სპეციალისტები ხელოვნური ინტელექტის შეზღუდვას ცდილობენ

სპეციალისტები ხელოვნური ინტელექტის შეზღუდვას ცდილობენ

access_time2017-09-07 20:00:56

ბოლო დროს სულ უფრო ხშირად გვხვდება ინფორმაცია იმის შესახებ, რომ პროგრამა ან რობოტი, რომელსაც გააჩნია თვითგანათლების ტექნოლოგია, არ მოქმედებს ისე, როგორც პროგრამული კოდის შექმნისას იყო გათვალისწინებული. ამის ნეგატიური შედეგები, ზიანის თვალსაზრისით, განსხვავებულია, თუმცა თავისთავად ეს ფაქტები აჩვენებს, რომ არსებობს ხელოვნური ინტელექტის რეგულირების პრობლემა.

 

მაგალითად, ვინ აგებს პასუხს რობოტის „ცუდი საქციელისთვის“ - მწარმოებელი, პროგრამისტი, თუ მომხმარებელი? თუ ყველაფერში დამნაშავე იქნებიან თავად რობოტები, რომლებიც მომავალში მიიღებენ სრულფასოვან ხელოვნურ ინტელექტს? კიდევ ერთი პრობლემა - რა დონემდე უნდა იყვნენ რობოტები დამოუკიდებლები ადამიანებისგან? კანონმდებლობა, რომელიც სხვადასხვა ქვეყანაში მოქმედებს, ჯერ არ არის მზად არც ერთ ამ კითხვაზე პასუხის გაცემისთვის.

 

ვაშინგტონის უნივერსიტეტის სამართლის პროფესორი რაიან კალო თვლის, რომ ხელოვნური ინტელექტის რეგულირების საკითხი დღის წესრიგში რაც შეიძლება მალე უნდა დადგეს. „1920-იან, 40-იან, ან 80-იან წლებში ან თუნდაც 2017-ში, როდესაც ადამიანები წარმოიდგენენ მომავალს, აუცილებლად ფიქრობენ რობოტების შესახებ, თუმცა რეალურად, რობოტები თანაარსებობენ ჩვენთან უკვე 1950-იანი წლებიდან. მაგრამ სასამართლოები, რომლებიც განიხილავენ საქმეებს რობოტების ან პროგრამების მონაწილეობით, ვერ იღებენ ადეკვატურ გადაწყვეტილებებს. რობოტები აყენებენ მოსამართლეების წინაშე ამოცანებს, რომლებსაც ისინი ვერაფრით ვერ წყვეტენ“, - განაცხადა კალომ „Financial Times“-თან ინტერვიუში.

 

ფანტასტიკოსებმა მიაჩვიეს ადამიანი იმ აზრს, რომ კონტროლიდან გასულ ხელოვნურ ინტელექტს, ძირითადად, მანქანები წარმოადგენენ, რომლებიც გაბრაზდნენ ადამიანებზე და დაიწყეს კაცობრიობის გაქრობა. თუმცა, რეალობაში ყველაფერი ბევრად უფრო რთულადაა. მაგალითად, ილონ მასკი თვლის, რომ რობოტებს შეუძლიათ მე-3-ე მსოფლიო ომის დაწყება ფეიკნიუსების, ყალბი პრესრელიზების გამოშვების, ინფორმაციით მანიპულირების და ელექტონული ფოსტის გზით. „კალამი ხმალზე ძლიერია“, - ამბობს მასკი.


 

რუსული გამოცემა „კომერსანტის“ ინფორმაციით, პირველი რობოტები, რომლებიც გამოვიდნენ კონტროლიდან, ძირითადად წარმოადგენდნენ მარტივ და ერთი შეხედვით უწყინარ პროგრამებს - ერთ-ერთი ყველაზე სერიოზული მაგალითი იყო ავტოავარია ელექტრომობილ „ტესლას“ მონაწილეობით აშშ-ში, შტატ ფლორიდაში. ავარია მოხდა იმის გამო, რომ ავტოპილოტმა ვერ დაინახა გზის სავალ ნაწილზე გამოსული სატვირთო მანქანა, შედეგად, ძლიერად შეეჯახა და მძღოლი ადგილზე დაიღუპა. ხელისუფლებამ არ ჩათვალა მომხდარი სისტემურ შეცდომად და მიიჩნია, რომ ეს იყო ცალკე აღებული ინციდენტი, შესაბამისად, არავინ დაისაჯა და ავტომობილები არ გაიწვიეს. თუმცა, აშშ-ს საავტომობილო მოძრაობის უსაფრთხოების სამმართველომ „ტესლა მოტორსს“ დაავალა მომხმარებლებს სრულფასოვანი ინფორმაცია მიაწოდოს. ამავე დროს, ბევრ იურისდიქციაში, არანაირი საკანონმდებლო ნორმები თვითმართვად ავტომობილებზე დღესაც არ არსებობს.

