ევროდირექტივა სათამაშოების ბაზარზეც გავრცელდება - როგორ ხვდება ბიზნესი მოსალოდნელ რეგულაციას?

access_time2017-09-14 09:00:12

საქართველოში სათამაშოების უსაფრთხოება არ მოწმდება. ნერვულ სისტემასთან დაკავშირებული პრობლემები, ინტოქსიკაცია, ალერგია - ეს ის შედეგებია, რაც უხარისხო სათამაშომ შეიძლება გამოიწვიოს, ეს კი, ჩვენთან ყურადღების მიღმა რჩება. საქართველომ ევროკავშირთან ასოცირების შესახებ შეთანხმებით, ბაზარზე განთავსებული პროდუქციის ზედამხედველობის ვალდებულება აიღო, რომლის შესრულებასაც 2019 წლიდან აპირებს.

 

როგორც ხვდება კერძო სექტორი მთავრობის ამ გადაწყვეტილებას, ამის შესახებ „კომერსანტი“ სათამაშოების მაღაზიების წარმომადგენლებს დაუკავშირდა. როგორც აღმოჩნდა, ბიზნესსუბიექტები ბაზარზე უკონტროლო სიტუაციაზე საუბრობენ და მთვარობის მიერ გადადგმულ ნაბიჯს დროულად მიიჩნევენ.

 

სათამაშოების მაღაზია „პეპელას“ გენერალური მენეჯერი სოფო ფხაკაძე „კომერსანტთან“ განმარტავს, რომ კომპანიასა და ეკონომიკის სამინისტროს შორის კომუნიკაცია აღნიშნულ საკითხთან დაკავშირებით უკვე შედგა. მისი თქმით, უწყებამ სათამაშოების უსაფრთხოების ზედამხედველობის ამოქმედებაზე მუშაობა კერძო სექტორთან შეუთანხმებლად არ დაიწყო, რაც მისასალმებელია.

 

როგორც სოფო ფხაკაძე ამბობს, „პეპელას“ პროდუქცია შემოწმებულია, რადგან საქონელის ძირითადი ნაწილი ევროპიდან მოდის, მათ აქვთ სერთიფიკატები და ხარისხის ნიშნები. თუმცა, მისივე ინფორმაციით, საქათველოს საზღვარზე სათამაშოების შემოწმება არ ხდება და ბაზარზე ამ ხმრივ უკონტროლო სიტუაციაა.

 

„ხდება მხოლოდ შტრიხკოდიანი სათამაშოების და ბრენდების გადამოწმება, სხვა შემთხვევაში პროდუქცია, რომელსაც არანაირი მინიშნება არ აქვს, არ მოწმდება. არადა, ასეთი ტიპის საქონელი სჯობს საზღვარზევე დაბლოკონ. დღეს საქართველოში რთული სიტუაციაა.  ძალიან ბევრი მოქალაქეა სათამაშოების იმპორტით დაკავებული და მათგან უმრავლესობას  ისეთი პროდუქუცია შემოაქვს, რომელიც ევროპის ბაზარმა დაიწუნა. შედეგად, ასეთი ტიპის საქონელი ისეთ ქვეყნებში შეაქვთ, სადაც კონტროლი არ არსებობს“, - აცხადებს ფხაკაძე.

 

მისი განმარტებით, 2019 წლის შემდეგ, ანუ მას შემდეგ რაც  ქვეყანაში სათამაშოების ხარისხი გაკონტროლდება, ბაზარი გაიფილტრება და  გაყიდვაში მხოლოდ ხარისხიანი პროდუქცია დარჩება. ფხაკაძე აღნიშნავს, რომ განსაკუთრებით რთული ვითარებაა ბაზრობებზე, სადაც იაფფასიანი და უხარისხო საქონელი იყიდება. ის ამბობს, რომ აუცილებელია ამ რეგულაციაზე ეტაპობრივად გადასვლა, რადგან იმ ბიზნესსუბიექტებმა, რომლებიც დაბალი ხარისხის პროდუქციის იმპორტით არიან დაკავებულნი, ალტერნატიული გზები მოძებნონ.

