რა ღირს უმაღლესი განათლების მიღება საზღვარგარეთის ყველაზე პრესტიჟულ სასწავლებლებში?

access_time2017-09-06 22:00:00

აშშ არა მხოლოდ ყველაზე სასურველი, არამედ ამავე დროს, ყველაზე ძვირადღირებული ქვეყანაა განათლების მიღების კუთხით.

 

ამერიკული უმაღლესი განათლების მიღება წელიწადში საშუალოდ 25 000 დოლარი ღირს. თუმცა ყველაზე პრესტიჟული უმაღლესი სასწავლებლები - მასაჩუსეტსის ტექნოლოგიების ინსტიტუტი, ჰარვარდი, სტენფორდი, იელი, კალიფორნიის ტექნოლოგიური ინსტიტუტი - გაცილებით უფრო ძვირია - ბაკალავრიატის ღირებულება 47 000-დან 66 000 დოლარამდე მერყეობს.

 

ამავე დროს, განათლების მიღება ნაკლებად პრესტიჟულ, რიგით ამერიკულ უნივესიტეტებში გაცილებით უფრო იაფია - მაგალითად, ფლორიდის უნივერსიტეტში სწავლის ღირებულება შეადგენს 7000 დოლარს წელიწადში.

 

ბრიტანეთის უნივერსიტეტები ამერიკულთან შედარებით უფრო იაფია, თუმცა მაინც ძვირია - ბაკალავრის ხარისხის მიღება გაერთიანებულ სამეფოში ღირს მინიმუმ 11 600 დოლარი წელიწადში. მაგისტრატურა უფრო ძვირი - 23 300 დოლარიდან.

 

ცალკე თემაა 3 ბრიტანული უმაღლესი სასწავლებელი, რომელიც შედის მსოფლიო ათეულში - კემბრიჯი, ოქსფორდი, და ლონდონის საუნივესიტეტო კოლეჯი - იქ ბაკალავრიატი  წელიწადში 18 600-დან 24 000 დოლარამდე ღირს. მაგისტრატურის ღირებულებაც ამავე ფარგლებში მერყეობს.

 

რამდენიმე ევროპულ ქვეყანაში - ჩეხეთში, საფრანგეთში და გერმანიაში - უმაღლესი განათლება უფასოა, იმ შემთხვევაში თუ სწავლა მიმდინარეობს ადგილობრივ ენაზე. სტუდენტს  ყოველ სემესტრში 150-დან 1500 ევრომდე გადახდა მოუწევს იმისთვის, რომ გახდეს სტუდენტური კავშირის წევრი  - ეს სასწავლებლების სასადილოებში და მუნიციპალურ ტრანსპორტში, ფასდაკლებების მიღების  და  საუნივერსიტეტო ბიბლიოთეკებში მუშაობის  საშუალებას იძლევა.

 

უფასო ინგლისურენოვანი განათლების მიღება შესაძლებელია ნორვეგიაში, ცალკეული ინგლისურენოვანი პროგრამები ასევე მოქმედებს გერმანიის უმაღლეს სასწავლებლებში. თუმცა, ეს ეხება მხოლოდ მეორეხარისხოვან სასწავლებლებს - ევროპის მოწინავე უნივერსიტეტებში უფასო განათლება გათვალისწინებული არაა.

 

თუმცა მაშინაც კი, როდესაც განათლება უფასოა, აბიტურიენტს სტუდენტური ვიზის მისაღებად მთელი სასწავლო წლისათვის უნდა გააჩნდეს გარკვეული თანხა ანგარიშზე - გერმანიაში მინიმუმ 8 700 €, საფრანგეთში - 7 400 €,  შვედეთში 10 000 €, ფინეთში 7000 €, ესტონეთში - 5000 €.

 

ასევე, ყველა უნივერსიტეტი მოითხოვს კანდიდტებისგან უცხოური ენის ფლობის დამადასტურებელ სერტიფიკატს .

