მეცნიერების პირველი მცდელობა - ადრე ისინი ცდილობდნენ ლუდომანიის მკურნალობას აბებით, თუმცა ამ იდეამ წამლის ნელი მოქმედების გამო არ გაამართლა.   „მოთამაშეები ძალიან აზარტულები არიან. სურვილი...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...


მსგავსი სიახლეები