„კომერსანტის“ ექსკლუზივი - ფილარმონიაში World Class-ის პირველი მრავალფუნქციური ფიტნესკლუბი შემოდგომაზე გაიხსნება

access_time2017-09-11 10:00:57

2017 წლის შემოდგომაზე თბილისში, ფილარმონიის შენობის მე-4 სართულზე მსოფლიოში პოპულარული საერთაშორისო ბრენდის, World Class-ის პირველი ფიტნესკლუბი გაიხსნება.

 

World Class-ის ისტორია 1983 წელს, სკანდინავიაში იწყება. გასული 34 წლის განმავლობაში ბრენდი აქტიურად ფართოვდებოდა დასავლეთ და აღმოსავლეთ ევროპის, ასევე შუა აზიის რეგიონში. დღეისათვის მსოფლიოში World Class-ის 84 კლუბი ფუნქციონირებს

 

ფიტნესკლუბის მფლობელი კომპანია, ''ჯორჯიან ფიტნეს გრუპი'', კერძო ინვესტიციებით დაფუძნებული ქართული კომპანიაა, რომელიც საქართველოსა და ამიერკავკასიის რეგიონში ფიტნესინდუსტრიის განვითარებაზე მუშაობს.

 

 width=880

 

 

პირველი კლუბისათვის განსაზღვრული ინვესტიცია შეადგენს 3,000,000 აშშ დოლარს. სამომავლოდ თბილისში World Class-ის კიდევ 4 კლუბი გაიხსნება.

 

''ჯორჯიან ფიტნეს გრუპმა'' პირველი მასშტაბური პროექტისთვის განსაკუთრებული ადგილმდებარეობა შეარჩია - თბილისის ფილარმონიის შენობა მელიქიშვილის ქუჩაზე.  კლუბის კონცეფცია დამუშავდა შენობის სპეციფიკისა და მისი ადგილმდებარეობის გათვალისწინებით. მრავალმხრივი სამუშაო განხორციელდა შენობის იმ ნაწილის რეკონსტრუქციისთვის, რომელიც ათწლეულების განმავლობაში უფუნქციოდ იყო დარჩენილი. შეიცვალა შენობის გადახურვა, განახლდა და მოწესრიგდა კომუნალური ქსელები, დამონტაჟდა კომფორტული ლიფტები, კეთილმოეწყო მიმდებარე ტერიტორია, რომელზეც მრავალფუნქციური სპორტული მოედანი გაშენდება.

 

 width=888


1300 კვადრატულ მეტრზე განთავსებული მულტიფუნქციური კლუბი მომხმარებელს შესთავაზებს უმაღლესი ხარისხისა და სტანდარტების მქონე, პრემიუმ კლასის ფიტნეს სერვისს, მათ შორის:

 

- ფიტნესმწვრთნელების საერთაშორისო, სერტიფიცირებულ გუნდს, რომელიც მაღალ პროფესიულ დონეზე წარმართავს სავარჯიშო პროცესს და შეიმუშავებს რეკომენდაციებს საუკეთესო შედეგების მისაღწევად. კლუბის მწვრთნელები სერტიფიცირებულები არიან მსოფლიოს წამყვანი ფიტნესორგანიზაციების მიერ: World Class (ევროპა), Les Mills (დიდი ბრიტანეთი), Romana's Pilates (აშშ), AntiGravity (აშშ), Technogym (იტალია);

 

- მსოფლიოს წამყვანი სატრენაჟორო ბრენდის, ''Technogym''-ის უახლესი ხაზით აღჭურვილ 600 კვ.მ. ფართობის სავარჯიშო დარბაზს ყველა ტიპის სავარჯიშო ზონით;

 

- მსოფლიოს წამყვანი ახალზელანდიური ბრენდის ''Les Mills''-ის სავარჯიშო პროგრამების ფართო სპექტრს, რომლებიც აქტიურად გამოიყენება მსოფლიოს 100 ქვეყნის 15,000 წამყვან ფიტნესკლუბში და ქართველ მომხმარებელს სავარჯიშო პროგრამების სრულიად ახლებურ ფორმატს შესთავაზებს;

 

- მსოფლიოში ცნობილი ბრენდების ''AntiGravity''-სა და ''Romana's Pilates''-ის ექსკლუზიურ, ინდივიდუალურ და ჯგუფურ პროგრამებს;

 

- სწორი და ჯანსაღი კვებისთვის განკუთვნილ ფიტნესბარს, სპეციალურად მომხმარებლის განტვირთვისათვის განკუთვნილ ლაუნჯ ზონასა და Nike-ის სპორტულ მაღაზიას;

 

- კომფორტულ გასახდელებს სოლარიუმით, მასაჟის ზონასა და საუნას პანორამული ხედით;

 

- iOS და Android სისტემებზე მორგებულ მობილურ აპლიკაციას, რომლის დახმარებითაც მომხმარებელი მარტივად შეძლებს თავისი პირადი ფიტნესმონაცემების სრულ მართვას;

 

- ავტომობილების პარკირების ზონას მომხმარებლის მაქსიმალური კომფორტისათვის.