 

„იაფფასიანი პროდუქცია რომ აუცილებლად უხარისხოა ამას არ ვამბობ. არის ალტერნატივები, იგივე ჩვენს ფილიალებში ბელარუსული კომპანიის პროდუქციაც იყიდება, რომელიც შედარებით შეღავათიან ფასებშია. ასეთ პროდქუციაზე უნდა გადაეწყონ ისინიც“, - აცხადებს ფხაკაძე.   

 

სათამაშოების მაღაზია „ჭიტას“ წარმომადგენელი ნინო უნგიაძე განმარტავს, რომ სათამაშოების ხარისხის კონტროლით, მოიხსნება ის ანტიპიარი, რომელიც არსებობს ხოლმე უხარისხო საქონელის იმპორტთან დაკავშირებით. ის ასევე ამბობს, რომ „ჭიტას“ ხარიხის ბევრი სერთიფიკატი აქვს, რაც მომხმარებელსთვის დამაჯერებლობის მიმცემია.

 

როგორც უნგიაძე განმარტავს, ქვეყანაში სათამაშოების უსაფრთხოების კონტროლზე ფიქრი დროულია. „ჩვენ ამ გადაწყვეტილებას მხარს ვუჭერთ. 2016 წელი დავუთმეთ იმას,რომ ჩვენი პროდუქციის მაღალი ხარისხი დაგვემტკიცებინა. მაშინ  „ჭიტა“ ერთადერთი კომპანია იყო, რომელმაც ამ საკითხზე კომენტარი გააკეთა. რეგულაციის ამოქმედებტის შემდეგ ასეთი გაუგებრობები აღარ იქნება და მაღაზიებს, რომლებსაც ხარისხიანი პროდუქცია შემოაქვთ, მომხმარებელი გაეზრდებათ“, - აცხადებს უნგიაძე.  

 

ცნობისთთვის, კომპანიას გერმანული პროდუქუცია შემოაქვს, რომელიც ჩინეთში მზადდება.

 

სანამ, 2019 წელს, სათამაშოების უსაფრთხოებასთან დაკავშირებული კანონმდებლობა ამოქმედდება, „კომერსანტი“ კიდევ ერთხელ შეგახსენებთ იმ საფრთხეებს, რაც უხარისხო სათამაშოებს თან ახლავთ. ექიმი პედიატრი მაია აბულაშვილი განმარტავს, რომ ბაზარზე უხარისხო და უსაფრთხო სათამაშოების პრობლემა საკმაოდ მწვავედ დგას. მისი თქმით, უხარისხო საქონელი ძირითადად ალერგიულ რეაქციებს, ალერგიულ ბრონქიტებს, ატოპიურ დერმატიტებს, რინიტს და კონიუნქტივიტს იწვევს. აბულაშვილის თქმით, განსაკუთრებით პრობლემატურია ფუმფულა სათამაშოები. „ჯობია ერთი სათამაშო უყიდოთ ბავშვს და ძვირი მისცეთ, ვიდრე ათასი, იაფფასიანი და საწამლავი“, -აცხადებს აბულაშვილი.

 

„კომერსანტი“ უკვე წერდა, რომ ეკონომიკის სამინისტრო სათამაშოების უსაფრთხოების შესახებ ევროდირექტივას აამოქმედებს. ბაზრის ზედამხედველობის შესახებ კანონის მიიღება 2018 წელს იგეგმება, რომელიც ინდუსტრიულ და სამომხმარებლო პროდუქტების ბაზარზე ზედამხედველობას, მათ შორის სათამაშოების ხარისხის კონტროლსაც ითვალისწინებს. ევროდირექტივის შესაბამისად, კანონმდებლობა 2019 წლის ბოლომდე უნდა ამოქმედდეს.

 

ავტორი: სოფო ქსოვრელი 

 



Bloomberg-მა 2017 წლის საუკეთესო ბიზნეს სკოლები დაასახელა

person access_time2017-11-18 12:30:40
Bloomberg ამერიკის საუკეთესო ბიზნეს სკოლების ყოველწლიურ რეიტინგს აქვეყნებს. ზედიზედ მესამე წელია სიის სათავეში Harvard ხვდება. მიმდინარე წელს რეიტინგში პოზიციები გაიუმჯობესეს პენსილვანიის უნივერსიტეტმა და MIT -მა. რეიტინგის შედეგენისას შემდეგი კრიტერიუმები გამოიყენეს: კურსდამთავრებულების და სტუდენტების სამეცნიერო მიღწევები; კურსდამთავრებულების დასაქმების მაჩვენებელი და მათი საშუალო ანაზღაურება. Columbia Business School-ის კურსდამთავრებულები სწავლის...

