„ლარიზაციამ თავისი შედეგი მეტნაკლებად გამოიღო“ - ლარში ფასდადების გავლენა უძრავი ქონების ფასსა და რეალიზაციაზე

„ლარიზაციამ თავისი შედეგი მეტნაკლებად გამოიღო“ - ლარში ფასდადების გავლენა უძრავი ქონების ფასსა და რეალიზაციაზე

access_time2017-09-12 09:10:00

ლარში ფასდადების ვალდებულებამ უძრავი ქონების ფასსა და რეალიზაციაზე უმნიშვნელოდ, თუმცა მაინც იმოქმედა. ამის შესახებ „კომერსანტთან“ დეველოპერული კომპანიების წარმომადგენლები საუბრობენ. კომპანიების ერთი ნაწილის ინფორმაციით, უძრავი ქონება გაძვირდა, თუმცა ამას გაყიდვებზე არ უმოქმედია. მეორე ნაწილის შეფასებით კი, ფასები არ გაზრდილა, თუმცა შემცირდა რეალიზაციის მაჩვენებელი.

 

 

როგორც ცნობილია, დედოლარიზაციის სამთავრობო პროგრამის ფარგლებში, დეველოპერულ კომპანიებს ახალი ვალდებულება გაუჩნდათ, მათ უძრავი ქონების ფასდადება ლარში უწევთ. ეს ცვლილება ძალაში 2017 წლის ივლისიდან შევიდა.

 

 

სამშენებლო კომპანიაივერონის“ დამფუძნებელი არჩილ ჯაყელი აცხადებს, რომ  ამ  დროისთვის კომპანიის გაყიდვები შემცირებულია. თუმცა, გასათვალისწინებელია სეზონური, ფაქტორიც. მისი განმარტებით, რთულია იმის თქმა, რომ ეს შემცირება აუცილებლად ლარში ფასდადების გამოა, რადგან ბოლო პერიოდში, არაერთი სხვა ნეგატიური პროცესიც მოხდა. „თუმცა ლარიზაციამ თავისი შედეგი მეტნაკლებად გამოიღო“, - აცხადებს ჯაყელი.

 

 

„ივერონის“ დამფუძნებლის ინფორმაციით,  უძრავი ქონების  რეალიზაციის შემცირების მეორე მნიშვნელოვანი მიზეზი ბოლო პერიოდში ლარის გაუფასურება და არმატურის გაძვირებაა.

 

 

„ვითარება თუ ასე გაგრძელდა, ეს საკმაოდ დიდ პრობლემებს გამოიწვევს. არასასურველი პროცესია. არმატურა ძალიან უცბად გაძვირდა, ახლა მისი ფასი 10 პროცენტითაა მომატებული “, - აცხადებს ჯაყელი.

 


 

როგორც ის ამბობს, არმატურას შავ კარკასში თვითღირებულების დაახლოებით 20-30 პროცენტიანი წილი აქვს. შედეგად, ჯაყელის განცხადებით, მშენებლები საკმაოდ რთულ სიტუაციაში არიან, რადგან  ბაზარზე არსებული დიდი კონკურენციის გამო ფასებს ვერ ზრდიან.

 

 

„მშენებლებს არმატურის გაძვირების გამო, მშენებლობები 15 პროცენტით გაუძვირდათ. გარდა ამისა, მშენებლობები 2017 წლის 1 იანვარს ამოქმედებულმა ტექნიკურმა რეგლამენტმაც გააძვირა. ამას ემატება არჩევნები და საბოლოოდ გამოვიდა, რომ ბიზნესი დიდი გამოწვევების წინაშე დადგა. ბიზნესისთვის გამოწვევები საშიში არ არის, თუმცა, ყველაფერს საზღვრები აქვს“, - აცხადებს ჯაყელი.

 

 

მისივე განმარტებით, ეს და სხვა მნიშვნელოვანი ფაქტორები, შესალოა საინვესტიციო პროექტების გადადების საფუძველი გახდეს.

 

 

დეველოპერული კომპანიარედკოს“ პროექტების მენეჯერი მალხაზ კუნელაურის ინფორმაციით, ლარიზაციის ფარგლებში ბინების ფასი უმნიშვნელოდ, 1 კვადრატულ მეტრზე დაახლოებით 200 ლარით გაიზარდა, თუმცა ამას გაყიდვებზე რაიმე ნეგატიური გავლენა არ მოუხდენია.

 

 

„გაყიდვებზე იგივე დინამიკა მიდის, ჩვენ ძირითადად უცხოელებზე ვმუშაობთ და მათ არ აინტერსებთ ლარშია ქონება თუ დოლარში, ისინი ისედაც დოლარში ყიდულობენ“, - აცხადებს კუნელაური.

 

 

მისი თქმით, ასევე პრობლემურია არმატურის გაზრდილი ფასიც, თუმცა, იმედოვნებს, რომ ეს ზრდა მოკლევადიანია და კომპანია „რედკოს“ ამის გამო ფასების გადახედვა არ მოუწევს.

