მმართველი გუნდი ოპოზიციურ პარტიებს კიდევ ერთ „შანსს“ აძლევს - საკონსტიტუციო ცვლილების განხილვა გაგრძელდება?

მმართველი გუნდი ოპოზიციურ პარტიებს კიდევ ერთ „შანსს“ აძლევს - საკონსტიტუციო ცვლილების განხილვა გაგრძელდება?

access_time2017-09-12 16:35:30

ვენეციის კომისიამ საქართველოს საკონსტიტუციო ცვლილებებზე საბოლოო რეკომენდაციები შესაძლოა, სექტემბრის ბოლოს გამოაქვეყნოს.ამავე პერიოდში გეგმავს მმართველი გუნდი საკონსტიტუციო ცვლილებების მესამე მოსმენით მიღებას.

 

გუშინ კი, საქართველოს პრეზიდენტმა გიორგი მარგველაშვილი ოპოზიციურ პარტიებს სთავაზობს, ძირითადი წინააღმდეგობების გათვალისწინებით, კონსტიტუციური ცვლილებების პროექტის საკუთარი ვერსია შექმნან და პარლამენტთან ერთად, ვენეციის კომისიასაც გააცნონ. საპარლამენტო და არასაპარლამენტო ოპოზიციური  პარტიების წარმომადგენლებმა, ამ საკითხზე კონსულტაციები უკვე დაიწყეს.

 

საკონსტიტუციო რეფორმასთან დაკავშირებით,  დიდი ხნის პაუზის შემდეგ დღეს კომენტარი გააკეთა პრემირმინისტრმა. გიორგი კვირიკაშვილის თქმით, ხელისუფლება ცდილობს მიიღოს დოკუმენტი, რომელიც დაამყარებს ბალანსს ყველა სახელმწიფო ინსტიტუტს შორის. კვირიკაშვილის განცხადებით, საქართველოს ხელისუფლება ითვალისწინებს საკონსტიტუციო ცვლილებებზე ვენეციის კომისიის და სხვა საერთაშორისო ორგანიზაციების შეფასებებს.

 


„ჩვენ მივიღეთ პროპორციულ სისტემაზე გადასვლის გადაწყვეტილება და ეს ადვილი ნამდვილად არ იყო. გვქონდა ცხარე დისკუსია. მაგალითად კონსტიტუციის ცვლილებამდე პრემიერ-მინისტრის შეცვლა ფაქტობრივად შეუძლებელი იყო. ეს წინა ხელისუფლების მიერ გაკეთდა, რადგან წინა პრეზიდენტს სურდა პრემიერობა. ახლა შევამცირეთ პროცედურები, რის შედეგადაც პრემიერის გათავისუფლების პროცედურა გამარტივდა. შეიძლება კონსტიტუცია არ იყოს იდეალური, მაგრამ ოპოზიციის მიმართ უდიდესი პატივისცემის მიუხედავად უნდა ვთქვა, რომ ყველას აქვს თავისი დღის წესრიგი. პარტიების ნაწილი აგებს მუშაობას იმაზე, რომ რაც არ უნდა შესთავაზოს ხელისუფლებამ, ყველაფერი გააკრიტიკოს, - განაცხადა კვირიკაშვილმა. 

ოპოზიციის კრიტიკის მთავარ საფუძველზე, რაც სრულად პროპორციულ სისტემაზე გადასვლას გულისხმობს, დღეს პარლამენტის თავმჯდომარემაც ისაუბრა. საკონსტიტუციო რეფორმასთან დაკავშირებით, ირაკლი კობახიძე ამბობს, რომ საკონსტიტუციო ცვლილებების 80% სწორედ ექსპერტების და არასამთავრობოების შემოთავაზებებით მივიღეთ. მისივე განმარტებით, მმართველ გუნდს ჰქონდა ორი ვარიანტი, ან უნდა მიეღო პროპორციულ სისტემაზე გადასვლის თაობაზე ცვლილებები 2024 წლისთვის, ან საერთოდ ვერ მიეღო.

