„ფასი უცნობია, წინასწარ შეკვეთებზე კი მოთხოვნა დიდია“ - ახალი iPhone საქართველოში, სავარაუდოდ, 20 სექტემბრიდან გამოჩნდება

access_time2017-09-13 16:30:21

 

„iPhone 8-ს, iPhone 8 Plus-სა და iPhone X-ს მომწოდებელი სავარაუდოდ, 20 სექტემბრიდან მოგვაწოდებს და მეორე დღიდან გაყიდვებს დავიწყებთ“, - ამის შესახებ „კომერსანტს“ iTechnic-ის მარკეტინგის მენეჯერმა ირაკლი ქირიამ განუცხადა.

 

 „20 სექტემბრის შემდეგ ველოდებით, რომ აღნიშნული მოდელები საქართველოში ჩამოვა და გაყიდვები დაიწყება. გუშინ იყო ახალი მოდელების პრეზენტაცია. შესაბამისად, მომწოდებელთან მცირე კომუნიკაცია გქვონდა, თუმცა გვპირდებიან, რომ 20 სექტემბრიდან  ან სამივე მოდელს ერთად მივიღებთ ან ეტაპობრივად. 20-ში თუ შემოვა, გაყიდვები მეორე დღიდანვე დაიწყება.  წინასაწრ ზუსტი თარიღის თქმა მაინც გვიჭირს“, - აღნიშნა ქირიამ.

 

რაც შეეხება ფასებს, მისი თქმით, iPhone-ის ახალი მოდელების ფასები ჯერ ცნობილი არ არის, თუმცა ქართველი მომხმარებლისთვის ოპტიმალური იქნება: „ფასზე საუბარი ჯერ ადრეა. მომწოდებელთან აქტიური კომუნიკაცია გვაქვს, მაგრამ ფასზე ჯერ არ შევთანხმებულვართ. ჩვენი სურვილია, რომ ფასი ოპტიმალური იყოს, რაც ეღირება იმის პროპორციული. გარკვეული ზედა ზღვარის დაწესებას არ ვაპირებთ.“

 

როგორც ირაკლი ქირია აღნიშნავს, მომხმარებელი მათ კომპანიაში დღეს დილიდან აქტიურად რეკავს და შემოტანისთანავე iPhone-ის ახალი მოდელების შეკვეთას ითხოვს. ყველაზე დიდი მოთხოვნა კი iPhone X-ზეა.

 


„წინასწარ შეკვეთებზე მოთხოვნა საკმაოდ დიდია. მომხმარებელი აქამდეც აქტიურობდა და ახლაც უკვე დილიდან აქტიურობს. მოთხოვნას აფიქსირებენ. არიან მომხმარებლები, რომლებიც ითხოვენ, რომ ფასის მიუხედავად, შეკვეთების დაწყებისთანავე, ახალი მოდელები პირველად მათ შეიძინონ. ყველაზე დიდი მოთხოვნა iPhone X-ზეა. თუმცა კულუარულად საუბრობენ იმაზე, რომ აღნიშნულ მოდელზე მსოფლიოში შესაძლოა დეფიციტი შეიქმნას. არ არის გამორიცხული, რომ დეფიციტი ჩვენთანაც შეიქმნას.

 

აქამდე iPhone 8-სა და iPhone 8 Plus-ზე იყო დიდი მოთხოვნა. მომხმარებლებს ამ მოდელების შეკვეთა სურდათ, რადგან ეგონათ, რომ iPhone 8 და iPhone 8 Plus იქნებოდა ის, რაც ახლა iPhone X-ია. iPhone 8-ისა და iPhone 8 Plus-ის შემთხვევაში განსაკუთრებული ცვლილებები არ განხორციელებულა. iPhone X-ია კი უფრო განსხვავებული მოდელია. ამდენად, ხალხი დაინტერესებულია და მოთხოვნაც დიდია. მისი დატენვა კაბელის გარეშეა შესაძელებელი, განბლოკვა საკუთარი სახის საშუალებით იქნება შესაძლებელი, წინა კამერას განათება აქვს, „ჰოუმ“ ღილაკი აღარ ექნება და ა.შ.“, - განაცხადა ქირიამ.

 

კალიფორნიის Apple Park-ში, გუშინ, ახალი iPhone-ის პრეზენტაცია გაიმართა. პრეზენტაციაზე სმარტფონის სამი ახალი მოდელი -Phone X,  iPhone 8 და iPhone 8 Plus წარადგინეს.

 

საინტერესოა, რომ iPhone X-ის პრეზენტაცია პირველი „აიფონის“ გამოშვების თარიღს ემთხვევა.

 

„არც ერთ მოწყობილობას ჩვენს ცხოვრებაში არ მოუხდენია ისეთი გავლენა, როგორიც iPhone-ს“, - აღნიშნა Apple-ის აღმასრულებელმა დირექტორმა ტიმ კუკმა პრეზენტაციაზე.

