ტურისტები აჭარაში დაბინძურებულ სანაპირო ზოლზე და არასაკმარის ინფრასტრუქტურაზე საუბრობენ

access_time2017-09-06 10:00:22

ზღვისპირა ქალაქებში ტურისტული სეზონი დასასრულს უახლოვდება. „კომერსანტი“ დაინტერესდა, თუ როგორი სიტუაცია იყო სეზონზე აჭარის რეგიონში მდებარე ბრენდულ და საოჯახო სასტუმროებში.

 

აღმოჩნდა, რომ სასტუმროებში, წელს 2016 წლის ანალოგიურ პერიოდთან შედარებით მომატებული იყო, როგორც უცხოელი, ასევე ქართველი სტუმრების რაოდენობა. სასტუმროების წარმომადგენლები წლევანდელ საზაფხულო სეზონს დადებითად აფასებენ, თუმცა აღნიშნავენ, რომ მათთან დასასვენებლად ჩამოსული ტურისტები ძირითადად სანაპირო ზოლზე დაბინძურებულ გარემოსა და შესაბამისი ინფრასტრუქტურის არარსებობაზე მიუთითებდნენ.

 

როგორც „კომერსანტთან“ საუბრისას ციხისძირში მდებარე სასტუმრო Castello Mare-ს გაყიდვებისა და მარკეტინგის სამსახურის ხელმძღვანელი მარიამ კედელაძე აცხადებს, წელს შარშანდელ ანალოგიურ პერიოდთან შედარებით უცხოელი ტურისტების რაოდენობამ დაახლოებით 40%-60%-ით იმატა. კედელაძის თქმით, სასტუმროდან გარეთ გასულ ტურისტს რეალურად არაფერი ხვდება. 

 

„წლევანდელი საზაფხულო სეზონით საკმაოდ კმაყოფილები ვართ. Castello Mare-სთვის ეს მეორე წელი იყო და რა თქმა უნდა ჩვენთვის წარმატებული აღმოჩნდა. Castello Mare -ს ძირითადად პოსტსაბჭოთა სივრციდან და არაბული ქვეყნებიდან სტუმრობენ. რაც შეეხება ქართველ სტუმრებს, ჩვენს სასტუმროში დამსვენებელთა 30% ქართველი ტურისტია. 

ჩვენი სასტუმროდან გამოსული ადამიანი ბათუმში მიდის, რადგან ციხისძირში შესაბამისი ინფრასტრუქტურა არ არის. სასტუმროს მიმდებარე ტერიტორიაზე არც გასართობი ადგილია და არც რესტორანი. რეალურად შენობიდან გასულ ადამიანს გარეთ არაფერი ხვდება.

 

რაც შეეხება სერვისების გაუმჯობესებას, ჩვენ ამ დრომდე 16 წლამდე ბავშვებს სასტუმროში არ ვიღებდით, ამიტომ იმ ინფრასტრუქტურას განვავითარებთ რაც მომავალ წელს ბავშვების მიღების საშუალებას მოგვცემს. ასევე გამაჯანსაღებელ ცენტრში მრავალი სიახლის დამატებას ვგეგმავთ“, - განაცხადა მარიამ კედელაძემ.

 


ქობულეთში მდებარე სასტუმრო Georgia Palace-ის PR მენეჯერი რუსუდან ცეცხლაძე განმარტავს, რომ „2017 წლის ზაფხული წარმატებული სეზონი იყო, სტუმრების რაოდენობის თვალსაზრისით“. ცეცხლაძე უცხოეული ტურისტების რაოდენობაზეც საუბრობს და აღნიშნავს, რომ სასტუმროს ყველაზე მეტი სტუმარი რუსეთიდან, უკრაინიდან და ყაზახეთიდან ჰყავდა.

 

სასტუმრო Radisson Blu Batum-ს საზოგადოებასთან ურთიერთობის და მარკეტინგის მენეჯერი სალომე წოწორია ამბობს, რომ მათ სასტუმროზე კვლავ დიდი მოთხოვნაა.