 

„ჩვენ შევეცადეთ, რომ პროცესი ყოფილიყო სტრუქტურულად გამართული. შევქმენით სპეციალური კომისია, რომელშიც შედიოდა ოპოზიცია, ექსპერტები, არასამთავრობო სექტორი და განხილვის პროცესი თვის განმავლობაში მიმდინარეობდა. ცვლილებების 80% სწორედ ექსპერტების და არასამთავრობოების შემოთავაზებებით მივიღეთ. აღნიშნული საკონსტიტუციო ცვლილებები საკმაოდ დრამატულ ცვლილებებს მოიცავს. ჩვენ გადავდივართ პროპორციულ სარჩევნო სისტემაზე 2024 წლის საპარლამენტო არჩევნებზე. პირადად მე ვეთანხმებოდი, თუმცა მომავალ არჩევნებზე აღნიშნულ სისტემაზე გადასვლა შეუძლებელი იყო. კონსენსუსის მიღწევა გართულდა, რადგან ოპოზიციის მხრიდან მზაობა არ არსებობდა. ჩვენ გვყავს მაჟორიტარები და მათგან არ არსებობდა თანხმობა მაჟორიტარული სისტემის გაუქმების“, - განაცხადა კობახიძემ. 

 

საინტერესოა, რომ საქართველოს პარლამენტის განცხადებით, ის მზად არის ოპოზიციურ პარტიებს კიდევ ერთი შანსი მისცეს, რათა მათ კონსტიტუციის პროექტთან დაკავშირებული შენიშვნები მიაწოდონ. 



რა პროფესიების არიან და სად მიიღეს უმაღლესი განათლება ქართველმა მინისტრებმა

რა პროფესიების არიან და სად მიიღეს უმაღლესი განათლება ქართველმა მინისტრებმა
person access_time2018-04-22 13:00:52
დღეს...

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“
person access_time2018-04-22 16:00:24
ქვეყანაში კაპიტალის ბაზრის არსებობის მნიშვნელობაზე ისაუბრა  ახალგაზრდა ფინანსისტთა და ბიზნესმენთა ასოციაციის ანალიტიკოსმა ანდრია გვიდაინმა რადიო „კომერსანტის“ გადაცემაში „კომერსანტის თემა სალომე სოსელაისთან ერთად“. მისი თქმით, კომერციული ბანკების ინტერესში არ შედის  კაპიტალის მოძიებისთვის ალტერნატიული წყაროები გაჩნდეს.   „მიკროსაფინანსო ორგანიზაციების საქმიანობა თავიდან ბოლომდე მორგებულია მხოლოდ იპოთეკური და ფიზიკური პირების დაკრედიტებაზე. მათ შორის...

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“
person access_time2018-04-21 15:59:55
დიღმის მასივში, სანაპიროზე მდებარე რესტორნებში „თამბაქოს კონტროლის შესახებ“ კანონთან დაკავშირებით საინფორმაციო ხასიათის კამპანია ჩატარდა.  ღონისძიებაში „თამბაქოს კონტროლის ალიანსმა“, პარლამენტის წევრებმა და საპატრულო პოლიციის წარმომადგენლებმა მიიღეს მონაწილეობა. როგორც პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ ლევან კობერიძემ „კომერსანტს“ განუცხადა, ჯამში 4 ობიექტი მოინახულეს და ყველა მათგანი მზად არის ახალი ნორმის...

"საქართველოში კრიპტოვალუტის ინფრასტრუქტურის პირველი მაღაზია გაიხსნა"

person access_time2018-04-21 13:09:10
კრიპტოვალუტის მაინერებზე და ვიდეობარათებზე მოთხოვნა ამჟამად შემცირებულია, -ამის შესახებ Bm.ge-ს კომპანია MiningShop.ge-ს დამფუძნებელმა სოსო ნადაშვილმა განუცხადა, რომელმაც საქართველოში პირველი მაღაზია გახსნა, სადაც კრიპტოვალუტის ინფრასტრუქტურისთვის საჭირო მოწყობილობებს...

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა
person access_time2018-04-21 14:00:04
...


მსგავსი სიახლეები