ცნობილი ავტობრენდები ფრანკფურტის ავტოშოუზე უახლეს მოდელებს წარადგენენ

access_time2017-09-11 19:00:20

ცნობილი ავტობრენდები ფრანკფურტის ავტოშოუზე უახლეს მანქანებს წარადგენენ.

 

ფრანკფურტის ავტოშოუ სტარტს 12 სექტემბერს აიღებს. ღონისძიება გერმანიის საავტომობილო ინდუსტრიაში ყველაზე მნიშვნელოვან მოვლენად არის შეფასებული და ის ადგილობრივი ავტომწარმოებლებისთვის უმნიშვნელოვანეს პლატფორმას წარმოადგენს, როგორებიცაა: BMW, Volkswagen, Mercedes, Audi და Porsche.

 

ზემოთაღნიშნულ უდიდეს ავტომწარმოებლებს გერმანიის ეკონომიკაში უმნიშვნელოვანესი წვლილი შეაქვთ. თუმცა მათ არც ისე კარგი პერიოდი უდგათ, რაც გამონაბოლქვის ტესტის გაყალბებასთან დაკავშირებულ სკანდალთან არის დაკავშირებული. ამასთან, თანდათანობით მსოფლიო დიზელსა და ბენზინზე მომუშავე ავტომობილებზე უარს ამბობს.

 

ფრანკფურტის ავტოშოუ დაახლოებით 250 000 ადამიანს იზიდავს. ბილეთის შეძენა ინტერნეტის საშუალებით €12-ად არის შესაძლებელი, თუმცა ადგილზე ყიდვის შემთხვევაში, მსურველებს უფრო მეტის გადახდა მოუწევთ. 7 წლამდე ბავშვებს შენობაში შესვლა უფასოდ შეუძლიათ.

 

The Telegraph გვთავაზობს ავტომობილების ჩამონათვალს, რომელსაც ფრანკფურტის ავტოშოუზე უნდა ველოდოთ:

 

1.ბრიტანული ავტომობილები

 

ავტოშოუზე Jaguar-ი ორ ავტომობილს წარადგენს: ჯიპის ტიპის E-Pace-სა და თავის პირველ ელექტრომობილს, I-Pace-ს. ეს უკანასკნელი გაყიდვაში 2018 წლიდან ჩაეშვება.

 

 width=634

 

Land Rover-ი  ახალი Discovery SVX-ით წარსდგება. სავარაუდოდ, კომპანია მომხმარებელს off-road-ის სრულიად ახალ გამოცდილებას შესთავაზებს.

 

ფრანკფურტში წარმოდგენილი იქნება Bentley-იც, რომელიც Continental GT-ის წარადგენს. მოსალოდნელია, რომ ავტომობილი ჰიბრიდულ ძრავზე მუშაობს.

 

 

width=634

 

ჯიპის სტილის ავტომობილს წარადგენს Vauxhall-იც, რომელსაც ახალი მფლობელი, ფრანგული Peugeot-ი ჰყავს. ავტომობილი კონკურენციას ისეთ ავტომობილებს გაუწევს, როგორებიც Nissan Qashqai, Seat Ateca, Volkswagen Tiguan, Peugeot 3008 და სხვები არიან.

 

width=640

 

 

საინტერესოა, რომ Mini ფრანკფურტში ელექტრომობილს, Mini Cooper-ს წარადგენს, რომლის შეძენაც 2019 წლიდან იქნება შესაძლებელი.

 

2. იაპონური ბრენდები 

 

როდის იფიქრეთ ბოლოს Subaru-ზე? იაპონური ავტომობილი 4 წამყვანი თვლითა და ყველგანმავალი თვისებით არის ცნობილი, თუმცა უკანასკნელ წლებში იგი მივიწყებულ იქნა. ფრანკფურტში Subaru ახალ Impreza-ს წარადგენს.