 

 

ავტორი: სოფო ქსოვრელი 

 

 

 



„საქართველო „მას-ტურიზმისგან“ არ უნდა დაზარალდეს“ - როგორ უნდა მოიზიდოს ქვეყანამ მაღალბიუჯეტიანი ტურისტები

„საქართველო „მას-ტურიზმისგან“ არ უნდა დაზარალდეს“ - როგორ უნდა მოიზიდოს ქვეყანამ მაღალბიუჯეტიანი ტურისტები
person access_time2018-04-25 15:37:40
საქართველოში ტურისტების რაოდენობა იზრდება, თუმცა მათი უმეტესობა დაბალბიუჯეტიანია. როგორც „ბიზნესპრესნიუსთან“ საუბრისას შემომყვან ტურ-ოპერატორთა ასოციაციის თავმჯდომარემ ია თაბაგარმა განაცხადა, დაბალბიუჯეტიანი ტურისტები ძირითადად აზერბაიჯანიდან, სომხეთიდან, რუსეთიდან, ინდოეთიდან და არაბული ქვეყნებიდან ჩამოდიან.მისი თქმით, დაბალბიუჯეტიანი ტურისტები მაღალბიუჯეტიანებს კვლავ სჭარბობენ, როგორც თითქმის ყველა სხვა ქვეყანაში. „დაბალბიუჯეტიანი ტურისტები კვლავ...

„კომერსანტის“ ექსკლუზივი - დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს

„კომერსანტის“ ექსკლუზივი - დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს
person access_time2018-04-25 13:13:15
დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს. აღნიშნული ინფორმაცია „კომერსანტს“  ექსკლუზიურად თავად სულამანიძემ დაუდასტურა და განუცხადა, რომ  წასვლაზე განცხადება უკვე დაწერა, დაკავებულ თანამდებობას  კი ოფიციალურად  1 მაისიდან დატოვებს.   კითხვაზე, რა მიზეზით დატოვა  მან  დაზღვევის ზედამხედველობის სამსახურის უფროსის თანამდებობა და სად გააგრძელებს საქმიანობას, სულამანიძე აღნიშნავს, რომ...

Bloomberg-ზე 14:00 საათისთვის 1 დოლარი 2,4825 ლარად ივაჭრება

Bloomberg-ზე 14:00 საათისთვის 1 დოლარი 2,4825 ლარად ივაჭრება
person access_time2018-04-25 14:15:00
ეროვნული ვალუტა ბოლო რამდენიმე  დღის განმავლობაში უფასურდება. Bloomberg-ის ელექტრონულ სავაჭრო სისტემაში 1 აშშ დოლარი 14:00 საათისთვის 2,4825 ლარად ივაჭრება. საქართველოს ეროვნული ბანკი ლარის ოფიციალურ გაცვლით კურსს აშშ-ის და ევროს მიმართ 17:00 საათისთვის გამოაქვეყნებს. 24 აპრილს განსაზღვრული კურსით, ერთი დოლარის ღირებულებამ 2.4791 ლარი შეადგინა. არასაბანკო ფინანსურ დაწესებულებათა...

Top-მენეჯერებისგან განსხვავებით, საბანკო სექტორში დასაქმებულთა 99%-ს დაბალი ხელფასი აქვს

Top-მენეჯერებისგან განსხვავებით, საბანკო სექტორში დასაქმებულთა 99%-ს დაბალი ხელფასი აქვს
person access_time2018-04-25 11:35:00
  „ჩემი დამოკიდებულება ბანკებთან დაკავშირებით მიმდინარე დისკუსიის შესახებ: ქვეყნის საფინანასო ბაზრზე ჩამოყალიბდა მონოპოლიური მდგომარეობა (ძირითადად, ბოლო 5 წელიწადში) და შეიზღუდა კონკურენცია. წარმოიქმნა ოთხბანკიანობის პერიოდი. ხელისუფლების ან ხელისუფლებასთან ჩახუტებული 4 ბანკი არის ქართუ, ლიბერთი, ტბს, საქართველოს ბანკი. ეს მთელი საბანკო სისტემის 85 პროცენტზე მეტია. დანარჩენი ბანკები ვერ უწევენ მათ კონკურენციას. ვტბ საერთაშორისო სანქციებშია მოქცეული, როგორც რუსული...

თბილისში პარკინგის მოწყობაზე სამი ლოკაცია დასახელდა და ტენდერიც გამოცხდდა

თბილისში პარკინგის მოწყობაზე სამი ლოკაცია დასახელდა და ტენდერიც გამოცხდდა
person access_time2018-04-25 10:58:01
გეგშიძის ბაღის, რკინიგზის სადგურის და ვარკეთილის მეტროს მიმდებარედ მიწისქვეშა პარკინგები მოეწყობა.თბილისის მერიამ საპარკინგე სისტემის მოსაწესრიგებლად ინტერესთა გამოხატვა  3 ლოკაციაზე გამოაცხადა.  შერჩეულ კომპანიას მიწა 1 ლარად გადაეცემა. პროექტი ჯამში 715 საპარკინგე ადგილის მოწყობას ითვალისწინებს.  „გაიმარჯვებს კომპანია, რომელიც მეტ საგარანტიო უზრუნველყოფას შესთავაზებს მუნიციპალიტეტს. მზად ვართ ბიზნესთან მჭიდრო ურთიერთობით შევქმნათ...


მსგავსი სიახლეები