მოაგვარებენ თუ არა მერობის კანდიდატები ე.წ. ხრუშჩოვკების პრობლემას?

access_time2017-09-14 14:00:14

არჩევნების მოახლოებასთან ერთად, უკვე გვესმის მერობის კანდიდატების მოსაზრებები სხვადასხვა პრობლემატურ საკითხთან დაკავშირებით. მაგალითად, რას ფიქრობენ ისინი ე.წ. ხრუშჩოვკების პრობლემაზე? ეს არის საკითხი, რაზეც საუბარი უკვე წლებია მიმდინარეობა, თუმცა დღემდე არ არის მის მოსაგვარებლად კონკრეტული ნაბიჯები გადადგმული.

 

„ქართული ოცნების“ კანდიდატი კახა კალაძე ფიქრობს, რომ პირველი ნაბიჯი, რასაც ის მერად მოსვლის შემთხვევაში გადადგამს არის იმ სახლების სრული ინვენტარიზაცია, რომელიც ამ დროისთის რეაბილიტაციას საჭიროებს.

 

„სამწუხაროდ არ არის ინვენტარიზაცია გაკეთებული თუ რა რაოდენობაზეა საუბარი. ჩვენ ვიცით რომ დაახლოებით 500-ზე მეტი ხრუშჩოვკაა ქალაქში, თუმცა ავარიული სახლების სრული ინვეტარიზაცია არ გაკეთებულა და პირველი ჩვენი მიმართულება იქნება ამ ყველაფრის ინვენტარიზაცია”, - აცხადებს კალაძე.

 

„ერთიანი ნაციონალური მოძრაობის“ კანდიდატს ზაალ უდუმაშვილს მიაჩნია, რომ აღნიშნული საკითხის გადაჭრას, განსაზღვრულ ვადებში, ვერცერთი მერობის კანდიდატი სრულად ვერ მოახერხებს. ხრუშჩოვკების ახალი კორპუსებით ჩანაცვლებას კი, მერობის კანდიდატი უტოპიასაც უწოდებს.

 

„ის ფაქტი რომ ხრუშჩოვკების პრობლემა ასე მალე გადაიჭრება და ხრუშჩოვკები ახალი კორპუსებით ჩანაცვლდება არის უტოპია. ამას სჭირდება ბევრი წელი, დიდი მუშაობა და ძალიან დიდი ინვესტიცია. მთავარი მიმართულება ჩემი მერობის პერიოდში იქნება არა მხოლოდ ხრუშჩოვკების ჩანაცვლება არამედ ავარიული სახლების გამაგრება”, - განმარტავს უდუმაშვილი.

 

„ევროპული საქართველოს“ მერობის კანდიდატის ელენე ხოშტარიას თქმითაც, აღნიშნული პრობლემა უკვე წლებია ძალიან აქტუალურ საკითხად იქცა. ხოშტარია „ხრუშჩოვკებს“, როგორც ცალკე აღებულ პრობლემას არ გამოყოფს, ის ამ საკითხს ავარიულ სახლების პრობლემასთან აერთიანებს.

 

„ესეც არის პოპულიზმი. ჩვენ გვინახავს ჯერ კიდევ შიხიაშვილის განცხადებები, რომელიც 6 მილიონიან პროექტს გვთავაზობდა თითქოს „ხრუშჩოვკებს“ შეცლიდა. ჩვენთვის ამოცანაა მწვავე ავარიული სახლების რეაბილიტაციის პროცესის და ზოგადად უბნების რეაბილიტაციის პროცესის დაწყება”, - ამბობს ხოშტარია.

 

დამოუკიდებელი კანდიდატი ალეკო ელისაშვილი ამბობს, რომ თბილისში არსებობს ისეთი ნაგებობები, რომლებიც „ხრუშჩვკებზე“ ცუდ მდგომარეობაშია.

 

„თბილისში არის დაახლოებით 2 000-მდე ავარიული კორპუსი და 12 000 ავარიული სახლი. აქედან კონტექსტიდან ამოგლეჯვა - რომ მაინც და მაინც „ხრუშჩოვკები“ უნდა გავამაგროთ, მე ძალიან არასერიოზულად მიმაჩნია. ზოგიერთი „ხრუშჩოვკა“ კონსტრუქციულად უფრო მყარია, ვიდრე ბოლო 25 წლის განმავლობაში აშენებული კორპუსი”, - აცხადებს ელისაშვილი.

