„საჯარო სამსახურის შესახებ კანონპროექტი საჯარო სამსახურის სისტემაზე არის ორიენტირებული"

person access_time2017-06-30 10:00:06

„პირს, რომელსაც საჯარო სამსახურში მუშაობის დაწყება პირველად სურს, სერტიფიკატის აღება მოუწევს, რომელიც ხუთწლიანი ვადით გადაეცემა", - ამის შესახებ სამართლის დოქტორმა ლევან მოსახლიშვილმა რადიო „კომერსანტის" გადაცემაში „პროფესიონალები" ისაუბრა.

 


მისი თქმით, საჯარო სამსახურის შესახებ ახალი კანონის ამოქმედების შემდეგ, პირს, ვისაც აღნიშნული სერტიფიკატი ექნება, ხუთი წლის შემდეგ გამოცდას განმეორებით იმ შემთხვევაში ჩააბარებს, თუ ამ ხუთი წლის განმავლობაში არ დასაქმდა.

 


„მნიშვნელოვანია სიახლე, რომელიც კანონმდებლობაში შემოდის არის ის, რომ პირმა, რომელსაც პირველად სურს მუშაობა დაიწყოს საჯარო სამსახურში, აუცილებელი იქნება სერტიფიკატი აიღოს შესაბამისი გამოცდების ჩაბარების შემდეგ. ვინაიდან, აღნიშნული კანონი ჯერ ამოქმედებული არ არის, გამოცდების ჩატარების პრინციპი როგორი იქნება, ჯერ არ ვიცით. პირს სერტიფიკატი ხუთწლიანი ვადით გადაეცემა. თუ ამ პერიოდში მუშაობას დაიწყებს, გამოცდის ჩაბარება ხუთი წლის შემდეგ აღარ მოუწევს, მაგრამ თუ ხუთი წლის განმავლობაში დასაქმებული არ იქნება, მაშინ გამოცდას კიდევ ჩააბარებს", - განაცხადა მოსახლიშვილმა.

 


მისივე თქმით, საჯარო სამსახურში საკონკურსო-საატესტაციო კომისიების დაკომპლექტების პრინციპიც შეიცვალა: „თუ აქამდე დაწესებულების ხელმძღვანელიც შეიძლება ყოფილიყო კომისიის თავმჯდომარე, ახლა უკვე ეს პრინციპი აღარ იარსებებს. უფრო მნიშვნელოვანია, რომ სხვა რანგის თანამშრომელიც იყოს ამ პროცესში ჩართული და ისიც იღებდეს გადაწყვეტილებას."


 


მისივე თქმით, საჯარო მოხელეების ყოველწლიური სავალდებულო შეფასება შემოდის.

 


„მთლიანად კანონი გამჭვირვალე და საჯარო სამსახურის სისტემაზეა ორიენტირებული. შემოდის კიდევ ერთი ცვლილება, რაც საჯარო მოხელეების ყოველწლიურ სავალდებულო შეფასებას გულისხმობს. ეს ახლაც არსებობს, თუმცა უფრო ატესტაციის სახით, რომელიც ზოგიერთ დაწესებულებაში არც კი ტარდებოდა ხოლმე. ამიერიდან კი, სავალდებულო გახდება. საუბრებია იმაზეც, რომ შემდგომში თვითშეფასების სისტემაც დაინერგოს",- განაცხადა ლევან მოსახლიშვილმა.

 


ამასთან, მისი ინფორმაციით, საჯარო სამსახურის შესახებ კანონში კიდევ ერთი მნიშვნელოვანი ცვლილება შევა, რაც საჯარო სამსახურში გამოსაცდელი ვადის გაზრდას გულისხმობს.

 


„შრომის კოდექსთან შედარებით, საჯარო სამსახურში გამოსაცდელი ვადა იზრდება, ანუ ვადა ერთწლიანი ხდება. გამოსაცდელი ვადის პერიოდში პირმა ორჯერ არადამაკმაყოფილებელი შედეგი თუ მიიღო, ის შეიძლება გათავისუფლებას დაექვემდებაროს. ეს ალბათ, იმითაც არის განპირობებული, რომ პირი საჯარო სამსახურში, განსხვავებით შრომითი ურთიერთობისაგან, პირდაპირ უვადოდ ინიშნება. შესაბამისად, მასთან მიმართებაში გარკვეული ბერკეტი უნდა არსებობდეს იმისა, რომ შეფასების სისტემა ამ საკითხზეც იყოს დამოკიდებული",- აღნიშნა მოსახლიშვილმა.

 



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები