კაფე-ბარი Tratoria - „ჩემი ბიზნესის კონკურენტი თავად ვარ, მინდა მუდმივად სიახლე შევთავაზო მოსულ სტუმარს“

access_time2017-09-09 10:00:40

განახლებულ აღმაშენებელზე #20-ში კაფე-ბარი Tratoria მდებარეობს, რომელიც სტუმრებს მყუდრო გარემოსა და ხარისხიან მომსახურებას სთავაზობს. Tratoria 2016 წლის ბოლოს გაიხსნა. „კომერნსატთან“ საუბრისას მისი დამფუძნებელი ზურაბ ოქროპირიძე აღნიშნავს, რომ ნებისმიერი სახის ბიზნესის წამოწყებას ძალიან ბევრი შრომა სჭირდება და წინასწარ რისკების გათვლა რთულია.    

 

„მიუხედავად წინასწარი გათვლებისა საბოლოოდ ყველამ კარგად ვიცით, რომ მარტივად არაფერი კეთდება. ბიზნესში რისკები ყოველთვის დიდია და ხშირია მოულოდნელობები. ბიზნესი წარმატებული მაშინ იქნება, როდესაც ყველა ჩემს დასახულ გეგმას განვახორციელებ. ამ ეტაპზე კაფე-ბარი სტაბილურად ვითარდება.

 

სარესტორნო ბიზნესისთვის ერთფეროვნება ხელშემშლელი ფაქტორია, ადამიანს აუცილებლად სჭირდება სიახლე“ , - ამბობს ზურაბ ოქროპირიძე.

 

 width=784

 

როგორც „კომერსანტთან“ საუბრისას ოქროპირიძე აცხადებს, „საქართველოში არაპროფესიონალიზმის პრობლემაა და ეს ყველა სფეროს ეხება. რაც შეეხება უშუალოდ სარესტორნო ბიზნესს, ჩვენ მუდმივად ვცდილობთ გამოცდილ კადრებზე გავაკეთოთ აქცენტი.

 

ადამიანი რომ იყოს პროფესიონალი, მას თავისი საქმე უნდა უყვარდეს. ამ კუთხით ქვეყანაში მეტი პროფესიული სასწავლებელი უნდა გაჩნდეს და სხვადასხვა პროფესია უკეთესად ისწავლებოდეს. ხარისხიანი მომსახურება, ერთ-ერთი ყველაზე რთულად გასაკეთებელი სამქმეა“.

 

 width=789

 

Tratoria-ს დამფუძნებელი კონკურენციაზეც საუბრობს.

 

„ჩემი ბიზნესის კონკურენტი თავად ვარ. მინდა მუდმივად სიახლე შევთავაზო აქ მოსულ სტუმარს. როდესაც საკუთარ თავზე ხარ ორიენტირებული, უკეთესად გამოგდის ის საქმე, რასაც აკეთებ.

 

ჩვენ მომხმარებელს ხარისხიან საკვებს და მყუდრო გარემოს ვთავაზობთ და კაფე-ბარის კონცეფციაც სწორედ ამას ემყარება. ჩვენთან ძირითადად საშუალო და მაღალშემოსავლიან სეგმენტს შეუძლია შემოსვლა“, - განმარტა ზურაბ ოქროპირიძემ.

 

 width=796

 

 ავტორი: ლიკა გურაბანიძე



1 დოლარი 2,7137 ლარი - ეროვნული ვალუტა გაუფასურებას განაგრძობს

person access_time2017-11-22 17:00:05
ეროვნული ვალუტა ისევ გაუფასურდა. ეროვნული ბანკის მიერ დადგენილი კურსით, ხვალ ერთი დოლარი 2,7137 ლარი ეღირება, ერთი ევრო კი 3,1897 ლარი. 21 ნოემბერს დადგენილი კურსით, დღეს ერთი დოლარი 2,7060 ღირდა, ერთი ევრო კი 3,1766 ლარი.

ახალი „TOYOTA LAND CRUISER PRADO“ უკვე საქართველოშია ახალი სიმაღლეების დასაპყრობად

person access_time2017-11-22 15:30:34
მაღალი გამავლობის ავტომობილი „Toyota Land Cruiser Prado“ განახლდა და კიდევ უფრო გაუმჯობესდა. ყველა დროის ერთ-ერთი ყველაზე წარმატებული ყველგანმავალი ვიზუალურად კიდევ უფრო დაიხვეწა, ტექნიკური თვალსაზრისით კი, განვითარების სრულიად ახალ საფეხურზე ავიდა. სწორედ განახლებული ავტომანქანის მოდელი წარადგინა კომპანია „ტოიოტა კავვკასიამ“ ცოტა ხნის წინ შატო მუხრანის ტერიტორიაზე. აღსანიშნავია, რომ „Toyota Land Cruiser Prado“ თავის სეგმენტში ყველა დროის ერთ-ერთი უნიკალური მოდელია....

„საქართველოს ფინანსური სისტემა თავიდან ბოლომდე მორგებულია კომერციულ ბანკებზე“

person access_time2017-11-22 14:30:49
ერთდღიანი გამყარების შემდეგ ეროვნული ვალუტა ისევ გაუფასურდა. საქართველოს ეროვნული ბანკის მიერ დადგენილი კურსით, დღეს ერთი დოლარი 2 ლარი და 70 თეთრი ღირს, ერთი ევროს ფასი  კი 3 ლარი და 17 თეთრია. ფინანსიტი დავით კიკვიძე რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ აცხადებს, რომ მიმდინარე ეტაპზე ლარის კურსის გაუფასურების მიზეზი დიდი რაოდენობით ლარის მასაა.   „ჩემი აზრით, ამ პრობლემას იწვევს ბრუნვაში ლარის ძალიან დიდი მოცულობა. მიუხედავად...

ავტობანის რიკოთის მონაკვეთზე 3 გვირაბი და 11 ხიდი აშენდება

person access_time2017-11-22 12:00:02
ავტობანის რიკოთის მონაკვეთზე 3 გვირაბი და 11 ხიდი აშენდება. გაზაფხულზე წარდგენილ პროექტში ცვლილება შევიდა, რამაც კიდევ 1 გვირაბის გაყვანის აუცილებლობა წარმოქმნა. ჩუმათელეთსა და ხევს შორის მთავარი გვირაბი 1750 მეტრი იქნება და ის არსებული გვირაბის პარალელურად გაივლის, რაც შეეხება კიდევ 2 გვირაბს ერთი რიკოთამდე აშენდება, მეორე კი, დიდი გვირაბის შემდეგ. მათი სიგრძე 350 მ და 470 მ იქნება. გარდა გვირაბებისა, ავტობანის ყველაზე რთულ...

კონტრტერორისტული სპეცოპერაცია თბილისში (განახლებადი)

person access_time2017-11-22 16:00:14
17:01 - სპეცრაზმელი, რომელიც რამდენიმე საათის წინ ინგოროყვას კლინიკაში გადაიყვანეს, გარდაიცვალა. ამის შესახებ ინგოროყვას კლინიკის ექიმმა რამდენიმე წუთის წინ განაცხადა.   „დაჭრილ სპეცრაზმელს სიცოცხლესთან შეუთავსებელი ჩვენებები ჰქონდა", - აღნიშნა ექიმმა.   17:00 სპეცოპერაციის ადგილიდან, სავარაუდოდ კიდევ სამი დაჭრილი გაიყვანეს.   „პირველი არხის“ ინფორმაციით, სპეცოპერაციის ზონიდან...


მსგავსი სიახლეები