 

bm.ge



Bloomberg-მა 2017 წლის საუკეთესო ბიზნეს სკოლები დაასახელა

person access_time2017-11-18 12:30:40
Bloomberg ამერიკის საუკეთესო ბიზნეს სკოლების ყოველწლიურ რეიტინგს აქვეყნებს. ზედიზედ მესამე წელია სიის სათავეში Harvard ხვდება. მიმდინარე წელს რეიტინგში პოზიციები გაიუმჯობესეს პენსილვანიის უნივერსიტეტმა და MIT -მა. რეიტინგის შედეგენისას შემდეგი კრიტერიუმები გამოიყენეს: კურსდამთავრებულების და სტუდენტების სამეცნიერო მიღწევები; კურსდამთავრებულების დასაქმების მაჩვენებელი და მათი საშუალო ანაზღაურება. Columbia Business School-ის კურსდამთავრებულები სწავლის...

სად არის თქვენს მიერ დაანონსებული გაზრდილი ინვესტიციები ბატონო გიორგი?

person access_time2017-11-18 11:00:18
„2017 წლიდან ლარი ისე გამყარდება, რომ ეროვნულ ბანკს მიჯნის დადება მოუწევს“, — ამის შესახებ საპარლამენტო უმრავლესობის დეპუტატმა, გიორგი გაჩეჩილაძემ 2016 წლის ნოემბერში მთავრობის ახალი შემადგენლობის პარლამენტში მოსმენისას განაცხადა . ამასთან, გიორგი გაჩეჩილაძემ მთავრობის ახალ შემადგენლობას კითხვაც დაუსვა, თუ როგორ შეძლებენ მომავალში გამყარებულ ლარზე ზღვარის დაწესებას. მაშინ „მწვანეთა პარტიის” ლიდერმა, გიორგი გაჩეჩილაძე ისიც განაცხადა, რომ მომავალ წელს...

თბილისის საკრებულომ დედაქალაქის მთავრობა დაამტკიცა

person access_time2017-11-17 18:46:40
თბილისის საკრებულოში რიგგარეშე სხდომა გაიმართა, რომელსაც წარმომადგენლობითი ორგანოს თავმჯდომარე გიორგი ტყემალაძე უძღვებოდა. სხდომაზე ვიცე - მერობის კანდიდატმა, ირაკლი ხმალაძემ საკრებულოს წევრებს მერის მოადგილეების, საქალაქოს სამსახურების ხელმძღვანელებისა და გამგებლების ახალი შემადგენლობა წარმოუდგინა.   დეპუტატების უმრავლესობამ ვიცე-მერს ირაკლი ხმალაძეს, მერის მოადგილეებს: მაია ბითაძეს, ირაკლი ბენდელიანს და გიგა ნიკოლეიშვილს, ასევე დედაქალაქის მთავრობას...

The New York Times – ავწიოთ ჭიქა საქართველოსთვის, რომელიც მეღვინეობის აკვანია

person access_time2017-11-17 20:30:20
ავწიოთ ჭიქა საქართველოსთვის, რომელიც მეღვინეობის აკვანი შეიძლება იყოს, – ამ სიტყვებით იწყებს The New York Times საქართველოს შესახებ გამოქვეყნებულ სტატიას სათაურით, „8 000 წლის დაძველების ღვინო პრეისტორიული ხანის საქართველოდან“. გამოცემა წერს, რომ „ქვეყანა, რომელიც ევროპასა და შუა აზიას შორის, სამხრეთ კავკასიის მთების გასწვრივ გაშლილ ნაყოფიერ ველებზეა გადაჭიმული, შეიძლება იყოს იმ ადამიანების სამშობლო, რომლებმაც ჩვეულებრივი ვაზის კულტივირება შეძლეს და საფუძველი ჩაუყარეს შარდონეს,...

კობა გვენეტაძის შემდეგ პარლამენტში შესაძლოა, ფინანსთა სამინისტროს წარმომადგენელიც დაიბარონ

person access_time2017-11-18 10:00:14
ეროვნული ვალუტის ბოლოდროინდელ რყევებთან და გაუფასურებასთან დაკავშირებით, ეროვნული ბანკის პრეზიდენტს კობა გვენეტაძეს პარლამენტში იბარებენ.გვენეტაძეს პარლამენტის საფინანსო-საბიუჯეტო კომიტეტში 27 ნოემბერს მოუსმენენ. რაც შეეხება ლარის კურსს, ბოლო ერთი თვის განმავლობაში ლარი უკვე რამდენიმე პუნქტით გაუფასურდა. 18 ნოებრისთვის დადგენილი ოფიციალური გაცვლითი კურსით, ერთი დოლარი 2.7268 ლარი ღირს. როგორც საპარლამენტო უმრავლესობის წევრი...


მსგავსი სიახლეები