 

მატერიალური მხარდაჭერის მიღება განათლების ხარჯების დასაფინანსებლად შეიძლება სხვადასხვა დონეზე. გრანტებს და სტიპენიდებს გასცემენ  ქვეყნების და რეგიონების მთავრობები, საერთაშორისო სასაწვლო ცენტრები, საქველმოქმედო ფონდები, კერძო  ორგანიზაციები და ბოლოს - თავად უნივერსიტეტები.

 

გრანტების გაცემის ერთ-ერთი ყველაზე მოქნილი სისტემა მოქმედებს შეერთებულ შტატებში - მაგალითად, გათვალისწინებულია მატერიალური მხარდაჭერის პროგრამა ხელმოკლე სტუდენტებისთის  (need-based scholarships) – თუ ოჯახის წლიური შემოსავალი არ აღემატება 65 000 დოლარს , სტიპენდია მთლიანად ფარავს მის საგანმანათლებლო ხარჯებს. თუმცა, ეს პროგრამა ძირითადად ეხება აშშ-ს მოქალაქეებს და არც თუ ისე ხშირად აფინანსებს უცხოელებს.

 

ამერიკაში ასევე მოქმედებს ბევრი სხვა პროგრამა, მათ შორის უცხოელი სტუდენტებისთვის - მაგალითად  Fulbright,  რომელიც ფარავს სტუდენტის ყველა დანახარჯებს და ასევე უხდის  სტიპენდიას - 2 500 - 3000 დოლარს თვეში.

 

საკუთარ პროგრამების სთავაზობენ სტუდენტებს ამერიკული უმაღლესი სასწავლებლები - მაგალითად, ჰარვარდის სტუდენტების 50% იღებს დახმარებას უნივერსიტეტისგან. თუ სტუდენტის ოჯახის შემოსავალი არ აღემატება წელიწადში 65 000 დოლარს,  უნივერსიტეტი მთლიანად ფარავს მის სასწავლო ხარჯებს.

 

ბრიტანეთში უძველეს სტიპენდიად ითვლება Chevening  - ეს არის ერთადერთი ფინანსური დახმარების პროგრამა, რომელიც ხელმისაწვდომია უცხოელებისთვის, ის ფარავს  არა მხოლოდ სწავლის გადასახადს, არამედ სატრანსპორტო და საცხოვრებელ ხარჯებს.

 

ბევრი ბრიტანული უმაღლესი სასწავლებელი სწავლას ნაწილობრივ აფინანსებს - 30%-დან 70%-მდე, თუმცა დაფინანსების მიღებაზე  განაცხადი მიიღება მხოლოდ კონკრეტულ უნივერსიტეტში ჩარიცხვის შემდეგ.

 

საერთაშორისო გრანტების ყველაზე ცნობილი ევროპული პროგრამაა Erasmus+, რომელიც აფინანსებს ბაკალავრიატს, მაგისტრატურას, მოკლევადიან სასწავლო პროგრამებს. ბენეფიციარებს უნაზღაურდებათ არა მხოლოდ სწავლის, არამედ ტრანსპორტირების და ცხოვრების დანახარჯები.

 

ასევე გათვალისწინებულია ერთჯერადი სტიპენდია პირველადი საყოფაცხოვრებო ხარჯებისთვის.

 

ყველა ქვეყანაში არსებობს თავისი საგრანტო ორგანიზაციები და უმაღლესი სასწავლებლების სტიპენდიები - შვედური Visby, გერმანული  DAAD,  პორტუგალიური Bolsas de estudo, და მრავალი სხვა. მათი დიდი ნაწილი მუშაობს როგორც ადგილობრივი, ასევე უცხოელი სტუდენტებისათვის.

 

 

rbc.ru

 



Bloomberg-მა 2017 წლის საუკეთესო ბიზნეს სკოლები დაასახელა

person access_time2017-11-18 12:30:40
Bloomberg ამერიკის საუკეთესო ბიზნეს სკოლების ყოველწლიურ რეიტინგს აქვეყნებს. ზედიზედ მესამე წელია სიის სათავეში Harvard ხვდება. მიმდინარე წელს რეიტინგში პოზიციები გაიუმჯობესეს პენსილვანიის უნივერსიტეტმა და MIT -მა. რეიტინგის შედეგენისას შემდეგი კრიტერიუმები გამოიყენეს: კურსდამთავრებულების და სტუდენტების სამეცნიერო მიღწევები; კურსდამთავრებულების დასაქმების მაჩვენებელი და მათი საშუალო ანაზღაურება. Columbia Business School-ის კურსდამთავრებულები სწავლის...