 

Honda წელს ცნობილი ჯიპის, CR-V-ის ჰიბრიდულ ვერსიას წარადგენს. ავტომობილს 1.5 ლიტრიანი ძრავა აქვს, რომელიც 128 ცხენისძალიანი სიმძლავრით არის აღჭურვილი.

 

გავრცელებული ინფორმაციით, ავტოშოუზე უახლეს Suzuki Sport-საც ვიხილავთ.

 

 

3. კორეული ბრენდები

 

Hyundai მომხმარებლებს ახალ i30-ს სთავაზობს, რომელიც 271 ცხენისძალიანი ძრავით არის აღჭურვილი.

 

width=675

 

ამასთან,  Hyundai ახალ Kona-საც წარადგენს - ავტომობილი, რომელიც Kia Stonic-ს საკმაოდ წააგავს, რომელსაც ავტოშოუზე ასევე ვიხილავთ.

 

4. გერმანული ბრენდები

 

ავტობანზე მიუნხენიდან ფრანფურტამდე 400 კილომეტრია, რაც ახალი, 600 ცხენისძალიანი BMW M5-სთვის ბევრი სულაც არ უნდა იყოს. ავტოშოუზე ასევე ახალ X3-საც ვიხილავთ, თუმცა რაც ყველაზე საინტერესოა, კომპანია X7-ის კონცეფციის პრეზენტაციასაც გამართავს.

 

width=684

 

გამონაბოლქვის გაყალბებასთან დაკავშირებით სკანდალში გახვეული Volkswagen-ი რეპუტაციის აღდგენას ცდილობს. კომპანია ახალ Polo-ს წარადგენს, რომელიც Seat Ibiza-ს წააგავს.

 

width=691

 

Audi მდიდრული სალონის მქონე A8-ს წარადგენს. მისი ღირებულება დაახლოებით 110,000 ევროდან დაიწყება.

 

width=694

 

სავარაუდოდ ყურადღების ეპიცენტრში იქნება Mercedes-Benz-ი, რომელიც ელექტრომობილებს წარადგენს. ავტოშოუზე ვიხილავთ ახალ G კლასის ჯიპს, S კლასის კუპესა და კაბრიოლეტს.

 

Porsche მესამე თაობის Cayenne-ს წარადგენს, რომელიც ბაზარზე პირველად 2002 წელს გამოჩნდა. უფრო მსუბუქი და კომფორტული ჯიპის ღირებულება სავარაუდოდ 61,000 ევროდან დაიწყება. ავტომობილი 335 ცხენისძალიანი, 6-ცილინდრიანი ძრავით არის აღჭურვილი.

 

width=694

 

5. სხვა ევროპული ავტობრენდები

 

კაბრიოლეტების მოყვარულებს Ferrari ახალ Portofino-ს სთავაზობს. 3,9 ლიტრიანი, 8-ცილინდრიანი ძრავით, ავტომობილი 0-100 კმ/სთ-მდე აჩქარებას 3.5 წამში ახერხებს.

 

width=697

 

ესპანური Seat-ი ფრანკფურტში ახალი ჯიპით წარსდგება, რომელიც ახალ Arona-ს წარადგენს.

 

width=699

 

დაბოლოს, Renault-ი მომხმარებელს ახალ Megane RS-ს სთავაზობს, რომელიც Telegraph-ის მიხედვით, 300 ცხენისძალიანი ძრავით არის აღჭურვილი. კომპანია დებს პირობას, რომ 2030 წლისთვის Renault-ი თვითმავალ ელექტრომობილს გამოუშვებს.

 

 

წყარო: The Telegraph

 

 



1 დოლარი 2,7137 ლარი - ეროვნული ვალუტა გაუფასურებას განაგრძობს

person access_time2017-11-22 17:00:05
ეროვნული ვალუტა ისევ გაუფასურდა. ეროვნული ბანკის მიერ დადგენილი კურსით, ხვალ ერთი დოლარი 2,7137 ლარი ეღირება, ერთი ევრო კი 3,1897 ლარი. 21 ნოემბერს დადგენილი კურსით, დღეს ერთი დოლარი 2,7060 ღირდა, ერთი ევრო კი 3,1766 ლარი.