 

„საზაფხულო სეზონს აბსოლუტურად პოზიტიურად შევაფასებ. სასტუმრო სრულად იყო დატვირთული და ამჟამადაც დაჯავშნილია ნომრები. ჩვენ სტუმრები სხვადასხვა ქვეყნიდან გვყავდა. მათ შორის: რუსეთიდან, თურქეთიდან, ისრაელიდან და ირანიდან. ყოველ წელს სასტუმრო დიდი დატვირთვით მუშაობს და ჩვენი გუნდი ამისთვის ყოველთვის მზადაა“, - აღნიშნა სალომე წოწორიამ.

 

ბრენდული სასტუმროების მსგავსად წლევანდელ სეზონს საოჯახო სასტუმროებიც დადებითად აფასებენ, თუმცა ჩვენთან საუბრისას სასტუმროს მფლობელები აცხადებენ, რომ ტურისტები ძირითადად სანაპირო ზოლზე ინფრასტრუქტურის უკეთ კეთილმოწყობაზე საუბრობდნენ.

 

როგორც სასტუმრო „Guest House Agmashenebeli street 824“-ში განაცხადეს 2017 წლის ზაფხული შარშანდელს ჯობს. „გვყავს როგორც უცხოელი ასევე ქართველი ტურისტები. წელს ჩვენთან ჩამოსული ტურისტების 30%-ი უცხოელი იყო. შარშანდელ ანალოგიურ პერიოდთან შედარებით რაოდენობა მომატებულია“, - გვითხრა სასტუმროს წარმომადგენელმა ზაზა ზოიძემ.

 

„Guest House Guro“-ს ერთ-ერთი დამფუძნებელი მერი ველიაძე კი აღნიშნავს, რომ ტურისტები წელს მცირე დროით დასვენებას ამჯობინებდნენ, რის მიზეზადაც ტურისტების ფინანსების ნაკლებობას ასახელებს.

 

„წლევანდელ ზაფხულს დადებითად შევაფასებ, თუმცა დამსვენებლები მცირე დროით ისვენებდნენ, რადგან ფინანსურად მეტის საშუალება არ ჰქონდათ. წელს ჩვენთან ჩამოსული ტურისტების 60%-ი უცხოელი იყო. სასტუმროში მოსული სტუმრები ძირითადად სანაპირო ზოლის ინფრასტრუქტურის მოწყობაზე ამახვილებდნენ ყურადღებას. ტურისტების აზრით, სანაპირო ზოლი უფრო კეთილმოწყობილი და დასუფთავებული უნდა იყოს, როგორც ეს სხვა ქვეყნებშია“, - ამბობს მერი ველიაძე.

 

 

ავტორი: ლიკა გურაბანიძე



დავით მესხიშვილი: მთაწმინდაზე მთლიანად ქედის დემონტაჟია დაგეგმილი

person access_time2018-02-23 19:20:53
თბილისში, ნინო ჟვანიას ქუჩაზე კლდეზე მიმდინარე სამუშაოების ამსახველ კადრებს არასამთავრობო ორგანიზაცია საქართველოს ტრანსპორტისა და გზების ასოციაცია ავრცელებს და განმარტავს, რომ მიმდინარე სამუშაოები საფრთხის შემცველია. ასოციაციის თავმჯდომარის, დავით მესხიშვილის განმარტებით, მთაწმინდის ქედის ნგრევის აქტიური სამუშაოები დაახლოებით 1 თვის წინ დაიწყო. ჩვენ გუშინ ადგილზე ვნახეთ ეს პროცესი და უკიდურესად მძიმე სიტუაცია, რადგან მეწყერსაშიში ზონებია და აქ...