სად არის თქვენს მიერ დაანონსებული გაზრდილი ინვესტიციები ბატონო გიორგი?

person access_time2017-11-18 11:00:18
„2017 წლიდან ლარი ისე გამყარდება, რომ ეროვნულ ბანკს მიჯნის დადება მოუწევს“, — ამის შესახებ საპარლამენტო უმრავლესობის დეპუტატმა, გიორგი გაჩეჩილაძემ 2016 წლის ნოემბერში მთავრობის ახალი შემადგენლობის პარლამენტში მოსმენისას განაცხადა . ამასთან, გიორგი გაჩეჩილაძემ მთავრობის ახალ შემადგენლობას კითხვაც დაუსვა, თუ როგორ შეძლებენ მომავალში გამყარებულ ლარზე ზღვარის დაწესებას. მაშინ „მწვანეთა პარტიის” ლიდერმა, გიორგი გაჩეჩილაძე ისიც განაცხადა, რომ მომავალ წელს...

თბილისის საკრებულომ დედაქალაქის მთავრობა დაამტკიცა

person access_time2017-11-17 18:46:40
თბილისის საკრებულოში რიგგარეშე სხდომა გაიმართა, რომელსაც წარმომადგენლობითი ორგანოს თავმჯდომარე გიორგი ტყემალაძე უძღვებოდა. სხდომაზე ვიცე - მერობის კანდიდატმა, ირაკლი ხმალაძემ საკრებულოს წევრებს მერის მოადგილეების, საქალაქოს სამსახურების ხელმძღვანელებისა და გამგებლების ახალი შემადგენლობა წარმოუდგინა.   დეპუტატების უმრავლესობამ ვიცე-მერს ირაკლი ხმალაძეს, მერის მოადგილეებს: მაია ბითაძეს, ირაკლი ბენდელიანს და გიგა ნიკოლეიშვილს, ასევე დედაქალაქის მთავრობას...

The New York Times – ავწიოთ ჭიქა საქართველოსთვის, რომელიც მეღვინეობის აკვანია

person access_time2017-11-17 20:30:20
ავწიოთ ჭიქა საქართველოსთვის, რომელიც მეღვინეობის აკვანი შეიძლება იყოს, – ამ სიტყვებით იწყებს The New York Times საქართველოს შესახებ გამოქვეყნებულ სტატიას სათაურით, „8 000 წლის დაძველების ღვინო პრეისტორიული ხანის საქართველოდან“. გამოცემა წერს, რომ „ქვეყანა, რომელიც ევროპასა და შუა აზიას შორის, სამხრეთ კავკასიის მთების გასწვრივ გაშლილ ნაყოფიერ ველებზეა გადაჭიმული, შეიძლება იყოს იმ ადამიანების სამშობლო, რომლებმაც ჩვეულებრივი ვაზის კულტივირება შეძლეს და საფუძველი ჩაუყარეს შარდონეს,...

კობა გვენეტაძის შემდეგ პარლამენტში შესაძლოა, ფინანსთა სამინისტროს წარმომადგენელიც დაიბარონ

person access_time2017-11-18 10:00:14
ეროვნული ვალუტის ბოლოდროინდელ რყევებთან და გაუფასურებასთან დაკავშირებით, ეროვნული ბანკის პრეზიდენტს კობა გვენეტაძეს პარლამენტში იბარებენ.გვენეტაძეს პარლამენტის საფინანსო-საბიუჯეტო კომიტეტში 27 ნოემბერს მოუსმენენ. რაც შეეხება ლარის კურსს, ბოლო ერთი თვის განმავლობაში ლარი უკვე რამდენიმე პუნქტით გაუფასურდა. 18 ნოებრისთვის დადგენილი ოფიციალური გაცვლითი კურსით, ერთი დოლარი 2.7268 ლარი ღირს. როგორც საპარლამენტო უმრავლესობის წევრი...


მსგავსი სიახლეები