 

ავტორი: თეონა კენჭიაშვილი

 



„არავინ იცის, როგორი დენი მიდის მომხმარებლამდე!“ - ენერგეტიკოსები ელექტროენერგიის ხარისხის კონტროლის გამკაცრებას ითხოვენ

person access_time2018-01-16 11:10:24
ელექტროენერგიის ხარისხის კონტროლი გასამკაცრებელია. ენერგეტიკოსების ერთი ნაწილი მიიჩნევს, რომ დენის ხარისხი არ კონტროლდება და ამით მომხმარებელი ზარალდება. ბოლო პერიოდში კომპანიებს ამ მხრივ გარკვეული ვალდებულებები დაეკისრათ, მაგრამ ეს ჯერჯერობით არ არის თანამედროვე სტანდარტების შესაბამისი, საქართველოს ენერგეტიკის მარეგულირებელ კომისიაში კი ამტკიცებენ, რომ ელექტროენერგიის ხარისხი დამაკმაყოფილებელია. ენერგეტიკოსები ეჭვობენ, რომ დენის ხარისხის კონტროლი არ მიმდინარეობს....

H&M-მა და არჩევნებმა გარე სარეკლამო ბაზარი 15%-ით გაზარდა - outdoor.ge

person access_time2018-01-16 12:15:18
„გასულ წელს მთელი ქვეყნის მასშტაბით დატვირთული ბანერების რაოდენობამ 70-80% შეადგინა“, - ამის შესახებ „კომერსანტს“ სარეკლამო სააგენტო outdoor.ge-ს დირექტორმა ზურაბ პერტაიამ განუცხადა. მისი თქმით, ამ ეტაპზე გარე სარეკლამო ბაზარი საკმაოდ დატვირთულია, თუმცა „თამბაქოს კონტროლის შესახებ“ ცვლილებების ამოქმედების შემთხვევაში, ბაზარზე შესაძლოა, მცირედი ცვლილებები მოხდეს. „ამ ეტაპზე სარეკლამო ბაზარი...

„მივიღე მტკივნეული გაკვეთილი - დისტანცია უნდა დავიჭირო იმ ქვეყნების შიდა პოლიტიკისგან, სადაც ჩემი ფონდი ოპერირებს“

person access_time2018-01-15 20:00:38
ჯორჯ სოროსის განცხადებით, იგი ნაციონალიზმის წინააღმდეგ ბრძოლას კვლავ აპირებს - იდეოლოგიის, რომელსაც იგი „დომინანტს“ უწოდებს. აღნიშნულთან დაკავშირებით მილიარდერმა ინვესტორმა Financial Times-თან ისაუბრა. საუბარი საქართველოს ყოფილ პრეზიდენტს, მიხეილ სააკაშვილსაც შეეხო. „დეჟა ვუ მაქვს - მსოფლიოში დომინანტი იდეოლოგია კვლავ ნაციონალიზმია. ევროკავშირი დაშლის პირას არის, რუსეთი კი ძალას იკრებს - ქვეყანა, რომელიც ნაციონალიზმზეა დაფუძნებული,“ განაცხადა...

რეგულაციების დაწესება სათამაშოების ბაზარზე - რას ითხოვენ ქართველი მწარმოებლები ხელისუფლებისგან

person access_time2018-01-16 10:20:35
პოპულარიზაცია, წარმოების ზრდა და უსაფრთხო სათამაშოები — ეს ის საკითხებია, რის დაყენებასაც სათამაშოების ქართველი მწარმოებლები სააგენტო „აწარმოე საქართველოს“ ფარგლებში დაგეგმილ შეხვედრაზე გაახმაურებენ. როგორ კომპანიებში აცხადებენ, სახელმწიფოს მხრიდან გარკვეული ნაბიჯები იდგმევა, თუმცა წარმოების გაზრდისთვის და ქართული პროდუქციის პოპულარიზაციისთვის ეს საკმარისი არ არის. როგორც ცნობილია, ადგილობრივ თუ საერთაშორისო ბაზრებზე არსებული გამოწვევებისა და...

ზონირება, ტრანსპორტი, ეფექტიანობის შეფასება - მერიის არქიტექტურის სამსახური გენგეგმასთან დაკავშირებით შენიშვნებს აქვეყნებს

person access_time2018-01-15 17:00:26
თბილისის მერიის არქიტექტურის სამსახური დედაქალაქის მიწათსარგებლობის გენგეგმის პროექტის შესახებ საკუთარ შენიშვნებს აქვეყნებს. თბილისის მერიის არქიტექტურის სამსახური დედაქალაქის მიწათსარგებლობის გენერალური გეგმის პროექტის განახლებული ვერსიის შეფასებას აქვეყნებს. დოკუმენტში აღნიშნულია ის შენიშვნები, რომელიც თბილისის მერიას და შესაბამის სამსახურს გენერალურ გეგმასთან დაკავშირებით აქვს....


მსგავსი სიახლეები