 

  

ავტორი: ლიკა გურაბანიძე

 

 



მერია „სითი პარკს“ სიურპრიზს უმზადებს

person access_time2018-02-19 08:50:27
დაახლოებით ერთ თვეში,თბილისის მერია „სითი პარკთან“ დაკავშირებით ახალ დეტალებს გაასაჯაროებს. „კომერსანტის“ მცდელობის მიუხედავად, მერიაში სიახლის დაკონკრეტებისაგან თავი შეიკავეს.  „ახლა „სითი პარკთან“ დაკავშირებით  გარკვეული მუშაობა მიმდინარეობს, სამუშაო პროცესია, ამიტომ წინასწარ ვერ გეტყვით დეტალებს. დაახლოებით ერთ თვეში საზოგადოებას შევატყობინებთ ახალ ინფორმაციას“, - განაცხადეს მერიაში. „კომერსანტი“ დამატებითი ინფორმაციისათვის „სითი პარკს“...

„ბიტკოინი: იყავი საკუთარი თავის ბანკი“ – უქმნის, თუ არა კრიპტოვალუტა ბანკებს საფრთხეს?

person access_time2018-02-18 20:00:02
“Bitcoin: Be your own bank“...

გერმანიის შს მინისტრი - თუ ვიზის დამრღვევთა რიცხვი გაიზრდება, ამ მექნიზმის ამოქმედებას დავიწყებთ, ყველაფერი საქართველოზეა დამოკიდებული

person access_time2018-02-18 09:05:44
თუ ვიზის დამრღვევთა რიცხვი გაიზრდება, შემდეგ ჩვენ ამ მექნიზმის ამოქმედებას დავიწყებთ . ასე, რომ ყველაფერი საქართველოზეა დამოკიდებული, - ამის შესახებ გერმანიის შინაგან საქმეთა მინისტრმა ტომაზ დე მაიზერმა ქართველ ჟურნალისტებს გერმანიაში განუცხადა. გერმანიის შინაგან საქმეთა მინისტრის განცხადებით, ის საქართველოს საგარეო საქმეთა მინისტრს მიხეილ ჯანელიძეს...

ელენ დეჯენერესი ბიტკოინზე: „ან მილიონერი გახდებით ან გაკოტრდებით“

person access_time2018-02-17 12:00:15
დღეს თითქმის ყველა ბიტკოინთან დაკავშირებით საუბრობს, თუმცა რა არის ბიტკოინი, ამისი ახსნა ბევრს გაუჭირდება. ცნობილმა ამერიკელმა ტელეწამყვანმა, ელენ დეჯენერესმა საბაზრო კაპიტალიზაციით უმსხვილეს კრიპტოვალუტასთან დაკავშირებით ისაუბრა და ზემოთაღნიშნულ გარემოებას გაუსვა ხაზი.   „ბიტკოინი წააგავს დამაბნეველი სცენარის მქონე ფილმს - თქვენი მეგობრები უყურებენ მას და არ იმჩნევენ, რომ ფილმში არაფერი არ ესმით. ამ დროს კი თქვენც ისეთი სახე გაქვთ, თითქოს ყველაფერი გაიგეთ,“-...

ბილ და მელინდა გეიტსები: „არასამართლიანია, რომ ასეთი მდიდრები ვართ“

person access_time2018-02-17 14:00:06
ბილ გეიტსი მსოფლიოში ყველაზე მდიდარი ადამიანების სიაში მეორე ადგილს იკავებს, რაც მას დიდ ძალაუფლებას ანიჭებს. იგი აღნიშნულ ძალაუფლებას ფილანტროპიული მიზნებისთვის იყენებს - 2000 წელს ბილ გეიტსმა მეუღლესთან, მელინდასთან ერთად „ბილ და მელინდა გეიტსების ფონდი“ დააარსა, რომლის მიზანსაც სიღარიბის, შიმშილის, უთანასწორობისა და დაავადებების წინააღმდეგ ბრძოლა წარმოადგენს.   ფონდის საქმიანობასთან დაკავშირებით, ბილ და მელინდა გეიტსებმა ხშირად დასმულ 10 შეკითხვას გასცეს პასუხი....


მსგავსი სიახლეები