 

ხელოვნური ინტელექტის მქონე რობოტების შექმნა წარმოადგენს სერიოზულ თავის ტკივილს რეგულატორებისთვის - თანაც საუბარია არაა ჭკუიდან გადასულ შეირაღებულ რობოტებზე, როგორც „ტერმინატორში“. ექსპერტები ხელოვნური ინტელექტის დარგში აცხადებენ, რომ დაუშვებელია მანქანებისთვის იარაღის მიცემა, ან მით უმეტეს, მათი გამოყენება ჯარში. კერძოდ, იგივე ილონ მასკმა და კიდევ 100-ზე მეტმა სპეციალისტმა, მოუწოდეს გაერო-ს აიკრძალოს ავტონომიური იარაღის შექმნა. „თუ ასეთი ტიპის იარაღი შეიქმნება, ის შეძლებს ნებისმიერი კონფლიქტის გაზრდას არნახულ მასშტაბამდე. ეს ტექნოლოგია შესაძლებელია გახდეს ტერორის იარაღი, რომელსაც დესპოტები და ტერორისტები გამოიყენებენ უდანაშაულო ხალხის წინააღმდეგ, ხოლო ჰაკერები შეძლებენ ავტონომიური იარაღის დაუფლებას დაუშვებელი მიზნებისთვის“, - აცხადებენ მეცნიერები.

 

ამავე დროს, ნებისმიერ ხელოვნურ ინტელექტს, თუნდაც ყველაზე სრულყოფილს, სავარაუდოდ ექნება ადამიანის ქცევის მოდელი. ისინი გადაწყვეტილებებს ადამიანების ცოდნის, გამოცდილების, და უნარ-ჩვევების საფუძველზე მიიღებენ. ამ შემთხვევაში წაიშლება ზღვარი ადამიანებსა და რობოტებს შორის. ხელოვნური ინტელექტის გამოყენების ერთ-ერთი პრობლემაა ადამიანის მსგავსი ეთიკური, მორალური, თუ სამართლებრივი ნორმების გამოყენება რობოტებთან მიმართებით. „იურისპრუდენციის და მორალის თვალსაზრისით, ხელოვნური ინტელექტი არის მანქანა ან პროგრამა, რომელიც შექმნა და დააპროგრამა ადამიანმა, ამიტომ ამ პრობლემის განხილვა შეუძლებელია ეთიკური ასპექტის გათვალისწინების გარეშე, რადგან დღეს რობოტები უკვე მოქმედებენ ადამიანის გარეშე. მათი დამოუკიდებლობა ადამიანისგან გაიზრდება ყოველწლიურად, და ჩვენ ამას უკვე ვხედავთ“, - ამბობს კარნეგის უნივერსიტეტის რობოტოტექნიკის ინსტიტუტის პროფესორი ჰენი ადმონი.

 

 

წყარო: kommersant.ru

 



„საქართველო „მას-ტურიზმისგან“ არ უნდა დაზარალდეს“ - როგორ უნდა მოიზიდოს ქვეყანამ მაღალბიუჯეტიანი ტურისტები

„საქართველო „მას-ტურიზმისგან“ არ უნდა დაზარალდეს“ - როგორ უნდა მოიზიდოს ქვეყანამ მაღალბიუჯეტიანი ტურისტები
person access_time2018-04-25 15:37:40
საქართველოში ტურისტების რაოდენობა იზრდება, თუმცა მათი უმეტესობა დაბალბიუჯეტიანია. როგორც „ბიზნესპრესნიუსთან“ საუბრისას შემომყვან ტურ-ოპერატორთა ასოციაციის თავმჯდომარემ ია თაბაგარმა განაცხადა, დაბალბიუჯეტიანი ტურისტები ძირითადად აზერბაიჯანიდან, სომხეთიდან, რუსეთიდან, ინდოეთიდან და არაბული ქვეყნებიდან ჩამოდიან.მისი თქმით, დაბალბიუჯეტიანი ტურისტები მაღალბიუჯეტიანებს კვლავ სჭარბობენ, როგორც თითქმის ყველა სხვა ქვეყანაში. „დაბალბიუჯეტიანი ტურისტები კვლავ...

