„ლარის რესურსი შეზღუდულია, ბანკები დეპოზიტებზე საპროცენტო განაკვეთებს შეამცირებენ“ – რატომ გაძვირდა ლარში სესხები

access_time2017-08-11 09:30:00

100 000 ლარამდე სესხების გაცემის ვალდებულების შემდეგ, ლარში სამომხმარებლო კრედიტებზე საპროცენტო განაკვეთები გაიზარდა. ეროვნული ბანკის 2017 წლის ივლისის მონაცემებით,   მოკლევადიანი საბანკო კრედიტების საშუალო განაკვეთი ლარში 19,6%-ს შეადგენდა (2016 – 19.2%), უცხოურ ვალუტაში 8.2% (2016  – 8.8%).

 

გრძელვადიანი სესხის წლიური პროცენტი ლარში 16.4%-ს შეადგენს (2016  – 15,9%). აშშ დოლარში წლიური პროცენტი შემცირებულია 11,3%-მდე (2016  – 12,2%).

 

რაც შეეხება კონკრეტულად სამომხმარებლო სესხებს, იანვრიდან ივლისამდე მოკლევადიან სესხებზე განაკვეთი 15,2%–დან 16,7%–მდე გაიზარდა, გრძელვადიან კრედიტებზე კი 14,9%–დან 15,3%–მდე.

 

სამომხმარებლო სესხების პორტფელი 3.08 მლრდ ლარს აღემატება  და 83% გრძელვადიან სესხებზე (2,564 მლრდ) მოდის. აქედან 1.8 მლრდ ლარი (79%) ლარშია  დენომინირებული.

 


ლარში გაცემული სესხებზე საპროცენტო განაკვეთის ზრდას ფინანსისტი, საზოგადოებრივი მაუწყებლის ანალიტიკოსი მერაბ ჯანიაშვილი ლარის რესურსის შეზღუდვას უკავშირებს. მისი განცხადებით, დღეს ბანკებს ლარის მოზიდვა მხოლოდ ეროვნული ბანკიდან სესხების აღების გზით ან/და დეპოზიტების სახით შეუძლია.

 

„მაშინ, როდესაც უცხოური ვალუტის მოზიდვა საგარეო წყაროებიდან შეიძლება. გამომდინარე აქედან მას შემდეგ, რაც 100 000 ლარზე ნაკლები თანხის უცხოურ ვალუტაში სესხად გაცემა აიკრძალა, გაიზარდა მოთხოვნა ეროვნულ ვალუტაზე, რასაც მიწოდებამ ვერ აუბა ფეხი და შესაბამისად, გაიზარდა პროცენტიც. შეგახსენებთ, რომ დღეისათვის დეპოზიტების დოლარიზაციის მაჩვენებელი 70%-ის ფარგლებშია, რა თქმა უნდა, უკვე შემდგომ სესხის ზღვრის 200 000 ლარამდე აწევა საწყის ეტაპზე გამოიწვევს პროცენტების ზრდას, ლარში დენომინირებულ სესხებზე. თუმცა, ეს ასევე დამოკიდებული იქნება დეპოზიტების მოზიდვის ღირებულებაზე, თუ ბანკები უფრო იაფად შეძლებენ ლარის რესურსის მოზიდვას, მაშინ კრედიტებზე პროცენტებიც შემცირებისკენ წამოვა, რაც ნაკლებ სავარაუდოა.  ლარის რესურსი კი ბანკებმა ან ეროვნული ბანკიდან უნდა მოიზიდონ, ან კიდევ დეპოზიტებზე საპროცენტო განაკვეთი შეამცირონ“, – აცხადებს „კომერსანტთან“ საუბრისას მერაბ ჯანიაშვილი.

 

რაც შეეხება ზოგადად ლარში გასაცემი სესხების მოცულობაზე მიღებულ გადაწყვეტილებას, რაც პირველ ეტაპზე 100 000 ლარს შეადგენს, უკვე შემდგომ კი 200 000 ლარამდე გაიზრდება, ჯანიაშვილი სწორს უწოდებს.  

 

„ამ ნაბიჯით ხელისუფლება ცდილობს საზოგადოება დაიცვას სავალუტო რისკებისგან, ადამიანს, რომელსაც კრედიტი აქვს ლარში და მისი შემოსავლებიც ამავე ვალუტაშია აღარ დააზარალებს კურსის ცვლილება და უფრო სტაბილურად იგრძნობს თავს. მაგრამ ამ ნაბიჯს აქვს თავისი მინუსიც, ის გააძვირებს ლარში კრედიტებს“, – დასძინა ჯანიაშვილმა „კომერსანტთან“ საუბრისას.

 

შეგახსენებთ, 100 000 ლარამდე სესხები მხოლოდ  ადგილობრივ ვალუტაში გაიცემა, ახალი რეგულაცია 2017 წლიდან მოქმედებს. 2018 წლიდან კი ეს თანხა 200 000 ლარამდე გაიზრდება.

 

 

კომერსანტი



869,7 მილიონი ლარი ერთ წელიწადში - კომერციული ბანკების წმინდა მოგება რეკოდრულად გაიზარდა

person access_time2018-01-19 12:00:45
დეკემბერში კომერციული ბანკების წმინდა მოგება 152 563 000 ლარით გაიზარდა. შესაბამისად, 2017 წლის იანვარ-დეკემბერში ბანკების წმინდა მოგებამ 869 798 000 ლარი შეადგინა, რაც 28%-ით, 190,6 მილიონი ლარით მეტია წინა წლის ანალოგიურ პერიოდთან შედარებით. 2016 წლის იანვარ-დეკემბერში კომერციულმა ბანკებმა 679 101 000 ლარის წმინდა მოგება მიიღეს.     რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა დეკემბერში ბიუჯეტში...

„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

ფინელი მეცნიერები ლუდომანიის სამკურნალო სპრეის შექმნაზე მუშაობენ

person access_time2018-01-19 13:00:22
ფინეთის ჯანმრთელობის და კეთილდღეობის ინსტიტუტის მეცნიერები მუშაობენ წამალზე, რომელიც ლუდომანებს, ანუ აზარტულ თამაშებზე დამოკიდებულ ადამიანებს მავნე ჩვევისგან განკურნავს. ეს იქნება ცხვირის სპრეი, რომლის აპრობირება 30-მა მოხალისემ უკვე გაიარა.   ეს არ არის ფინელი მეცნიერების პირველი მცდელობა - ადრე ისინი ცდილობდნენ ლუდომანიის მკურნალობას აბებით, თუმცა ამ იდეამ წამლის ნელი მოქმედების გამო არ გაამართლა.   „მოთამაშეები ძალიან აზარტულები არიან. სურვილი...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...


მსგავსი სიახლეები