„მოუწესრიგებელი ტროტუარებით და პარკით ტურისტს ვერ დააინტერესებ“

access_time2017-09-08 09:00:54

მთის კურორტებზე ტურისტული სეზონი დასასრულს უახლოვდება - „კომერსანტი“ დაინტერესდა როგორი სიტუაცია იყო რეგიონებში მდებარე ბრენდულ და საოჯახო სასტუმროებში. როგორც ირკვევა, აჭარის რეგიონში ჩასული ტურისტების მსგავსად, მთის კურორტებზეც სტუმრებისთვის მთავარი პრობლემა ინფრასტრუქტურის გაუმართაობაა. 

 

სასტუმროების ერთი ნაწილი ტურისტების რაოდენობის ზრდაზე საუბრობს, ხოლო მეორე ნაწილი - კლებაზე. შესაბამისად, საზაფხული სეზონის შეფასებაც არაერთგვაროვანია.

 

ბაკურიანში მდებარე საოჯახო სასტუმრო „Etalasi“-ს მფლობელი ედუარდ ღანდოიანცი ტურისტების რაოდენობის 30%-იან კლებაზე საუბრობს და აღნიშნავს, რომ სტუმრები მოუწესრიგებელ ინფრასტრუქტურას და გასართობი ადგილების არარსებობას უსვამენ ხაზს.

 

„ამინდები ცუდი იყო. ძირითადად ციოდა და სეზონი ხანმოკლე გამოვიდა. ამ ყველაფერს კი ხანძარი დაერთო და ბაკურიანიდან ხალხი წავიდა. შარშანდელ ანალოგიურ პერიოდთან შედარებით, როგორც ქართველი, ასევე უცხოელი ტურისტების რაოდენობამ 30%-ით იკლო.

 

ტურისტები ხშირად საუბრობენ იმაზე, რომ ბაკურიანში ინფრასტრუქტურა მოსაწესრიგებელია. საზაფხულო სეზონზე მშენებლობები არ უნდა მიმდინარეობდეს. ასევე გზა, ტროტუარები და პარკი მოუწესრიგებელია. ტურისტს ამით ვერ დააინტერესებ“, - განაცხადა ედუარდ ღანდოიანცმა.

 

ტურისტების რაოდენობის კლებაზე საუბრობენ მესტიაში მდებარე სასტუმრო „Tetnuld“-შიც. როგორც სასტუმროს წარმომადგენლი მეგი ხოჯოვანი განმარტავს, სასტუმროში წელს, 2016 წლის ანალოგიურ პერიოდთან შედარებით, ტურისტების 10%-იანი კლება იყო. „ტურისტებს ძირითადი პრობლემა შიდა გზებზე ხვდებათ და ამას აღნიშნავენ. მესტიაში არ არის გასართობი ადგილები და გარემოც დაბინძურებულია. ტურისტების კლებას ინფრასტრუქტურული პრობლემებიც იწვევს, ასევე მესტიაში დასვენება ძვირია და ამაზეც ხშირად საუბრობენ“, - ამბობს ხოჯოვანი.


 

განსხვავებული სიტუაციაა სასტუმრო „Crowne Plaza Borjom“-ში. როგორც „კომერსანტთან“ სასტუმროს პიარისა და მარკეტინგის მენეჯერმა ნატუკა ასათიანმა განაცხადა, შარშანდელ ანალოგიურ პერიოდთან შედარებით ტურისტების რაოდენობა დაახლოებით 30%-ით გაიზარდა.

 

„წლევანდელ საზაფხულო სეზონს დადებითად შევაფასებდი, რადგან შარშანდელ ანალოგიურ პერიოდთან შედარებით ტურისტების რაოდენობა დაახლოებით 30%-ით გაიზარდა. ზრდა გამოიწვია იმან, რომ რეგიონი მეტად პოპულარული გახდა.

 

სტუმრების ძირითადი მოთხოვნა ფასების ხელმისაწვდომობა და მეტი გასართობი ადგილია. მათ სურთ, რომ მხოლოდ ბორჯომის პარკში სეირნობით არ იყვნენ დაკავებულები“, - აღნიშნა ნატუკა ასათიანმა.

 

იმოქმედა თუ არა, ბორჯომის ხეობაში მასშტაბურმა ხანძარმა, ბორჯომში დამსვენებლების რაოდენობაზე, როგორც ასათიანი ამბობს, „Crowne Plaza Borjom“-ში არაფერი შეცვლილა და სტუმრებს ჯავშნებიც არ გაუუქმებიათ.

 

ბაკურიანის სხვა სასტუმროსგან განსხვავებით, წელს ტურისტების რაოდენობის 10-15%-იანი ზრდა შეინიშნებოდა ბაკურიანის საოჯახო სასტუმრო „Anamaria“-ში.

 

„წლევანდელ სეზონს დადებითად შევაფასებდი, რადგან 2016 წლის ანალოგიურ პერიოდთან შედარებით ტურისტების რაოდენობამ დაახლოებით10-15%-ით იმატა. თუმცა, ბაკურიანში ხანძარმა და მიმდინარე მშენებლობებმა, ორი კვირის განმავლობაში, ბიზნესს ხელი მაინც შეუშალა. აქ ჩამოსული ყველა დამსვენებელი საუბრობს იმაზე, რომ ინფრასტრუქტურა უნდა განვითარდეს“, - განმარტა მაკა შემაზაშვილმა.  

 

 ავტორი: ლიკა გურაბანიძე

 

  



869,7 მილიონი ლარი ერთ წელიწადში - კომერციული ბანკების წმინდა მოგება რეკოდრულად გაიზარდა

person access_time2018-01-19 12:00:45
დეკემბერში კომერციული ბანკების წმინდა მოგება 152 563 000 ლარით გაიზარდა. შესაბამისად, 2017 წლის იანვარ-დეკემბერში ბანკების წმინდა მოგებამ 869 798 000 ლარი შეადგინა, რაც 28%-ით, 190,6 მილიონი ლარით მეტია წინა წლის ანალოგიურ პერიოდთან შედარებით. 2016 წლის იანვარ-დეკემბერში კომერციულმა ბანკებმა 679 101 000 ლარის წმინდა მოგება მიიღეს.     რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა დეკემბერში ბიუჯეტში...

„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

ფინელი მეცნიერები ლუდომანიის სამკურნალო სპრეის შექმნაზე მუშაობენ

person access_time2018-01-19 13:00:22
ფინეთის ჯანმრთელობის და კეთილდღეობის ინსტიტუტის მეცნიერები მუშაობენ წამალზე, რომელიც ლუდომანებს, ანუ აზარტულ თამაშებზე დამოკიდებულ ადამიანებს მავნე ჩვევისგან განკურნავს. ეს იქნება ცხვირის სპრეი, რომლის აპრობირება 30-მა მოხალისემ უკვე გაიარა.   ეს არ არის ფინელი მეცნიერების პირველი მცდელობა - ადრე ისინი ცდილობდნენ ლუდომანიის მკურნალობას აბებით, თუმცა ამ იდეამ წამლის ნელი მოქმედების გამო არ გაამართლა.   „მოთამაშეები ძალიან აზარტულები არიან. სურვილი...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...


მსგავსი სიახლეები