„კომერსანტის“ ექსკლუზივი - დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს

„კომერსანტის“ ექსკლუზივი - დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს
person access_time2018-04-25 13:13:15
დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს. აღნიშნული ინფორმაცია „კომერსანტს“  ექსკლუზიურად თავად სულამანიძემ დაუდასტურა და განუცხადა, რომ  წასვლაზე განცხადება უკვე დაწერა, დაკავებულ თანამდებობას  კი ოფიციალურად  1 მაისიდან დატოვებს.   კითხვაზე, რა მიზეზით დატოვა  მან  დაზღვევის ზედამხედველობის სამსახურის უფროსის თანამდებობა და სად გააგრძელებს საქმიანობას, სულამანიძე აღნიშნავს, რომ...

Bloomberg-ზე 14:00 საათისთვის 1 დოლარი 2,4825 ლარად ივაჭრება

Bloomberg-ზე 14:00 საათისთვის 1 დოლარი 2,4825 ლარად ივაჭრება
person access_time2018-04-25 14:15:00
ეროვნული ვალუტა ბოლო რამდენიმე  დღის განმავლობაში უფასურდება. Bloomberg-ის ელექტრონულ სავაჭრო სისტემაში 1 აშშ დოლარი 14:00 საათისთვის 2,4825 ლარად ივაჭრება. საქართველოს ეროვნული ბანკი ლარის ოფიციალურ გაცვლით კურსს აშშ-ის და ევროს მიმართ 17:00 საათისთვის გამოაქვეყნებს. 24 აპრილს განსაზღვრული კურსით, ერთი დოლარის ღირებულებამ 2.4791 ლარი შეადგინა. არასაბანკო ფინანსურ დაწესებულებათა...

Top-მენეჯერებისგან განსხვავებით, საბანკო სექტორში დასაქმებულთა 99%-ს დაბალი ხელფასი აქვს

Top-მენეჯერებისგან განსხვავებით, საბანკო სექტორში დასაქმებულთა 99%-ს დაბალი ხელფასი აქვს
person access_time2018-04-25 11:35:00
  „ჩემი დამოკიდებულება ბანკებთან დაკავშირებით მიმდინარე დისკუსიის შესახებ: ქვეყნის საფინანასო ბაზრზე ჩამოყალიბდა მონოპოლიური მდგომარეობა (ძირითადად, ბოლო 5 წელიწადში) და შეიზღუდა კონკურენცია. წარმოიქმნა ოთხბანკიანობის პერიოდი. ხელისუფლების ან ხელისუფლებასთან ჩახუტებული 4 ბანკი არის ქართუ, ლიბერთი, ტბს, საქართველოს ბანკი. ეს მთელი საბანკო სისტემის 85 პროცენტზე მეტია. დანარჩენი ბანკები ვერ უწევენ მათ კონკურენციას. ვტბ საერთაშორისო სანქციებშია მოქცეული, როგორც რუსული...

თბილისში პარკინგის მოწყობაზე სამი ლოკაცია დასახელდა და ტენდერიც გამოცხდდა

თბილისში პარკინგის მოწყობაზე სამი ლოკაცია დასახელდა და ტენდერიც გამოცხდდა
person access_time2018-04-25 10:58:01
გეგშიძის ბაღის, რკინიგზის სადგურის და ვარკეთილის მეტროს მიმდებარედ მიწისქვეშა პარკინგები მოეწყობა.თბილისის მერიამ საპარკინგე სისტემის მოსაწესრიგებლად ინტერესთა გამოხატვა  3 ლოკაციაზე გამოაცხადა.  შერჩეულ კომპანიას მიწა 1 ლარად გადაეცემა. პროექტი ჯამში 715 საპარკინგე ადგილის მოწყობას ითვალისწინებს.  „გაიმარჯვებს კომპანია, რომელიც მეტ საგარანტიო უზრუნველყოფას შესთავაზებს მუნიციპალიტეტს. მზად ვართ ბიზნესთან მჭიდრო ურთიერთობით შევქმნათ...


მსგავსი სიახლეები