ახალი „TOYOTA LAND CRUISER PRADO“ უკვე საქართველოშია ახალი სიმაღლეების დასაპყრობად

person access_time2017-11-22 15:30:34
მაღალი გამავლობის ავტომობილი „Toyota Land Cruiser Prado“ განახლდა და კიდევ უფრო გაუმჯობესდა. ყველა დროის ერთ-ერთი ყველაზე წარმატებული ყველგანმავალი ვიზუალურად კიდევ უფრო დაიხვეწა, ტექნიკური თვალსაზრისით კი, განვითარების სრულიად ახალ საფეხურზე ავიდა. სწორედ განახლებული ავტომანქანის მოდელი წარადგინა კომპანია „ტოიოტა კავვკასიამ“ ცოტა ხნის წინ შატო მუხრანის ტერიტორიაზე. აღსანიშნავია, რომ „Toyota Land Cruiser Prado“ თავის სეგმენტში ყველა დროის ერთ-ერთი უნიკალური მოდელია....

„საქართველოს ფინანსური სისტემა თავიდან ბოლომდე მორგებულია კომერციულ ბანკებზე“

person access_time2017-11-22 14:30:49
ერთდღიანი გამყარების შემდეგ ეროვნული ვალუტა ისევ გაუფასურდა. საქართველოს ეროვნული ბანკის მიერ დადგენილი კურსით, დღეს ერთი დოლარი 2 ლარი და 70 თეთრი ღირს, ერთი ევროს ფასი  კი 3 ლარი და 17 თეთრია. ფინანსიტი დავით კიკვიძე რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ აცხადებს, რომ მიმდინარე ეტაპზე ლარის კურსის გაუფასურების მიზეზი დიდი რაოდენობით ლარის მასაა.   „ჩემი აზრით, ამ პრობლემას იწვევს ბრუნვაში ლარის ძალიან დიდი მოცულობა. მიუხედავად...

ავტობანის რიკოთის მონაკვეთზე 3 გვირაბი და 11 ხიდი აშენდება

person access_time2017-11-22 12:00:02
ავტობანის რიკოთის მონაკვეთზე 3 გვირაბი და 11 ხიდი აშენდება. გაზაფხულზე წარდგენილ პროექტში ცვლილება შევიდა, რამაც კიდევ 1 გვირაბის გაყვანის აუცილებლობა წარმოქმნა. ჩუმათელეთსა და ხევს შორის მთავარი გვირაბი 1750 მეტრი იქნება და ის არსებული გვირაბის პარალელურად გაივლის, რაც შეეხება კიდევ 2 გვირაბს ერთი რიკოთამდე აშენდება, მეორე კი, დიდი გვირაბის შემდეგ. მათი სიგრძე 350 მ და 470 მ იქნება. გარდა გვირაბებისა, ავტობანის ყველაზე რთულ...

კონტრტერორისტული სპეცოპერაცია თბილისში (განახლებადი)

person access_time2017-11-22 16:00:14
17:01 - სპეცრაზმელი, რომელიც რამდენიმე საათის წინ ინგოროყვას კლინიკაში გადაიყვანეს, გარდაიცვალა. ამის შესახებ ინგოროყვას კლინიკის ექიმმა რამდენიმე წუთის წინ განაცხადა.   „დაჭრილ სპეცრაზმელს სიცოცხლესთან შეუთავსებელი ჩვენებები ჰქონდა", - აღნიშნა ექიმმა.   17:00 სპეცოპერაციის ადგილიდან, სავარაუდოდ კიდევ სამი დაჭრილი გაიყვანეს.   „პირველი არხის“ ინფორმაციით, სპეცოპერაციის ზონიდან...


მსგავსი სიახლეები