მამუკა ხაზარაძე : „ანაკლია სითის“ განაშენიანების პრიორიტეტი საწარმოო, ლოჯისტიკური და სატრანსპორტო ინფრასტრუქტურის განვითარება იქნება

person access_time2018-02-23 18:30:51
 „ანაკლია სითიმ“ ანაკლიის ქალაქგეგმარებითი კონცეფციის კვლევის საერთაშორისო ტენდერში გამარჯვებული კომპანია BuroHappold Engineering-ი წარადგინა. კომპანიას დაევალება მოამზადოს ქალაქ ანაკლიის ეკონომიკური ანალიზი, პროექტის განხორციელებადობის კვლევა და გენერალური გეგმა. ღონისძიება, რომელსაც მთავრობის, დიპლომატიური კორპუსის და ბიზნესის წარმომადგენლები დაესწრნნენ, „ანაკლია სითის" დამფუძნებელმა, მამუკა ხაზარაძემ გახსნა.   როგორც "ანაკლია სითის" დამფუძნებელმა მამუკა...

აშშ რუსეთის სამხედრო-სამრეწველო კომპლექსის კომპანიებს ზღუდავს

person access_time2018-02-23 20:00:58
შეერთებული შტატები ყველანაირად ცდილობს, რომ „ამერიკის მტრების წინააღმდეგ სანქციებით ზემოქმედების“ კანონი (CAATSA) ეფექტური იყოს.  ამისათვის ქვეყნის მთავრობა მთელი მსოფლიოს მასშტაბით ცდილობს, ყველა დაარწმუნოს, რომ არ აწარმოონ ბიზნესი რუსეთის სამხედრო-სამრეწველო კომპლექსის და მასთან დაკავშირებულ კომპანიებთან. „მთელი მსოფლიოს მასშტაბით, ჩვენს ყველა მისიას დავუგზავნეთ შეტყობინებები. მათ უკვე ჩაუტარდათ ინსტრუქციები იმასთან დაკავშირებით, თუ როგორ უნდა...

დასანგრევია თუ არა ახალი შენობები - დეველოპერები სეისმოლოგებს და გეოლოგებს პასუხობენ

person access_time2018-02-23 17:12:52
სამშენებლო ბუმი, რომელმაც დედაქალაქი მთლიანად მოიცვა, შესაძლოა, დამანგრეველი აღმოჩნდეს.  გეოლოგები და სეისმოლოგები იმ საფრთხეებზე საუბრობენ, რომელიც შესაძლოა, ძლიერ მიწისძვრას მოჰყვეს. პრობლემა ქაოტური და უკონტროლო მშენებლობებია. სპეციალისტები ამბობენ, რომ ახლადაშენებული კორპუსების დიდი ნაწილი საშუალო დონის მიწისძვრასაც კი ვერ გაუძლებს. პრობლემა გეოლოგიური დასკვნაა, რომლეიც კორპუსის მშენებლობამდე გაიცემა. გეოლოგიური რევიზია აჩვენებს გრუნტის სახეობას,...

სარესტორნო ბიზნესის მთავარი გამოწვევა მომსახურების ხარისხია

person access_time2018-02-23 16:00:34
დღეს სარესტორნო  ბიზნესი საქართველოში სწრაფად განვითარებადი სფეროა, თუმცა მიუხედავად ასეთი მზარდი ტრენდისა, მომსახურების პრობლემა მაინც მთავარ გამოწვევად რჩება.  რატომ დგას ისევ კითხვის ნიშნის ქვეშ  სერვისი და ხარისხი? რა შეიძლება რესტორნის დახურვის მიზეზი გახდეს და რა უნდა გააკეთოს რესტორატორმა საკუთარი ნიშის მოპოვებისთვის, „კომერსანტი“ დეტალების გასარკვევად თავად რესტორატორებს დაუკავშირდა. როგორც გამოკითხულთა უმრავლესობამ ჩვენთან საუბარში აღნიშნა, ყოველწიურად იზრდება...


მსგავსი სიახლეები