სად არის თქვენს მიერ დაანონსებული გაზრდილი ინვესტიციები ბატონო გიორგი?

person access_time2017-11-18 11:00:18
„2017 წლიდან ლარი ისე გამყარდება, რომ ეროვნულ ბანკს მიჯნის დადება მოუწევს“, — ამის შესახებ საპარლამენტო უმრავლესობის დეპუტატმა, გიორგი გაჩეჩილაძემ 2016 წლის ნოემბერში მთავრობის ახალი შემადგენლობის პარლამენტში მოსმენისას განაცხადა . ამასთან, გიორგი გაჩეჩილაძემ მთავრობის ახალ შემადგენლობას კითხვაც დაუსვა, თუ როგორ შეძლებენ მომავალში გამყარებულ ლარზე ზღვარის დაწესებას. მაშინ „მწვანეთა პარტიის” ლიდერმა, გიორგი გაჩეჩილაძე ისიც განაცხადა, რომ მომავალ წელს...

თბილისის საკრებულომ დედაქალაქის მთავრობა დაამტკიცა

person access_time2017-11-17 18:46:40
თბილისის საკრებულოში რიგგარეშე სხდომა გაიმართა, რომელსაც წარმომადგენლობითი ორგანოს თავმჯდომარე გიორგი ტყემალაძე უძღვებოდა. სხდომაზე ვიცე - მერობის კანდიდატმა, ირაკლი ხმალაძემ საკრებულოს წევრებს მერის მოადგილეების, საქალაქოს სამსახურების ხელმძღვანელებისა და გამგებლების ახალი შემადგენლობა წარმოუდგინა.   დეპუტატების უმრავლესობამ ვიცე-მერს ირაკლი ხმალაძეს, მერის მოადგილეებს: მაია ბითაძეს, ირაკლი ბენდელიანს და გიგა ნიკოლეიშვილს, ასევე დედაქალაქის მთავრობას...

The New York Times – ავწიოთ ჭიქა საქართველოსთვის, რომელიც მეღვინეობის აკვანია

person access_time2017-11-17 20:30:20
ავწიოთ ჭიქა საქართველოსთვის, რომელიც მეღვინეობის აკვანი შეიძლება იყოს, – ამ სიტყვებით იწყებს The New York Times საქართველოს შესახებ გამოქვეყნებულ სტატიას სათაურით, „8 000 წლის დაძველების ღვინო პრეისტორიული ხანის საქართველოდან“. გამოცემა წერს, რომ „ქვეყანა, რომელიც ევროპასა და შუა აზიას შორის, სამხრეთ კავკასიის მთების გასწვრივ გაშლილ ნაყოფიერ ველებზეა გადაჭიმული, შეიძლება იყოს იმ ადამიანების სამშობლო, რომლებმაც ჩვეულებრივი ვაზის კულტივირება შეძლეს და საფუძველი ჩაუყარეს შარდონეს,...

კობა გვენეტაძის შემდეგ პარლამენტში შესაძლოა, ფინანსთა სამინისტროს წარმომადგენელიც დაიბარონ

person access_time2017-11-18 10:00:14
ეროვნული ვალუტის ბოლოდროინდელ რყევებთან და გაუფასურებასთან დაკავშირებით, ეროვნული ბანკის პრეზიდენტს კობა გვენეტაძეს პარლამენტში იბარებენ.გვენეტაძეს პარლამენტის საფინანსო-საბიუჯეტო კომიტეტში 27 ნოემბერს მოუსმენენ. რაც შეეხება ლარის კურსს, ბოლო ერთი თვის განმავლობაში ლარი უკვე რამდენიმე პუნქტით გაუფასურდა. 18 ნოებრისთვის დადგენილი ოფიციალური გაცვლითი კურსით, ერთი დოლარი 2.7268 ლარი ღირს. როგორც საპარლამენტო უმრავლესობის წევრი...


მსგავსი სიახლეები